شكرا لكل من شارك نفر نفر بصراحة فتحتوا أنفسنا للزواج وتجربة قضاء شهر العسل
ملاحظاتكم كلها على عيني وراسي سجلتها .... ونقلتها لصاحب الشأن وهو بدوره طرح المقترحات على * المدام* ولحد الحين مارسو على بر !! وبصراحة طمعت بالمزيد من المقترحات! لانه يمكن والله أعلم باحتاج هلصفحة قريبا لتكون مرجع لي اذا الله سهل
بالنسبة للميزانية المحددة للسفر فالميزانية ممتازة بل أكثر من ممتازة .... لأننا لنا تقليد عائلي ابتكرناه منذ سنوات قليله عقب مازادت دعالة الكويتيات وطلباتهم اللي ماتخلص!!! ...وهي ان الي تبي عرس في أحسن صالة وعند أحسن محلات تجهيز وتنظيم الأفراح الخ مو مشكلة خل تتمتع بليلة أسطورية لكن تغسل ايدها من سفرة شهر العسل وتقعد شهر عسلها في بيتها وفي حر الكويت ! واللي تبي سفره شهر عسل محترمة توافق على الاكتفاء بحفلة عائلية محفوفة بين الأهل .... والمصاريف اللي كان راح يصرفها المعرس على العرس * الأسطوري* تحول كلها إلى خطط السفر وشهر العسل ......
وبالنسبة للعمرة فالبفعل اهم وجهتهم الأولى راح تكون لمكة لأداء عمرة ... ومن بعدها بينطلقون للدولة اللي بيرسون عليها ....
أتمنى ماتبخلون بالمقترحات هل من مزيد ؟؟
الأفضل مكان يجمع بين هلأمور كلها مايكون المكان كله سوقة ومولات ولايكون كله مناظر طبيعية وخالي من السوقة ومعزول .... المعرس يبي الأماكن الترفيهية والمناظر الطبيعية والجو الهاديء الرومانسي والعروس تبي السوقة نبي ديرة توفق مابين هذا وذاك حتى لاتعترض المدام ! السعيدي أتوقع أن المقترحات كلها تجمع وتطرح على المدام ومن ثم تتشاور مع الصاحبات والأهل وتردله خبر وعاد اذا فيه خير خله * يبطل حلجه ويعترض* هو يقول أنا اللي اختار والكلمة الأخيرة لي مو للمدام قلناله ايييييييييييه هيّن !جميع مداخلاتكم وملاحظاتكم ونصائحكم هي محل تقدير ونقلت ما استطعت لصاحب الشأن :وردة:استمتعت بالموقع اللي أورده أحد الاخوة بصراحة الجزيرة شيء خيالي ! وين هلمكان بالضبط كأنه مكتوب تاهيتي؟؟
بوعصام الله يهداك في مرة ماتحب السوقة؟