بورمية يستجوب وزير الدفاع...

عزيز نفس

عضو مخضرم
وانا معاك
لاحظ ان الديره مكانك راوح
وودك كل وزير يشتغل للديره ولا لايمسك وزاره
المفروض كل وزير لو انه صج كفو ولما يعرضون عليه الوزاره يسألهم تعطونى الصلاحيه اعمر البلد واشتغل للوطن والمواطن ولا بس وزير زينه؟
مو يكشخ لى بالبشت ويقسم بالله بس حجى وبالتالى يكون جندى شطرنج ما يقدر يسوى اى شى ومابيده اى قرار
 

تأبط رأيا

عضو بلاتيني
لايوقف..لايوقف.:)

فعلا شعب يضحك :)
الحين واحد يقولك انا بدافع عن فلوسك وفلوس عيالك
واى حرامى اشوفه يبوق فلس راح احوله النيابه
تقوم تسفل فيه وتقوله مو شغلك وخله يبوق؟
بعرف ليش متضايقين انه فى ناس تدافع عنكم وعن حلالكم واموال الشعب؟
الا اذا انتو حراميه وتاكلون حرام وهالشى عاجبكم وبدمكم هذا شى ثانى عاد
لا, اولا من هو المستجوب... وبعدين نحدد موقفنا ولا تقول لي باق أو اختلس او تجاوز , هناك سرقات محمودة, وهناك تجسس محمود وعلي وحسني وبطيخ.

يا عمي "هذيلا"..لا يهم ما هي القضية ولكن المهم من أثار القضية.

لايوقف يا ابورمية والبراك والسعدون والدقباسي والحربش والمسلم والطاحوس وبقية الشرفاء, سيسجلها لكم التاريخ, وسيركل كل "انبطاحي".


كلمة راس...عزيزي عزيز النفس..
خذ نفسا عميقا وضع رجل على رجل, وترقب قطار المحاسبة لكل متجاوز, عليك أن تتفرج على محاسبة نواب الشعب للمتجاوزين ودع من هنا يصرخ مع قليل من اللطم, وبالهناء والشفاء.

عاشوا المؤزمين.
 

Single

عضو ذهبي
اذا كانت المادة تستحق الاستجواب
فيجب علينا ان ناخذ بيده وندعمه
اتمنى ان لا تكون مادة الاستجواب هزيلة
وان لا يكون الاستجواب للاستجواب فقط
 

عزيز نفس

عضو مخضرم
استاذى الغالى تأبط رأيا
ياليت الاقى مع من ذكرتهم تأبط شرا بعد
لان السالفه مصخت وصارت الحرمنه حلالى
شباب مراهقين توهم بعز شبابهم يأسسون شركه رأس مالها 100 الف ويعطونهم مناقصات بالملايين
بس لأنهم عيال تجار ومتنفذين وعلى قولتهم من بطنها
واذا تكلمنا قالوا تأزيم
قالها ابو نوره
ان تكلمنا مصيبه وان سكتنا قهر
 
أعلى