الاناقه او الذرابه .. ماذا تعني ..
بالتأكيد هي Package .. لا يتجزأ ..
يعني ما يكفي انك تلبس .. وتكشخ .. وتتهندم .. عشان تكون انيق او ذرب ..
لان يجب ان يكون اللي داخلك انيق وذرب
لان يجب ان يكون اللي داخلك انيق وذرب
لكن ممكن ان الاناقه تبدأ بالشكل الخارجي .. ولكنها لا تنهي عنده ..
الانيق / الانيقه .. هو اللي يعرف شنو يلبس .. مو قيمة اللي يلبسه ...
مو دائماً اللي يلبس غالي او ماركات يكون انيق .. ..
بالعكس احياناً شيء بسيط .. ومرتب .. يكون قمة الأناقه ...
اهم شيء الذوق ... والتناسق .. ويكون اللبس مناسب للمكان ...
وتكون الاكسسوارات مكمله للشكل .. جزء منه .. ما تحس انها نشاز ..
حتى العطر اللي تحطه ... لازم يكون هادئ ... مو يبط الراس
الذرابه ان تكون مهذب .. في كل شيء ..
انتقائك للالفاظ ... الكلمات اللي تستخدمها يجب ان تكون لبقه ... الصوت ما يكون عالي ...
طريقة كلامك ... نظراتك وانت تكلم اللي معاك .. لازم تكون كلها تهذيب ...
حتى الابتسامه يجب ان تكون مهذبه ... مو كريكره
تصرفاتك تكون ضمن جو المكان اللي انت فيه ... مو دفاشه ... ولا متسس ...
حتى لما تلتفت .. مو تفر راسك جنه احد لاتك كف
مشيتك تكون انيقه .. راكزه ... مو حصان ...
الاناقه والذرابه ان تكون انت ... على طبيعتك ما تتصنع ...
و حتى لو اضطريت ان تتصنع حاول ما تكون اوفر .. ..
محد ينولد ذرب .. كلنا نكتسب الذرابه من البيئه اللي نعيش فيها ...
وكل يوم نتعلم شيء من الذرابه ...
واحيان كثيره نتعلم الذرابه والاناقه من الدفشين والهمج اللي ننتقد تصرفاتهم او اشكالهم ...