عبره بدوي

كويـت

عضو فعال
مشكورين يا علي الراشد ومشكورين ياطلال السعيد ومشكورين يالجويهل ومشكورين يا اهل الكويت وحنا بدو مالنا بهالارض الا الصمت هذا اللي تبون

حسبيالله على اللي سخر هالقنوات الهابطه لمهاجمتنا حسبيالله على اللي سخر هالابواق تكلم عنا وهي ماتعرف حنا منو وشسوينا لهالارض

والله لما ننادي بالقبيليه الا عندما راينا الظلم الواقع علينا وانت ادري به ولكنكم تغمضون اعينكم عن قضايانا وتتكلمون بقضايا لادخل لها بالدستور ولا بالتنميه ولا باي شي يفيد البلد


تعالو شوفو بيوتنا ومساحتها تالو شوفو شوارعنا وضيقتها تعالو شوفو مخفرها واهمالها تعالو شوفو عيالنا ومدارسهم ومدى كفاءه مدرسينهم وادراتهم تعالو شوفو بعدين تكلمو

حنا ماجينا نثير القبيليه بل جينا ننادي بابسط حقوقنا واللي مكتوب بالدستور

(( العدل والمساواه وعدم التمييز ))

ياعمي حتى بتقسيم الدوائر ظلمتونا ليش هل لهدرجه تحتقرونا

اتمنى تدققون على كلمه كنتو دايما تقولونها وحنا ساكتين

(( عيال بطنها ))

وكلمه ثانيه تسم بدونا

(( احنا عيال السور ))


وقلتوها حتى بمجلس الامه هالكلمات اللي عورت قلوبنا وضايقتنا

وحنا اهل الكويت وياكثر شهدائنا وتضحياتنا

وتنادون بقضيه جديده وهي ازدواجيه الجنسيه عسى ماشر بس البدو عندهم هالسالفه

حرام عليكم

والله من كثر الكلام اللي اسمعه تضايقت

والله نحبكم ونعزكم ونقدركم

ولايصح الا الصحيح

والتعديات في واحد اسمه البدر اول مايقوم من النوم يداوم بالفردوس جن التعديات بس بالفردوس

الظاهر الاخ مايدري ان الكويت مناطق مو بس منطقه وحده

الله يسامحك وحنا راح نعدل الامور

باذن الله

 

regrego

عضو مخضرم
عزيزي البدر حتى في المناطق الداخلية شال الحدائق و التعديات

ليش مسويها مناحة و منو فرق بين اهل الكويت

الي يفرق بين اهل الكويت مريض نفسيا

كلنا كويتيين

فريق الازالة شالوا الديوان مالنا و ما تكلمنا و لا قلنا شي لانه معاهم الحق

و الحين ياي الدور على المناطق الاخرى

و بالمسيلة شالوا الاكو و الي ماكو روح شوف المسيلة الحين و شوف البحر الي كان ما ينشاف

عاد لا تسوي مظلومية اهني علينا :]

شدعوه عليك

هذا القانون يطبق على الكل و انا طبق علي و لم اتكلم بل انادي بتطبيقه كاملا

سويتها عيال بطنها و سور و مادري شنو

شكو الي متعدي على املاك الدولة نشيل التعدي المخالف فقط لا غير

و التعديات تشمل كل مناطق الكويت
 

كويـت

عضو فعال
تكلم طلال السعيد

انا امس بالمنصوريه يا ابن الحلال انا ماقاعد اجذب ولا ابي اسوي مناحه

انا مريت المناطق الداخليه لقيت العجب العجاب

تبيني اصور لك شغلات يشيب شعر راسك حاضر بس تقتنع

انت ماراح تقتنع

اقسم بالله الذي لااله الا هو ماحبيت اكتب مثل هالمشاركات لين طفح الكيل

الواحد ماعاد يتحمل كلمه من زوير وعوير
 

regrego

عضو مخضرم
تكلم طلال السعيد

انا امس بالمنصوريه يا ابن الحلال انا ماقاعد اجذب ولا ابي اسوي مناحه

انا مريت المناطق الداخليه لقيت العجب العجاب

تبيني اصور لك شغلات يشيب شعر راسك حاضر بس تقتنع

انت ماراح تقتنع

اقسم بالله الذي لااله الا هو ماحبيت اكتب مثل هالمشاركات لين طفح الكيل

الواحد ماعاد يتحمل كلمه من زوير وعوير

اي والله يا ريت تصور لنا

نكون اكون لك ممنون يا ريت والله

تزودنا بالدليل :]

عزيزي اذا امس انت بالمنصورية جدام نادي العربي و جدام البنك الاهلي بالضبط كانت

هناك ديوان حق بو شميس ياتله الازالة و حوله الملصق و الريال شالها من روحه

يا عزيزي القانون على الكل مو عليك بس
 

اساهيم

عضو بلاتيني
هناك ديوان حق بو شميس ياتله الازالة و حوله الملصق و الريال شالها من روحه

الناس انشالت ديوانياتهم قبل سنه والاخ توها تزال ديوانيته .؟؟؟
 

القطبي

عضو مخضرم
و الله عيييب على اعضاء البدو بأن يدغدغون مشاعر و احاسيس اخوانهم لتحقيق مصالحهم القذره و تحدي القانون بدلا من اشعارهم بأن القانون يطبق على الكل00!!

يا البدو ان تطبيق القانون للمصلحه العامه و له اثار إجابيه على الأمن و الإستقرار00
و سمعنا و شاهدنا الكثير من المآسي من قبل جيران ممن و ضعوا دواويين مصنوعه من الصفيح و كيف هم عانوا من الإزعاج و المضايقات بسبب دواويين الصفيح00!

و صحراء الكويت اصبحت بيوت مصنوعه من الصفيح لجأ إليها الهاربون من القانون و ممن انتهت إقامتهم و ممن في نفوسهم مرضا00!!

و البعض استغل الساحات الواقعه امام منزله و جعلها حجيرات مصنوعه من الصفيح و قام بإستأجار تلك الحجيرات00

و فجأ انقطعت الكهرباء على الكثير من مناطق الكويت بسبب تلك المخالفات و التي اثرت بشكل كبير على محطات الكهرباء000!

و بالنسبه لمناطق اخوانا الحضر00
فهم افضل بكثير من مناطقنا و السبب اخلاص ابناء تلك المناطق و إيمانهم بأن الرجل المناسب في المكان المناسب مما جعلت مناطقهم اجمل من مناطقكم و جمعياتهم افضل من جمعياتكم و الخدمات افضل من خدماتكم و الشوارع انظف من شوارعكم 00 و هذا ليس تقليلا من شأنكم ، بل تلك الحقيقه ، و نحن لا نخجل من قول الحقيقه00!

بادروا بوضع الرجل المناسب في المكان المناسب و سترى و كيف تتحسن الخدمات و الكثير من الأمور التي تعانون منها000
 

كهمس

عضو مخضرم
مقال غريب عجيب !!!!!!!!!!!!!!!!!!!!!!!!!!


تعالو شوفو بيوتنا ومساحتها تالو شوفو شوارعنا وضيقتها تعالو شوفو مخفرها واهمالها تعالو شوفو عيالنا ومدارسهم ومدى كفاءه مدرسينهم وادراتهم تعالو شوفو بعدين تكلمو

اخذها من الصليبخات فيها بيوت الف متر وفيها 650 وفيها 350 هذي منطقة بدو :) صح ومنطقه خارجية علي حسبتصنيف بعض المرضا .

الجهراء المحدوود بيوتها يمكن اكبر بيوت بلكويت الف متر :)

واما الشوارع والخ من خدمات هذا طبخ ايدينا ليش انتحلطم الحين ونبجي .
هذول اعظاءنا بالبلدي والامة .
احنا مانبي حل حق مشاكلنا بالعكس نبي عضو يتكلم بالقروض
ونبي عضو بلدي يخلص شغل بقالتي ورخصة مخالفة بنيان والخ .

هذي طموحنا .
خلونا نطلع اوادم في البلدي والجمعية والامة يتابعون خدمات مناطقنا والدولة عموما
من بنية تحتية الى تعليم وصحة والخ
ولاكننا ركضنا ورى القروض والعلاج بالخارج وتركنا خدماتنواحتياجاتنا الاساسية .
 

كهمس

عضو مخضرم
تكلم طلال السعيد

انا امس بالمنصوريه يا ابن الحلال انا ماقاعد اجذب ولا ابي اسوي مناحه

انا مريت المناطق الداخليه لقيت العجب العجاب

تبيني اصور لك شغلات يشيب شعر راسك حاضر بس تقتنع

انت ماراح تقتنع

اقسم بالله الذي لااله الا هو ماحبيت اكتب مثل هالمشاركات لين طفح الكيل

الواحد ماعاد يتحمل كلمه من زوير وعوير


حبيبي لاتزعل

شفت اللي تشوفه بالمنصوريه وغيرها .

تدري من شنو .

راح تنصدم والله

اقول .

شي مسويته الجمعية تزييين حدايق وبعض الخدمات من مضلات وغيرها وترميمات مباني بعد .
وشي متبرعين فيه الناس من اعضاء وناس راهيه .
وشي اعضاء مجلسهم البلدي مشتغلين علييه مطالبين فيه .
وشي اعضاء مجلس الامة ممثليهم ساعيين فيه ومجابلينه .


وانت ماعندك عضو يمثلم ويمثلني نفس مالهم اعضاء
ماعندنا اعضاء جمعيات ((حراميه))
ماعندنا اعضاء بلدي ((حق ربعهم وتراخيصهم))
ماعندنا اعضاء امة((صيحة ورى القروض وتأزيم))


هذا الفرق بينا وبينهم احنا نعطى هذا وذالك مو لانه كفاءة ويستاهل لا لانه ولد عم وولد خال ورفيج فلان ولانه نجح بالفرعيه وهو مايسوى ((ملابسه والله ))

ولاكن هناك في ناس يعطون اللي يخدمهم وينفع مناطقهم ويسعى لراحتهم .

((يستاهلون رجاجيل عرفو منو يطلعون ويشلون يستغلون الانتخابات لراحتهم ))
 

كويـت

عضو فعال
روح ديوان الزيد بالمنصوريه مسوي جسر قدام بيته للسيارات بمساحه ثلاث ديوانيات

وين جمعيه تسوي جسووور

روح المنصوريه

واذا تقول توهم شالو بديوان مادري منو

حنا قبل سنه وشي دمرو كل شي عندنا
 

regrego

عضو مخضرم
الناس انشالت ديوانياتهم قبل سنه والاخ توها تزال ديوانيته .؟؟؟

من زمان :] يعني على الوقت

لما يا دور الناس في الازالة شالوا :]

بعد صير مثل اليهال قول هذا قبل ليش و هذا ليش قبلي

الله يعينك زميلي
 

regrego

عضو مخضرم
روح ديوان الزيد بالمنصوريه مسوي جسر قدام بيته للسيارات بمساحه ثلاث ديوانيات

وين جمعيه تسوي جسووور

روح المنصوريه

واذا تقول توهم شالو بديوان مادري منو

حنا قبل سنه وشي دمرو كل شي عندنا

حبيبي ديوان الزيد مو متعدي

لا تقعد تخلط

قال مسوي جسر

انا شايفه

و ما فيه تعدي :] و يا ريت تصوره :]

فيكم عقد الله يهداكم

المخالفة لما تكون على اراضي دولة

و الجسر الي مسويه " حق السيارات تصعد فيه لي باب الديوان و لم يتعدى على املاك الدولة

شفيكم عاد ما تفهمون :]

روح دور ديواوين ثانية

تعال الفيحاء و شوف الديوان الي كان جدام المعجل و شوفه راح و شالوه

فا رجاء لا تتكلم عن شي انت مو عارف عنه شي
 
أعلى