{ حبك شطحني } <~~ كشكولي الخاص *_^

[shining star]

​

http://up.arab-x.com/​

والحين صار ( التيس ) جاهز وبالهنا والشفاء ​

قندهار
اشلون تاكل وهالجمجمه بالجدر ​

 

[BRiGHT_Q8]

كل عام وانت بخير زميلي قندهووور :وردة:

​

 

[فـيـصـل الـحـربـي]

اعذروني على رفع الموضوع لكن السعودي ذو الاصول الافغانية اخونا قندهار هو اللي حدنا على هالشئ

ياخي باين عليك بدوي مرا مرا مرا < ياي

واذا امك داعيه عليك ان شاء الله يجي تعيينك في جده

والله يا راح يكون فيه اكشششن ماعمره صار بالسعودية

اتخيل شكلك وانت مع الكول حقون جده ابدا ماتجي شرار على طول

عندهم اي واحد قبيلي ما يفهم شئ ياشيخ لو معه شهادات الدنيا كلها


وايام ماكنت ادرس في جده الله لايعيدها من ايام , يوميا مطاقق ومطقوق معهم

مره اخر الترم قبل ما نرجع الرياض متفق انا واخوياي المطران والعتبان نجي للمدرسة يوم الاثنين نطرطع في طروش البحر لكن مع الاسف سحبوا علي وابو حربي طاح بلحاله بينهم الله لايعيده من يوم جالس لحالي ولا احد يكلمني تقل فيني جرب قعدوا يسولفون عن البحر وطلعاتهم باللنشات , ان طقيت قلت لازم اتكلم , قلت انتم المفروض تحبون هاللنش وتحطون صوره في كل مكان في بيتكم وسياراتكم لأن لولاه كان الحين انا جايبكم بفيزة سواق ولا حق تدليك ولولا هاللنش كان نص جماعتكم بترحيل الجوازات الحين , بعد هالكلام طوط طوط طوط ماقول الا الله لايعيده من يوم :باكي:

انت الظاهر لك بالقصيم وديارها مازرت ديرة قريبه من بريده يقالها ضراس كلهم تواجره "التويجري" خوالي طبعا عايشين في جو اخر بعيدا عن العالم الخارجي يوم درو اني بروح لأمريكا عطوني من هالنصايح حسيت اني داخل حرب وداق سلف لتل ابيب اما اللي شطحت شطحتن ماهي صاحية جدتي الله يحفظه تقول خذ معك طحين لا شتهيت مريدزيدزه تصلح لك

لغير المتحدثين باللهجة القصيمية

مريدزيدزه = مرقوق


وسامحونا :وردة:

 

[قصيمية]

ههههههههههههههههههههههههههههههه
لاتعليق
​

 

[rightword]

شطحات طفل ( بزر )

​

بعض السوالف يوم اتذكرها امووت من الضحك ​

خاصتن اذا كانت متعلقة بمرحلة طفولتي .. مثلآ :​

- ايام ما كان عمري 5 سنين كنت اعتقد ان الرجال مثله مثل المره يحمل و يولد ​

بس كل واحد مسؤول عن جنسه ؟ يعني الرجال يجيب (عيال) والمره تجيب (بنات)​

اذكر واحد من الجماعه كان له كرش كبيره ، قلت لـ ولده يا حظك ابيك بيجب لكم توأم ؟​

هههههه الحمدلله اني الدعوه مجرد تهيئات طفل ولا كان علووم هع

​

-الفلوس .. كنت احسبنها تحول من السماء مثل المطر ؟؟ ​

<< تفكيره مادي من يوم كان صغير ​

- ايام غزو العراق على الكويت كنت في أول ابتدائي ..​

اذكر اني لقيت جدتي في الصاله تسمع الرادو وتبكي

​

قلت لها شفيش يا جده

قالت لي العراق فاز على الكويت ​

نقدت عليها وقلت في خاطري يا حب هالعجيز للكورة

​

اثاريها عطتني المعلومه على قد عمري .. ​

وما استوعبت كلامها الا بعدين << شكله تنح و ما استوعب كلامها الا بعد التحرير هع

​

يتبع ........​

اضحك الله سنك
والله انت كذاا وعمرك 28 سنه
يعنى يوم انت صغير
شلووووون
؟؟؟؟

والله اسعدنى كشكولك
المغبر
بس الله يهداك
نظفه قبل لاتفتحه
فينى ربووووو


ذكرياااات جميله
من طفل برئ
لالا
لا اظن
​

 

[قندهار]

يا قدمكم شعندكم رافعين الماضوع :/

لا تخلوني اتهور واشخبط فيه مرتن لووخ

​

 

[قندهار]

http://i.imgur.com/H2YC4.jpg


غربلتني صورة ابن الذيب والحراس حوله
مبتسم كنه يقول إن مالي من الناس حاجه

هبّ يا رجل جمع شعر ، وكرم كفّ ، ورجوله
لابس لبس المؤبد الازرق ويضحك حجاجه

 

[رائــع]

دخلت لأسجل إعجابي بجملة ( حبك شطحني) ...!


تحياتي يالوايلي :وردة:
​

 

[قندهار]

لووووووول

استريح زين انا ( قندهار العجمي )
للاسف اخونا ( ولد وايل ) سارق العنوان مني
والدليل شوف تاريخ موضوعي

 

[رائــع]

لووووووول

استريح زين انا ( قندهار العجمي )
للاسف اخونا ( ولد وايل ) سارق العنوان مني
والدليل شوف تاريخ موضوعي

بالفعل العنوان يستحق ان تتنافسون على ملكيته ..!

فهو عنوان مثير وطريف بنفس الوقت ..!


أهلين بقندهار العجمي ونعم بالعجمان ..


تحياتي:وردة:

 

[قندهار]

هلا بك اكثر يا الرائع
شكراً على اسلوبك اللطيف وما عليك زود ..

الله يهداه ولد وايل يبي يورثني
شافني غايب عن المنتدى مده طويلة
والظاهر يحسبني ميت !

 

[خجـل]

مرحبا بعودتك قندهار ..​

كنت اتابع موضوعك . زين رفعته من جديد ​

:وردة:​

 

[قندهار]

( خجل )

شكراً على الترحيب والله يرفع قدرش

 

[أم فواز]

الف حمد لله على السلامة يا قندهار

​