فضيحة دواء اخرى كريم يباع بسعر خيالي بجمعية تعاونية + صورة

[عقلاني09]

بسم الله الرحمن الرحيم

الدواء عباره عن كريم لونا معروف بفاعليته للشقوق الجلدية

وهو صناعه مصرية

يباع في مصر بــ3.65
ثلاث جنيهات وخمس وستين قرش اي ما يعادل تقريبا نقول 200 فلس متين فلس

حطيت عينه عليه بجمعية تعاونية ((العارضية ))
يباع بحوالي 1.485
دينار واربعمية وخمسة ثمانين فلس
اضعاف معضافه

الصورة تتكلم ...

 

[مالك عذر]

هي وقفت على الدواء هذا
اغلى اسعار ادوئيه عندنا
روح السعوديه لا تروح بعيد وشوف الفرق في الاسعار
لا ويقولون الادويه مسعره من قبل وزارة الصحه

 

[فقير لكن امير]

ياوجه الخير .... حنّا مشغولين الحين ... خل هالمواضيع بعدين

 

[وطني حتي النخاع]

وانت شتبي بالكريم هذا حق حريم!!

 

[عقلاني09]

وانت شتبي بالكريم هذا حق حريم!!

ومنو قال للحريم ...

للشقوق الجلدية

مادري الشقوق الجلدية تجي للحريم دوم الرجاجيل

عموما انا طالب في مصر

كل ما اجي الكويت

اجيب كمية من هالكريم للوالدة اطال الله عمرها وفي شقوق جليدية بسبب مرض السكري

ولا تدور سوالف

اول مرة اعرف دواء للحريم ودواء للرجاجيل وخاصة للشقوق لو دواء ثاني قلت اي يمكن صح

بارك الله فيك وفي ردك

 

[سعد الازدي]

ومنو قال للحريم ...

للشقوق الجلدية

مادري الشقوق الجلدية تجي للحريم دوم الرجاجيل

عموما انا طالب في مصر

كل ما اجي الكويت

اجيب كمية من هالكريم للوالدة اطال الله عمرها وفي شقوق جليدية بسبب مرض السكري

ولا تدور سوالف

اول مرة اعرف دواء للحريم ودواء للرجاجيل وخاصة للشقوق لو دواء ثاني قلت اي يمكن صح

بارك الله فيك وفي ردك

اللة يوفقك ويشفي امك انشاللة
الجمعيات معروفين حرامية
واعضاء مجالس الادارات حنا اللي نوصلهم مثل ما نوصل الاعضاء الفاسدين
ترا تاثير اعضاء مجلس الامة علي حياتنا اخطر ن اعضاء مجالس ادارات الجمعيات وصلوا اشراف يحاسبون تلقي مثل هالكريم 230 فلس

 

[وطني حتي النخاع]

الله يخليلك والدتك

بس ياخي الرجال لو مشقق ومشق عادي

ياخي واحد من الربع فيه شقوق تقول ابعير اجرب

ونحترمه ماكو شي

بس مانطلع معاه

عوده لموضوعنا

الجمعيات انا اسميها مغارة علي بابا والكم حرامي

جاين يحلبون الجمعيه

اتصل علي حماية المستهلك وقوله شنو الدبره

وجنه تلفونهم 135

او 153

والله ناسي ياخوي

 

[عقلاني09]

اللة يوفقك ويشفي امك انشاللة
الجمعيات معروفين حرامية
واعضاء مجالس الادارات حنا اللي نوصلهم مثل ما نوصل الاعضاء الفاسدين
ترا تاثير اعضاء مجلس الامة علي حياتنا اخطر ن اعضاء مجالس ادارات الجمعيات وصلوا اشراف يحاسبون تلقي مثل هالكريم 230 فلس

تسلم وعساك على القوة

اخوي حبيت انوه على شغله ياريت تكتب ان شاءالله بدل انش لانه ما يجوز ...

السؤال المطروح ليش الجمعيات ما تكون شركة عامه مساهمة وتخرج من رحم وزارة الشؤون حتى لا يكون احرجات للوزير او الحكومه ((مع اني اشوف ان الحكومة مافيه ذرة حية ولا مستحى ))

المشكلة ليس بالجمعيات فقط
المشكلة بالقوانين الخاصة بالانتخابات والتلاعب في الجمعيات اصبح طالب ثالث ثانوي يرشح لجمعية تعاونية ...

الله يستر على البلد ويحمينا ويحفظنا برحمته وامانه

وشكرا على دعاءك الطيب

 

[عقلاني09]

الله يخليلك والدتك

بس ياخي الرجال لو مشقق ومشق عادي

ياخي واحد من الربع فيه شقوق تقول ابعير اجرب

ونحترمه ماكو شي

بس مانطلع معاه

عوده لموضوعنا

الجمعيات انا اسميها مغارة علي بابا والكم حرامي

جاين يحلبون الجمعيه

اتصل علي حماية المستهلك وقوله شنو الدبره

وجنه تلفونهم 135

او 153

والله ناسي ياخوي

وطني ...

الله يسلمك على الدعاء وبارك الله فيك ..

هالكريم زين وانصح رفيجك يستعملة

ترا في كريمات ثانية انا اجيبها للوالدة من مصر غير هالكريم

اخي العزيز الشوق في الوالدة ليست فقط شقوق بل شقوق وحساسية اي يسبب لها حكة باستمرار وهذا يرطب عليها الالم والغريب ان كريمات وزارة صحتنا المؤقرة الكريمة زادت المرض بالوالدة ولاحول ولا قوة الا بالله ...خله يجرب وشوف ..

الجمعيات مغارة واكبر مغارة

لكل من هب ودب يبي يصير عضو جمعية تعاونية


انا ما ادري الحين الناس ما تحترم اعضاء الجمعيات التعاونية

لدرجة ان قبل امس في عرس احد الاشخاص سلم احد اعضاء جمعية تعاونية سبحانه الله الكل يكشر بوجهه ولا حول ولاقوة الا بالله

وين وصلنا ..

اشكرك ...على الرد ..

وتحياتي ...:وردة:

 

[omar almutairi]

الحين يقولون انه احنا ناخذه بسعر رخيص ..لكن هناك ياخذون علي وزن الشحن والجمارك تاخذ مننا فلوس والطيارة تاخذ المقسوم وربعنا اهنيه ياخذون لهم كم فليسات عشان يدخلونه فعشان هشكل يطلع بهذا السعر .. وانتو كشعب كويتي يهمكم انه تجاركم مايخسرون..

وانا اقول للتجار باذن الله اراكم مفلسين حتي تحسون بالمواطن المسكين

 

[وطني حتي النخاع]

الله يشافي والدتك و كل المسلمين

ورفيجي لو تحطله دهن بريك ماكو فايده اهو مبسوط

اما الجمعيات مثل ماقلت

خلها شركات علي الاقل تقدم سلع

والدوله تراقب السعر

وهذي بالنهايه لنا احنا المساهمين

نبي خدمات وتنوع بالسلع واسعار معقوله وجوده بكل المنتجات حتي الخضار

اللي جمعياتنا تسوي عليها عروض من الخضار شي باااايت ويخرب عقب ماتشتريه بساعتين

 

[alhareth]

سلامتها عجوزك و ما تشوف شر ان شالله واسأل الله عز وجل ان يديم عليها الصحه و العافيه

 

[وطني حتي النخاع]

الحين يقولون انه احنا ناخذه بسعر رخيص ..لكن هناك ياخذون علي وزن الشحن والجمارك تاخذ مننا فلوس والطيارة تاخذ المقسوم وربعنا اهنيه ياخذون لهم كم فليسات عشان يدخلونه فعشان هشكل يطلع بهذا السعر .. وانتو كشعب كويتي يهمكم انه تجاركم مايخسرون..

وانا اقول للتجار باذن الله اراكم مفلسين حتي تحسون بالمواطن المسكين

اي بس تجارنا بلاعين البيزه نار فبطونهم يارب

ماينوخذ عليهم ضرايب مثل الدول اللي بره واسعار اللي بره ارخص من عندنا

يعني شلون لو في ضرايب ؟؟!!

 

[احبج يا كويت]

حسبى الله ونعم الوكيل عليهم

وانا اشوف يذبحون روحهم حق انتخابات الجمعيه عشششان البوق واكثرهم لحى ودشاديشهم قصيره

مالت يوصلون عشان يبقوووووون الشعب

 

[وطني حتي النخاع]

حسبى الله ونعم الوكيل عليهم

وانا اشوف يذبحون روحهم حق انتخابات الجمعيه عشششان البوق واكثرهم لحى ودشاديشهم قصيره

مالت يوصلون عشان يبقوووووون الشعب

اي بعضهم لحي ودشاديش قصيره وبعضهم ملط وبعضهم موصيهم السيد طلعو الخمس باي طريقه

 

[عقلاني09]

الحين يقولون انه احنا ناخذه بسعر رخيص ..لكن هناك ياخذون علي وزن الشحن والجمارك تاخذ مننا فلوس والطيارة تاخذ المقسوم وربعنا اهنيه ياخذون لهم كم فليسات عشان يدخلونه فعشان هشكل يطلع بهذا السعر .. وانتو كشعب كويتي يهمكم انه تجاركم مايخسرون..

وانا اقول للتجار باذن الله اراكم مفلسين حتي تحسون بالمواطن المسكين

للاسف اخوي هذا الكلام ينطبق على التجار هالبلد

لكن المشكلة في فتفيت التجار

يعني اللى يبون يصرون تجار خاصة اهل مجالس الجمعيات التعاونية

افضل طريقة للثراء السريع هو ان تكون عضو جمعية تعاونية ...

وعاشت الديمقراطية

 

[عقلاني09]

الله يشافي والدتك و كل المسلمين

ورفيجي لو تحطله دهن بريك ماكو فايده اهو مبسوط

اما الجمعيات مثل ماقلت

خلها شركات علي الاقل تقدم سلع

والدوله تراقب السعر

وهذي بالنهايه لنا احنا المساهمين

نبي خدمات وتنوع بالسلع واسعار معقوله وجوده بكل المنتجات حتي الخضار

اللي جمعياتنا تسوي عليها عروض من الخضار شي باااايت ويخرب عقب ماتشتريه بساعتين

لاحول ولا قوة الا بالله كلامك عين العقل

للاسف الاسعار تتفاوت بين الجمعيات نفسها

تناقض واضح

وغايب للتجارة او حتى ما يمسي اتحاد الجمعيات التعاونية

للاسف ان اعضاء مجلس الامه الكبار يحمون الصغار في الجمعيات التعاونية

لان البيئة واحده والعمل واحد والعامل المشترك بينهم ((( انتخابات ومصالح سياسية )))

تسلم على الرد

 

[عقلاني09]

سلامتها عجوزك و ما تشوف شر ان شالله واسأل الله عز وجل ان يديم عليها الصحه و العافيه

الله يسلمك من كل شر

ولا تشوف مكروه بعزيز وغالي

والله يديم عليك الصحة والعافية دوم

وشكرا على دعاءك الكريم

بارك الله فيك

 

[عقلاني09]

حسبى الله ونعم الوكيل عليهم

وانا اشوف يذبحون روحهم حق انتخابات الجمعيه عشششان البوق واكثرهم لحى ودشاديشهم قصيره

مالت يوصلون عشان يبقوووووون الشعب

اخوي الغالي

الظلم ظلمات ولا تظلم اشخاص بعينهم دون التاكد والدليل

واحب انوه ان المنتج اللى انا حاط صورته بجمعية العارضية التعاونية ما فيها عضو ملتحي

البوق ما يعرف ملتحي ومو ملتحي

البوق هي من انزل نفسه ومستواه ووكل اهله من الحرام والعياذ بالله

ورضى بمذلة الانتخابات واستباحة الاموال والعياذ بالله