الحل بالاحزاب

اللمبي

عضو فعال
يمكن يكون الكلام الي بقوله غريب عليكم كون ان الشعب الكويتي دايما يتعامل مع بعض

كأسره واحده واللي يطرح فكرة الاحزاب كأنه يبي يفرق الكويتيين

بس خلنا نكون صريحين مع بعض

1-ديرتنا تخللت فيها الطائقيه لي النخاع شوف شلون الدوائر تفرز الشيعي والسني على

حسب تواجد الطائفه بعيدا عن كفائة الشخص فلو نزل الدويسان بالرابعه راح يحصل على رقم يفشل
وخل هايف ينزل بالاولى راح تشوف مقره محترق

2-القبيله مسيطره عالدوله شوف الرابعه والخامسه شلون ان الاختراق يكاد يكون مستحيل

3-شراء الاصوات تعزز وصار حتى المرشح يشتري ابن قبيلته بالفرعيه

4-اصلا الحزاب شبه موجوده وشوف حدس والسلف والمنبر والقبايل

وهالايام الله بلانا بمرشحين يقولون ان برنامجه الانتخابي كذا وكذا واصلا هو ما يملك حتى تقديم اي مقترح بجدول الاعمال

يعني بروحك بالجلس ما تسوى شي والاغلبيه يقودونك

يعني خلونا احزاب وخلنا نشوف شنو ممكن يقدم الحزب الفايز ونحاسبه وعشان لحد يتعذر

بغيره فكل انتخابات نشوف اصابع الاتهام في تعطيل التنميه يمين ويسار

ودي اسمع رايكم في اشهار الاحزاب
 

لوحة التحكم

عضو فعال
المجلس ماراح يطول والسبب عدم وجود احزاب مشهره
واتمنى اقرار الاحزاب لأن لاديمقراطيه دون احزاب لي قاعد يصير لعب بلعب
 

kal ho na ho

عضو ذهبي
إحنا الحين مو مترقعين ويا هالتكتلات السياسية !!

تبون قانون اشهار الأحزاب .. تكمل الصكة ..!!!

أعتقد أن إشهار هذه الأحزاب بتقطع الكويت تقطيع ..أصلا الوضع بالكويت ما يسمح أبدا..

أولا دولة صغيرة ماراح اتحمل تحزّب وزيح ومرازيح .. ثانيا منو اللي راح يشرف على هالاحزاب هذي.. وكم حزب بيطلع لنا ؟ ؟ وعلى أي أساس بتكون هذه الأحزاب ؟ ؟ وأسئلة ثانية يمكن ما أستوعبها ...

وإن أشهرت الأحزاب .. مستحييل تكون منظمة كالدول الأوربية ..

ولن تكون -إن أشهرت لا سمح الله - أحسن من حزب الأمة السوداني وإلا الحزب القومي السوري..

فخلونا نقضب مجنونا .. لايجنينا اللي أجن منه ..

يعني هذا اللي أقدر أفهمه من مستقبل هالأحزاب .. ولا شك تجارب الأحزاب السياسية في الدول الأخرى أبلغ دليل...



ودمدم
 

صوغان

عضو مميز
إحنا الحين مو مترقعين ويا هالتكتلات السياسية !!

تبون قانون اشهار الأحزاب .. تكمل الصكة ..!!!

أعتقد أن إشهار هذه الأحزاب بتقطع الكويت تقطيع ..أصلا الوضع بالكويت ما يسمح أبدا..

أولا دولة صغيرة ماراح اتحمل تحزّب وزيح ومرازيح .. ثانيا منو اللي راح يشرف على هالاحزاب هذي.. وكم حزب بيطلع لنا ؟ ؟ وعلى أي أساس بتكون هذه الأحزاب ؟ ؟ وأسئلة ثانية يمكن ما أستوعبها ...

وإن أشهرت الأحزاب .. مستحييل تكون منظمة كالدول الأوربية ..

ولن تكون -إن أشهرت لا سمح الله - أحسن من حزب الأمة السوداني وإلا الحزب القومي السوري..

فخلونا نقضب مجنونا .. لايجنينا اللي أجن منه ..

يعني هذا اللي أقدر أفهمه من مستقبل هالأحزاب .. ولا شك تجارب الأحزاب السياسية في الدول الأخرى أبلغ دليل...



ودمدم
درر درر ..
بس كثري من دمدم :p
 

ابن الرفيع

عضو فعال
طبعا اشهار الاحزاب بهذا الوقت غير صائب .
لان الربع اللي عندنا ليما الحين مو عارفين شنو اساسيات واساليب ومفاهيم الحزب عبالهم السالفه تجمع من اجل الكثره والتأييد . اول شي خل يتثقف المواطن ويعرف شنو له وشنو عليه وعلى اي اساس يتشكل الحزب وشنو شروطه واحكامه بعدين نطالب باشهار الاحزاب .
والتجربه العربيه بالاحزاب خير دليل ! .
 

خوش واحد

عضو فعال
مانبي احزاب، كلنا حزب واحد وشعب واحد، مو ناقصين تقسيمات.

لا ديموقراطية بدون احزاب ؟! بلاها ديموقراطية اللي تفرقنا وتقسمنا.
 

Liberal Girl

عضو فعال
الاحزاب هي إكمال لمسيرة الديمقراطية

لو يسوون احزاب نفس الاحزاب العالمية "الحزب الديمقراطي ، الجمهوري، الوطني .. وغيرها من الاحزاب التي تمثل فكر وتفاوت آراء اهلاً وسهلاً بهم

لكن العرب مو كفو ينعطون ويه
بيطلعلك حزب معارضة الحكومة حتى وإن كانت على صواب ، حزب موالاة الحكومة حتى وإن كانت على خطأ
حزب عيال بطنها حزب عيال ظهرها
بالإضافة إلى الحزب الشيعي ، وبعد جم سنه ينقسم منه حزب البهائية، الاسماعيلية ، اليزيدية
والحزب السني ، وبعد جم سنه ينقسم منه الحنفي ، المالكي، الشافعي،الحنابلي
مو بعيده يطلعلنا حزب الفالي و حزب الله ، وممكن حزب حماس وحزب فتح يتذابحون مع بعض


الاحزاب أثبتت فشلها بالعالم العربي "ذبح قتل تفجيرات" حتى وإن كنت مستبعد ان يحصل هذا بالكويت حاليا ً، لا تستبعده بعد 20 سنة مثلا
فالفلسطينين لم يكن أحد يتوقع أن يتقاتلوا مع بعض بدل أن يقاتلوا اليهود
ولا ننسى الاوضاع المصرية كما حال لبنان لم يسعوا إلا للتمثيل النيابي المسيحي والشيعي والسني في البرلمان
لكنها فجأة تحولت إلى حرب أبطال الشوارع..!



..
 
أعلى