سؤال وجواب رايكم يا شباب: اشتري بيت ولة أنطر؟

بو جاسم

عضو ذهبي
السلام عليكم ... سؤال لذوي الاختصاص ... اشتري بيت ولة انطر شوي؟ ... لأن المؤشرات الحالية دخلتني بدوامة ... تسمع الشريطية يقولون البيوت بتنقز ... غيرهم يقولون العقار بيدش بغيبوبة ... وانا والي مثلي محتارين بالنص ... بدور لي بيت بـ 100 آلف وأقل ... يالله على قد قرض الاسكان ... وفلوس التورق ... والله يعين الجميع :)
 

بو جاسم

عضو ذهبي
دام عندك قدره على شراء بيت ..!

افضل انك تنطر .. وتستمثر الي عندك بمشروع مفيد ..

شكلك يا اخوي ... ما قريت آخر سطرين ... ملكيتي ... 70 الف قرض اسكان ... 25 الف تورق من التمويل او بوبيان ... ولا املك غير ذلك ... انا قلت ... ادفع اقساط قروض ... ابرك من الايجار ... :)
 

السلطاني

عضو مخضرم
مايو 2006 ... يعني ... يبي لي ... انتظار 10 سنوات واكثر ... :(

شراء منزل بموقع جيد بمنطقة هادئة...

أتصور أنها أفضل الحلول لك...

هناك مشروع صباح الأحمد...وهناك مشروع الصبية...وهناك مشروع ( الصليبخات )

ولا أعتقد أن لديك صبر لتصبر...

لذلك..

توّكل على الله وإبحث عن منزل...
 

دون كيشوت

عضو بلاتيني / الفائز الأول في مسابقة الشبكة الرمضا
فائز بالمسابقة الدينية الرمضانية
السلام عليكم ... سؤال لذوي الاختصاص ... اشتري بيت ولة انطر شوي؟ ... لأن المؤشرات الحالية دخلتني بدوامة ... تسمع الشريطية يقولون البيوت بتنقز ... غيرهم يقولون العقار بيدش بغيبوبة ... وانا والي مثلي محتارين بالنص ... بدور لي بيت بـ 100 آلف وأقل ... يالله على قد قرض الاسكان ...وفلوس التورق ... والله يعين الجميع

وعليكم السلام

اسمع نصيحتى ترى لي علاقه بالعقار

ماكو بيت يسوى بـ 100 الف .. الا اذا كنت بتشترى بالكوريات :)

نصيحتى لك مادام استطاعتك ماتتعدى 100 الف .. انتظر الاسكان مهما كانت المده .. وبس..
لاتظلم ابناءك ببيت سد ولد .. او بيت بمنطقه مش ولابد ..

وخل فلوس التورق للايجار اذا كنت مضطر للايجار .. ومن صبر قدر .. ترى العجله شينه ..

الا اذا كنت تقدر تدبر 150 الف .. اقولك ممكن تحصل ..

بس لعلمك .. ترى اللي بيبيعك بيته بـ 150 الف .. تكلفت البيت عليه ( غالبا ) لاتتعدى السبعين الي 100 الف..

اركد واقضب الارض ..
 

بو جاسم

عضو ذهبي
وعليكم السلام

اسمع نصيحتى ترى لي علاقه بالعقار

ماكو بيت يسوى بـ 100 الف .. الا اذا كنت بتشترى بالكوريات :)

نصيحتى لك مادام استطاعتك ماتتعدى 100 الف .. انتظر الاسكان مهما كانت المده .. وبس..
لاتظلم ابناءك ببيت سد ولد .. او بيت بمنطقه مش ولابد ..

وخل فلوس التورق للايجار اذا كنت مضطر للايجار .. ومن صبر قدر .. ترى العجله شينه ..

الا اذا كنت تقدر تدبر 150 الف .. اقولك ممكن تحصل ..

بس لعلمك .. ترى اللي بيبيعك بيته بـ 150 الف .. تكلفت البيت عليه ( غالبا ) لاتتعدى السبعين الي 100 الف..

اركد واقضب الارض ..

والله يا خوي ... كلامك على عيني وراسي ... بس انت شايف الاوضاع ... وزهقنا من الايجارات ... وآخرت النطرة يا الخيران او العبدلي ... واهلنا وجماعتنا ... بنص الديرة ... انا ما اقول نا لازم نكون بنص الديرة ... بس على الاقل ... قريب منها ... مو يخلون لي المصانع والشركات بنص الديرة ... وبيوتنا ... آخرها :(
 

شاهي حلو

عضو ذهبي
والله اخوي انا معاك توكل علي الله
وراح تلاقي وحاول تحسس من اصحاب البيوت مو المكاتب
وراح تلاقي باذن الله
وحاول تزود فلوسك شوي خلهم علي الاقل مع التسليف 110
حاول تضغط علي نفسك وعوضهم بالايجار
 

بو جاسم

عضو ذهبي
والله اخوي انا معاك توكل علي الله
وراح تلاقي وحاول تحسس من اصحاب البيوت مو المكاتب
وراح تلاقي باذن الله
وحاول تزود فلوسك شوي خلهم علي الاقل مع التسليف 110
حاول تضغط علي نفسك وعوضهم بالايجار

شاهي اتوقع انك مشارك بالمؤشر نت ... شفت الحملة ... خلوها تبور ... شرايك بالي داير فيها ؟ ... الربع يقولون انطر سنة ... تحياتي :)
 

jody

عضو مخضرم
أخوي بو جآسم ..

إن شريت .. ويلآه .. وإن مآ شريت بعد ويلآه ..

100 ألف مآ إتييب لك بيت سنع موولية !!

جآن تقدر أتزيد المبلغ .. خير على خير ..

مآ قدرت ..

تقعآد تنطر .. وربك كريم .. ويوم يطلع البيت إن شاء الله دوّر لك وآحد بدل .. وسهآلآت إن شاء الله ..




..

:وردة:​
 

شاهي حلو

عضو ذهبي
شاهي اتوقع انك مشارك بالمؤشر نت ... شفت الحملة ... خلوها تبور ... شرايك بالي داير فيها ؟ ... الربع يقولون انطر سنة ... تحياتي :)


اي اخوي مشارك وللاسف ما اطلعت علي الموضوع
وانا مثلك دايخ سبع الدوخات
وربك يسهل وييسر

وهذا الشعار الي سويته راح تلاقيه هناك بالموضوع بالردود الاخيره

http://www3.0zz0.com/thumbs/2009/10/12/09/450066020.jpg
 
مايو 2006 ... يعني ... يبي لي ... انتظار 10 سنوات واكثر ... :(


سبحان الله

شوف الصدف أنا بعد تاريخ طلبي نفس السنه ونفس الشهر :D

لا وصارلي أكثر من شهر مدوده وأفكر بموضوع شراء بيت نفسك
أنا أقول شرايك ننطر ويمكن نصير جيران ;)

على العموم أخذ قرار في مثل هالمواضيع مو شي سهل أنا أقول أستخير وأسأل أهل العقار يمكن يفيدونك أكثر

وعسى الله يرزقك بيت بالجنه أنشالله
 

بو جاسم

عضو ذهبي
أخوي بو جآسم ..​


إن شريت .. ويلآه .. وإن مآ شريت بعد ويلآه ..​

100 ألف مآ إتييب لك بيت سنع موولية !!

جآن تقدر أتزيد المبلغ .. خير على خير ..​

مآ قدرت ..​

تقعآد تنطر .. وربك كريم .. ويوم يطلع البيت إن شاء الله دوّر لك وآحد بدل .. وسهآلآت إن شاء الله ..​




..​


:وردة:​

تيب بيت حكومة بالعارضية ... قاعد ادور بصراحة والي يدلني ... اكون له من الشاكرين ... وشكرا على المشاركة :)
 

بو جاسم

عضو ذهبي
سبحان الله


شوف الصدف أنا بعد تاريخ طلبي نفس السنه ونفس الشهر :D

لا وصارلي أكثر من شهر مدوده وأفكر بموضوع شراء بيت نفسك
أنا أقول شرايك ننطر ويمكن نصير جيران ;)

على العموم أخذ قرار في مثل هالمواضيع مو شي سهل أنا أقول أستخير وأسأل أهل العقار يمكن يفيدونك أكثر


وعسى الله يرزقك بيت بالجنه أنشالله

يشرفني اكون جارك ... بس ودك نتجاور ... بآخر الدنيا ؟!! ... اتوقع خلال 6 الى 9 اشهر ... ورح ايني واييك استدعاء حق مدينة صباح الاحمد ... انا عن نفسي ان صار هالشي برفض ... مابي باجر عشان بيت اهلي ولة اهل زوجتي عشان ازورهم ... اقطع اكثر من 100 كيلو !! ... واسكن بمنطقة الغبار شغال فيها 24 ساعة باليوم !! ... والله يهونها على الجميع :)
 
أعلى