قصيدة خالدة (عام 1901) حمود البدر

[عبدالعزيز المطيري]

قصيدة كثيرا ما تستوقفني قيلت قبل موقعة الصريف عام 1901...


ياراكبين اكوار ست تبارا*** فج النحور فحاز ما بين الازوار
قطم الفخوذ امعلكمات الفقارا***كوم على كيم من القفر ضمار
جن من شرار من ضرايب شرارا***عوص النضا العيرات ماجن بحوار
فتل العضود وفالعضا ماتجارى ***قطع الريادي ريد حسكات الاوبار
زرفالهن بين الجري والطيارا*** لولا اللواحي عانقن رقط الاطيار
محلا مدناهن لهن احتكارا*** الواقي الله يوم مسا بميثار
مثل النعام ان ذير ثم استذارا ***وجه على فج يبي فيه معبار
فيلا انتحيتوا والظلال استدارا*** مقدار ياذربين الايمان مقدار
توليم بن حاكم به ابهارا ***ماجوبكم من الشا ذلي حين يندار
وسيروا معشاكم وسجوا*** سهارى وغب السرى يلفابكم دار من دار
ريف الضيوف ودار ستر العذارى ***عبد العزيز الشمري سر وجهار
تلقون زين زاهي باعتبارا*** كار لاخونوره وحنا لنا كار
فان سال عنا في جنان تجارا*** ماهمنا كيل المشارع والاسعار
في عشب خد زايف بالخضارا*** في روضة التنهات ناوين ميثار
مسناد مايطري عليه انحدارا*** مع رادة المعبود قضاي الاوطار
قولوا وصاة محمد بالقرارا ***نسيتها سجيت ياعمس الابصار
ناهيك عن طامي غزير بحارا*** يوم هدى الطوفان طياش الابحار
وانذرك عن ثورة قوي المثارا*** اللي الى من ثار تهتز الاقطار
تيار فوار الخطر ينتدارا ***مير انت منتب يم حسنات الاشوار
اغواك مشئوم شعب لك ونارا ***وما اظن ابوماجد رضى منك ماصار
يدنى لك القرناس وانت توارا **حيثك خبير وداري يدك والجار *
طاوعت من لاباع معكم وشارا*** وما طعت من رويان راي وتدبار
مرحوم يامن زارنا واستخارا*** واعذر وعاف من السهم وابدا الاعذار
من شيدوا برزان حايل قفارا ***قبلك تراهم قطعوا دشن الاكوار
مر حكي مر هدن مااستشارا ***مااهبلك يامن لاتميز بالاشوار
العبد له بالشايتين اختيارا ***ولله فينا ما يريده ويختار
ومن لا يجير الله فلاهو مجارا *** مير السبب دالوب ديراة الافكار
صفوةصباح التغلبي مايمارا ***ولا ينتحارش لا وعلام الاسرار
مقدم ربوع لبس اهلها النمارا *** كم بذت الحكام شكواة الاشرار
لولب قفول معضلات عسارا *** فاروع من في هامته زوم واسطار
ومن سير القطبين بالله وسارا *** وجاله مع القبله مواثيق واخبار
يطول هرجي واقصره بختيارا ***تراه جاك مثل السيل طمام الاوعار
معنا من المخلوق جند ونارا *** مقعد صغا العايل حجى الدار واجدار
امبارك اللي بناظره لون نارا ***طير السعد مع مقدمه وين ماسار
والا علينا يجهلون الامارا *** منا ومنكم من هواديم الاعمار
انتم كما ضلع قوي حجارا ***وحنا كما نجم على الضلع حدار
وانتم حرار من مواكر حرارا*** وحنا ترانا من صواريم سنجار
وان كانكم شرهين وابكم ***نمارا حنا بناظر ضدنا الشر مسمار
علوا يمين وكل يام يسارا *** وان كنت كره اشرب قراطيع الامرار
علوا الى دك الكبوس استدارا ** اهل الشراء والبيع بالموسم الحار
ويام مثورة الجمل بالغبارا ***انحاز الضديد ان كان سو الدخن ثار
بعدين والله مرخصين العمارا *** من دون عز الدار شاكوم الاشرار
وربعي لهم بالموجبات اصطبارا *** كان المحاقب طابقن بطن الازوار
فيه الشهر بين الحمر والصفارا *** يشدى زهر نوار مرجوع الاقفار
حيذور ياغب السرايا حذارا*** شوكة شباب الحرب حاله تمعار
عده نصاك بكامل نظام الدهارا ***بامات نصف خشاب اطوال واقصار
ومسيلنات الموزري صنع دارا ***ظرفات صنع اللندني دفع واقرار
وجنس يجينا من بلاد النصارا ***ماهن وراور وسمهن لولب النار
دفع يثور وضربنا بالقرارا ***وخيرك تشوف افعال عطبين الاوكار
تم الجواب بزين ترثة خيارا ***بازكى صلاة للنبي خير الابرار

رد عليها بقصائد رائعة
لكن هجائية...

 

[k7elan]

رد عليها بقصائد رائعة
لكن هجائية

طير الــبحر ما ينوصــف للـحرارا * * * ان طـار تلقـونه على سيف الابحار


القصيدة جميلة لو انه يلزمها مترجم في اغلب الابيات.؟

 

[joreyaa]

قصيدة جميلة وصعبة جدا في إسلوبها ومعانيها....لم أقرأ قصيدة بهذا الإسلوب من قبل ..

ماذا يسمى هذا الإسلوب من الشعر إن كان له إسم ؟

شكرا عالنقل المميز

 

[نساي2]

رد عليها بقصائد رائعة
لكن هجائية...

نعم كانت هناك عدة قصائد رداً على هذه القصيده وكانت هذه القصائد على نفس وزن القصيده​

وكانت هناك عدة قصائد على اوزان اخرى​

الأمير حمود العبيد الرشيد قال قصيده ومنها :
يا راكب(ن) حمرا بعيد المدارا ,,, مامونة ما شدها كل سمسار​

وأيضاً الشاعر \ عثمان الدويسي احد هؤلاء الشعراء وقال قصيده ومنها هذا البيت
لي لابة(ن) ما يلبسون الوزارا ,,, ما جمعوهم من حـاوي وبحار​

وكذلك من شعراء سدير الشاعر سليمان بن جمهور
قال قصيده ومنها :
عفت الكرى ومضاجعي للعذارا ,,, لكن يطعن ثومة القلب مسمار​

وأيضاً قال خشيرم بن يوسف قصيده ومنها
لفقت في شعرك حكايا كبارا ,,, وأسرفت في قولك صواريم سنجار​

وقال ناصر بن ابراهيم بن جعيثن من أهالي سدير قصيده ومنها هذا البيت
يا راكبين فوق تسع تبارا ,,, ما لفقوها من مصدر وحدّار​

:وردة:​

 

[Goethe]

عزالله يالمطيري اختيار مميز

وقصيده من اجمل القصائد .. سجلت بالتاريخ

 

[شلاع]

تعتبر هذه القصيده


أكبر رد على المشككين


في قدرة أهل الحاضره


على بدع الشعر الجميل


والتمكن من الوصف



شكرا لذوقك الراقي

 

[عبدالعزيز المطيري]

وأيضاً الشاعر \ عثمان الدويسي احد هؤلاء الشعراء وقال قصيده ومنها هذا البيت
لي لابة(ن) ما يلبسون الوزارا ,,, ما جمعوهم من حـاوي وبحار​

الصحيح..
لي لابة(ن) ما يلبسون الوزارا ,,, ما جمعوهم من حسـاوي وبحار

 

[عبدالعزيز المطيري]

طير الــبحر ما ينوصــف للـحرارا * * * ان طـار تلقـونه على سيف الابحار


القصيدة جميلة لو انه يلزمها مترجم في اغلب الابيات.؟

حط اللي ماتعرفه
خلنا نشوف نقدر نطلع معانيها..
بس عاد لا تدور الكلمة الصعبة حيل
بعضها انقرض

 

[عبدالعزيز المطيري]

قصيدة جميلة وصعبة جدا في إسلوبها ومعانيها....لم أقرأ قصيدة بهذا الإسلوب من قبل ..

ماذا يسمى هذا الإسلوب من الشعر إن كان له إسم ؟

شكرا عالنقل المميز

القصيدة مدح
في مبارك الكبير
قيلت قبل وقعة الصريف

وكان مبارك استولى على نجد صلحاً
وهرب من كان فيها من رجال بن رشيد
لكن الظروف تغيرت بالصريف
جيش مبارك العظيم مثلما جمع بسرعة
تشتت بسرعة..

وتلك الأيام نداولها بين الناس..

 

[شخص مهم]

ياراكبين اكوار ست تبارا*** فج النحور فحاز ما بين الازوار
قطم الفخوذ امعلكمات الفقارا***كوم على كيم من القفر ضمار
جن من شرار من ضرايب شرارا***عوص النضا العيرات ماجن بحوار
فتل العضود وفالعضا ماتجارى ***قطع الريادي ريد حسكات الاوبار
زرفالهن بين الجري والطيارا*** لولا اللواحي عانقن رقط الاطيار
محلا مدناهن لهن احتكارا*** الواقي الله يوم مسا بميثار
مثل النعام ان ذير ثم استذارا ***وجه على فج يبي فيه معبار

روعة هذه القصيدة أن قائلها هو حمود الناصر البدر من " الحضر "....فقد وصف الإبل والركايب وصفا دقيقا لا يستطيع كثير من أهل البادية مجاراة وصفه ...وهذا ما جعل لهذه القصيدة أن تأخذ حقها من الشهرة !!

 

[عبدالعزيز المطيري]

للتذكير القصيدة اساساً قيلت قبل الوقعة
فلما صار ما صار كتب سلمان بن جمهور هذي الابيات
اللي دايم تسحرني على الرغم من كونها هجاء

الابيات رد على قصيدة حمود البدر

جنح الدجى جاشي به الفكر حارا= محتار مدري كيف تندار الاقدار
عفت الكرى وامضاجعي للعذارا=لكن بطعن ثومة القلب مسمار
قبل البشير محيس مع نهارا=والربع قسمين بهم بارد وحار
احد يقول الحكم ياناس دارا= لابن صباح اللي ولى بر وابحار
واحد نزر واحد حلف بالجوارا=ما صار مثلة بالجزيرة والاقطار
واحد صعد بالمدح راس المنارا= لمبارك(ن) لولا الحيا يا ملا طار
الدار حمالة ومدحة خسارا= اصبح وظنه مابلغ عشر ممشار
الحمد للي دبر امره وصارا= المطلع عالم خفيات الاسرار
ينصر ويدمر والكسر والجبارا= بيد المولا قهار دمار الاعمار
يا حمود من قبلك يجي له تجارا= يمدح ويقدح والفعل ما بعد صار
جورك ومكرك يا بن ناصر اكبارا= اخطيت ياعمي البصير بالافكار
هل كيف تبني لك من الكذب دارا= وتشيد المبنى على درب الاخطار
لا عاد مال الملتجي به غرارا= لا رحم ابو من دك باجدارها حجار
مبنى بنيته صار ساسه هدارا=سوس على الشاطئ شفا جرف وانهار
الكذب به شوم ولوم وعارا= تقول حنا من صواريم سنجار
لي لا بتن مايلبسون الوزارا = ماجموعهم بين حساوي وبحار
اعيال لحرار مثل ابها حرارا= وجميع طير لا يغرك ولو طار
طير البحر ما ينسب للحرارا=لا طار وقع على جال الابحار
ان كنت واعي فانتبه لا توارا= هيهات مالدرهم يشابه الدينار
المدح ما يطول يدين قصارا = ايضا ولا يقصر طويلين الاشبار
تمدح مبارك يا (.............) = قبل الفعل له كار مع ذود تعبار
وحنا المدحه مانقوله جهارا= الا بفعل يابن ناصر او بتبار
ماصار مثل الضيغمي للتوارا= اقفى على عين المعادي بالادبار
لا بد له من دورة واقترارا=مراكيب تفتر واعيون واسبار
والى ارجفت معها السبايا وسارا= يشبه هاتيك الهواجر والانصار
حالوا ولا زالوا اجالو حذارا =هدو ولا ردوا لك الله عن الحار
هذا فعل سكان حايل قفارا=ظنك بهم ماكملوا دشن الاكوار
من ول بهم دور قوي المثارا= خلوه يرغا عقب ماكان هدار
من قبل ما يكنى بأمير الامارا= والناس بأمرة بالبراري والابحار
واليوم دخلوا المناور نصارا= اللي براسة طاح من زود واسطار
اللي خلا وجهك سواد وسمارا= حيثك خبير وداري مير مكار
هالكيف لاسرار المغيب اتجارا= يا احمود ليه ابناك ماهي بمسخار
لاعاد مالك بالعلوم انتظارا=ولا اخذت عن مختار الاخبار
تخوض ببحور تلاطم اغزارا= بامر الولي تندار باقبال وادبار
يضع ويرفع ثم يسمع ويارا=ويبرم دواليب بالاقدار تندار
بالغيب لك رجما ً بليا انتظارا =حكمت ربعك بالحكايا والاشعار
الحكم ماهو بالمنا والممارا = ايضا ولا بالطهبلة تاخذ اديار
ياليت لو ماسك السانك هجارا= ماكان صار بالشعر مثل ما صار
القول للجم والنزح في عارا= والفعل مثل اليم تيار الابحار
ياليت ابو جابر من سنام وارا= حكمة ولا صند النجد ولا صار
وكفاه ربيع الفاو وعريب دارا=واهل البحر والبر يدرون الاعشار
يا احمود سرتوا من بلدكم بطارا = ولزمتكم انفسكم بحكم وتعبار
وثرتوا وصرتوا بالتماني امارا=وطابت لكم قطع الفيافي والاقفار
يقوم بها مقصوب واحد مكارا = مابين بحري والحضر واهل الاهوار
قوم باهلها يابن ناصر تجارا=وقبل الملاقا تحسب القوم من الدار
غرتكم المدة ليال ونهارا= حتى انتهت مدات انفاس واعمار
يوم انت يابن التنهات ترعى اخضارا=وامربع تقطف زماليج وازهار
الحر خطو النوب يخطى الحبارا=والظن ترتع دام سرحان ماثار
يا حمود وين اجنانك اللي تجارا=ظنك بها تغدى شجرها والاثمار
اصبح ماها غاير ثم غارا=قبل المسا غارت وشبت بها النار
تقول ما يطري علينا انحدارا= تبون حايل مع قفار لكم دار
خاب الرجا فيكم و صرتم اسارا= احد ٍ دفن واحد معاش الاطيار
خذ راسها دار الفلك واستدارا= هب الولام وداركم دور زوار
بين الصريف وبين هاك الزبارا= حقت ولا بقت لكم عين ديار
حاكم بلاكم من هواكم وصارا= نهاركم ليل وضاعن الافكار
يوم شرير به ضرام وشرارا =هب الهوى باهل السناعيس واندار
ناضوا ولا جاضوا وخاضوا حسارا=ساروا ولا ناروا مخافة من العار
سلوا ولو في سيوف النصارا= مع صنع بن باني للارقاب بنار
قوم على قب عبيد وحرارا=ياكبودهم حردٍ بقلوبهم نار
غزوا اخو نوره بليل ونهارا= ياطون ما ياطا شخانيب سنجار
قوم تفت الكبت هي والممارا=حريبهم يشرب قراطيع الامرار
قوم لها يوم تبيع العمارا= من ولي ضرب سيوفهم تشتعل نار
قوم تراها من طنايا سدارا= على الحكم عيت بالاملح تبي الجار
قوم لها بقلوب اعداها دغارا=ان ذكر حربهم عند حلو الكرى طار
قوم بها زوم ابنهار المثارا=يشفي غليلة من جبيلة اذا سار
قوم ربوا بالحرب ماهم تجارا=ماله دشن المعارج والاكوار
قوم لها عز ونصر وتبارا= لعل عزة بالجزيرة والاقطار
قوم لها مني سلام وقارا= جميعهم مابين كبار واصغار

 

[عبدالعزيز المطيري]

أنشد عن المطران وعريـب دارا
وسنّع مبارك منزله وين هو صار
تلقـاه بالصمـان دون الـزبـارا
يرعى بريضان زهـت كـل نـوار​

 

[تأبط رأيا]

كنت اتساءل دوما, ماذا لو انتصر مبارك الكبير والعجمان ومطير على ابن رشيد؟

هل كانت نجد ضمن حدود الكويت الآن؟
صحيح لا قالوا حظ ابن سعود يكسر الصخر

عبدالعزيز...شكرا على ايراد قصيدة الشاعر حمود البدر.

ماجموعهم بين حساوي وبحار..


الشطر هنا مكسور, الصحيح ومن غير ما ارجع لأي مصدر أنه بين (حاوي وبحار)..عشان يستقيم الوزن.

والحاوي حسب قاموس المحيط هو:
الذي يَرْقي الحيَّات ويجمعها وما إلى ذلك من أعمال غريبة؛ يتّخذ الحاوي من الأسواق والساحات العامّة مكاناً لإبراز مهارته.

واعتقد أن اسواق الكويت قديما تشتهر بمثل هذه الحركات.

 

[عبدالعزيز المطيري]

عبدالعزيز...شكرا على ايراد قصيدة الشاعر حمود البدر.

ماجموعهم بين حساوي وبحار..


الشطر هنا مكسور, الصحيح ومن غير ما ارجع لأي مصدر أنه بين (حاوي وبحار)..عشان يستقيم الوزن.
.

أسف الخطأ مني..
البيت الصحيح

لي لابتن ما يلبسون الوزارا ** ولا جمعوهم من حساوي وبحار

شوفه وراح يستقيم البيت

 

[تأبط رأيا]

مية مية..كذا يستقيم:إستحسان:

وعلى فكرة قصائد الحضر بالنبطي..تجدها من أروع القصائد, ولك في ابن لعبون, وحمود البدر, وبداح العنقري...مثال على قصائد الحضر العجيبه.

 

[k7elan]

حط اللي ماتعرفه
خلنا نشوف نقدر نطلع معانيها..
بس عاد لا تدور الكلمة الصعبة حيل
بعضها انقرض

انا بحط الكلمات الصعبة اللي اعرفها و اللي ما اعرفها

فج النحور=وساع النحور

فحاز=يمكن بمعنى وساع

عوص النضا العيرات ماجن بحوار=عوص النضا وصف للناقة ما اعرف معناه((طبعا الوصف انقرض

لأن الناس تركوا حياة الابل , العيرات=نياق , ما جن بحوار=اي لم يسبق لهن الولادة

امعلكمات؟؟

زرفالهن=ركضهن

الشاذلي=الدلة

دشن الاكوار..؟

الاكوار= ظهور الابل

الريادي؟؟

اللواحي.؟

بذّت=ازعجت

فاروع؟؟

زوم=الكبر

الكبوس؟؟


شاكوم؟؟

تمعار؟؟

ضربنا بالقرارا=الضرب بالراس





بالنسبة لشعر الحضر

فأفضل شعراء الحضر على الاطلاق هو محمد بن لعبون بلا شك

 

[عبدالعزيز المطيري]

دشن الاكوار..؟

الاكوار= ظهور الابل

دشن فارسية تعني الثياب
الأكوار = ظهور الابل
دشن الأكوار=الخرج اللي يعلقونه على ظهور البل


لكن شيقصد..

من شيدوا برزان حايـــل قفــارا
قبلك تراهم قطعوا دشن الاكوار

بيت مثله تقريبا..
هذا فعل سكان حايل قفارا=ظنك بهم ماكملوا دشن الاكوار

فاروع؟؟

فاروع من الفارع = العالي

لولب قفول معضلات عسارا *** فاروع من في هامته زوم واسطار


الموزري =نوع من البنادق القديمة

 

[k7elan]

قفار منطقة قريبة من مدينة حايل حسب معرفتي البسيطة بها

(( برزان )) سوق بوسط حايل(ن) <<حسب لهجة شمّــر

 

[عبدالعزيز المطيري]

(( برزان )) سوق بوسط حايل

برزان سوق ههههههههه ...
هذا برزان شوفه

http://static.panoramio.com/photos/original/5389048.jpg
http://up.do7a.com/get-5-2008-do7a_com_egwz6j27.jpg

تم هدمه من زمااان

 

[نساي2]

( برزان )

هو قصر الحكم لـ ابن رشيد

:وردة:​