امثال كويتية قديمه ..

الفراشة

عضو مخضرم
السلام عليكم

حبيت اذكركم شوي بأمثال كويتية قديمه

. أبو طبيع ما يجوز من طبعه

· إذا بغيت صاحبك دوم حاسبه كل يوم

· إذا حبتك عيني ما ضامك الدهر

· إذا حجت البقر على قرونها

· إذا حضر الماء بطل التيمم

· إذا صار رفيجك حلو لا تاكله كله

· إذا طاح الجمل كثرت سكاكينه

· إذا طبع دوس على تريجه

· إذا فات الفوت ما ينفع الصوت

· إسأل مجرب ولا تسأل طبيب

· إش حادك يا المسمار ؟ قال المطرقه

· إصرف ما في الجيب يأتيك ما في الغيب

· أضبط من ساعة الملا

· اقبض من دبش

· أقضب مجنونك لا يجيك أجن منه

· إكل ما تشتهي وإلبس ما يعجب الناس

· إما طلعه ولا طبعه

· إن طاعك الزمن وإلا طيعه

· إنطر يا حمار لما يجيك الربيع

· إنفخ يا شريم قال ماكو برطم

· الباب اللي يجيك منه الريح سده وإستريح

· بات مظلوم ولا تبات ظالم

· بغاها طرب صارت نشب

· بغى يكحلها عماها

· بغيناه عون صار فرعون

· تجيك التهايم وإنت نايم

· ثوب أطول منك يعتك

· جارك ثم دارك

· حاميها حراميها

· حشر مع الناس عيد

· حط راسك بين رجليك وإشهد على والديك

· حط فلوسك بالشمس وإقعد بالذلال (إجلس بالظل)

· خبز خبزتيه يا الرفله إكليه

· خربان من البيضه

· دابة الله بأرض الله

· الذيب ما يهرول عبث

· راعي النصيفة سالم

· رزق القطاوه على الخاملات

· زرع الميانين (المجانين) يطلعه رب العالمين

· شبعونا طراقات وشبعناهم شتايم

· طارت الطيور بأرزاقها

· طقاق روحه ما يصيح

· الطول طول نخله والعقل عقل صخله

· عتيج الصوف ولا جديد البريسم

· عمره ما تبخر ، تبخر وإحترق

· عومه مأكوله ومذمومه

· غصيت فيك يا ماي ، شدفعك في

· فال الله ولا فالك

· قال عندك تاكل ؟ قال لأ . قال عندك تغرم ؟ قال إي .

· قطو وطقيته بمصير

· كثر الدق يفك اللحام

· كلٍ بقلبه شيقاليله (شقاء له)

· كوم حجار ولا هالجار

· لي بغيب الخبر يشيع عطه (أعطه) أم بزيع

· لو جريت جري الوحوش غير رزقك ما تحوش

· لي طار طيرك قول سبيل

· لي فات الفوت ما ينفع الصوت

· اللي في الجدر يطلعه الملاس

· اللي ما يرضى بجزَه ، يرضى بجزَه وخروف

· اللي ما يستحي منك لا تستحي منه

· اللي ما يطول العنقود يقول حامض

· اللي ما يطيع يضيع

· اللي ما يعرف الصقر يشويه

· اللي ماله أول ماله تالي

· اللي مو على دينك ما يعينك

· اللي هذا أوله ينعاف تاليه

· اللي يجي من الله حياه الله

· ما تعينك إلا يمينك

· ما لك إلا خشمك لو كان عوي (أعوج)

· مال عمك لا يهمك

· مخروش طاح بكروش

· مد رجولك على قد لحافك

· مداح نفسه يبي له رفسه

· مكسورة و تبرَد

· من طمع طبع

· نصيبك يصيبك

· هذا سيفوه وهذي خلاجينه (ملابسه)

· الوجه من الوجه أبيض

· يا شين شيء ما شابه هله (أهله)

· يا من شرا له من حلاله علَه

· يفوتك من الجذاب صج وايد

· يمدح السوق من ربح فيه

· يوَد (أمسك) الحبَه وفلَت (أفلت) الدبَه
 

ستانفورد بينيه

عضو بلاتيني
يعطيج العافيه اخت غلا الدنيا على ها الامثال الكويتيه ...

المثل هذا ( يا شين شيء ما شابه هله (أهله) ) مادري ليش كل ما اسمعه اضحك :)
 

waleed

عضو بلاتيني
مشكور اخت غلا علي هالمثال الجميله صحيح الاولين ماخلو شي ترا مثل بعد .

وفي مثل دارج جدا ... طالع وجه العنز وحلب لبن بس للاسف للحين مو فاهم علي شنو ينقال .
نعرف المثل القديم ... اقوله تيس يقول حلبه نعرف لماذا ينقال بس الاولي ؟؟؟


عموما تسليمن علي هالمثال .
 

مواطن كويتي

عضو جديد
من الأمثال الكويتية إللي أتذكرها:

(...................................) :p

لو الماي يروب ... (..............) :D

(........................) :eek:


وفيه مثل عند العجم - العيم - يقول:

(.......................................)

ومعناتها: (...........................................) ;)


وسلامتكم




----------------------------------------------

مواطن كويتي إرتقاء لنفسك قبل أن ترتقي بما تقدمه للأخرين يجب عليك أحترام الذوق العام .... وهذا أخر تنبيه .... أتمنى انه قد وصل

ستانفورد بينيه
 

waleed

عضو بلاتيني
أخ مو طن كويتي ..
الموضوع عن امثله كويتية ,
وبعدين تقدر تحط نقط مكان الكلمة التي الغير لائقه وتكمل المثل لكن كلن يعمل بأصله ....

تحياتي لك .
 

الفراشة

عضو مخضرم
ستانفورد بينيه قال:
يعطيج العافيه اخت غلا الدنيا على ها الامثال الكويتيه ...

المثل هذا ( يا شين شيء ما شابه هله (أهله) ) مادري ليش كل ما اسمعه اضحك :)


الله يعافيك أخوي

والله شكثر امثال تحسها تضحك في نفس الوقت تحسها تجي بالعظم

لك جزيل الشكر أخوي
 

الفراشة

عضو مخضرم
waleed قال:
مشكور اخت غلا علي هالمثال الجميله صحيح الاولين ماخلو شي ترا مثل بعد .

وفي مثل دارج جدا ... طالع وجه العنز وحلب لبن بس للاسف للحين مو فاهم علي شنو ينقال .
نعرف المثل القديم ... اقوله تيس يقول حلبه نعرف لماذا ينقال بس الاولي ؟؟؟


عموما تسليمن علي هالمثال .

طالع وجه العنز وحلب لبن

سألت الوالده تقول يعني وجه يجيب الفقر

الله يعطيك العافيه أخوي
 

مواطن كويتي

عضو جديد
مواطن كويتي قال:
من الأمثال الكويتية إللي أتذكرها:

(...................................) :p

لو الماي يروب ... (..............) :D

(........................) :eek:


وفيه مثل عند العجم - العيم - يقول:

(.......................................)

ومعناتها: (...........................................) ;)


وسلامتكم




----------------------------------------------

مواطن كويتي إرتقاء لنفسك قبل أن ترتقي بما تقدمه للأخرين يجب عليك أحترام الذوق العام .... وهذا أخر تنبيه .... أتمنى انه قد وصل

ستانفورد بينيه




شوف وأنا اخوك الدليل على طائفيتكم واضح والدليل إنك شلت الكلام القبيح إلي كنت أنا حاطه ومتعمد أحط جملة العجم

لكنك فضلت إنك تخلي كلمة العجم عشان تحتقر هذي الطائفة

هل أنا غلطان لما قلت إنكم طائفين?
 

ستانفورد بينيه

عضو بلاتيني
عزيزي مواطن كويتي انت كتبت ايضاً من الامثال الكويتيه وخليتها وماشلتها .. يعني انا متعمد العنصريه ضد الكويتيين ؟؟!! وخليت بعد كلمت لما الماي يروب هم انا متعمد لاني عنصري ضد الماي ؟!!

عزيزي انا تركت الكلام اللي ممكن اتركه وما الغيه من مشاركتك ... اذا انت شايف انه الموضوع فيه عنصريه الخلل يوجد لديك اتمنى ان تعالجه ... وشكرا لك على مشاركاتك الراقيه جداً !!
 

Doctor

عضو ذهبي
عزيزي الفراشة
نسيتي أشهر مثال وهو عزيز جدا على قلبي وهو
اللي يبينا عيت النفس تبغيه واللي نبيه عيا البخت لايجيبه
اما المثل الاخر فهو مثل لصديق عمري العجمي عندما قاله ضحكت كثيرا ومنذ ذلك اليوم وانا استخدمه كثيرا في مناسبات عديدة وطبعا اصدقائي الحضر في كل مرة يستغربون من هذا المثل وهو
الذيب مايهمه (.....) النعجه
تحياتي
 

الفراشة

عضو مخضرم
عزيزي الفراشة
نسيتي أشهر مثال وهو عزيز جدا على قلبي وهو
اللي يبينا عيت النفس تبغيه واللي نبيه عيا البخت لايجيبه
اما المثل الاخر فهو مثل لصديق عمري العجمي عندما قاله ضحكت كثيرا ومنذ ذلك اليوم وانا استخدمه كثيرا في مناسبات عديدة وطبعا اصدقائي الحضر في كل مرة يستغربون من هذا المثل وهو
الذيب مايهمه (.....) النعجه
تحياتي

أشكرك على الاضافات أخوي الدكتور ...
 

السلطاني

عضو مخضرم
إن كثر الشئ..علينا صار...سماد.....

وإن قل ...أكيد أنه زباد....


* معنى المثل ل غير الكويتيين...

ان الشىء لا صار قليل و نادر يكون مثل الزبد الغالي.....أما إذا كثر على غير سنع.... ف تقل قيمته....!!
 

"عابرة"

عضو ذهبي
:) حلوه الامثال و بعضها مضحك حده ..

في مثل تقول يدتي عاد مادري سمعتوا فيه .. عيز (( عجز )) عنها فارس الفرسان .. تلقاها بو الحصين

لوول .. طيحوا حظ الريال

وفي بعد ..

سو خير و قطه بحر ..

خير تعمل شر تلقى ..

و مادري ليش طرى على بالي هالبيت ..

من قال يحليلك قِل قلل الله حلاك .. يحليل بهرجنا يعني خبل !!
 
أعلى