بتساعديني؟؟
بتساعديني؟؟
ردي لعيوني نظرها و الهدب!
ردي لشفاهي كلامي و العتب!
ردي للدنيا إبتسامة ...
وادعتني
من عرفت الحب و دروب التعب!
بتساعديني؟؟
خبريني ..
أنه في قلبه حبيبي
قطعة ٍ لي!
عايش ٍ فيها مثل ماهوب
عايش ... فيني كلي!
خبريني ..
إن فالدنيا ثواني تنتظرني
لحظة ٍ أفرح بها بالحب لحظة
و إن جفتني دنيتي يوم و نفتني
عقب شوفه ...
ألقى في حبه حنان ٍ يحتضني.
و ألقى صبح ٍ
عشت في ليلي أناظر
طلعة ٍ له.
أو عيون ٍ تحتويني
في خفوق ٍ .. ما أمله.
بتساعديني؟؟
خلي عيني .. تجتمع به!
و أحضنه بين الهدب اللي تبقى
ناطر ٍ له!
و أشربه نور ٍ على العين العتيمه
يوم قلبي .. يا نديمه
ضامي ٍ له.
خلي اليوم الذي يمشي بدونه
ما يجيني ..
ينحسب مني و لاني عايش ٍ به!
خلي عمري بالثواني
مايهم العمر ... بس
الموت جنبه!
بتساعديني؟؟
كيف والله تساعديني؟؟
و أنتي اللي .. بك قصيدي
كاتم ٍ به ..
كل شوق ٍ محتويه و محتويني!
كيف و الله تساعديني؟؟
أوصل لغيرك ... و أنا اللي
بعد عينك ...
مابقى شي ٍ جميل ٍ يهتويني!!!
كيف والله تساعديني؟؟
س. ع.