( هي الفوضى ) .. ثورة الفيمتو ..

[فيصل المطيري]

اوف اوف اوف


كل هذا عشان فيمتو


عنكم مآشربتو فيمتو إن شآءالله .. بتموتون يعني


​

 

[Goethe]

اجل مااشفت جمعيتناااااااااااااااااا

* ششوف أكثر

:وردة:

يقولون بسلوى والرميثيه هم بعد صايره
الله المستعان
شعب دخله اليومي من النفط بالمليارات
وجذي يتطاقق على مشروب؟

* الكويتي اضداده .. نفسه والحكومه ..

:وردة:

جمعية النزهة.. وزعت أوراق للمساهمين.. يقومون بتعبئتها.. وذلك لتأتيهم المواد الرمضانية التي طلبوها.. إلى بيوتهم! وصدق أو لا تصدق

(فضلاً عن قيمة السلع المخفضة جداً لهم.. لاسيما مسبب الثورة..!)




.

* كلمة حق تقال .. بعض الجمعيات في مناطق الحضر مشرفه .. و لايوجد لديها عصابات

من اجل تهريب عربانات الطحين والفيمتو من اجل اخوانهم .. ناس شبعانين

:وردة:

ياشباب عندي سؤال الفيمتو من السنه على الفطور كل هذا علشان فيمتو لو فرض شنسوي

* يتذابحون

:وردة:

هل يعقل هذا ؟؟؟؟
تدافع من اجل فيمتو !!!

* وحياتك .. عقل

الله المستعان

* الله كريم

:وردة:

الفيتو مشرروب الطاقة

* قصدك : الفيمتو مشروب الشعب

:وردة:

اشربو بيبسي مو لازم فيمتو هههههههههههههه


الله يعين على هالعقول خير ياطير اقصاه مشروب ..

* اهل العقول في راحه ..

:وردة:

​

والله ياخوك عندنا وعندكم خير



انا من محافضه بالسعوديه


والله يجي هواش عند قشطه الصافي وكانه هي وجبه رمضان الوحيده



وانا اشوف هالعمل همجي ولا ياتي من متعلمين



فهذا محصور على مناطق معينه تكون جالياتها قليله علم ومعرفه ,,,,,,,,,,



​

* كلامك فيه من الصحه الكثير ..

:وردة:​

 

[ناصر الولايه]

الموضوع مبالغ فيه من قلب !
وتعبت روحك يالحبيب مصورلي ممر فاضي وتقولي فوضى
جمعية العدآن فيها تخفيضات وما شفنه هاللي تقولون عنه
صج صاير زحمه هالايام بالجمعيات بس ماتوصل لهالمستوى
موضوع مادري شيبي ​

 

[DRDOR]

الله يعز اللبن شزييييييييييينه على الريج... اما بالنسبه للفيمتو... يسبب حارج ويتفخ الكرشه وبالصلاة مغير تمسك ترعتك
اتركو عنك هالفيمتو وطيحوله لبن لين تحس جنه واحد صاكك طراق على عيونك يقولك ناااااااااااام قرير العين

 

[wazer]

دول فيتو وشعوب فيمتو

وصلتني هالرساله على المويايل وحبيت انقلها لكم


"دول فيتو" و"شعوب فيمتو"!
صراع على"الفيمتو" قبيل رمضان !
ينما "الدول الكبرى"تتحكم بمصير الشعوب ب"الفيتو"
تتصارع شعوبنا أمام أبواب الجمعيات لاقتناء "عصير الفيمتو"!
وبين "الفيتو" و"الفيمتو"
ميم "المصير"
التي خدرها " العصير" !

 

[لا للمفسدين]

* كلمة حق تقال .. بعض الجمعيات في مناطق الحضر مشرفه .. و لايوجد لديها عصابات

من اجل تهريب عربانات الطحين والفيمتو من اجل اخوانهم .. ناس شبعانين​

​

[/CENTER]

والله الكل شبعان والكل يبذر فلوسه على المطاعم والكافيهات ... لكن ماتدري وين المشكلة ... وإلا 10 بطول فيمتو .. بقيمة قعدة في الكوفي شوب .

 

[دكان]

بسم الله الرحمن الرحيم



هذا دليل بسيط وواضح على من يدعي ويقول بأن الشعب الكويتى بخير ,بل قولوا بأن الشعب باكثريته جشع وبخيل وحجااااااااي ومايعجبه العجب .
سعر بطل الفيمتو بمركز سلطان 530 فلس وفي جمعية السالميه القريبه من مركز سلطان ب 185 فلس , ذهبت الى مركز سلطان تسوقت كما اريد بلا زحمه وطق وسب وتكسر بطول .
لاادري هل ذهب الحياء من الناس ؟ هل ذهبت المروءه عندما يتشابك رجل مع امراءه من اجل الحصول على بطل فيمتو ؟

مالفرق بين الصومالين عندما يتجمعون حول سياره محمله بالغذاء وبين زحمة على كراتين فيمتو ؟
لافرق وطالما وصلت الاكثريه الى هذه الحاله فهو شعب بطينى ومادي وولائه الدنيا والدينار .

اللهم عافنا وارحمنا وانزل علينا القناعة .



ودمتم,,,

 

[الكاشونة]

VIMTO​

يحليله الجوعان ما صار ملياردير
الا من شربت الفيمتو​

:وردة:​

قصدك " العوجان " ..

و سجاير " مارلبورو " .. لا تنسى ..​

​

 

[حمد-الراشد]

الموضوع مبالغ فيه من قلب !

وتعبت روحك يالحبيب مصورلي ممر فاضي وتقولي فوضى
جمعية العدآن فيها تخفيضات وما شفنه هاللي تقولون عنه
صج صاير زحمه هالايام بالجمعيات بس ماتوصل لهالمستوى

موضوع مادري شيبي ​

صاحب الموضوع كلامه صحيح ازدحام شديد عند جمعية جابر العلي كأنهم في حرب

 

[الغلس]

بسم الله الرحمن الرحيم

سعر بطل الفيمتو بمركز سلطان 530 فلس وفي جمعية السالميه القريبه من مركز سلطان ب 185 فلس , ذهبت الى مركز سلطان تسوقت كما اريد بلا زحمه وطق وسب وتكسر بطول .

ليش ما رحت الجمعية ( السالمية ) ؟
حالك من حال المساهمين
بطاقتك المدنية + رقم المساهمة
وتأخذ حصتك ...
( إنديا غيت 20 كيلو 6,500
6بطول فيمتو , وعادي يعطونك زود
عصير تانك 1,500 )

واليوم أعتقد سوف توزع الهدية الرمضانية

:وردة:

 

[Al-Mutairi]

اناا شااري 5 كراتين فيمتوو
​

 

[رؤى]

والله يا اخوي الجنازة .. الدعوة كلها فوضة بـ فوضة

انا رحت الجمعية وجيلت البيت لشهر رمضان قبل ما يهل علينا شهر 8 وتبدي العروض

العام رحت وقت العرض وجمعيتنا مسوين فيها جوائز سيارات حزة الـ حزه .. فـ إكملت !

وعينك ما تشوف إلا النور , من كل مناطق الكويت ومن كل الجناسي , دز إمدازز , حتى عربانة للاغراض ما تحصل ولا لك محط ريل اصلاً

من يشوفون عروض دخلوا الجمعية وخموا الي فيها كله !

زحمة .. موت وطق إمطاقق عشان بطل فيمتو

وانا اقول المفروض ان العروض تصير في كل جمعية للمساهمين فقط

وقتها بس بتخف هـ الزحمة

صايرين إبطينيه

إشدعوه اذا ما كلتوا بتموتون يوع ! والا طول السنة صايمين وما تاكلون الا بشهر رمضان ؟!

بعدين مو إلا فيمتو , شربت لومي بارد مع شوي نعناع ولا أروع بـ هالصيف .. خصوصاً إن الشعب يبيلهم شيء يهدي أعصابهم .,

 

[قناص270]

وين طق مطاقق ؟؟

أمس بالليل كنت في مركز سلطان ( السالمية )

و كان فيه جبل من الفيمتو خلف الكاشيريه ..

أعتقد أن مخزون الدولة الاستراتيجي من الفيمتو

بحالة جيدة ..

 

[Goethe]

VIMTO


يحليله الجوعان ما صار ملياردير
الا من شربت الفيمتو
شربو بيبسي يتفخ البطن
و يقلل الاكل
وقت الفطور
:وردة:


​

* الاقرع :وردة:
​

يا سلام فيمتو

بعد الفطور تحس انك
ملكت العالم

​

* الاجدى ان تقول : خربطت العالم :وردة:

ناس مرضى رحت للتموين قلت باخذ حق هالشهر واذا بي اشوف صديق قلت شصاير قال من الساعه 8 الصبح صاف واللحين خمس العصر وجدامي 40 يجماعه في جمعية الصباحيه جنك طالع من المرجم مواوادم الله يشفيهم هونت ورحت شريت من مركز سلطان بلا هالدوخه ثلاث ارباع اللي صافين عندهم عماره عمارتين والشفاحه ملازمتهم الله يلعن معرفتهم الخايسه ويلعن الفلوس اللي تجي هالاشكال يدور عدس وطحين بالقوايل

* الصباحيه لا تعليق .. انا عندي قرائتي لــ حروفك .. أحسست بك كثيراً ..

الجشع أمر .. مخزي ويثير الاشمئزاز ..

:وردة:

* حاله مزريه جداً !:وردة:

للاسف نفس الشي يصير فينا كل سنه ومانتعلم
اعتقد ان الثقافه عندنا ناقصه حيل وخصوصا الاقتصاديه
بالاعياد تزدحم الاسواق بصوره مخيفه جنه العيد جا فجاه
ونفس الشي برمضان يشترون اغراض كثيره من مواد غذائيه
واخرتها تزيد وتنحذف بالزباله اعزكم الله مايحتاج هالتكديس بالاغراض
اعتبر الفيمتو نفس اللبن اشتر ه كل يومين او ثلاثه وبلا تكديس
ماينفع الا التجار ويتفخ جيوبهم

* نحتاج لــ شعب ( يفتهم ) ولكن شعب واحدهم يأكل الآخر ..

لا ترتجي خيراً يازميل ..:وردة:

لا احنا جابر العلي ماصارت هالفوضه
لأن اعضاء الجمعيه قاعدين وخاشين البضاعه
مايطلعونها الا اذا عازمي جااء يدش عليهم الاداره يطلعون له
واذا تكلم احد المساهمين يقولون هذا دافع الصبح !!
هههههههههههه

* نعم هذا حصل و حدثني أحد الاصدقاء بأن هناك كراتين .. تنزل للسيارات تحت ..

بحكم هؤلاء ابناء عمهم ..

لعن الله العنصريه والجشع ..:وردة:

يا جماعة الخير

هذا التدافع يذكرني بمناطق المجاعات التي يتدافع بها الناس

لأجل بعض الخبز !!

و لكن التدافع هنا لأجل الشراء

و لكنه صدقوني الفكره متشابهه

* هناك .. من أجل الجوع ..

وهناك .. جشع .. والقليل مهم حالتهم سيئه

لا اظن هناك تشابه ..

غريبه والله ؟

التـــــانج بأنواعه حلو

وكذلك ( السنكويك )

* الفيمتو ( مشروب الشعب )
​

والله اللي تشوفه يالجنازه
​

​

من قلة الحيله التجار طغو



والحكومه تبارك لهم طغيانهم

* ولا تنسى ايضاً .. جشع المواطن ..

تحياتي

لي عوده :وردة:​