- لو كنتوا مكآني .. شسويتوا .. ؟ -

jody

عضو مخضرم
- السلام عليكم والرحمة –





...




موقف صار معايّ .. أمس .. تحديداً .. في بحر الكوت .. الفحيحيل .. بين الساعة 9 – 12 ..


كننا متيمعين .. واليهال .. والبنات الصغار ويانّا .. وما شاء الله البحر زحمة ..

اللي حصل :


كان فيه .. أثنين .. !! حرمة وزوجها !!


هـ الأثنين .. فصلوا .. صلّعوا ..بآعوها !!

ألحين .. ويانّا بنات أعمارهم من 8 – 15 سنة !!

وأنتبهوا !!

يـه !


كل شي مخل بالآداب سووه !!

ولا عبروا أي أحد ..

والمصيبة .. والطآمة .. أنه فيه ريايييل وآيد مع أهاليهم .. محد تحرّك !!

وهذا اللي صدمني .. وخلآني أكتب هـ المووضوع !


عآد يوم مصخوها صج صج .. آنا أرتفع ضغطي ..

جآن .. أحم ..

أصير قوية ..

قلت : يعني لو الرياييل مافيهم خير .. آنا بصير فيني خير .. لوول ..

جآن أسوي تلفوني سايلنت .. عشآن ما يوهقني ويرن ..

>> خطة جهنيمة ..

وأروح من ورآهم ..

وأسوي روحي أتحجى بالتلفون .. طبعاً تأدبوا .. يوم قربت صوبهم .. وبعدوا عن بعض أشوي ..

قمت أقول : لووول طبعاً محد معايّ ..

ناس قليلين أدب !!

مو فآهمة يعني .,, حتى لو مرته مو يقل أدبه يدام الناس !!

لاء لاء .. تعال جوفهم .. ولا بدّق على ثلاث سبعات لوووول

المهم .. جآن أخلي تلفوني على أذني ..

خـو أشدرآني .. هـ الناس صآحييين ولا لا.. ؟

علبو معايّ أحد عـ الخط .. عشآن يخقون ..


المهم ..

جآن أقول : السلام عليكم

طبعاً البنية عينها بـ القآع .. ما رفعتها موووولية !

وهذا اللي مو صآحي .. قآضب تلفونه ويطقطق ..

جآن أقوله : لو سمحت .. أحنا وين قآعدين ., .؟

لو مآ تخاف من الله .. أحترم البشر اللي قآعدين .. عيب .. ويانّا يهال. .

جآن إيقول : اوكي .. !!

وللحين يطقطق بالتلفون ..

قلت له : لو سمحت .. لا تقول : أوكي ..

ياريت حضرتك تطلع من أهني ..

جآن يقولي : أوكي ..

لووول

قلت له : الله يهديك إن شاء الله .. ويهديها معآك ..

جآن يقولي : أوكي

رفع ضغطي ..

قلت له .. يلاه خلاص روحوا .. مع السلامة ..

اللي تسوونه شي مو معقول يعني !

مآ مداني أقفي .. ولا قــآموا !!!!!!!!

سبحان الله !!


من أوصل حق يمعتنا .. ولقيت تصفيق وتشجيع لوول


اللي أستغربت منه !!

أنه هـ الريّال .. سمع الكلام .. وقآم ..

معنآها .. يدري أنه غلط ..

ألحين بفهم !


لو واحد منكم صآدفه جي موقف .. وبـ مصآخة .. مرآح إيسوي شي .. ؟

ألحين مآكو قانون يجرم هـ الشغلات ... ؟ وخآصة في الأماكن العآمة . ؟

الأهم من كل هذا !

الناس وين رآح حيآها .. ؟

خلاص العالم ينّوا وقعدوا يعني ولا شنو بالضبط .. .؟



اللي بقوله لكم :

أحنا .. كلنا مقصرين .. وأستغفر الله ذنوبنا ما يعلم فيها إلا الله ..

وحلو الواحد .. لا جآف شي غلط .. لا يسكت ..


أنهلك وفينا الصالحون .. ؟

نعم إذا كثر الخبث !

واللي قاع يصير أكثر من خبث .. الله المستعان ..

عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم .


وبس .. سامحونّا عـ الطوالة ..



:وردة:
 

Normal

عضو مخضرم
ما اعتقد زوجته << سوء النيه حاضره بكل شي

يعني منو متوازي يبوس زوجته عـ البحر .. داخل البيت وما يبوس الا بالاسبوع مرتين ..

الا اذا كان من جنسيه عربيه او اجنبيه .. يمكن بوس زوجته امام العالم كله .. ما عندك مشاكل

... عموما تصرف خاطئ .. وفي بلدنا يجرمه القانون .. لو مبلغه الشرطه جان تلّوهم ..

والتهمه زاهبه .. فعل فاضح في مكان عام ..

تصرفج اكثر من رائع .. من الجهرا ارسل لج اجمل تحيه + تصفيق حار ..
 

zaboo6a

عضو
اختي نور :وردة:

حبيت تصرفج وايد و يريت كل الناس عندها هالمسؤوليه و الجرأه هاذي ..

آنا لو كنت مكانج صعب اقولج اني كنت اسوي نفسج يمكن جرأتي بهالمواقف تهتز شوي لكن لو انها صج "امصخت" عالآخر اتوقع كان ممكن اني اتحرك او اطلب من أحد معاي ان يتكلم ..

آنا بالديره لما امشي احس بالمسؤوليه و من كثر ما احب ديرتي ما ارضى فيها بالغلط أذكر مره واحد قط وصخ بالشارع مادري شصار فيني لحقته و زفييييته لا شعوري :D

لو كنت فكرت قبلها يمكن ما كانت راح اتييني الجرأه بس لأن الموقف صار عفوي و ردت فعلي صارت بسرعه استانست من اللي سويته خليته يحس ان كبر النمله بسبب هالتصرف :p

الموقف حده محرج و خصوصا ان معاكم يهال مادري ليش هالناس يحرجون نفسهم بهالطريقه يعني ما عندكم بيت تقعدون فيه و الا مستعيليين ما يمديكم اتردون اتسوون شغلكم كله بالشارع ..!

الزبده لو كنت موجوده جان صفقتلج مع الأهل :p

Keep it up ;)
 

jody

عضو مخضرم
ما اعتقد زوجته << سوء النيه حاضره بكل شي

يعني منو متوازي يبوس زوجته عـ البحر .. داخل البيت وما يبوس الا بالاسبوع مرتين ..

الا اذا كان من جنسيه عربيه او اجنبيه .. يمكن بوس زوجته امام العالم كله .. ما عندك مشاكل

... عموما تصرف خاطئ .. وفي بلدنا يجرمه القانون .. لو مبلغه الشرطه جان تلّوهم ..

والتهمه زاهبه .. فعل فاضح في مكان عام ..

تصرفج اكثر من رائع .. من الجهرا ارسل لج اجمل تحيه + تصفيق حار ..


بو النيف ..

أكيد مو مرته .. بس قلنا إن بعض الظن إثم .. يعني .. ونبي نحسن النية ..

الريّال كويتي .. هذي المشكلة .. يعني كـ شكل .. ولهجة ..


قلنا : مانبي نكبر الموضوع ..

وهآت يا سؤال .. وهآت يا جوآب ..


شكراً شكراً .. بو النيف .. ما قصّرت ..

:وردة:
 

zaboo6a

عضو
على فكره هم بو النيف فكرته سليمه ..

ما اتوقع لو كان ريلها يرضى ان يحرج نفسه جدام الناس ..

و لو كان ريلها ما اعتقد ان رد عليج هالرد و انحرج هالكثر و ما قدر يتكلم ..

و لو دقيتي على 777 و خليتيهم يتصرفون جان زدتي الاكشن بالموضوع :)
 

عطلبيس

عضو بلاتيني
جزاك الله خير................بالرغم من أنني من مشجعي الحريات الشخصية ( طبعا بحدود و ضمن نطاق إحترام الشريعة الربانية فقط) و أنتي لم تحددي ما فعله الإثنان....و لكن واضح أنهم تجاوزا حدود الأداب العامة......

فما فعلتيه هو عين العقل....و في ميزان أعمالك...
 

jody

عضو مخضرم
اختي نور :وردة:


حبيت تصرفج وايد و يريت كل الناس عندها هالمسؤوليه و الجرأه هاذي ..

آنا لو كنت مكانج صعب اقولج اني كنت اسوي نفسج يمكن جرأتي بهالمواقف تهتز شوي لكن لو انها صج "امصخت" عالآخر اتوقع كان ممكن اني اتحرك او اطلب من أحد معاي ان يتكلم ..

آنا بالديره لما امشي احس بالمسؤوليه و من كثر ما احب ديرتي ما ارضى فيها بالغلط أذكر مره واحد قط وصخ بالشارع مادري شصار فيني لحقته و زفييييته لا شعوري :D

لو كنت فكرت قبلها يمكن ما كانت راح اتييني الجرأه بس لأن الموقف صار عفوي و ردت فعلي صارت بسرعه استانست من اللي سويته خليته يحس ان كبر النمله بسبب هالتصرف :p

الموقف حده محرج و خصوصا ان معاكم يهال مادري ليش هالناس يحرجون نفسهم بهالطريقه يعني ما عندكم بيت تقعدون فيه و الا مستعيليين ما يمديكم اتردون اتسوون شغلكم كله بالشارع ..!

الزبده لو كنت موجوده جان صفقتلج مع الأهل :p


Keep it up ;)

أحم ..

جوفي ..

آنا مو من النوع الجريء والله .. بس خلاص طلعت عفوية ..

لأنه صج صج أحتريت ..

رديت البيت أحس فيني إيمان تصدقين .. ؟

لوول


لج .. :وردة:
 

الفراشة

عضو مخضرم
لاحول ولاقوة الا بالله ...

لم يعد هناك حياء عند البشر ... جزاك الله خير ....

أنا عن نفسي ماكنت راح اتحرك ( بالمزهدة اللي تزهدهم الاثنين ) والسبب صراحه ينخاف من هالاشكال

شدراني لو قمت قلت له شيء مايقوم يكفخني والا يبيلني بعمري ... والا شفكني منها لو طلعت عوبه

وخالصه .. ماتسوى علي الاهانه ... وأنا كرامتي عندي بالدنيا ...

بالعربي كنت راح أقول لاحول ولاقوة الا بالله طول ماانا قاعده ... لأني لما تصادفي هالاشكال

أو أشوف شغلات تفقع المراره أو لبس ماصخ أقول لاحول ولاقوة الا بالله ...
 

kkk

عضو مخضرم
وين الصور ليكون الموضوع كامل....
لان يمكن يجئ واحد ويقول نور
تطلع اشاعات على اهل الكويت!!غشمرة
بصراحة وبدون مجاملة
اذا كل واحد عمل نفسه شرطي..
عيل رحنا ملح
بأجر اي من الاخوة الاعدقاء يعمل له شرطة خاصة
ويقوم يحط قوانين من عند ه.......وخلاص
المفروض اختى الاتصال بالشرطة
هو العمل القانوني والامان لج ولاهلج

ما نبي كل واحد يطبق القانون على مزاجه
وانا اسف على الازعاج
نور .....كلية الشرطة تقبل نساء هالايام!!
تحياتي
 

Ms Rose

عضو مخضرم
انا عكسك تماما

مااجرح احد بالكلام حتي لو مخطيء

واذا تصرفهم ماعجبني اطنش واقعد بعيد

او اطلع من المكان

ولكن اني اتدخل بشؤون الاخرين

مستحيل

علي فكره الرجل ولد حبوب لو واحد غيره كان زفك زفه تسوي عمرك:p
 

JeNaN

عضو بلاتيني
دربالج في ناس قليلين أدب عادي يهد لسانه عليج و يركبج الغلط

هالمرة عدت على خير مرة ثانية ما تضمنين
 

jody

عضو مخضرم
على فكره هم بو النيف فكرته سليمه ..

ما اتوقع لو كان ريلها يرضى ان يحرج نفسه جدام الناس ..

و لو كان ريلها ما اعتقد ان رد عليج هالرد و انحرج هالكثر و ما قدر يتكلم ..

و لو دقيتي على 777 و خليتيهم يتصرفون جان زدتي الاكشن بالموضوع :)


ممممم ...

جوفي .. آنا أحس لو دقيت عـ الشرطة .. أووووه .. لوية لوية ..

خو شرطتنا .. يقلبون الآية عـ المشتكي ..


وبعدين .. مآلي خلق حنّة رياييلنا .. شكو أدقين .. وشكو مآ شنو ..؟

آنا لما قلت لهم .. وقفوا بين مؤيد ومعآأرض ..

هـ الدور أدق عـ الشرطة ..

لا لا .. أخاف :D
 

jody

عضو مخضرم
جزاك الله خير................بالرغم من أنني من مشجعي الحريات الشخصية ( طبعا بحدود و ضمن نطاق إحترام الشريعة الربانية فقط) و أنتي لم تحددي ما فعله الإثنان....و لكن واضح أنهم تجاوزا حدود الأداب العامة......

فما فعلتيه هو عين العقل....و في ميزان أعمالك...



كلنا مع الحريات ..

لكن حريتي تتوقف يوم أضر غيري ..


ما فعله الإثنان .. ؟

كل شي !!

مهـزلة عـ الهوا !!

وأكثر من مهزلة ..


شكراً مرقوق :وردة:
 

zaboo6a

عضو
^
^
^

وي ما عندج سالفة آنا 777 عندي جني داقه على بيتنا LOL

لا اتغشمر مو لهالدرجه بس فعلا اذا شفت شيء غلط ما اتردد بالعكس احسن وسيله ..

مره عند الكليه يايين عقد يتحرشون في بنات خلق الله و بغو يدعمون وحده ..

عاد اختج ما ثننتها على طول ادق على ربعي 777 و ابلغ عنهم :p

الحسافه ان حولوني على الشرطي دق علي قالي ليلحينه موجود قلتله والله مادري دشيت داخل الكليه مادري عنه ..

تحسفت لو كنت قاعده جان شفتهم يتبهدلون :p

و بعدين الشرطه اتجنبج الاحراج و بهالمواقف مجرد انج تبلغين و اهما يتصرفون ما يدخلونج بالموضع "عن تجربه"
 

jody

عضو مخضرم
لاحول ولاقوة الا بالله ...

لم يعد هناك حياء عند البشر ... جزاك الله خير ....

أنا عن نفسي ماكنت راح اتحرك ( بالمزهدة اللي تزهدهم الاثنين ) والسبب صراحه ينخاف من هالاشكال

شدراني لو قمت قلت له شيء مايقوم يكفخني والا يبيلني بعمري ... والا شفكني منها لو طلعت عوبه

وخالصه .. ماتسوى علي الاهانه ... وأنا كرامتي عندي بالدنيا ...

بالعربي كنت راح أقول لاحول ولاقوة الا بالله طول ماانا قاعده ... لأني لما تصادفي هالاشكال

أو أشوف شغلات تفقع المراره أو لبس ماصخ أقول لاحول ولاقوة الا بالله ...



جوفي ..

آنا مو جريئة والله .. وبيني وبينج ترددت ... بس حزّتها الله قوآني ..


آنا ليش سويت روحي أتحجى بالتلفون .. ؟

عشآن يخق يعني لوول .. خو يطلع بعد مو صآحي ... يعني حمآية ..

آنا لما قلت له روح مع السلامة .. حط إيده بمخباته .. والله عبآلي بيطقني بمسدس لووووول

شطحت ..

المشكلة .. أحنا قمنا ما نتجرأ .. عشان نقول هذا صح وهذا غلط ..

وعشآن جي .. للأسف الدنيا سآبت ..



الفرآشة لج .. :وردة:
 

jody

عضو مخضرم
وين الصور ليكون الموضوع كامل....
لان يمكن يجئ واحد ويقول نور
تطلع اشاعات على اهل الكويت!!غشمرة
بصراحة وبدون مجاملة
اذا كل واحد عمل نفسه شرطي..
عيل رحنا ملح
بأجر اي من الاخوة الاعدقاء يعمل له شرطة خاصة
ويقوم يحط قوانين من عند ه.......وخلاص
المفروض اختى الاتصال بالشرطة
هو العمل القانوني والامان لج ولاهلج

ما نبي كل واحد يطبق القانون على مزاجه
وانا اسف على الازعاج
نور .....كلية الشرطة تقبل نساء هالايام!!
تحياتي


:D ..


آنا أحتريت .. صج صج .. يعني أهما ما يستحون .. ولا يخآفون ربهم .. أحنا شكو نبتلي بهـ المنآظر ؟؟

لا يبة .. آنا موول مو ميولي بوليسية ..

بس قلت : الظآهر حزّتها زآدت إيمانياتي :D


شكراً :وردة:
 

jody

عضو مخضرم
انا عكسك تماما


مااجرح احد بالكلام حتي لو مخطيء

واذا تصرفهم ماعجبني اطنش واقعد بعيد

او اطلع من المكان

ولكن اني اتدخل بشؤون الاخرين

مستحيل


علي فكره الرجل ولد حبوب لو واحد غيره كان زفك زفه تسوي عمرك:p


وين أروح .. ؟

ماقدر أغيّر مكاني ..

بــحر ..

خو يسوون اللي يبون بـ الطقآق .. بس مو جي ..

وييع ويييع ..

والله لو مكآني .. بتقطين عليهم رمل .. لوول ..


إي حدّه محترم معايّ الصرآحة .. معنّه عبآلي .. قليل أدب تصدقين ..؟ لوول


لج :وردة:
 

jody

عضو مخضرم
دربالج في ناس قليلين أدب عادي يهد لسانه عليج و يركبج الغلط

هالمرة عدت على خير مرة ثانية ما تضمنين


يمآآآي .. يارب ما أوآجه جي موقف بعد ..

خو بعد .. إن شاء الله مآكو مرة ثانية ..

لج .. :وردة:
 

jody

عضو مخضرم
^
^
^

وي ما عندج سالفة آنا 777 عندي جني داقه على بيتنا LOL

لا اتغشمر مو لهالدرجه بس فعلا اذا شفت شيء غلط ما اتردد بالعكس احسن وسيله ..

مره عند الكليه يايين عقد يتحرشون في بنات خلق الله و بغو يدعمون وحده ..

عاد اختج ما ثننتها على طول ادق على ربعي 777 و ابلغ عنهم :p

الحسافه ان حولوني على الشرطي دق علي قالي ليلحينه موجود قلتله والله مادري دشيت داخل الكليه مادري عنه ..

تحسفت لو كنت قاعده جان شفتهم يتبهدلون :p

و بعدين الشرطه اتجنبج الاحراج و بهالمواقف مجرد انج تبلغين و اهما يتصرفون ما يدخلونج بالموضع "عن تجربه"


:D


مرّة يآتني رفيجتي ..

وولدها - حشآج - دش الحمام وتقفل عليه الباب ..

والبيت مووليه مافيه أحد ..

جآن أدق على يآرتي .. وقلت لها : قولي حق بو أحمد ..

وإييي بو أحمد . ويكسّر الباب لووول ويخرقه .. ويلعب فيه لعب ..

كل هذا.. عشآن مادق على 777 .. بس بـ النهآية .. قلت لا مفر منهم ..

ودقيت .. ويوو ..

ومع هذا .. للحين ما أحبذ فكرة 777 .. تخرّع :باكي:
 

هنوه

عضو ذهبي
غاليتي نور


انا مر علي هالموقف اكثر من مره


مرتين على شاطىء البحر بس الحلوين كانوا بالسياره و ظلمه يعني ما يشوفهم الا اللي يمر جنبهم فتركتهم و قلت من ستر مسلما في الدنيا ستره الله في الاخره


المره الثانيه لاااااااااااااااا


كنت بسيارتي و واقفه على الاشاره الحمره و الا الاخ مندمج اخر اندماج و عند الاشاره و امام الملا و على عينك يا تاجر


بصراحه ما قدرت و قلت عليه عيب عليكم


بصراحه قال لي مو شغلج و يالله ذلفي :(:eek:

فما كان مني الا الاتصال على 777

و عطيتهم نوع السياره و رقمها و المكان و الشارع و كل المعلومات المطلوبه


اتصلوا علي بعد نص ساعه


يسالوني


اختي ما تدرين وين راحوا :confused:



و مره بالجامعه بكافتيريا الجامعه و الحلوين نسوا عمرهم


بصراحه ما اقدر اطنش او اسوي روحي مو شايفه



و عليه اتجهت لهم و قلت لهم عيب اللي تسونه و احترموا البشر اللي حواليكم و احترموا الحرم الجامعي


طبعا ما ردوا و كملوا مشروعهم فبلغت عنهم ال security و تركتهم



عن أبي سعيد الخدري رضي الله عنه قال : سمعت رسول الله صلى الله عليه وسلم يقول :

( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك


أضعف الإيمان ) رواه مسلم .
 
أعلى