الدائره الواحده

alqiser

عضو فعال
بعد ان راينا الخمس دوائر وراينا عيوبها حيث نرى نائب في الدائره الخامسه يحصل على اكثر من 11000 ويسقط في الانتخابات ونائب في الدائره الثانيه يحصل على 4776 وينجح اليس الافضل ان تكون الكويت كلها دائره واحد ولكل ناخب حق التصويت لاربعه مرشحين
حتى نحقق العداله بين المواطنين ونقضي على الطائفيه والقبليه وحتى شراء الاصوات سوف يكون في خبر كان .
 
اتمنى الدائرة الواحده ولكن بشرط ان يكون لك

ناخب صوت واحد فقط
 

خوش واحد

عضو فعال
ناقشنا وتكلمنا عن الدائرة الوحده من قبل

أولا : فيه شبهه دستورية ، لان الدستور يقول تنظم الدوائر ، والخلاف على كلمة الدوائر ، يعني المفروض اكثر من دائرة وحده.

ثانيا : الدائرة الوحده راح تكون للأقوى اعلاميا ، وراح ينظلم فيها اللي ماله اي نفوذ اعلامي ، وفكر الناخب راح يتشتت بين الكثيرين ، ماراح يتم اختيار النواب عن قناعه كامله يعني ، لان بالنهاية الفكر مشتت، والناخب راح يركز على النائب اللي كل يوم بالتلفزيون ولا بالجرايد وياخذ مساحات كبيرة، يعني توقع واحد مثل ( ....) كل يوم على قناة (...) 6 او 7 ساعات ، ويحط لك اعلان ستعش الف مره ، توقع راح يصوت عالاقل 50 الف !! ، مو عشانه بس عشان حملته الاعلامية ، والحملة الاعلامية تحتاج $$$$$$$$$$$$$$$$$$$$$$$$$$$$$$$$$ .

ثالثا : الدائرة الوحده ماراح تقضي على الفرعية ولا راح تقضي على الطائفية ، لان بالنهاية راح يجتمعون كلهم على 4 مرشحين لو كان لكل ناخب 4 اصوات ، ويجتمعون كلهم على 10 لو كان لكل ناخب 10 اصوات ، وغير هذا راح ينزلون مستقلين ، الشيعة راح يجتمعون ويزكون لهم مثلا 4 ويتفقون عليهم جميع الشيعة بالدوائر الخمس لو كانت دائرة وحده ، وعليك الحسبة جم واحد يوصل منهم مع المستقلين!، وحتى لو كان صوت واحد لكل ناخب ، راح يقسمون بعضهم الطوائف والقبائل الى مجاميع ، المجموعه الاولى مثلا تصوت لفلان ، والمجموعه الثانيه لفلان ، والمجموعه الثالثه لفلان ، والصوتين نفس الشي راح تصير مجاميع كل مجموعه تصوت لـ عضوين معينين من نفس الطائفة او القبيلة!

الوضع الحالي ممتاز ، والقضاء على الفرعيات والطائفيات صعب صعب صعب حيل ، لان هذا فكر الناخب وعقليته ، ماراح تتغير لا اليوم ولا باجر ولا حتى بعد عشر و 20 سنه ، يبيلها 50 سنه عالاقل غصب تتغير هالعقلية!

سلبيات النظام الحالي عدم عدالة التوزيع ، وظلم الأقليات ، بس كلهم لهم حلول لو اتفقوا الاقليات فيما بينهم ، راح يقدرون يخترقون بالرابعة والخامسة ، و عدد 4 اصوات لكل ناخب معقول ومناسب ، ولو انه يعطي الفرعيات فرصة اكبر لتزكية اعضاءها ، وهذا شي سلبي ، ولكن تعطي التحالفات فرصة اكبر والاحزاب فرصة اكثر، يعني احسن من الوضع الحالي بالوقت الحالي مافي.
 

alqiser

عضو فعال
اخوي المتنبي مشكوووور على مرووورك الكريم ولكن لو كل واحد عنده بس صوت واحد ما راح يصوت الا لواحد من طائفته او من قبيلته لكن لو عند الواحد اربع اصوات يمكن يطلع صوت من الاصوات الاربعه
اخوي خوش واحد توني ادري انه تم التكلم عن الموضوع من قبل
وانا اوافقك انه الدائره الواحده للاقوى اعلاميا
لكن اذا كانت الدوائر الان افضل لماذا لايتم تقسيم الدوائر بحيث يراعى العدد السكاني لكل دائره
وشاكر لك مرووورك
 
أعلى