صدق او لا تصدق !!!

[whahd1]

اول شي انا زعلان على المنتدى الاجتماعي لانه قبل فتره نزلت موضوع وفكرته عاجبتني وبعدها بيومين شفت نفس الفكره بجريده الوطن ومحد رد على موضوعي

ما عليه بسامحكم
المهم

الموضوع فكرته ناقشتها بالدوانيه وعجبتني

نخش بالموضوع

ساعات الواحد تصيرله سوالف وقصص ومن كثر غرابتها ما يقول حق احد لانه مستحيل احد يصدقه يمكن بس الي يمون عليهم حيل يجاملونه ومن داخلهم مو مصدقين

عاد انا قلت الي عنده قصه وشرط انها صجيه لحد يالف ديروا بالكم الي عنده يقول ونشوف منو مصدق ومنو مو مصدق


انا ببدا بقصتين واثنيناتهم بالبحر


القصه الاولى قبل سنتين صارت لابوي الله يحفظه

كان بواجهه المرينا مع اخواني الصغار وشاف هامور كبير حيل ونط بين الصخر ومسكه وشاله مع هندي وحطه بالوانيت او سيده سوق السمج والي يشتغلون بالسوق انصدموا من حجم الهامور
شخصيا شفت صورته وشفته مقطع ولو ما انه ابوي واخواني الصغار يحلفون وشفت ايد ابوي مجروحه جرح خفيف جان ما صدقت

ادري محد مصدق بس القصه صجيه

القصه الثانيه كنا طالعين بحر بالطراد قبل حوالي 5 سنين مو ذاكر السنين بالظبط وشفنا نوع من انواع الحيتان يسمونه الحوت القرشي
وقلت السالفه حق الربع محد صدقني
بعدها بفتره حطو بالجريده انه لاقين واحد بنقعه او بعدها انتشر اميل انه لقو واحد بالخيران وداعمه طراد يعني انا صار عندي دليل

الحين دوركم نبي قصص غريبه وعجيبه ومحد يصدقها بس الامانه مطلوبه

وشدوا حيلكم وكل واحد يعصر مخه

​

 

[joreyaa]

ماشاء الله عليكم.....القصتين فيها أسماك

 

[whahd1]

ماشاء الله عليكم.....القصتين فيها أسماك

اي شنسوي اهل بحر شكرا على مرورج

 

[msh3aab]

فيه سالفة صارت لي وانا صغير تقريبا ١٠ او ١١ سنة للحين اتذكرها .. محد راضي يصدقني

اول ايام العيد كنا نروح بيت جدي ..نفس المنطقة اللي ساكنين فيها بس قطعة ثانية .. وفيه وحده من الاقارب كانت مسحورة او متلبسها جني او شي جذي .. للامانة كنت اخاف منها ..

طبعا انا كنت المطراش بالدوانية .. روح جيب جاي .. روح جيب ماي .. ارقص لنا وما شابه من الطلبات ..
المهم طرشوني اجيب لهم مطارة الجاي .. ولقرادة الحظ والنصيب الاقشر كانت البنت السابق ذكرها اعلاه هي اللي مسويه الجاي ..
المهم .. انا وياها بروحنا بالمطبخ .. عيني بعينها .. وركبتاي تتصافق هلعا .. سألتها "وين الجاي؟" .. ولا يرد علي صوت رجالي خشن "شلونك (فلان)؟" .. انا سمعت الصوت من هني .. وياروح ما بعدك روح .. جني هذا مو لعب .. سنفر بحياتك حبيبي .. والله ما حسيت بنفسي الا انا داخل حمام بيتنا ومقفل الباب .. شلون انحشت شلون وصلت ما ادري ..

طبعا لي اليوم محد مصدقني .. والبنية انكرت الموضوع قالت ما شفته اساسا ..

جزاك الله خير على هالموضوع .. اخيرا طلعت وحده من عقد الطفولة من قلبي

 

[whahd1]

خلاص يا اخوي بدام محد مصدقك انا واحد مصدقك لانك ذاكرها من عمرك 11 سنه اكيد القصه صج

 

[كوجيكا]

فيه سالفة صارت لي وانا صغير تقريبا ١٠ او ١١ سنة للحين اتذكرها .. محد راضي يصدقني

اول ايام العيد كنا نروح بيت جدي ..نفس المنطقة اللي ساكنين فيها بس قطعة ثانية .. وفيه وحده من الاقارب كانت مسحورة او متلبسها جني او شي جذي .. للامانة كنت اخاف منها ..

طبعا انا كنت المطراش بالدوانية .. روح جيب جاي .. روح جيب ماي .. ارقص لنا وما شابه من الطلبات ..
المهم طرشوني اجيب لهم مطارة الجاي .. ولقرادة الحظ والنصيب الاقشر كانت البنت السابق ذكرها اعلاه هي اللي مسويه الجاي ..
المهم .. انا وياها بروحنا بالمطبخ .. عيني بعينها .. وركبتاي تتصافق هلعا .. سألتها "وين الجاي؟" .. ولا يرد علي صوت رجالي خشن "شلونك (فلان)؟" .. انا سمعت الصوت من هني .. وياروح ما بعدك روح .. جني هذا مو لعب .. سنفر بحياتك حبيبي .. والله ما حسيت بنفسي الا انا داخل حمام بيتنا ومقفل الباب .. شلون انحشت شلون وصلت ما ادري ..

طبعا لي اليوم محد مصدقني .. والبنية انكرت الموضوع قالت ما شفته اساسا ..

جزاك الله خير على هالموضوع .. اخيرا طلعت وحده من عقد الطفولة من قلبي

ههههههههههههههههههههههههه

مشاءالله حلو اسلوبك بسرد القصه\ الموقف

مدري ليش صدقت الموقف


يعطيك العافيه ..واحد...
خوش موضوع...^_^
والله قاعده احاول اتذكر موقف بس مو لاقيه
عادي ابوق مو مواقف رفيجاتي؟

 

[whahd1]

اي بوقي عادي مو شرط تكون قصدتج بس انه انتي تكونين مصدقتها وحاولي تتذكرين

 

[Goethe]

اتذكر لما كان عمري 11 سنه كنت اتمشى فبراحة بيتنا والمهم وانا اتمشى جان يهب هوا قووووي وللعلم كنت اتمشى في جابر العلي ماوعيت ألا وانا بالنزهه من قوة الهوااا اللي طيرني . ورديت تأشيره ومحد مصدقني للحين

 

[whahd1]

بعدين قعدت من النوم ادري ادري صارت فيني من قبل

اخوي الموضوع من عن دوانيه الجذابين ههههههههه

 

[ريما القمر]

فيه سالفة صارت لي وانا صغير تقريبا ١٠ او ١١ سنة للحين اتذكرها .. محد راضي يصدقني

اول ايام العيد كنا نروح بيت جدي ..نفس المنطقة اللي ساكنين فيها بس قطعة ثانية .. وفيه وحده من الاقارب كانت مسحورة او متلبسها جني او شي جذي .. للامانة كنت اخاف منها ..

طبعا انا كنت المطراش بالدوانية .. روح جيب جاي .. روح جيب ماي .. ارقص لنا وما شابه من الطلبات ..
المهم طرشوني اجيب لهم مطارة الجاي .. ولقرادة الحظ والنصيب الاقشر كانت البنت السابق ذكرها اعلاه هي اللي مسويه الجاي ..
المهم .. انا وياها بروحنا بالمطبخ .. عيني بعينها .. وركبتاي تتصافق هلعا .. سألتها "وين الجاي؟" .. ولا يرد علي صوت رجالي خشن "شلونك (فلان)؟" .. انا سمعت الصوت من هني .. وياروح ما بعدك روح .. جني هذا مو لعب .. سنفر بحياتك حبيبي .. والله ما حسيت بنفسي الا انا داخل حمام بيتنا ومقفل الباب .. شلون انحشت شلون وصلت ما ادري ..

طبعا لي اليوم محد مصدقني .. والبنية انكرت الموضوع قالت ما شفته اساسا ..

جزاك الله خير على هالموضوع .. اخيرا طلعت وحده من عقد الطفولة من قلبي

ههههههههههههههههههههههههه

والله إنت اللي الله يجزاك خير

ضحكتني​

 

[msh3aab]

طبعا مشاركتي السابقة عبارة عن صاروخ ارض - جو .. بس طلع فشنك صدتوه بسرعة
متأسف جدا خربت موضوعك الجميل .. بس تدري الواحد الفجر يكون "ممزج" وفاضي .. والله لو صايرة صج جان مو واصل بيتنا .. الا للحين اركض

ما يستفاد من القصة .. "سوالف الفجر .. اخذ وخل "

الساعة الحين ٣ .. تبون سالفة ثانية؟ خخخخخخخ

 

[كوجيكا]

طبعا مشاركتي السابقة عبارة عن صاروخ ارض - جو .. بس طلع فشنك صدتوه بسرعة
متأسف جدا خربت موضوعك الجميل .. بس تدري الواحد الفجر يكون "ممزج" وفاضي .. والله لو صايرة صج جان مو واصل بيتنا .. الا للحين اركض

ما يستفاد من القصة .. "سوالف الفجر .. اخذ وخل "

الساعة الحين ٣ .. تبون سالفة ثانية؟ خخخخخخخ

هههههههههههههههههههههههههههههههههه

والله بعثت البهجه والبسمه بصاروخك
اي والله ياليت سالفه ثانيه...
او في اقتراح ثاني
عشان لا يخترب موضوع زميلنا " واحد"
شرايك تفتح موضوع وتسميه" سوالف الفجر" وكل يوم تقول لنا قصه
ههههههههههههههههههههههههههههههههه

تحياتي
:وردة:

 

[msh3aab]

سعيد جدا كون صاروخي المتواضع رسم البسمة على وجهك .. عسى دوم يا رب ..
بس ما ينفع موضوع خاص .. بتصير الدزة واضحة ومالها طعم .. حلاتها جذي داشة عرض في موضوع غير مشبوه

ترقبي مواضيع ومشاركين الفجر .. لاحظت ان موضة "اخذ وخل" منتشرة في منتدانا العزيز

تحياتي لج ..

 

[whahd1]

صاروخك حلو

تبون الصج سمعت صواريخ اقوا منه في جم واحد اعرفهم يقولون اكثر من جذي المشكله اني ما جاملتهم ولا مرا هههههههه