سؤال وجواب Black Berry

ريما القمر

عضو مخضرم
أنا في طريقي لاقنتاء Black Berry

شنو تنصحوني بأي نوع ..

اللي عرفته إن البولد والكيرف نفس المميزات لكن البولد زيادة فيه الـ 3 g

بس خدمة الـ 3g موشغالة ..

وقاعد يعلق مع المستخدمين .. :confused:

ولذلك أفكر بالـ كيرف ..

لأنه أخف بالوزن .. و الانترنت أسرع من البولد ..

شرايكم ..


.


.​
 

العازمي1

عضو فعال
يمدحون
nokia3210.jpg
 

بو فوزي

عضو فعال
الصراحة الجهاز ممتع جدا , خاصة للاشخاص الي يحبون التكنلوجيا و الاجهزة نفسي , من شريت هالبلاك بيري و انا احس اني ما اقدر استغني عنه و ارجع حق نوكيا سبحان الله !
 
اخوي انا جربته الكووف وماعجبني ممل بعته مثل ماقالوا بعض الاخوان انه دعايه فقط مع العلم اني اعرفله زين من الاول بس جهاز موقوي ولا عملي ويعلق مرات اعصابي فارت منه
 

المختصر المفيد

عضو بلاتيني
HTC DIAMOND من تجربتي سوبر فاشل :إستنكار:

و الله للأمانة ليلة من الليالي بعشاء لي شفت واحد من الربع المحترفين تكنولوجيا معاه BOLD BB و أنا أعرف هالآدمي فطين و فاهم و ما هو مع الهبة عطاني شرح موجز عنه ولد الحلال و شوفني اياه و عجبني حيل

لكن تفكرت لي شوي

قلت يا فلان انت مع السمارت فون مو لي هناك على الرغم انه مبين انه يصفطهم كلهم و المميزات اللي فيه عندك بدائلها مثلا الملاحة نقالي NAVIGATOR و الـGARMIN بسيارتي تعقب الأصدقاء مو شغلة تهمني حيل

تشغيل الافلام الله وكيلكم DVD PLYER من LG غبر عندي الله من زود الأفلام ويا وجهي :)

انترنت موجود بالموبايل

السعر ممكن أنفقه على شي أفلح و لا تنسون الاشتراك العلة منت صارف أقل من 15 شهريا +الفاتورة

حسبة بسيطة الجهاز حروة 200 "سعر بشت نجفي" و 15 تقريبا بالشهر +931 مصاريف ثابتة شهريا من ايجار و أقساط و التزامات+80 د.ك فواتير هواتف (ثابت+محمول)و انترنت بعد الخصم+اشتراكات سنوية (فيزا+تأمين تكافلي+تأمين صحي +تأمين سيارة)

و أنا أعيط :باكي: أعيط :باكي:

بالله =(دخلي)1458-931(التزاماتي)="الصافي"527 - مطعم و مشرب و فواتير و هدايا و عزايم و ملابس و سفرات


تدرون شلون شكلي باخذ واحد جني شفتها تسوى :cool:

أحسن موديل BOLD مو عدل ؟

وين أحسن سعر ؟ و بكم ؟ و هل هو مكفول ؟ بيضوها قبل لا أهون
 

ريما القمر

عضو مخضرم
المختصر مفيد ..​

أنا أعرف أسعار زين فقط ..​

البولد 135 دينار ..​

الكيرف 99 دينار​

مع الإلتزام لمدة سنه بإشتراك 14 دينار شهرياً ..​

أنا إنصحوني بالـ كيرف لأن البولد يعلق ..​

.​
 

بو عصام

عضو بلاتيني
البولد مخلص من الكثير من المحلات راح يوصل خلال أسبوعين للوكيل

وعيبه الوحيد ان مرات يعلق...
والسبب ان شبكة g-3 غير مكتملة الى الآن...

لذلك ينصح الوكيل بوضعه على ال G-2 وراح يختفي الى التعليق..

أنصح فيه أكثر من أي موبايل
 

fushia_q8ia

عضو بلاتيني
هاااي

ال bold امس شفته في يوريكا ب 181
ناوية عليه لووول غيرت رايي

اخوي عنده htc google توه يايبه من لندن ايينن عجيب شويه عليه بس نحيس هيهيهي

من وين تنصحوني اخذ ال bold ?
 

النابغة

عضو بلاتيني
مع كامل احترامي لكل الاراء البلاكبيرية هنا ...

أي فون ... و لا تدور بعد ...

اخذوها من شخص ابتدأ رحلة المشوار مع Erricsson .. و بعدين نوكيا ... و بعدين htc .. و بعدين blackberry ... و الآن مع IPhone ...

iphone-5up-small.jpg



سهل الاستخدام ... عملي ... منتشر بشكل مو طبيعي ...

خدمات ال wifi و ال 3g مدعومة دعم كامل ...

التطبيقات المتوفرة له تتجاوز الآلاف ...

و في النهاية ... يحمل جينات الماكنتوش الجمالية :) :)

ودمتم.....
 
أعلى