نبارك حق وزراء قبيلة مطير(( هنا توضح التبريكات لوزراء قبيلة مطير))

ALMutairi

عضو ذهبي
يستاهلون بلاشك وألف مبروك وكان الله في عونهم
وتبي الصراحه.. العفاسي لو أنه ماقبل الوزاره كان أفضل!!
شله بالوزاره ودوخة الراس.. والله أنه رجل ونعم ومانرضى عليه ونتمنى له كل خير


اتفق معاك

ومبروك للوزراء
 

سنوكا

عضو فعال
اعتقد فيه مشروع تصادم الساير و هايف بالاضافة الى العفاسي مع الباقي

موفقين خير
 

Arabian Boy

عضو مميز
موضوع عنصري وسخيف..أستفزني حيل
الحكومة مفروض تخصص ميزانية لمكافحة التخلف في المجتمع..
حتى ما تطلع مثل هالنوعيات
 

Bello

عضو ذهبي
أتمنى إغلاق مثل هذه النوعيه من المواضيع العنصريه .. و منا إلى عين جدي والمشرفين الكرام
 

فتى الشمال

عضو ذهبي
الف مبروك لهم كا اشخاص و خلنا نترك هل امور انت لو قايل مبروك للوزير الفلاني و وزير الفلاني كان زين
بس انت قلت وزاراء مطير و كانهم ليس وزاراء الكويت و هذا الاخوان خلاهم يهبون عليك
المهم بلتوفيق للعفاسي و فاله الطيب
و بلتوفيق للساير و فاله الطيب
 
الساير ليبرالي ومايمثل القبيله مثل ماسوا عبدالله عكاش اللي قال انا ما امثل مطير امثل الحزب
بعدين الحكومة عطى القبائل اللي لها ثقل بالكويت وزراء العوازم الشريعان ومطير العفاسي والعجمان محمد البصيري

اي نقول انهم وزراء مطير عندكم مانع حنا عددنا اكثر من الشيعه اللي لهم وزيرين وعدد العوازم بعد والعجمان لا يستهان فيه ولازم يكون لهم وزير
 

السيف الحدب

عضو فعال
العفاسي يستاهل والله ووزارة مافيها مشاكل ولا استجوابات ........

وبالنسبه لليبرالي هلال الساير .... هذا الي طرد المنقبات ومنعهم من دخول قاعات المختبرات... يوم كان رئيس لكلية الطب .... ولا يعترف لا بمطير ولا بغيرهم....
 

الأستاذ

عضو فعال
رد علي الديحاني

اولا نتقدم بالتبارك للوزراء
ومن ثم نتقدم بالتبريكات لوزراء قبيلة مطير

1- محمد العفاسي ((وزير الشئون)) حاصل عليل لدكتوراة ورئيس القضء العسكري بالدفاع
2- هلال الساير (( وزير الصحة )) عميد لكلية الطب ايام التسيعينات

ومن ثم صرح الساير :.
1- ساخدم بلدي بكل ما اوتيت من قوة واكل ما بداة الاخرون للارتقاء بالخدمات الصحية وخدمة المرضى

2- ستكون لنل رؤوية في الوضح الصحي والتعاون مسالة مهمه
اخي الديحاني
اولا نبارك دخول العفاسي للوزاره لانه يستاهل وراعي فزعه بوسعود
ولاكن بخصوص الساير فهذا لايمثل قبيلة مطير لانه حضري ليبرالي كان عميد كلية الطب وطرد المنقبات وهو يمثل نفسه وعائلته فلذلك لاتضعه من ضمن تبريكات مطير
 

سنوكا

عضو فعال
اخي الديحاني
اولا نبارك دخول العفاسي للوزاره لانه يستاهل وراعي فزعه بوسعود
ولاكن بخصوص الساير فهذا لايمثل قبيلة مطير لانه حضري ليبرالي كان عميد كلية الطب وطرد المنقبات وهو يمثل نفسه وعائلته فلذلك لاتضعه من ضمن تبريكات مطير

لا يا اخوي عيب هالكلام

اللي ما يعرف الساير يسأل عن مواقف ابوة و جدة مع مطير

الناس حظر لكن ماهم هافين و قدام الكل يقولون انهم وسامى

اما اذا الرجل ليبرالي فهذا لا يعيب فيه

والا نسيتو مانع بن شرار ليبرالي المغاتير ؟
 

Romanson

عضو بلاتيني
يخوي الضفيري العفاسي حطوة ليكون نقطة ضعف لمسلم البراك والتكتل الشعبي
ويعتبر العفاسي نسيب مسلم البراك
وصديقة الخاص ضيف الله ابورمية

صح كلامك يا الديحاني
انا اعرف علي محمد العفاسي معرفه شخصيه خاله مسلم البراك
 

Arabian Boy

عضو مميز
اخي الديحاني
اولا نبارك دخول العفاسي للوزاره لانه يستاهل وراعي فزعه بوسعود
ولاكن بخصوص الساير فهذا لايمثل قبيلة مطير لانه حضري ليبرالي كان عميد كلية الطب وطرد المنقبات وهو يمثل نفسه وعائلته فلذلك لاتضعه من ضمن تبريكات مطير

حبيبي.. شنو مطير وما مطير هذيلا وزراء حكومة دولة الكويت..
متى تتطور هالعقليات.. لا وبعد ناقد عليه عشانه حضري الله يستر عليك.. الا اشلون المزاين بس؟؟ انت والسياسة وين
 
أعلى