اي سؤال يختص برياضة كمال الأجسام أسأل ونحن نجيب

مدمن

عضو مميز
..:: السلام عليكم ورحمه الله وبركاته ::..

تحيه عطره لكم جميعاً وخصوصاً للمبدع مدمن

بصراحة قرأت جميع ردوك بهذا الموضوع وبصراحة حسيت أنك انسان فاهم

لذا عندي كم سؤال ..::

1- أنا مشترك بنادي كمال أجسام طولي 176 سم و وزني 71 كم المده الي تكفيني عشان اشد الجسم تقريباً؟

2- اذا شد جسمي راح اوقف حديد هل الهروله تكفي للحفاظ على الجسم بشكله؟

في أمان الله
حياك الله اخوي الحبيب ، اذا كانت نيتك إنك تشد جسمك شلك بكمال الاجسام "شلك بالبحر واهواله ورزق الله على السيف؟" يعني ماله داعي تفتح على نفسك باب انت بغنى عنه ، تقدر انك تضبط نظامك الغذائي وتلعب تمارين سويديه وهي باذن الله كفيله بانها تشد جسمك وترضي طموحك هذا والله اعلم​
 

مدمن

عضو مميز
رياضه كمال الأجسام (الحديد) انا اشبهها مثل نفخه البلونه والمعنى انه الحديد ينفخ عضلاتى من لعب الحديد لكن بعد ما اقاطع تمارين الحديد يرد يرخى وتخف العضلات ..:confused:

والبروتينات انا اخاف منها خوفى تطلع مهربه او فيها اضرار لتنشيط الخلايا السرطانيه النايمه ..


ف ابى رايك يا مدمن على هلكلام

اعارض كلامك جمله وتفصيل ، والوقت لا يسعفني للرد عليه لاني مستعجل ، لكن على عجاله : افضل رياضه للقلب هي كمال الاجسام لانها اكثر رياضه تستدعي ضخ الدم بقوه من القلب للعضلات وتستطيع الاستعانه بالعم قوقل لتأكيد هذه النظريه ، الامر الاخر البروتينات ماهي إلا مكمل غذائي وهي خلاصة البروتين الغذائي "سمج ، دياي ، ديج رومي ، لحم ، عدس ، بيض الخ " ، اخيرا : تستطيع ان تلعب رياضة كمال الاجسام بدون ان تستخدم أي من المكملات الغذائيه وان تعتمد على المواد الغذائيه الطبيعيه
 

مدمن

عضو مميز
السلام عليكم ورحمة الله وبركاته بس عندي سؤال بسيط لاخوي مدمن انا طولي 185 ووزني 105 وسجلت في نادي بس ياليت توضح لي برنامج مناسب ابدأ فيه مع العلم ان الصدر والاكتاف عندي ضعيفه أشوي إذا ماعليك أمر أيش الاشياء الي ممكن تساعدني كمبتدأ

انت متروس فات اخوي الحبيب "بوتمبه" طول بالك واصبر واتعب على نفسك وابدا بنظام غذائي وقبله سو تحليل دم بالمستوصف "إبلاش" عقب راح يطلعك نسبة الدهون والسكريات والاملاح بجسمك وعلى اثرها تعرف شلون تضبط نظام غذائي لنفسك ، و العب سويدي وكمال اجسام مع بعض وعدل النومه وهالله هالله بالمشي واي سؤال محدد انا حاضر لكن هذا جوابي بشكل عام ومختصر وانا حاضر لاي سؤال محدد اخوي الكريم
 

مدمن

عضو مميز
السلام عليكم
شلونك اخوي مدمن وشخبارك .. وكل عام وانت والمسلمين بخير ومبارك عليكم باقي الشهر الفضيل
عندي جم سؤال بسيط بخصوص بناء الجسم والعضلات وحبيت اعرف الجواب منك.

انا عمري 23 ووزني 77 وطولي 177 .. جسمي رياضي
انا صارلي 4 اشهر العب حديد .. وقاعد اخذ واي بروتين بروستار + امينو ليكويد
ووجباتي 4 باليوم .. وكلها ناشفه .. تونه او مشويات او سلطات وبطاط وبيض مفيوح .. الخ

جدولي اول شهرين كان :
أول يوم : صدر + باي
الثاني: بيطان + تراي
الثالث: اكتاف + مثلثات
الرابع : رجول + سواعد
الخامس: راحه
طبعا العب معده وخواصر كل يوم بعد الحديد بمعدل : نص ساعه او 45 دقيقه

الشهرين الحاليين غيرت الجدول خليت الاماي بيوم والخلفي بيوم والإيد بيوم يعني :
اول يوم : صدر + وكتف جانبي
الثاني : بيطان + اكتاف خلفي + مثلثات
الثالث : باي + تراي + كتف جانبي
الرابع : رجول + سواعد

جسمي تحسن شوي بهالاشهر الاربعه .. بس مو التحسن اللي انا ابيه .. انا لعبت حديد قبل لمدة سنة وقطعت سنه ونص والحين رديت .. وفكرت اخذ هرمون او دكه وترددت .. لان عندي فراغات باماكن معينه .. بالصدر العلوي والباي والتراي ابي اعبيهم عدل وعضل صافي .. انا بمنطقة الكتف وايد زين والصدر السفلي .. والحمدالله بالرجول والمعده انا توب لان كنت لاعب كرة قدم والمعده امارسها بانتظام ..

شنو تنصحني ببروتينات او كورسات او اكل معين او جدول معين ..
انا فكرت اخذ نايتريكس وسوبر شارج وبروكمبلكس مع امينو ليكويد
او اخذ كورس .. بروبونيت واكابويز مع بريمو او بروبلان تايجر

اتمنى تنصحني وشاكرلك يالغالي ..


وعليكم السلام وعلينا وعليك ايتبارك اخوي ..

مباشرةً : السواعد العبها يوم وترك مالها شغل بالجدول "اذا كانت ضعيفه طبعا ، لكن اذا كانت حلوه العبها مرتين بالاسبوع ، والبطات ايضا مالها شغل باالريول يوم وترك نسقها مع يوم تمرين الريول" .

الشي الثاني سالفة انك تلعب معده وخواصر يومي لازم اوضح لك شغله ، الاساس انك تمشي وتلعب قاري يومي واذا تبي تلعب معده ركز على اللي تحت اكثر من فوق يعني اللي فوق والنص يكفي تمرين الحبل "كيبل" لكن خل كل تركيزك على العضلتين اللي تحت ، اما الخواصر مايمنع انك تلعب لكن بدون وزن "دنابل او كيبل يعني" حر وهذا يكون بعد تركيزك على المشي والقاري " وفيه مشين يسمونه "الستبز" يطشر الخواصر انصحك فيه.

ثالثا: سالفة الصدر العلوي سهله ، كل ماتلعب تمرين الصدر بلش تمرينين عالي على سبيل المثال " بار عالي اربع جولات ، تدش وراه دنابل وضعية رقم 11 ثلاث او اربع جولات" ولا تلعب المتوازي كلش ولا الديكلاين " لا دانبل ولا بار" العب حق تحت "بل اوفر" هذا يرفع الصدر ويلمه فوق ويساعد العالي.

رابعا: سالفة الذراع شلون تكبره وتخليه ضخم "الذراع عباره عن 3 عضلات سهله جدا 1- التراي 2- الباي 3- السواعد" السر يمكن في شيين اولهما: التراي وثانيها : البارات والدنابل ، نوضح اكثر : اذا كان تراي لاعب كمال الاجسام عود فعلى طول نعرف انه راعي ذراع "سمام" يعني قوي ، زبدة الحجي : ارجع على جدولك القديم "صدر و باي ، ظهر "بيطان" وتراي ، اكتاف ومثلثات ، ريول " لكن لمه تيي وتلعب الباي بلش بار واسع "مستوى الجتف" اربع جولات ، عقبه دنابل تبادل جالس ، او دنابل تبادل فر لي بره ، واختم يا بار عوي قضبه ضيج جالس ، او تمرين الهمر دانبل، نيي حق التراي خذ عندك هذي تمارين اساس : 1- بار مسكه على مستوى الجتف وانت نايم تنزله فوق الجبهه "قمة الراس" اربع جولات ، عقب تعطيه دانبل ورى راسك ينزل الدانبل تحت لي الاخر ، اخر شي تسوقه دانبل وانت نايم على البنش تييب الدانبل لي الخد وترد تفرد ايدك ، والسواعد مثل ماقتلك من البدايه يوم وترك او يومين بالاسبوع

واخر شي بالنسبه للكورس اللي حطيته مايسوى البروبونيت "تستسرون مخفف يضر الذكر وانت صغير 23 سنه ، والاكابويز الموجود حاليا وصخ ويعطيك بور لكن يلعن والدين المفاصل يعني ماله داعي تقول انك لاعب كره يعني نشيط ، والبروبلان يخوف مع انه نتائجه سحريه لكن اضراره على الجبد "الجبد لي راحت تطق اصبع مو مثل الذكر يتعالج" اما البريمو اضمنهم ويعطي عضل صافي لكن حرام انت تقول انك شغال دايت يعني مال امه داعي بالاخير مانصحك بولا هرمون درب زلق هذا العب حديد وعيش حياتك بدون خرابيط كلنا هواة وماعندنا اتحاد ولاهم يحزنون،

بالنسبه للمكملات الغذائيه مافيها شكال لكن قط الامينو لكويد "الشراب" بالزباله وغيره بأمينو 10000 حبوب افضل لك .. هذا والله اعلم
 

italiano

عضو جديد
اشكرك من صميم قلبي

وعليكم السلام وعلينا وعليك ايتبارك اخوي ..


مباشرةً : السواعد العبها يوم وترك مالها شغل بالجدول "اذا كانت ضعيفه طبعا ، لكن اذا كانت حلوه العبها مرتين بالاسبوع ، والبطات ايضا مالها شغل باالريول يوم وترك نسقها مع يوم تمرين الريول" .

الشي الثاني سالفة انك تلعب معده وخواصر يومي لازم اوضح لك شغله ، الاساس انك تمشي وتلعب قاري يومي واذا تبي تلعب معده ركز على اللي تحت اكثر من فوق يعني اللي فوق والنص يكفي تمرين الحبل "كيبل" لكن خل كل تركيزك على العضلتين اللي تحت ، اما الخواصر مايمنع انك تلعب لكن بدون وزن "دنابل او كيبل يعني" حر وهذا يكون بعد تركيزك على المشي والقاري " وفيه مشين يسمونه "الستبز" يطشر الخواصر انصحك فيه.

ثالثا: سالفة الصدر العلوي سهله ، كل ماتلعب تمرين الصدر بلش تمرينين عالي على سبيل المثال " بار عالي اربع جولات ، تدش وراه دنابل وضعية رقم 11 ثلاث او اربع جولات" ولا تلعب المتوازي كلش ولا الديكلاين " لا دانبل ولا بار" العب حق تحت "بل اوفر" هذا يرفع الصدر ويلمه فوق ويساعد العالي.

رابعا: سالفة الذراع شلون تكبره وتخليه ضخم "الذراع عباره عن 3 عضلات سهله جدا 1- التراي 2- الباي 3- السواعد" السر يمكن في شيين اولهما: التراي وثانيها : البارات والدنابل ، نوضح اكثر : اذا كان تراي لاعب كمال الاجسام عود فعلى طول نعرف انه راعي ذراع "سمام" يعني قوي ، زبدة الحجي : ارجع على جدولك القديم "صدر و باي ، ظهر "بيطان" وتراي ، اكتاف ومثلثات ، ريول " لكن لمه تيي وتلعب الباي بلش بار واسع "مستوى الجتف" اربع جولات ، عقبه دنابل تبادل جالس ، او دنابل تبادل فر لي بره ، واختم يا بار عوي قضبه ضيج جالس ، او تمرين الهمر دانبل، نيي حق التراي خذ عندك هذي تمارين اساس : 1- بار مسكه على مستوى الجتف وانت نايم تنزله فوق الجبهه "قمة الراس" اربع جولات ، عقب تعطيه دانبل ورى راسك ينزل الدانبل تحت لي الاخر ، اخر شي تسوقه دانبل وانت نايم على البنش تييب الدانبل لي الخد وترد تفرد ايدك ، والسواعد مثل ماقتلك من البدايه يوم وترك او يومين بالاسبوع

واخر شي بالنسبه للكورس اللي حطيته مايسوى البروبونيت "تستسرون مخفف يضر الذكر وانت صغير 23 سنه ، والاكابويز الموجود حاليا وصخ ويعطيك بور لكن يلعن والدين المفاصل يعني ماله داعي تقول انك لاعب كره يعني نشيط ، والبروبلان يخوف مع انه نتائجه سحريه لكن اضراره على الجبد "الجبد لي راحت تطق اصبع مو مثل الذكر يتعالج" اما البريمو اضمنهم ويعطي عضل صافي لكن حرام انت تقول انك شغال دايت يعني مال امه داعي بالاخير مانصحك بولا هرمون درب زلق هذا العب حديد وعيش حياتك بدون خرابيط كلنا هواة وماعندنا اتحاد ولاهم يحزنون،


بالنسبه للمكملات الغذائيه مافيها شكال لكن قط الامينو لكويد "الشراب" بالزباله وغيره بأمينو 10000 حبوب افضل لك .. هذا والله اعلم


بعد راسي والله شاكرلك يالغالي عالنصيحه الحلوه .. والله وايد نصحوني نفس كلامك وانشالله باذن الله ونصيحتكم بمشي على هالامور .. الانسان الزم ماعليه صحته .. وانا برمضان هالايام مبلش خوش جدول امشي والعب قاري ومعده قبل الفطور .. والعب بالليل عالجدول القديم والبطات والسواعد بلتزم فيها ..

موفق خير يالغالي وربي يوفقك دنيا واخره
 
ماشاءالله قريت الموضوع من اول صفحة لي اخر صفحة واستفدت:إستحسان:

عندي اعتقاد ويا ليت اقرا رأيك ومشكور مقدما اخوي:
رياضة كمال الاجسام تقضي على اللياقة البدنية على عكس كل الرياضات الي تزيد اللياقة البدنية
صعبة تشوف شخص يلعب حديد وتكون لياقته البدنية عالية مثال لو يلعب كرة قدم تلقاه بسرعه يتعب هذا من واقع ما اشوفه من بعض الاصدقاء الي يمارسون رياضة كمال الاجسام بسبب ان الشخص الممارس لهاذي الرياضة قاعد يزيد وزنه ومايلتفت للياقة البدنية الي هي مهمة بكل الرياضات بس يستخدم جهاز الجري للتسخين مو اكثر
شنو المانع الي يخلي لاعب الحديد يدخل مع جدولة اليومي بكمال الاجسام رياضة الجري عشان يحافظ على لياقته البدنية الي اعتقد انها اساس اي رياضة

رأي واستفسار:
رأي :اغلب الناس الي يمارسون رياضة كمال الاجسام يبون الجسم الجميل المنسق وقليل منهم يبي القوة والعافية يعني يقدر يدافع عن نفسه في وقت الازمات :confused: استفساري هو شنو علاقة قوة العصب برياضة كمال الاجسام يعني شخص ضعيف لكن تحس فيه قوة وعافية بدون حديد وشخص يمارس كمال الاجسام وجسمة معضل لكن ما عنده القدرة والقوة الكافية انه يشيل مثلا شي ثقيل وشنو الحل ويااه وشنو سر العصب


وفي النهاية لك كل الشكر لسعة صدرك وتقبل مني هالــ:وردة:اخوي مدمن
 

القومي

عضو فعال
اخوي الحبيب

كنت استخدم بروتين سوبر جينر بطعم الحليب وخلصت اكثر من نصه مازاد وزني

قالي المدرب في بروتين عندي بروتين قوي ونظيف اسمه سوبر ماس جينر

شريته منه شكله غريب محطوط البروتين داخل الكرتون بعد مافتحت الكرتون البروتين محطوط بكيس شفاف وحسيت انه مضروب اشرايك بهذا البروتين

ابي انتفخ اللعب صارلي 4 شهور شنو انظف بروتين واقوى بروتين
 

ابن خميّس

عضو جديد
السلام عليكم ورحمة الله وبركاته​

انا عندي سؤال و ابغي رد من الاخ مدمن اذا لا هنت؟

انا طولي 172 وزني 75 وناوي ادخل الصالة مع اني لي 3مرات ادخل لاكن اشعر بالملل فسؤالي هو هل يمكنني ان استخدم السوبر شارج لوحده بدون بروتينات وهل اجدالنتيجة المطلوبة ولا لا ؟
وشكرا لكم
 
موضوع جميل اتمنى يرجع العضو الكريم مدمن عندنا اسإله هـ القد |ـــــــ:Dــــــــ|

شكرا بدركوم على رفع الموضوع التحفه ..
 

المهندس عمر

عضو بلاتيني
انا قطعت الحديد في رمضان ,, مافي وقت يسمح واشوي فشت العضلات :confused:


كم يبيله وقت لارجع العضلات ؟ شهر شهرين وهل تنصح بالتدريج بالحديد ولا الدخول بقوة


 

بدركوم

عضو مميز
هل الحديد يأثر على القدرات الجنسية
لان انا اخاف العب ويلعب بقدراتي الجنسية

الرياضة بشكل عام تزيد من تدفق الدم في جميع انحاء الجسم واطرافه :D وفوائدها كثيره

اما اذا بتلعب في نفسك هرمونات وابر ودكا وغروث راح يلعب في قدرتك فخلك طبيعي :)
 

الكناني

عضو فعال
السلام عليكم
عندي سؤال
منذ مايقرب على الشهر، امارس رياضة العدو ،واركض حوالي كيلومترين كل يوم ولكني لم افقد اي شيء من وزني
هل من نصيحة؟
 

Jems500

عضو جديد
طولي ١٦٨ وزني ٧٥ نسبة العضل ٣١ ونسلة الدهون ١٣
افضل بروتين ممكن استخدمه ؟
وهل تنصح باستخدام الايبو بلاك للتنشيف ؟
 

Windows

عضو فعال
احببت ان اسئلك بما انك عرضت السؤال عن مايختص برياضة بما يسمى كمال الاجسام

ولو اني اتحفظ علي كلمة رياضة لانها اغلبها ليست نتاج رياضة انما نتاج هرمونات ومكملات وغيرها

عموما السؤال هو : تابعت صدفه قبل شهرين بقناة LBC لقاء مع دكتور متخصص بهذا الشأن

وعند سؤاله من قبل احد المشاركين قال بالحرف الواحد : انه من المحتمل القريب للتاكيد

ان ثلث من يمارسون كمال الاجسام عبر الهرمونات والمكملات انهم ادى بهم ذلك ان يكونون شواذ جنسيا

اي انحراف جنسي لديهم ..

فما مدى صحة ذلك وتاثير بعض الهرموات التي يتاولونها على السلوكيات .

وشكرا
 

Mahmoud Salem

عضو جديد
السلام عليكم ...هذة اول مشاركه لى على اى منتدى ..والحقيقه حسيت ان ردودك تعبر عن رغبتك ان الجميع يكون بصحه وبسلامه ..فالف شكر ليك .سؤالى ببساطه ان انا عندى 32 سنه وكان وزنى حوالى 100 كجم والحمد لله اتبعت نظام غذائى حتى وصلت الان الى 65 كجم ..وقد بدات امس فقط الذهاب الى نادى صحى رياضى لكمال الاجسام ..وطبعا انت اكيد متخيل ان انا عديم الخبرة فى هذا المجال والحقيقه انا جالى احباط من اول يوم لانى بدات ساعه تفريبا على اجهزة المشى والعجله وما شابه ذلك وبعدين دخلت صاله الحديد والمدرب طلب منى العب على الاجهزة الخاصه بجميع العضلات وهنا جالى احباط لانى كنت حاس ان ايدى بترعش بشكل مبالغ فيه مع ان تقريبا مفيش اوزان لدرجه انى ماكنتش قادر اكمل بعض المجاميع المطلوبه ....عذرا للاطاله ..لكن هل هذا طبيعى ؟ ...وهل فى حاجه مطلوبه منى فى الوقت الراهن ؟ ...والسؤال الثالث هل لو حصل كدة النهاردة تانى موضوع الرعشه اعمل ايه ؟ ..........شكرا
 
أعلى