الخرافي.. بالمطلق

الحوووت

عضو مميز
كل ما خلصت الانتخابات طلعولنا جم واحد من الناخبين اللي ما عندهم شغل غير سالفة أعلى رقم وأقل رقم.. ولو فلان نازل بالصباحية رقمه ما ينجحه.. ولو فلان نازل بالشامية جان رقمه اللي ايبه بصباح السالم ينجح وياه ستة.. حجي فاضي ماله معنى.. ولأني وايهت هالنماين جم ديوانية وسمعت منهم نفس الطرح.. حاب اليوم أكتب حقيقة غابت عن وايد من الناس.. مجلس 2003 كان مجموع الاصوات اللي حصلوا عليها النواب الناجحين بنظام الخمسة وعشرين دائرة وأيامها طبعا المرأة ما كانت تصوت.. الرقم كان (89.800) تحديدا تسعة وثمانين ألف وثمانمية ناخب؟ هذوله كلهم صوتوا حق الخمسين عضو اللي وصلوا المجلس.. بالتالي اختاروا رئيس مجلس الأمة جاسم محمد الخرافي بالتزكية ومحد خاض معركة الرئاسة.. ومعنى هذا كله ان جاسم الخرافي حصل على ثقة الخمسين اللي محد اعترض منهم ابد.. وأوتوماتيكيا راحت له ارادة (89.800) ناخب؟ يعني هالرقم محد حصل عليه موليه.. لا مسلم البراك ولا سعدون حماد ولا غيرهم.. يعني بمنطق اللي قاعدين يلفون الدواوين هالايام ويروجون حق اصحاب الارقام الكبيرة نقول لهم بنفس منطقكم.. جاسم الخرافي حاز على أعلى رقم بالحياة النيابية وبالمطلق.. اي نعم بالمطلق.. فعن الربربة والجمبزة والتظهول والهيو.. فكونا من هرطقاتكم.. وخلوا النواب اللي اخترتوهم يشوفون شغلهم.. وبطلوا تطبيل وتهبيل حق فلان وفلنتان.. ترى الارقام لغة مو بس انتو تفهمونها..
 
خوش منطق يبا ابوحمود الاول 18779 خل عنك هالخرابيط الخرافي ثلث هالعدد زين وصل له بعدين انت نقلت دون تعليق هذه مو مقاله واحد يكتب في جريدة تصدر في طهران اسمها الدار وكاتب مادري شنو اسمه ابوخيشه او شيخه
 

ALASLM_

عضو فعال


ماهي مميزات الخرافي ؟

هل يستاهل ان يكون نائبا ؟ هل يستاهل ان يكون رئيسا للمجلس ؟

طبعا ........ لا
 

ملتزمون

عضو فعال
انا ضد كلامك كله بس كلمت حق انت قلت كلمه تغني عن كل شي


خلوا الاعضاء اللي اخترتوهم يشوفون شغله وهذى الصحيح


انا من اول المعارضين على الخرافي يكون رئيس مجلس الامه بس مادام اغلبية النواب اللي اختاروهم اغلب لشعب يبونه رئيس هني يوقف الحجي كله


اللي معارض على الخرافي لايصوت حق واحد يبي الخرافي
 

بو جاسم

عضو ذهبي
اذكر مرة دخلت موقع الخرافي على النت
جان اضغط على ايقونة بموقعه واهي الانجازات الوطنية
جان تطلع لي هالعبارة:
"This page cannot be displayed "
طبعا الموضوع كان مشكلة فني بالشبك
بس الحقيقة ان هالانجازات عند البعض وما رح اقول الكثير من اهل الكويت
cannot be displayed :)
 

الحوووت

عضو مميز
اذكر مرة دخلت موقع الخرافي على النت
جان اضغط على ايقونة بموقعه واهي الانجازات الوطنية
جان تطلع لي هالعبارة:
"This page cannot be displayed "
طبعا الموضوع كان مشكلة فني بالشبك
بس الحقيقة ان هالانجازات عند البعض وما رح اقول الكثير من اهل الكويت
cannot be displayed :)
هذا رايك طبعاً ونحترمه:D
 

سنوكا

عضو فعال
الخرافي له و يستاهلها

والاخ كاتب الموضوع ماعندة سالفة
 

الحوووت

عضو مميز
:p اطالب المشرف العام بإعطاء سنوكا banned دايماً يتطرق للشخصنه
 
أعلى