سؤال وجواب شركات الشحن .... ارامكس و Dhl وغيرهم ..

الفراشة

عضو مخضرم
السلام عليكم ورحمة الله وبركاته ...

بدون مقدمات أنا اشتركت في DHL وبصراحه غاليين يحسبون على الكيلو 6 دنانير وثاني كيلو 5 دنانير ...

المهم السؤال :

1- أرامكس نفس أسعارهم أو أقل ؟

2- إذا كانت أرخص شلون أشترك معهم عن طريق الانترنت لأني سمعت ناس انهم سجلوا عن طريق النت ( مالي خلق أروح مكتبهم الي مدري وينه أصلا ) ؟

3- إذا كان هناك شركات أرخص ومضمونه ياليت تضعون لنا روابطهم ( اللي بالكويت طبعاً ) ..

4- إذا كان هناك شركات ممكن تشحن لنا من الصين ( أفتح صندوق بريد فيها ) ياليت تضعونها لنا ..
وشكرا مقدماً ...
 

عبدالله .

عضو بلاتيني
انا توني قبل شهر اشتركت بالارامكس
بصراحة ماني ذاكر جم بالضبط بس اعتقد اول كيلو 3 والباجي 1.5

اما الاشتراك عن طريق النت ماعندي خبر بس اعتقد مايصير لأن فيها توقيع اوراق
ومكانهم سهل بالعارضية الصناعية

بشكل عام انا ما اشتركت بالارامكس إلا عقب ماعرفت بأنهم الارخص
 

الفراشة

عضو مخضرم
أشكر كل من جاوب على التساؤل ..

دقيت على ارامكس ... وقالوا نص كيلو عليه 3 والنص الكيلو الثاني 2 ونص ... يعني نفس DHL

بس يمكن أحسن أنه نفتح صندوقين في بريطانيا وأمريكا ... ويوصلون للبيت بعكس DHL

المهم والحلو .. أني سجلت عن طريق الانترنت ودفعت الفلوس وكل حاجه عن طريق النت :)

بالنسبة لي أفضل ... والا أنا وين والعارضية وين ...

بالنسبة لـ u shop we ship

قرات عنها في أكثر من مكان مايمدحونها ...

بغيت أعرف مافي شركة شحن تشحن من الصين ...
 

عبدالله .

عضو بلاتيني
أشكر كل من جاوب على التساؤل ..

دقيت على ارامكس ... وقالوا نص كيلو عليه 3 والنص الكيلو الثاني 2 ونص ... يعني نفس DHL

بس يمكن أحسن أنه نفتح صندوقين في بريطانيا وأمريكا ... ويوصلون للبيت بعكس DHL

المهم والحلو .. أني سجلت عن طريق الانترنت ودفعت الفلوس وكل حاجه عن طريق النت :)

بالنسبة لي أفضل ... والا أنا وين والعارضية وين ...

بالنسبة لـ u shop we ship

قرات عنها في أكثر من مكان مايمدحونها ...

بغيت أعرف مافي شركة شحن تشحن من الصين ...

زين والله عندهم تسجيل بالنت
والله ماعندي خبر بشركات تشحن من الصين
بس بشكل عام
الناس ماتمدح الشراي من النت
نصابين درجة اولى :D
 

الفراشة

عضو مخضرم
زين والله عندهم تسجيل بالنت

والله ماعندي خبر بشركات تشحن من الصين
بس بشكل عام
الناس ماتمدح الشراي من النت

نصابين درجة اولى :D

هم نصابين ... بس المشكلة أن بعض الشغلات سعرها مناسب

وأرخص من الكويت ... لكن المشكلة في الشحن يطلع عليك الدبل ...
 

بن سالم

عضو مميز
اختي بالنسبة للشراء والشحن من الصين في مكاتب تتكفل بهالامور وعندهم

كتالوجات تقدرين تشوفينهاو تختارين الاشياء الي تبينهاوهم يوصلونها لك وياخذون

عمولتهم.

كان عندي رقم وعنوان مكتب ولكن للاسف فقدته، انشاللة احاول ادبرة لك في اقرب فرصة.
 

joreyaa

عضو بلاتيني / الفائز الثالث في المسابقة الرمضانية
فائز بالمسابقة الدينية الرمضانية
السلام عليكم ورحمة الله وبركاته ...

بدون مقدمات أنا اشتركت في DHL وبصراحه غاليين يحسبون على الكيلو 6 دنانير وثاني كيلو 5 دنانير ...

المهم السؤال :

1- أرامكس نفس أسعارهم أو أقل ؟

2- إذا كانت أرخص شلون أشترك معهم عن طريق الانترنت لأني سمعت ناس انهم سجلوا عن طريق النت ( مالي خلق أروح مكتبهم الي مدري وينه أصلا ) ؟

3- إذا كان هناك شركات أرخص ومضمونه ياليت تضعون لنا روابطهم ( اللي بالكويت طبعاً ) ..

4- إذا كان هناك شركات ممكن تشحن لنا من الصين ( أفتح صندوق بريد فيها ) ياليت تضعونها لنا ..
وشكرا مقدماً ...


أرامكس نفس الشي يا الفراشة .............ماكو فايدة ........أطلب من فيكتوريا سيكريت وعندنا صندوق بأمريكا..........مافي فرق.....تخيلي اذا البضاعة صغيرة وثقيلة أخذوا على الوزن......واذا كراتين كبيرة خفيفة أخذول على المساحة ..........تخيلي بضاعة دفعنا سعرها بحوالي 200 دينار والتوصيل 70 دينار :mad::mad::mad::mad:

أقول كلهم ................خليها على الله .........النت رخيص والتوصيل نااااااااااااااااااااااااار !!!
 

تويتر الكويت

عضو مخضرم

بوستا بلاس
خدمة شحن ارخص من ارامكس
posta-plus-delivery-kuwait1.jpg


لا ادري لما لم يذكر احد وجود
خدمة شحن ثالثة في الكويت
والتي صادف انها ارخص من كل الشركات الاخرى
(اول باوند يكلف 2.5 دينار كويتي
و كل باوند يزيد يكلف 2 دينار كويتي)
بعد ان عرفت بوجودهم ساشحن معهم
بعض الاشياء لتجربتهم.
اتصلت بهم للحصول على تفاصيل اضافية
فجاءت اجوبتهم كما سأعرض
  • تحدد قيمة الشحن حسب الوزن
  • و خدمة My Box
  • الا اذا كان الحجم كبيرا وغير مقبول بالرحلات الجوية العادية
  • (هذا شيء نادر و هو فقط للاشياء الكبيرة)
  • رسوم الشحن:2.5 د.ك.
  • لاول نصف كيلو ثم 2 د.ك. لكل نصف كيلو اضافي.
  • رسوم تخليص المعاملات :1 د.ك.
  • رسوم الاشتراك:7 د.ك. مدى الحياة.
  • غير ان هذه الرسوم لا تغطي الضرائب الحكومية
  • او الجمركية.
  • متوسط زمن الشحنات هو 7 – 9 ايام عمل
  • ليصل بعدها الطرد الى منزلك.
  • (هذا الوقت يتضمن معاملات الجمارك)
  • تبقى الشحنات حوالي يومين
  • في الجمارك قبل تصفيتها
اذا كان لديكم اي سؤال بامكانكم الاتصال بهم
على الرقم التالي:

1881881

منقول
 

قبس

عضو مميز
شركة النسر ذهي تشحن من الصين الى الكويت غير الكاتالوجات والاثاث الي عندها
ارقامهم
60002250
66210444

اما شراء الاونلاين من الصين والشحن عليهم فهذي ماعرف اليتها وياهم
 
أعلى