الحملة الوطنية لحرية الشباب

[adsq8]

وبدأ المشوار ونعم للحريه

لازم اخالف القوانين وبعدين اشوفلي واسطه

انزين ليش ما نعدل عل قوانين عشان ما يكون فيه واسطات

الحملة تتكلم عن مطالب الشباب واهدافها

ليش الداخليه على كل شي انا مخالف ليه درجة فيه مخالفة سير بدون سبب انزين انا كيفي ابي افتر يخالفك لو شافك لفيت على نفس الشارع جم مره

قوانين مالها داعي نهائيا يعني

هذا رابط الحملة الخاص الي فيه مطالب الشباب وكيفيه الحل وشنو نبي احنا بالضبط

http://www.moi.adsq8.com

ونتمى نشوف اراء في الردود اخواني عشان نضيفها ونكون كلنه ايد وحده ونقوي المجتمع الكويتي

لانه دول الخليج كلها وصلت واحنه بنتم على قوانين من ولا شي

 

[كويتي ملحد]

الداخلية صايرة مثل حطب الشطرنج، يلعب فيها من يبي.

صح الكلام الموجود في الموقع، ليش التغييم يخالف عليه و تظبيط السيارة ؟
و الحين القهاوي !!

معاكم معاكم لين بقوة الشباب ندحر فيلة و حيتان الدولة

و اعتبر مدونتي ملك لكم و آرائكم

 

[adsq8]

تسلم

تسلم يالغالي

وهذا كله من مصلحتنه انه كلنه نكون مع بعض

 

[chelsea]

مو لأن الداخلية حدها التفاتيش و المخالفات اللي مالها داعي و الترزز بالجرايد لما يصيدون ( سيلانيين )...و حاطين حيلهم في الشباب المساكين يتشطرون عليهم بالقهاوي و هالسوالف اما الوافدين مايقدرون عليهم و الدليل ماحصل مع الهندوس قبل اسابيع..

ملاحظة: أتوقع ان دخل الدولة ليس من النفط و انما من مخالفات الداخلية

 

[Goethe]

أنا معاكم ..

..

لي عوده ..

 

[adsq8]

حياك الله معانا يالغالي وهذا شرف لنه انكم توقفون معانا هذا كله من مصلحتنه

للاسف اتوقع الداخليه عليها ضغوطات من كل مكان

مجلس الامه

الوزارات

الشباب

هذا كله اتوقع من اهمال الوزارة نفسها ما تدري عن شي كله اهمال في اهمال وفوق هذا ميزانيتهم مفتوحه

 

[غرام]

سياره اكثر من لون مخالفه !
هذي تفاهه مو قانون


يمكن عشان الواحد لاشافها ينبهر فيها وينسى السكان ويدعم!



شهالتخلف

​

 

[ثامر العنزي]

خوش حملة
فراغة ورب الكعبة مع إحترامي لكم .
هذا بدل ما تدعمون تطبيق القانون وأن تكونوا عبرة لأخوانكم الصغار وابناءكم
تسون جذي .
.......................
طبعاً الحين ينط لنا واحد ويقول حرية شخصية مو احسن إنا لا نقز بالمولات ونشفط
ونأذي خلق الله ومن هالأسطوانة الكاذبة .نقول له خلااص بالتوفيق للحملة .​

 

[FahdQ8]

حمله جميله ..

ومشكلتنا ان اللي يحطون القوانين .. منفصلين عن الحاضر و الواقع ..

موفقين ان شاء الله ..​

 

[ريميــة]

يخالفك لو شافك لفيت على نفس الشارع جم مره

خخخ صج والله !!!

معاكم بالحملة

 

[adsq8]

خوش حملة
فراغة ورب الكعبة مع إحترامي لكم .
هذا بدل ما تدعمون تطبيق القانون وأن تكونوا عبرة لأخوانكم الصغار وابناءكم
تسون جذي .
.......................
طبعاً الحين ينط لنا واحد ويقول حرية شخصية مو احسن إنا لا نقز بالمولات ونشفط

ونأذي خلق الله ومن هالأسطوانة الكاذبة .نقول له خلااص بالتوفيق للحملة .​

اسمحلي بس انت من الناس الي مخهم حجري لو شنو بنفهمك بتم حجري

حبيبي في عندنه مطالب الي قاعد تشوفه انته مصخره بالشارع اب سبته منو

مو انت ما تبي ازعاج بالشارع مفروض تكون مع الحمله لانه من مطالب الحملة انه نبني مكان مخصص لهل سوالف مثل الرابطه

وطبعااا الداخليه اهيا السبب في كل الي يصير مع القنوانين الي مالها داعلي نهائيا

لو تروح امريكا بتشوف قانون المركبات الدفتر فيه داخله ملكيه يعني اسم صاحب السيارة ورقم الشاصي فقط لا غير يعني انت حر اب سيارتك تبيها ورديه حمره زرقه

كيفي يبه سيارتي وكيفي انتو اشتبون ماسكيني ليش صابغ اكثر من لون شنو حاركم يبه

انا كيفي بحط تغيم ولا لا انتو شنو حاركم هم

ليش دايما انحل مشاكلنه بالواسطه ترا كلنه عندنه واسطات ليش نحلها اب واسطه يعني

خلو القانون مرتب واحنه نوعدتكم بالترتيب اب كل شي امه تبون تعاندون بنتم نعاند ونسوي المخالفه مخالفتين بدال الوحده

واذا ما حلوها بنحلها بالمجلس باذن الله ومع الاعلام

 

[بو مشيري]

اي مطالب يالحبيب ؟ صل عالنبي و قض وقتك بشي يفيدك احسن ..

ودي مرة اشوف حملة تساند القانون ما توقف بويهه !

 

[الأصمعي]

إحترام القوانين واجب على كل فرد و على كل متضرر من تقييد حريته الشخصية التوجه لأقرب مكتب محامي علشان يشوف شغله بمخالفة تقييد من الحرية بالتحرك بالشوارع العامة .
​

.. تحياتي ..​

 

[ثامر العنزي]

اسمحلي بس انت من الناس الي مخهم حجري لو شنو بنفهمك بتم حجري

والله يا مكتشف الذرة أعتقد جازماً ان من الأفضل لي والأحب لقلبي أن يقال عني صاحب مخ حجري
ورجعي ومتخلف على ان يقال تف وسف من ولدة هذا اللي كل يوم والثاني مجرجرينة للمخفر

عموما انا معكم قلباً وغالباً
شكراً​

 

[المعري]

معاكم بالحمله لأن بعض القوانين جامده وغير ملائمه لمتطلبات الوقت الحالي ...

باستثناء هذه النقاط فأنا مع الداخليه في قانونهم ....

مخالفات الداخليه
الملصقات ممنوعه لو تحط اذكر الله او تحط صورة الامير هم بتضل مخالف يعني مافي حرية
التضليل ممنوع
تركب قزوز ممنوع
تبي تحط اكثر من لون ممنوع
الخروج الى صبحان ممنوع​

 

[كهمس]

انا اقول يزيدون المخالفات احسن عشان يركد هالكم بزر اللي مسوين حملة .

 

[Goethe]

انا اقول يزيدون المخالفات احسن عشان يركد هالكم بزر اللي مسوين حملة .

أحترم الناس ..

وأذا مو عاجبك لا ترد ..

 

[adsq8]

والله يا مكتشف الذرة أعتقد جازماً ان من الأفضل لي والأحب لقلبي أن يقال عني صاحب مخ حجري
ورجعي ومتخلف على ان يقال تف وسف من ولدة هذا اللي كل يوم والثاني مجرجرينة للمخفر​

عموما انا معكم قلباً وغالباً

شكراً​

على راسي يالحبيب امواااه على راسك

بس اب ذمتك مو حرام مخالفات كل شهر ما تقل عن 25 دينار

ليش يعني جذي

ليش الشرطي يحطنه اب موقف يهين المواطن اب تكفه لاتخالفني ترا مو مجبورين نقولهم

شوف الامارات تبي تغيم سوبر عادي تبي ترسم على سيارتك هم عادي

ان شاء الله بنتم نناظل حتى النهاية

وانا بشبه جم مثال بسيط الي يقولي دور لك على شي ثاني احسن لك

اذا الاعب عنده ملعب يلعب فيه ويعطونه معاش بعد

احنه ليش ما يدعمونه ترا رياضتنه مالت السيارات بره لها دعم واقرب مثال كافي البحرين عندهم حلبه عالميه فورميلا 1

وكل شي فيه خطر فلا تقولون انه احنه قاعدين نذبح روحنه في لاعبين وايد يتعورون هم بالكره
يقعد بالاشهر بالمستشفيات

هذا مو يعني انه يسكرون الكره

نبيكم سند لنه فكرو شوي معانا تبون ترتاحون ابنو لنه مكااان مخصص نقحص فيه وندوس فيه على كيفنه ولا احد يقول ازعاج ولا شي

وسلامتكم

 

[كهمس]

أحترم الناس ..

وأذا مو عاجبك لا ترد ..

كيد مايعجني وبرد وهذي حرية شخصييية عشان حظرتك انت ويا كم واحد تبون تفرفرون بالشوارع تسووون حملة .

ماكو مشاكل دلونا بوتكم خلونا نفتر بشوارعكم نطبق الحملة عليكم بالاول ونشوف .

ناس فاضية .

 

[كهمس]

للعلم انا لي سنووون كثيره امتلك سيارة واخر مرة دفعت فيها 100 دينار مخالفات قبل اربع سنوات

انا غلطان فيها ادفع ماكو مشاكل .

وصارلي الحين اربع سنوات الحمدلله مادفعت دينار لاني ملتزم بالقانووون .

ناس تبي تخالف وماتبي تتخالف منطق اعوج .

تبي تهيت بالشوارع رايح راد تفترون علي بيوت الناس وماتبي تتخالف منطق اعوج .

لايطلعلي واحد يقولي انا افتر بخط سريع ولا عالبحر وخالفوني اشعندك تفتر .

مادري متى تخلص سوالف ((المصبنة )) بالديرة .