منو المرأة اللي تحترمها ؟ ومنو الرجل اللي تحترمينه ؟

[FahdQ8]

شخصيا ً احترم المرأة اللي تعرف شنو تلبس .. مو اللي تشوفها جنها رايحه استقبال .. او اللي تتسوق اجلكم الله بشحاطه ..

ما احترم المنقبه اللي تسوق السياره .. لانه مخالف للقانون .. وما تسوى عليها ان وقفها شرطي وطلب منها التحقق من شخصيتها ..

وما احترم اللي طالعه بروحها بعد الساعه 9 بالليل ...

احترم اللي وهي تسوق تقعد اطفالها ورا ..

احترم المرأه اللي ما ترفع صوتها على اطفالها وهي تتسوق بالجمعيه.. ما تسوي لويه ..

احترم اللي اذا شفتها ما تدري اذا حاطه ميك اب ولا لا .. مو الي فاتحه مرسم بويها .. او اللي ويها يلق .. وايدينها تحوحي من السواد ..

احترم اللي وانت يمها ما تشم عطرها .. مو اللي عطرها يصك راسك وانت على بعد نص كيلو ..

احترم اللي اذا قلت لها ( لاي سبب ) لو سمحتي قالت تفضل .. مو اللي تصد عنك يكون مستحيه ...

احترم اللي ما تتلفت وهي بالسياره .. مو اللي طايره عيونها بالسيارات اللي يمها بالاشاره ..

احترم اللي تلبس اكسسوارات بسيطه .. مو اللي مضاعد وطقم الماس وخواتم بكل اصبع ..

احترم اللي من تشوفها تحس انها بنت ناس طيبين .. وما فيها موقه ..

هذي رؤيتي للبنت المحترمه .. وان طرا علي شيء برد اكتبه ..

وانتو شرايكم ؟​

 

[Lady Sara]

أحترم الرّجل الوفي لدينه ولزوجته ولبلده ولأولاده وأخيرا لكلمته ،،!!

أحترم الرّجل الشّهم ،،،،

أحترم الرّجل المثقّف ،،المتفقّه دينيا ،،!

أحترم الرّجل التّكانة ،،قليل الكلام ،،،كثير الأفعال الطّيبة ،،!

أحترم الرّجل اللي يغض النظر لما تمر من جنبه المرة ،،،

أحترم الرّجل الطّموح ،،،المكافح بحياته ،،مو اللي يشكي من الديون على طول ،،

أحترم الرّجل اللي يتفهّم ويقدّر تعب الزوجة ،،ويشارك معاها بأعباء حياتها ،،،اشفيها لو يطبخ يعني

الفاضل فهد ،،

الموضوع يجبرك على العودة ،،

شكرا لك

 

[FahdQ8]

أحترم الرّجل الوفي لدينه ولزوجته ولبلده ولأولاده وأخيرا لكلمته ،،!!

أحترم الرّجل الشّهم ،،،،

أحترم الرّجل المثقّف ،،المتفقّه دينيا ،،!

أحترم الرّجل التّكانة ،،قليل الكلام ،،،كثير الأفعال الطّيبة ،،!

أحترم الرّجل اللي يغض النظر لما تمر من جنبه المرة ،،،

أحترم الرّجل الطّموح ،،،المكافح بحياته ،،مو اللي يشكي من الديون على طول ،،

أحترم الرّجل اللي يتفهّم ويقدّر تعب الزوجة ،،ويشارك معاها بأعباء حياتها ،،،اشفيها لو يطبخ يعني

الفاضل فهد ،،

الموضوع يجبرك على العودة ،،

شكرا لك

اخت ساره .. شكرا لمرورك الكريم .. وشكرا لتفاعلك مع الموضوع ..

انتي اول خل اهي تدخل المطبخ .. عشان اهو يدخل

 

[Lady Sara]

انتي اول خل اهي تدخل المطبخ .. عشان اهو يدخل

طيب تحترمها اللي تدش المطبخ ،،موحلوة تدش المطبخ وتصير ريحتها بصل ،،

أنا أقول الرّجل المفروض يقشر البصل وراح تتشجع على الطبخ

 

[FahdQ8]

طيب تحترمها اللي تدش المطبخ ،،موحلوة تدش المطبخ وتصير ريحتها بصل ،،

أنا أقول الرّجل المفروض يقشر البصل وراح تتشجع على الطبخ

اذا تقبل اهي اتدش المطبخ .. اقبل اقشر بصل

 

[Lady Sara]

اذا تقبل اهي اتدش المطبخ .. اقبل اقشر بصل

يعني أي وحدة تدش المطبخ ،،،راح تقبل تقشّر بصل ويّاها ،،،

أخاف لها مواصفات بعد ،،،

تدري أحترم الرّجل اللي ما يتشرّط في شريكة حياته تكون بمواصفات مثاليّة ..!

<<<حتى نكون يعني داخل إطار الموضوع

 

[زيزوم]

احـب البنــت المتدينــه والحياويــــــــــه




^
^
^

آحترمها






تحياتي

 

[FahdQ8]

يعني أي وحدة تدش المطبخ ،،،راح تقبل تقشّر بصل ويّاها ،،،

أخاف لها مواصفات بعد ،،،

تدري أحترم الرّجل اللي ما يتشرّط في شريكة حياته تكون بمواصفات مثاليّة ..!

<<<حتى نكون يعني داخل إطار الموضوع

ليدي ساره .. ان لقيتي وحده تقبل اتدش المطبخ .. للطبخ مو عشان تقول للطباخ شتبي

اقول ان لقيتي ... انا اقبل فيها حتى لو انها مادري شنو ...

ولا دريتي بشيء .. انا بسهل عليج السالفه .. اقبل فيها حتى لو تدش تكلم الطباخ .. وما تستخدم الانتركم

 

[Lady Sara]

ليدي ساره .. ان لقيتي وحده تقبل اتدش المطبخ .. للطبخ مو عشان تقول للطباخ شتبي

اقول ان لقيتي ... انا اقبل فيها حتى لو انها مادري شنو ...

ولا دريتي بشيء .. انا بسهل عليج السالفه .. اقبل فيها حتى لو تدش تكلم الطباخ .. وما تستخدم الانتركم

وي لي هالدّرجة ،،،؟

تدري

أحترم الرّجل المتفائل ،،قليل التحلطم من بنات بلده ؟

 

[FahdQ8]

وي لي هالدّرجة ،،،؟

تدري

أحترم الرّجل المتفائل ،،قليل التحلطم من بنات بلده ؟

ليدي ساره .. انا ما اتحلطم .. انا انقل واقع معاش ..

ورجاءاً .. لا تتحيزي لبنات جنسك .. فاللي عرفته من مواضيعج ومداخلاتج انج ست موضوعيه ..

احترم بنات بلدي واقدرهم .. وعندي والله الكويتيه تسوى شيء وايد .. بس الحقيقه ما نقدر ننكرها ..

وهذا ما يعيبها انها ما تدخل المطبخ .. لان في الحياه ما هو اهم من ترس البطن ..

 

[jassem]

احترم المرأه القنوعه

احترم المرأه الذكيه الى تتصرف بعقلها قبل قلبها

احترم المرأه التى ليس لديها سلاطه اللسان وغيبه ونميمه

احترم المرأه المثقفه

احترم المرأه الكاظمه عن غيضها والصابره .

احترم المرأه البيتوتيه.

احترم المرأه الخجوله والحياويه صاحبه الصوت المنخفض والهادى

وتقبل مرورى يا فهد

 

[FahdQ8]

احـب البنــت المتدينــه والحياويــــــــــه




^
^
^

آحترمها






تحياتي

كلنا نحب المتدينه والحياويه ونحترمها ... بس نبي لو سمحت اشياء اخرى ...

وشكرا اخي على مرورك الكريم ...

 

[FahdQ8]

احترم المرأه القنوعه

احترم المرأه الذكيه الى تتصرف بعقلها قبل قلبها

احترم المرأه التى ليس لديها سلاطه اللسان وغيبه ونميمه

احترم المرأه المثقفه

احترم المرأه الكاظمه عن غيضها والصابره .

احترم المرأه البيتوتيه.

احترم المرأه الخجوله والحياويه صاحبه الصوت المنخفض والهادى

وتقبل مرورى يا فهد

السياسي المحنك ... شكراً لتفاعلك ومرورك الكريم ...

شكلك صعب

 

[kal ho na ho]

وهذا ما يعيبها انها ما تدخل المطبخ .. ..

المطبخ .. تدري ليش البنت ما تعرف تطبخ ؟؟

لأنه محد يؤمن فيها ..!!

ولا أحد راضي يبيعها ويقول : يا فلانة قررنا انج تدشن المطبخ !!

.........

ما أدري ليش مهتمين بسالفة المطبخ حيل؟؟

كأن الرجل الذي يتسم بالعقل والذكاء والقوة والأنفة والسيكو سيكو والمدري ويشهو ...

يولي اهماما كبيرا وعظيما ...

لــــ بطنه .. وتالي يقولون المرأة مسكينة ناقصة عقل ودين !!

لا أريد أن أخرج خارج نطاق الموضوع ..




إجابتي ....


الرجل الذي أحترم هو :

الشبيه بوالدي تماما..بكل شيء ..

من يحترمني .. ويشاهد عقلي .. ويركز على ما أقول .. ولا يركز على ما أرتدي !!!

هو الجدير بالاحترام برأيي..

هناك صفات أخرى للرجال المحترمين .. أو الناس عموما ..

فمن يرى إلقاء الكلينكس من نافذة السيارة .. جريمة .. فهو جدير بالاحترام ..

ومن ينتظر خروج سيارة من مصفط .. بينما مصفط المعاقين خالي !! شخص جدير بالاحترام ..

ومن يسير ولا يولي اهتماما بمن حوله من فتيات .. فهو جديـــــر بالاحترام ..


صفات للأسف نادرا ما نجدها برجال اليوم .. وقلما توجد بهم .. ولكن إن خليت كما يقولون خربت ..






ودمتم

 

[جمال الدين]

افضل صفة يتمنهاها الشخص ان تكون مطيعة
وورد بالاثر عن رسول الله صلى الله عليه واله بما معناه
من اسباب سعادة المرء
المراة المطيعة والدابة السريعة والدار الوسيعة

 

[FahdQ8]

المطبخ .. تدري ليش البنت ما تعرف تطبخ ؟؟

لأنه محد يؤمن فيها ..!!

ولا أحد راضي يبيعها ويقول : يا فلانة قررنا انج تدشن المطبخ !!

.........

ما أدري ليش مهتمين بسالفة المطبخ حيل؟؟

كأن الرجل الذي يتسم بالعقل والذكاء والقوة والأنفة والسيكو سيكو والمدري ويشهو ...

يولي اهماما كبيرا وعظيما ...

لــــ بطنه .. وتالي يقولون المرأة مسكينة ناقصة عقل ودين !!

لا أريد أن أخرج خارج نطاق الموضوع ..




إجابتي ....


الرجل الذي أحترم هو :

الشبيه بوالدي تماما..بكل شيء ..

من يحترمني .. ويشاهد عقلي .. ويركز على ما أقول .. ولا يركز على ما أرتدي !!!

هو الجدير بالاحترام برأيي..

هناك صفات أخرى للرجال المحترمين .. أو الناس عموما ..

فمن يرى إلقاء الكلينكس من نافذة السيارة .. جريمة .. فهو جدير بالاحترام ..

ومن ينتظر خروج سيارة من مصفط .. بينما مصفط المعاقين خالي !! شخص جدير بالاحترام ..

ومن يسير ولا يولي اهتماما بمن حوله من فتيات .. فهو جديـــــر بالاحترام ..


صفات للأسف نادرا ما نجدها برجال اليوم .. وقلما توجد بهم .. ولكن إن خليت كما يقولون خربت ..






ودمتم

اولا .. سيدتي شكراً لاهتمامك وتفاعلك ... وهذا ما عهدناه منك ...

ثاني شيء .. انا قلت في رد سابق للاخت ساره ان الحياه اهم من ترس بطن ..

اما قولك ان محد قالها قومي دشي المطبخ .. فكلامج صحيح .. وانا قلت اننا ننقل واقع معاش ..

اما قولك انك تحترمين من يشاهد عقلك .. فللاسف .. نحن لا نشاهد العقول بل اننا نشاهد ما يدل على العقول ...

شكراً مرة اخرى على مرورك الكريم وتفاعلك ..

 

[comrade]

احترامي للمرأه المتدينه المحافظه

واحترم المرأه الطباخه (خليكي مثل اللبنانيه مو هيك احلى تأبرني)

لان الطبخ يخليكي رياضيه وسويدي تخفيف وزن ومره يصير بخار للبشره

ومايكلف مصاريف انديه ناس مابتفهم مصالحها

 

[FahdQ8]

افضل صفة يتمنهاها الشخص ان تكون مطيعة
وورد بالاثر عن رسول الله صلى الله عليه واله بما معناه
من اسباب سعادة المرء
المراة المطيعة والدابة السريعة والدار الوسيعة

شكراً اخ جمال على تفاعلك ومرورك ...

بس نبي منك لو تكرمت شرح اكثر من تشبيه المرأه باللمبورغيني وقسيمه الف متر

اما حديث رسولنا الكريم عليه افضل الصلاة والسلام .. فلا اعتقد ان هذا مجاله .. حيث ان حياتنا اليوم تتطلب ما هو اكثر من ان تكون مطيعه ...

شكراً مرة اخرى على مرورك الكريم وتفاعلك مع الموضوع ...

 

[جمال الدين]

شكراً اخ جمال على تفاعلك ومرورك ...

بس نبي منك لو تكرمت شرح اكثر من تشبيه المرأه باللمبورغيني وقسيمه الف متر

اما حديث رسولنا الكريم عليه افضل الصلاة والسلام .. فلا اعتقد ان هذا مجاله .. حيث ان حياتنا اليوم تتطلب ما هو اكثر من ان تكون مطيعه ...

شكراً مرة اخرى على مرورك الكريم وتفاعلك مع الموضوع ...

اهم صفة للمراة بعد الطاعة هي
السذاجة والغباء وكلاهما نعمتين يغبط الرجل عليها

 

[FahdQ8]

اهم صفة للمراة بعد الطاعة هي
السذاجة والغباء وكلاهما نعمتين يغبط الرجل عليها

اخ جمال .. شكرا لشرحك المختصر و الوافي ...

وهذا حقيقة ما توقعته منك ... فالرجال فيما يعشقون مذاهب ..

واطلب الله العلي القدير ان يوفقك وان تجد غايتك ...

تقبل تحياتي اخي الفاضل ..