العدوه يطعن بالدوسري

TALIANY

عضو فعال
الطعن لابد منه امر وارد ... سعدون طعن ونجح العام
عسكر طعن ونجح العام شنو المشكله !!

اتمنى مزيد من الطعون في جميع الدوائر شنو وراكم شغل ؟

خلو الوضع سياسي على مدار السنه .

اي خل يطعن بس لايتعشم كتيير :وردة:
 

كتر^بلر

عضو جديد
ليه مايفكر العدوه انه يطعن في سعدون :)

"(..........)"

يابومحمد اذكر الله واركد الرجال يستاهل الكرسي

راجع حساباتك ابرك وارضى بالنصيب ترتاح بالحبيب ارضا !!!!
 
التعديل الأخير بواسطة المشرف:

الضامي

عضو جديد
اخي الكريم

الطعن حق لكل مرشح اذا شاف انه مضلوم بالنتيجه

ليش تزعلون مدام انكم واثقين من النتيجه الي طلعت

خلو العدوه يطعن لانكم واثقين ان نتيجتكم صح

يعني ما راح يتغير شي حسب كلامكم

ليش خايفين


المهم الكويت وبس طعن العدوه ولا ما طعن

فاله وفالكم التوفيق
 
من حق المرشح الطعن ولكن يكون هناك سبب يعني يؤكد ذلك برقمه من خلال اللجان ومجموع ماحصل عليه والرقم المعلن !!!

سعدون حماد العام الماضي كان محدد رقمه بعد أعلان النتيجةو قبل الطعن من خلال أرقام التي حصل عليها عن طريق المناديب !! ;)


الحكاية ان جمع القضاة في لجنة جابر العلي ( أم الهيمان ) لم يجمع بالشكل الصحيح والدليل أنه بعد طلب سعدون حماد ( خبير الجمع ) إعادة جمع الصناديق تغير مجموع سالم نملان العازمي من المركز التاسع الي الرابع والجمع لم يكن دقيق وأفقده 2000 صوت تم أحتسابها له بعد الجمع وكذلك ضهور بادي الدوسري .ورئيس اللجنة أعاد الجمع أكثر من مرة وتضح ذلك معه الخطأ الغير مقصود والذي نبه اليه الحوت سعدون حماد !!!! :D

سعدون حماد هو من صحح الخطأ للقضاة قبل إعلان النتيجة ويقول ان النتيجة الصحيحة ما أعلنها القاضي حسب ما تطابقت مع القضاة والمندوبين . :إستحسان:

لذلك الله يوفق الجميع :وردة:
 
الللللللللللللللللف مبروووووووووك لبادي الدوسري
وهااااااردلك للبقيه
منافسه شريفه
واستحقها الدكنور بكل جداره والله مااكتملت الفرحه كان ودنا فهد عياد ناجح
 

مهراشا

عضو فعال


وشنو سالفة الصندوق اللي جاي الساعه 0630 الصبح
هذا كلام سمعته ومنتشر عند العجمان
 

أبو راكان123

عضو ذهبي
وشنو سالفة الصندوق اللي جاي الساعه 0630 الصبح

هذا كلام سمعته ومنتشر عند العجمان


نعم صحيح هالكلام

فيه صندوق جابوه بعد الساعه 6 الصبح.. مادري من وين جاي.. ؟؟

والمناديب أكدوا أن العدوه ناجح بفرق لا يقل عن 300 صوت

اللي له حق بياخذه وبنقول له مبروك سواء الأخ بادي أو خالد

منافسه شريفه وكلهم في خدمه الكويت
 

adilalroh

عضو ذهبي
وشنو سالفة الصندوق اللي جاي الساعه 0630 الصبح

هذا كلام سمعته ومنتشر عند العجمان
هذاك قبل لما يم تجميع الصناديق في مكان واحد وبعدها يتم الفرز
كان الخوف ان يتم ابدال الصناديق وهي في طريقها الى اللجنه الرئيسه من اللجان الفرعيه


اللى قاعد يحصل الان التالي
كل لجنه اصليه او فرعيه يتم الفرز فيها بعد اعطاء القاضي رئيس اللجان الاوامر بذلك لكل اللجان الاصليه والفرعيه

والطبيعي جداً ان العدوه لديه مناديب في كل اللجان الفرعيه والاصليه والفرز يتم امامهم.
اما سالفه صندوق يجي الساعه 6:30 الصبح ويغير النتيجه هالكلام مو منطقي
مع العلم ان المناديب يوقعون علي اعتماد النتائج في اللجان.
 

سيف الكلمه

عضو مميز
ليس صحيح ابدا خالد العدوة لم يطعن ولن يطعن ابدا وإنما طلب فقط إعادة الفرز مرة اخرى . والفرق كبير بين الطعن وإعادة الفرز .
 

ALMutairi

عضو ذهبي
حق مشروع له


لكن هذا الرقم صحيح بكل مناديب المرشحين

وكل المتواجد باللجنه الرئيسيه بما فيهم مناديب متفائلون يعلمون انه بادي فائز
لكن الطعن شكلي لااكثر ولا اقل

وتطمنو ياقائمه لأجلكم

رقم بادي صحيح 100 %
ورقم العدوه صحيح 100 %

تقبلو تحياتي
 
تخيلوا يعيدون الفرز عشان طعن خالد العدوة ويسقط الحويلة وينجح المطيري .:D

أشهد إن العجمان بيحقدون على خالد العدوة .:D
 

ملتزمون

عضو فعال
تخيلوا يعيدون الفرز عشان طعن خالد العدوة ويسقط الحويلة وينجح المطيري .:D

أشهد إن العجمان بيحقدون على خالد العدوة .:D



هههههههههههههههههههههههههههههههههههههههههههههههههه


الله يقطع سوالفك والله يسمع منك


والله اذا طعن وفاز فهد عياد اني لا اسوي عشا واقعد ارزف لين ينهد حيلي
 

أبو راكان123

عضو ذهبي
تخيلوا يعيدون الفرز عشان طعن خالد العدوة ويسقط الحويلة وينجح المطيري .:D

أشهد إن العجمان بيحقدون على خالد العدوة .:D


بالنسبه لي بنتحر أو أقاطع الأنتخابات نهائيا :D

حسستني أن العجمان هدفهم في الحياه الكرسي !! :D

ياخي اللي ينجح نقوله مبروك حتى لو يخسرون العجمان كرسيين ولنا تجربه سابقه سنة 2006 لم ينجح سوى العدوه وابن شرفان فقط

تحياتي:وردة:
 

أبو راكان123

عضو ذهبي
هههههههههههههههههههههههههههههههههههههههههههههههههه


الله يقطع سوالفك والله يسمع منك


والله اذا طعن وفاز فهد عياد اني لا اسوي عشا واقعد ارزف لين ينهد حيلي

جعله دوم الضحكه :D

بس عندي ملاحظه بسيطه

دوسري وترزف مو راكبه :p

تحياتي لك :وردة:
 

مدهش

عضو
بالنسبه لي بنتحر أو أقاطع الأنتخابات نهائيا :D

حسستني أن العجمان هدفهم في الحياه الكرسي !! :D

ياخي اللي ينجح نقوله مبروك حتى لو يخسرون العجمان كرسيين ولنا تجربه سابقه سنة 2006 لم ينجح سوى العدوه وابن شرفان فقط

تحياتي:وردة:
ليش تنتحر
راح ينجح فهد المطيري
شو رايك تجرب
تحالفنا او تحالفكم​
 


حتى لو نجح العدوة وسقط الدوسري .

فالتحالف كان قوي وفيه التزام واضح .

لكن الفرق بينهم هو قاعدتهم خارج التحالف .

سعدون حماد قوي خارج التحالف وياخذ من الحضر والشيعة والقبائل المتفرقة .

ودليهي الهاجري نقابي وله علاقات وخدم كثيرين .

وكذلك بادي حسيان دكتور وله علاقاته .

لكن كان أضعفهم من حيث القاعدة خارج التحالف هو فهد عياد ، لذلك كان سقوطه شي طبيعي ولا علاقة للتحالف بذلك .

وكذلك العجمان واليامية كان حضورهم والتزامهم قوي حتى مع سقوط خالد العدوة ، والمشكلة لديهم ليس في الالتزام بالتصويت ولكن في الحضور للتصويت .

الظاهر كان عندهم غياب كثير ، وهذا شي طبيعي في العجمان ومعروف عنهم في كل سنة .

باختصار :

التحالف والعجمان متعادلين .:D
 
التعديل الأخير بواسطة المشرف:

TALIANY

عضو فعال
ياجماعه من حق الرجال يطلب اعاده الفرز مثل سعدون
ولكن في فرق سعدون العام عاد مع مناديبه وقال حق الي بالمقر
الساعه 4 الفجر الارقام بالضبط
وهالسنه بندوه دليهي اخر ندوه قالهم بقعد بالفرز باللجنه الرئيسيه
وارقامه ومناديبه ماتطابقت مع نتيجه الاعلان وطعن بالجمع وفرز
صندوقين وتبين انه العدوه ماخذ زياده بالغلط وبادي كان ناقص
وعقب مافرزو وجمعو طلع بادي متقدم على العدوه
العدوه طبيعي بيطعن لسببين اول شي علشان يرضي القبيله
ومايقعدون يلومونه والسبب الثاني سبحان الله ماتدري
تصير مفاجأه او شي من هالقبيل بس الصدمه اذا طلع بو بدر
على الحويله شنو بيكون وضع العدوه
 

يوزر انتحاري

عضو بلاتيني
4-3-3
مبروك كسر الاحتكار هاردلك العدوة
لكن يقولون انه ناجح بفرق 200 صوت ؟ ماعتقد انه العدوة يطعن الا واهو متأكد ومن حقه الطعن واللي له حق انشالله بياخذه

سؤال كم كانت نسبة حضور العجمان ؟
 
أعلى