حسافة على منتجع تشيك أول محد يدخله إلا إذا يعرف أحد بالشالية ..
و عقب قامو يأجرون الشاليهات إللي ما تطل عالبحر ..
و غالبيتهم من مساهمي الجمعيات و شوفو النماين إللي هلو علينا :إستنكار:
و عقب حولو جزء منه فندق و شالو النادي الصحي و حطو مكانه مطعم
و الحين كل من يدخل المنتجع و لا صار في خصوصية !!
مع إن في ناس توهم متزوجين ماخذين لهم إستيديو أو شاليه و عايشين فيه مثل البيت ..
مو مثل قبل الواحد يحس بالأمان !!
أذكر بوقت تحرير العراق كان في أجانب أمريكان يسكنون عندنا ..
و كنا نحذر أي ضيف إيينا إن ما يقول حق ربعه بوقتها كان الحذر وايد بسبب العمليات الإرهابية ..
الحين إخترب الشالية مو ملك يعني بعد عشرين سنة نسلمه هذا غير الرسوم السنوية ..
الصراحة الحين صار مزعج و غالبية العوائل قامت تأجر شاليهاتهم ..
و لا يروحون الشاليهات غير العيايز علبونه أقرب للديرة لهم ..
أما بعض الشباب طبعاً الحين سهاله كل من إييب ربعه ..
و يدخلهم حتى السوكرتي ما يقدرون يسون شئ !!
للأمانه شباب ملاك الشاليهات محترمين و كل من يعرف الثاني ..
لكن مرات إيبون لنا أشكال غير نمونه
عموماً واجهة شيك صارت أحلا الحين بالمطاعم ..
لكن الله يعين إللي عنده شالية إهناك
تحياتي .. :وردة: