لمواليد السبعينات فقط !

أبو مالك

عضو بلاتيني
وصلتني رساله من واحد من الربع بالايميل

يذكرني بسوالف قبل

وطبعا مواليد الستينات داشين معانا بالحسبه



تذكرون لما كنا نصور فوري عند مصور الجمعية وطبعا غصبن عليك الخلفيه زرقه مو بكيفك ولازم تمشط شعرك بالمشط اللي عنده كله شعر وبعدين يقصلك الصورة بالآله اللي عنده ام ذراع والاطراف مشرشره يعني يكون حركه .



تذكرون لي شفت واحد عنده سيارة مرسيدس كان يحوشك فضول الا تبي تعرف شنو اكو بالصيدليه اللي ورى بالسياره ونقعد انطلطل بالسياره واخر شي يطلع ( بلاستر وباندج)



تذكرون اول يوم دوام بالمدرسه كانوا يسلمونا الكتب كلهم مع بعض وصافينهم من الكبيييييييييير لي الصغير وطبعا الكبير كتاب العلوم وكانوا يربطونهم بحبل عشان ما ينفلون مع 6 كشاكيل -



تذكرون المعجون الصغير اللي ريحته تبط الراس ومعاه عود لونه احمروكنا نبطله بالمقلوب ونرعصه ونلف العود عليه وننفخ عشان نسوي
تفاخيه وطبعا لاتفاخيه ولا قالها الله لين تطلع بلاعيمك منه .



تذكرون لما كانوا الاولاد يلعبون كره مبارات بالفريج واذاكان واحد من الفريق ناقص لاعب بعد ما يبيله قولجي دفاع هجوم ماشاءالله قرندايزر مو قولجي وطبعا كان اللعب لــــــي اذان المغرب اول ما يقول الله اكبر


تذكرون لما كنا نشوف افتح ياسمسم وانتأثر بكعكي اللي ياكل بسكوت ونشتري بسكوت كاكاو ونقعد ناكل مثله والوالده تصارخ من قمة راسها شنو هالشفاحه من لاحقكم



تذكرون يوم الجمعة ... نقعد من الصبح علشان نسمع أغنية في عالم الشعوب قصائص لا تنتهي وعالم حلو بهي يسكن في قلوب في قصص الشعوب .




تذكرون تيلفون بوقرص اللي يخيب ثناك وانت تتصل وياااااااويلك يطلع الرقم مشغول لان مافي ريدايل والله يعينك لي بغيت تدق مكالمه حق
خدامتكم تلاقي اصابيعك اتعربك.....صج كانت معاناة بالعيشه.



تذكرون لما كنا نربط الشرشف او الفله على رقبتنا يعني يكون سوبرمان ونصعد فوق الكبت وانط على الدواشق واخر شي طاب غلط ومنكسره ايدك....


تذكرون شريط الشراغي الاحمر اللي اذا اخترب المسدس ماله مايبيله كلام حًول على جوتي الوالد وكمل عليه بالكاشي والا على عتبة الباب اخر شي الوالد مكمل عليك بالجوتي لووووووول


تذكرون لما كنا نحط قوطي السانكست بالفريزر عشان يثلج مع العصير الطوالي بونصين وكل ماتروح تبي تاخذه تلاقي الوالده منزلته تحت وماثلج.....راحت الفرحه .



تذكرون لما كان الاولاد يغسلون الحوش بالويك اند قمة الوناسه يمسك المساحه يعني يكون بيساعد واخر شي طايحله سكيتنج على الكاشي لوووووول وبالليل رايح الاميري.


تذكرون لما كنا نستقبل الحجاج عند الحدود من زود الفرحه واللهفه على الصوغه واخر شي جم مسواج وقحفيتين والكاميرا الحمره وسياده والبنات قطعه خام مالت هنود وساعه مينتها صغيييييييره .




تذكرون عزايم قبل والسماط المفروش على كبر الحوش اللي علىصورة ميوه ( فواكه ) وريحته لازم ريحة مطبخ وقاعدين على المده اللي لي قمت تلاقي ريلك كلها شخوط من المده....ياخي شنو هالزهد بس.




تذكرون لما يبلشون الشباب يدخنون زقاير كل واحد حاط باكيت بمخباته ولافه بكلينكس عشان ما يبين من الدشداشه الصيفيه ولي شاف واحد من الربع يدخن يسأله السؤال المعهود (ها فلان تكنها ولا ما تكنها ) لووول شدعوه شي زين عاد ..وكان لازم مالبورو احمر شعار الرجوله .



تذكرون ايام الكشخه قبل كانت عباره عن سيارة هوندا بيضه اكورد باب واحد ولازق على الرقم من ورى شعار نادي الكويت يعني كووول وولد العاصمه والمشط بالدرج اللي على قبضة يد حق الجاكسون وحاط بالمسجل فرقة الدانه ولا عبدالكريم .



تذكرون لما كانت جائزة البيبسي سياره بالمغاطي مالت البطول كنا الظهر نروح الحوش الوراني ونبطل السحاحير كلها وبعدين نرد نسكرهم اي كلام جود الغازات كلها طايره ومتبخره



تذكرون لما اتهاوش مع ولد جيرانكم وتقوله وخرعن بيتنا وعن رصيفنا يقولك مو رصيفكم هذا رصيف الحكومه
كلام منطقي الصراحه , لووول ويقعد يحوس جبال بيتكم ويمر يمك ويقولك ماحشتك ماحشتك خخخخخ .



تذكرون كمبي وتر صخر 170 لما حنينا على الوالد عشان يشتريه عشان يساعدنا بالدراسه اخر شي محولين على لعبة الاميره ام الخواتم ورامبو اللي يطير الطياره ولي دش الوالد حطينا شريط بنك المعلومات يعني استفاده لوووول .

تذكرون لما يروحون الصبيان السوق مع الوالد يشتري لهم خامات حق العيد ..اخر شي شاري طاقه كامله نفس اللون وتشوف باول يوم العيد من الوالد لي الاخو الصغير نفس الدشاديش ( تقول فرقة التلفزيون لوووووووووووووووووووووووووول .)



تذكرون لا بغوا الشباب يشيلون حديد قبل يعبون قواطي نيدو اسمنت ويحطون بينهم بايب حديد وهووووووووبا واخر شي منكسر ه ظهورهم ....
لووووووووووول .



تذكرون المسجله السوده مالت استاد الانجليزي لي دش علينا فيها قمة الوناسه اليوم ليسيننج يعني مافي اسئله ورووووح سكشن فايف .....
ترررررن تررررررن سكشن فايف.....هاي سوبر فالكون ههههههههه
.





تذكرون الكشكول الادعم اللي في صوره بابا جابر الله يرحمه ومن ورى صوره بعير والمسجد اللي بالضاحيه .


تذكرون لما نقلد رقص مايكل جاكسون ونسوي حركه الرجعه وحركه الايد اللي على الجام ونغني بيييييييييييلييييييييييه بييييييييييلييييييييه شنو بيله مادري لووول .




@ـــــــــــ منقـــــــول ـــــــــــــ @

حتى اسلم من تبعات بعض فقراته
:eek:

اكراما لكرم الكريم
الأخ الحبيب
خلك طبيعي
وتوجيهه اللطيف
افردته في موضوع خاص
:وردة:



 

6ergi

عضو مخضرم
هلا بومالك ..

بالفعل بعض ما ذكرت لايزال عالقا في الذهن ... خصوصا "من قصص الشعوب" :D .. والتلفزيون اللي يفتح الساعه 9 ..


تذكرون كمبي وتر صخر 170 لما حنينا على الوالد عشان يشتريه عشان يساعدنا بالدراسه اخر شي محولين على لعبة الاميره ام الخواتم ورامبو اللي يطير الطياره ولي دش الوالد حطينا شريط بنك المعلومات يعني استفاده لوووول .


sakhr_ax_170.jpg


الظاهر عذر الدراسة هذا Standard :D ..


وطبعا نسيت صورة لن تمسح من ذاكرة أي من أبناء هذا الجيل ..

1.jpg



m5znk-b5ccaeae78.jpg



 

الفراشة

عضو مخضرم




وطبعا نسيت صورة لن تمسح من ذاكرة أي من أبناء هذا الجيل ..




m5znk-b5ccaeae78.jpg




يالله أخوي طرقي ....

شنو كنت أحب لعبة الطياره كنت أتنافس أنا وأخوي الكبير على هاللعبة ....

حاولت أني أدور اللعبة هذه في النايتندو ا لقديم بس ماحصلتها ..

# أخوي أبو مالك أشكرك على ذكريات الطفولة ...
 

Venezia

عضو بلاتيني
الزميل / أبو مالك .. تحياتي لك و شكرا على الموضوع وان تسمح لي بالمشاركة

صحيح ماني من مواليد السبعينات مواليد 82 بس والله لحقت على بعض السوالف

و فعلا كانت سوالف حلوة :)


تذكرون يوم الجمعة ... نقعد من الصبح علشان نسمع أغنية في عالم الشعوب قصائص لا تنتهي وعالم حلو بهي يسكن في قلوب في قصص الشعوب .

هذه السالفة أذكرها .. كان من الميكيات ( افلام الكارتون ) المفضلة عندي :p



تذكرون تيلفون بوقرص اللي يخيب ثناك وانت تتصل وياااااااويلك يطلع الرقم مشغول لان مافي ريدايل والله يعينك لي بغيت تدق مكالمه حق
خدامتكم تلاقي اصابيعك اتعربك.....صج كانت معاناة بالعيشه.



هذا التلفون كان متعة بالنسبة لنا خاصة لما نلعب ( خالة خالة ) يعني بروي :p كله شاغلين
خط البيت :p



تذكرون لما كنا نحط قوطي السانكست بالفريزر عشان يثلج مع العصير الطوالي بونصين وكل ماتروح تبي تاخذه تلاقي الوالده منزلته تحت وماثلج.....راحت الفرحه .

هذه العادة الاجتماعية ( برد بو نصين ) لا زالت متواجدة و توارثها الأجيال حاليا اخوي اخر
العنقود يسويها :p



تذكرون لما كان الاولاد يغسلون الحوش بالويك اند قمة الوناسه يمسك المساحه يعني يكون بيساعد واخر شي طايحله سكيتنج على الكاشي لوووووول وبالليل رايح الاميري.

غسيل الحوش كان من النشاطات اللي كنت انطرها نطرة .. كان نشاطي المفضل خاصة كان عندنا
حوش كبير و قمة المتعة لما عمتي تخلي ( هوز الماي ) عشان تروح تييب المساحة و نستغل
الفرصة و يبدي اللعب الحقيقي :p



تذكرون كمبي وتر صخر 170 لما حنينا على الوالد عشان يشتريه عشان يساعدنا بالدراسه اخر شي محولين على لعبة الاميره ام الخواتم ورامبو اللي يطير الطياره ولي دش الوالد حطينا شريط بنك المعلومات يعني استفاده لوووول .



هذا الكمبيوتر كان ابداع والله .. و لعبة رامبو كانت شي مو طبيعي :p
الكمبيوتر للحين موجود بس طبعا ما يشتغل و اصبح ديكور تتناقله أجيال الأسرة
وصل لي اخوي الصغير يلعب فيه ( كاشير جمعية ) :p



تذكرون المسجله السوده مالت استاد الانجليزي لي دش علينا فيها قمة الوناسه اليوم ليسيننج يعني مافي اسئله ورووووح سكشن فايف .....
ترررررن تررررررن سكشن فايف.....هاي سوبر فالكون ههههههههه .

المسجلة هذه كانت بالنسبة لي مأساة خاصة وقت الامتحانات لان حد المدرسة تشغلها
3 مرات و مشكلتنا مشكلة ان ما سمعنا عدل و يبدي التشيير :p


تحياتي :وردة:
 

Venezia

عضو بلاتيني
sakhr_ax_170.jpg


الظاهر عذر الدراسة هذا Standard :D ..


وطبعا نسيت صورة لن تمسح من ذاكرة أي من أبناء هذا الجيل ..

1.jpg



m5znk-b5ccaeae78.jpg






أ. طرقي ..

كل الشكر على هذه الصور اللي أعادتنا إلى الطفولة الجميلة .. و الأتاري الرائع اللي كان مثل لعبة ترافيان كله شد أعصاب :p
 

Modest

عضو بلاتيني / الفائز الأول في دوري الشبكة الوطنية
فائز بمسابقة الشبكة الرياضية
التلفزيون اتذكره يفتح الساعه 9 ...

والناتندوا لعبه الطياره الاسود والابيض خوش لعبه ...

الله ياهي من ايام ...
 

السلطاني

عضو مخضرم
موضوع عمل ( refresh ) للذاكرة...

مع أنني من مواليد أواخر الثمانينات....!!


أما ( ستيريو ) المدرس الأسود المربع....فهذا له ذكريات..وذكريات.....


موضوع لطيف...ونظيف..ودمه خفيف...
 

passenger

مشرف الشبكة العلمية والتكنولوجية سابقاً
الله ايام زمان

صحيح رجعت لنا لورى

اعتقد اكثر رواد المنتدى من مواليد الثمانينات وخصوصا اواخرها

الشكر موصول :)
 

طبعي طبيعي

عضو فعال
اكراما لكرم الكريم
الأخ الحبيب
خلك طبيعي
وتوجيهه اللطيف
افردته في موضوع خاص
:وردة:​
شكرا يا بو مالك معرفي هو طبعي طبيعي وليس خلك طبيعي..شكرا لكاتب الموضوع ..وشكرا لصاحب الأميل.وشكرا لناقل الموضوع:وردة:
 

السعيدي

عضو مميز
الله يازين ايام الطفوله واذكر لما خلونا نتبرع حق السور الرابع
صج اش صار على السور الرابع ووين راحت فلوسنا
واتذكر بسكوت شمعدان
 

بوح الجروح

عضو بلاتيني
موضوع عمل ( refresh ) للذاكرة...

مع أنني من مواليد أواخر الثمانينات....!!


أما ( ستيريو ) المدرس الأسود المربع....فهذا له ذكريات..وذكريات.....


موضوع لطيف...ونظيف..ودمه خفيف...

بو نورة على ما اعتقد فيه غلط بكلامك

مواليد اواخر الثمانينات:D
 

بو عصام

عضو بلاتيني
تذكرون لما كنا نربط الشرشف او الفله على رقبتنا يعني يكون سوبرمان ونصعد فوق الكبت وانط على الدواشق واخر شي طاب غلط ومنكسره ايدك....

أشوى أننا كنا متطورين عنكم...

مرة ربطت النايلون على رقبتي ( الي يكون ملفوف بالثلاجة او الغسالة الجديدة وهي بالكرتون)...وصعدت على باب اليبت ...بس
ما وعيت الا بالأميري

آيام
 

وطني

عضو بلاتيني / الفائز الثالث بالمسابقة الرمضانية لع
فائز بالمسابقة الدينية الرمضانية
إضافة

تذكرون " فاول دشداشة " ؟


:confused:
 
الله يرحم ذيك الأيام .

كان أحلى ما فيها لعبة الأتاري وخصوصاً الطيارات وفيغا فيغا وسباق السيارات .:)

لا مسؤولية ولا دراسة ، وكله نوم ولعب وأكل وشرب .:)

من دخلنا الابتدائية وحنا انعفسنا فوق تحت وشوشوا على أذهاننا الصافية بأنظمة الفشل التعليمية العربية .:)

كانت أحلى الأيام على بساطتها ( وتخلفها ) .:)
 

@Noura@

عضو مخضرم
من دخلنا الابتدائية وحنا انعفسنا فوق تحت وشوشوا على أذهاننا الصافية بأنظمة الفشل التعليمية العربية .:)

ولاّ يعني منهج قائم على تدريب المتعلّم على :أنا آكل أنا أشرب ،،:confused:

هذا هو هم العرب والكويت بشكل خاص !!:cool:
 
أعلى