الكويت مركز مالي !!! .... والله عجيبه :)

[FahdQ8]

بالصدفه .. عرف بو ناصر انه ممنوع من السفر امس وهو في طريقه الينا ..​

رجع من المطار بعد ما قالوا له انه ممنوع من السفر ..​

اليوم الصبح استفسر وعرف انه محكوم بقضيه رفعها عليه موظف وافد كان يشتغل عنده ...​

ما اعرف تفاصيل القضيه للحين ...​

لكن اللي اعرفه ان بو ناصر شخص مو مجهول العنوان عشان يحكم عليه بقضيه ما يدري عنها ..​

لدى الرجل بدل العنوان عناوين ..​

بيته معروف ويمكن يستدل عليه من مختار المنطقه ... و عنده مكتب بالديره .. و معرض كبير في الشويخ .. و مصنع في امغره .. ​

وهو رجل اعمال معروف .. ولديه مشاريع مع الحكومه ..​

يعني مو معقوله يهج عن البلد عشان قضيه سخيفه ..​

والداخليه ماشالله .. شقوقها ما تنتخيط ..​

شاطرين بس على عيال البلد .. وينهم عن النصابين والمحتالين الوافدين اللي طلعوا عيني عينك .. وعليهم قضايا نصب بملايين الدنانير ..​

ويقولون حكومه الكترونيه .. يا شين السرج على البقره ..​

ويبون الكويت مركز مالي .. ​

اشلون مركز مالي اذا رجل اعمال ابن البلد ينحكم عليه ويمنع من السفر وهو ما يدري .. ​

طبعا احنا نتكلم عن اضرار تتعدى حرمانه من السفر ومتابعة اعماله ..​

نتكلم عن سمعة الرجل .. الحين لو اي واحد من برا يبي يعرف مثلا عن بوناصر ويسال عنه ..​

بيقولون الرجل عليه قضيه وممنوع من السفر .. يعني صار سوابق .. على شيئ ما يسوى ..​

والله عيب اللي قاعد يصير بعيال الناس ..​

ويقولون بنتطور .. مالت عليهم وعلى تطورهم ..​

 

[بن شعطان]

هذي ديرتنا وصل على النبي

 

[فقير لكن امير]

ياخوي تراك فاهم مركز مالي بالغلط .... مركز مالي يعني المال يتركّز عندنا .... يعني نصير مركز للمال ....يعني نوزعه في جميع الجهات .... بس مركز المال عندنا .... عساك فهمت ياطويل العمر

 

[شعبي]

ياخوي تراك فاهم مركز مالي بالغلط .... مركز مالي يعني المال يتركّز عندنا .... يعني نصير مركز للمال ....يعني نوزعه في جميع الجهات .... بس مركز المال عندنا .... عساك فهمت ياطويل العمر

مركز مال وانت بين ايران والعراق والسعوديه والهند وباكستان واسرائيل ؟

صدقتو الجذبه ؟

هذا بس مشروع ( هياط ) لا اكثر ولا اقل
عشان تصدقون انه عندكم حكومه لها رؤيه وعندها خطط

والا والله حكومه ماسرحها مع الغنم

 

[فقير لكن امير]

ياولد عين بغزي .... قل لا اله الاّ الله .... اعيد لك الشرح .... حنّا نبيع النّفط .... ويصير عندنا فلوس .... الفلوس باللغة العربية اسمها (مال) ..... لتزبّر المال تركّز عندنا .... عقبها صرنا مركز للمال .... عقب هالامور هاذي كلّها نوزّع المال لمدغشقر وتيمور الشرقية وترينداد وتوباغو وجزر غوتي واورغواي .... المال ياصل الدنيا كلّها لكن مركزه وين ؟ .... مركزه عندنا .... يعني حنّا مركز مال يعني مركز فلوس .... عساك فهمت ياولد عين بغزي ؟

 

[فقير لكن امير]

الاّ ابا اسألك .... نبي نجنّب شوي عن الموضوع .... انت في اي قطعه في عين بغزي .... لا يكون في قطعه 4 ؟ ... تعرف ربع عيد ابو ضرس ؟

 

[BoFaiSaL]

ههههههههههههه

 

[راعي البويضا]

ههههههههههههههههههههههههههههههههههههههههه بو ضرس

يمكن ارفيج سعبولا بقطعه 5

 

[فقير لكن امير]

عيد ابو ضرس .... علي الاجرب .... بدر خو دافس .... خالد الدوده .... مساعد بو خريطه .... وغيرهم من الكفاءات .... كانوا شباب وطني متحمّس للقضايا الوطنيه ومتمسّك بمبادئها .... كانت لهم منطلقات قوميّه ويرفضون الامبرياليه والاستعمار ... ايضا في الاقتصاد كانت لهم رؤى جادّه .... لكن كانوا اشتراكيّين شوي .... تراهم من أوائل من دعى تكون الكويت مركز مالي ... كانوا كلهم في تنظيم واحد بقيادة عيد ابو ضرس .... بعدين صاروا حمائم وصقور .... الصقور بقيادة بو ضرس .... والحمائم بقيادة علي الاجرب .... بعديت تشتتوا بسب التجاذبات الاقليميّه .... خصوصا بعد حرب الانفصال اليمنية ... الله يذكرهم بالخير كانوا من خبرة الشباب الوطني المكافح

 

[ولنا أثر]

زوجي يحلف وانا اصدقه من غير حلفان لاني اعرف دينه وخلقه

ان معاهم مهندسة بوزراة ........من الشام سيارتها بي ام الجديدة

وما تمشي اي مناقصة الا ب20 الف او اكثر .. اللي فيه خير يشتكي عليها !!

جدامي بلغ احد ال ... ومع ذالك الى الان هالتعبانة في مكانها ؟!


بس بعرف احنا وصلنا الى هالانحطاط ؟؟

البلد وييين رايحة ؟

واذا استجوب زيد عبيد قالوا مؤزم !!

خمالنا منا وفينا واكيد اللي ساكت عن هالاشكال منا وفينا بس همجته اكبر ​

 

[راعي البويضا]

عيد ابو ضرس .... علي الاجرب .... بدر خو دافس .... خالد الدوده .... مساعد بو خريطه .... وغيرهم من الكفاءات .... كانوا شباب وطني متحمّس للقضايا الوطنيه ومتمسّك بمبادئها .... كانت لهم منطلقات قوميّه ويرفضون الامبرياليه والاستعمار ... ايضا في الاقتصاد كانت لهم رؤى جادّه .... لكن كانوا اشتراكيّين شوي .... تراهم من أوائل من دعى تكون الكويت مركز مالي ... كانوا كلهم في تنظيم واحد بقيادة عيد ابو ضرس .... بعدين صاروا حمائم وصقور .... الصقور بقيادة بو ضرس .... والحمائم بقيادة علي الاجرب .... بعديت تشتتوا بسب التجاذبات الاقليميّه .... خصوصا بعد حرب الانفصال اليمنية ... الله يذكرهم بالخير كانوا من خبرة الشباب الوطني المكافح

هههههههههههههههههههههههههههههههههههههههههههههههههههههههههههههههههههه

حسبي الله علي ابليسك عزالله انهم شباب الفردوس اللاكفاء الي ذكرتهم ونعم الرقاله

 

[حـبـر مسكـوب]

... محمد التوته

.

 

[Goethe]

أي مركز مالي ..

عشان أطلع .. رخصة محل ..

طلعت .. روحي .. معاها ..

ياخي ..

روتين .. يجيب المرض ...

والي بيصير تاجر .. يطلعون روحه .. بالمراجعات ..


لين .. ياخذ فلوسه .. ويسافر فيها ..

ويبطل تجاره​

 

[راعي البويضا]

احمد حتيته
محمد ذبوحه....

 

[خالد العنزي]

شنو هالتخلف هذا وشنو هالرجعية
بو ناصر يا حكومة بو نااااصر .. مشاريعه التجارية كلها على أملاك الدولة بالشويخ وأمغره
يعني من اللي يمرهم القانون ويلف يمين متجاوزهم قبل يفكرون يتجاوزونه
شلون تمنعونه من السفر ؟!
لا وبسبة عامل عنده .. هزلت
خربتوا البرستيج حسبي الله عليكم
الاجراء السليم بالحالة هذي وماراح نرضى بغيره
يتم شنق العامل اللي تجرأ ورفع قضية بساحة مصنع بو ناصر بأمغره
وكل من حرضه على فعلته الشنيعه يسجن مؤبد مع الأشغال الشاقة بدون معاش بمعرض بو ناصر بالشويخ
هزلت ..

 

[مراقب عن كثب]

لايشك احد بدعوة صاحب السمو حفظه الله ورعاه بتحويل الكويت مركز مالي
ولاكن

وحط تحت ولاكن مليون خط


هل انسجم مجلس الوزراء مع هذه المطالبه الساميه
هل جند جنده لتطوير البلاد
ام انشغل الوزراء بالدفاع عن رئيسهم وترك رغبات صاحب السمو جانباً
بالفعل هذا مايحدث وما نلمس

صاحب السمو في خطابه السامي وفي اكثر من مناسبه يحذر من يعبث ويشق وحدة الصف
وانه لن يسمح لمن يكون بانه يبث سموم الفرقه والطائفيه والطبقيه

هل انسجم مجلس الوزراء وطبق القوانين بحق كل شخص مريض يريد ان يزج البلاد الى التفرقه

صاحب السمو جفظه الله ورعاه وضع حجر الاساس لمستشفى جابر
وايام ماكن رئيس الوزراء وضع حجر اساس لجامعة الشداديه

هل انسجم وجند جيش الانجاز مجلس الوزراء

انه علةالرئيس تكمن في دفع كل مالديه ليطول بقاءه على الكرسي
وهذا اصبح مكشوف
والا كيف به يقبل بوزير لايعرف حتى يتكلم ولا يدري متى يتكلم
وهو من ان تم توزيره وهو متخبط ويستقبل كل سفيه وساقط وصاحب سوابق

ان الاوان لرحيل
الكويت تستاهل الافضل

 

[حرة بنت الاحرار]

لايشك احد بدعوة صاحب السمو حفظه الله ورعاه بتحويل الكويت مركز مالي
ولاكن

وحط تحت ولاكن مليون خط


هل انسجم مجلس الوزراء مع هذه المطالبه الساميه
هل جند جنده لتطوير البلاد
ام انشغل الوزراء بالدفاع عن رئيسهم وترك رغبات صاحب السمو جانباً
بالفعل هذا مايحدث وما نلمس

صاحب السمو في خطابه السامي وفي اكثر من مناسبه يحذر من يعبث ويشق وحدة الصف
وانه لن يسمح لمن يكون بانه يبث سموم الفرقه والطائفيه والطبقيه

هل انسجم مجلس الوزراء وطبق القوانين بحق كل شخص مريض يريد ان يزج البلاد الى التفرقه

صاحب السمو جفظه الله ورعاه وضع حجر الاساس لمستشفى جابر
وايام ماكن رئيس الوزراء وضع حجر اساس لجامعة الشداديه

هل انسجم وجند جيش الانجاز مجلس الوزراء

انه علةالرئيس تكمن في دفع كل مالديه ليطول بقاءه على الكرسي
وهذا اصبح مكشوف
والا كيف به يقبل بوزير لايعرف حتى يتكلم ولا يدري متى يتكلم
وهو من ان تم توزيره وهو متخبط ويستقبل كل سفيه وساقط وصاحب سوابق

ان الاوان لرحيل
الكويت تستاهل الافضل

:إستحسان::إستحسان::إستحسان:

 

[شعبي]

ياولد عين بغزي .... قل لا اله الاّ الله .... اعيد لك الشرح .... حنّا نبيع النّفط .... ويصير عندنا فلوس .... الفلوس باللغة العربية اسمها (مال) ..... لتزبّر المال تركّز عندنا .... عقبها صرنا مركز للمال .... عقب هالامور هاذي كلّها نوزّع المال لمدغشقر وتيمور الشرقية وترينداد وتوباغو وجزر غوتي واورغواي .... المال ياصل الدنيا كلّها لكن مركزه وين ؟ .... مركزه عندنا .... يعني حنّا مركز مال يعني مركز فلوس .... عساك فهمت ياولد عين بغزي ؟

تهديد واحد من الدول اللي ذكرتهم لك يطشر مركزكم اللي تهايطون فيه

 

[شعبي]

عيد ابو ضرس ؟

يصيرلك ؟

 

[شعبي]

ههههههههههههههههههههههههههههههههههههههههه بو ضرس

يمكن ارفيج سعبولا بقطعه 5

http://www.youtube.com/watch?v=bhhcTy0MO-g