سؤال وجواب ما قصة الجماهير امام مدفع الافطار ..؟؟

[Modest]

كل يوم وقبل الافطار ينقل التلفزيون المكان اللذي به مدفع الافطار واعتقد انه بقصر نايف ..

السؤال ..

الناس اللي موجوده كل يوم على اي اساس تحضر ..؟ شنو وضعهم بالضبط..؟

لهم فطور يومي ولا بس مجرد تصوير ويمشون ..؟

 

[Anonymous]

الى الان لم نجد اجابة وافيه ..

هل يوجد افطار رسمي لهم ..؟

الى الان ماحددت سؤال ...

تبي تعرف في فطور ولا لأ؟

ولا تبي تعرف ليش يكونون هناك ؟

**

ما ادري عن الفطور بس اللي اعرفه ان الاغلبيه ماسكين التلفونات ويتكلمون ويطالعون الكامره

اتوقع انهم يتصلون على اهاليهم ويقولون شوفونا ترى احنا بخير ومشتاقين لكم

وهذا مو عشانهم فقراء ومساكين ...لأ مو شرط !

بس وناسه وتغير جو وشوفه مدفع صجي امامهم


وبس ​

 

[Modest]

الى الان ماحددت سؤال ...​

تبي تعرف في فطور ولا لأ؟​

ولا تبي تعرف ليش يكونون هناك ؟​

**​

ما ادري عن الفطور بس اللي اعرفه ان الاغلبيه ماسكين التلفونات ويتكلمون ويطالعون الكامره​

اتوقع انهم يتصلون على اهاليهم ويقولون شوفونا ترى احنا بخير ومشتاقين لكم​

وهذا مو عشانهم فقراء ومساكين ...لأ مو شرط !​

بس وناسه وتغير جو وشوفه مدفع صجي امامهم​

وبس ​

اهم شي السؤال الاول ..

شكلي انا بحط الاجابة وباختارها افضل جواب

سؤال اخر ..

منو الآمر على هذا المكان اللي سامح للناس تقابل التلفزيون وتصور .؟ على اي اساس يعني الامر هذا ..؟

شنو الحكمة يقول للناس تعالوا عند المدفع واطلعوا بالتلفزيون ...

​

 

[Anonymous]

اهم شي السؤال الاول ..

شكلي انا بحط الاجابة وباختارها افضل جواب

سؤال اخر ..

منو الآمر على هذا المكان اللي سامح للناس تقابل التلفزيون وتصور .؟ على اي اساس يعني الامر هذا ..؟

شنو الحكمة يقول للناس تعالوا عند المدفع واطلعوا بالتلفزيون ...

اتوقع ماخذين الاذن من "عشماوي"

التصوير باذن المخرج وهو اللي يقول تعالوا مني وروحوا مناك

شنو الحكمه : عشان يصير فيه حياة للمشهد وفي ناس وجهال تضحك وجهال شايلينها تبجي

و المخرج عاوز كده

***

تعوذ من ابليس ونزل هالتفاحه ودق اللثمه وجيب لنا الاخبار المؤكده باجر

​

 

[Modest]

اتوقع ماخذين الاذن من "عشماوي" ​

التصوير باذن المخرج وهو اللي يقول تعالوا مني وروحوا مناك​

شنو الحكمه : عشان يصير فيه حياة للمشهد وفي ناس وجهال تضحك وجهال شايلينها تبجي​

و المخرج عاوز كده ​

***​

تعوذ من ابليس ونزل هالتفاحه ودق اللثمه وجيب لنا الاخبار المؤكده باجر ​

كلامك معقول المخرج عاوز كده ..

اما التفاحه لا تقرب صوبها على الاقل اكل منها كل شوي ..

لكن يبقى السؤال ..

الفطور على منو

هذا اذا في فطور ..

​

 

[alqiser]

انا سمعت انه في فطور من الديوان الاميري

 

[الحاسم]

دناعه النفس بالكويت وصلت لمرحلة "هذول" من يفطرهم؟

 

[kwt.store]

تصوير + فطور = ماكو شغل

 

[Modest]

دناعه النفس بالكويت وصلت لمرحلة "هذول" من يفطرهم؟

شلون يعني ..؟ ممكن توضح كلامك اكثر ..؟

يعني تعتقد من سؤالي انها دنائة نفس وحاسدهم ولا شنو ..؟

 

[[ الحجية ]]

نفس السؤال طرى علي [ السنة اللي طافت ]

وبعد ما سألت .. قالولي انهم بعد الأذان يوزعون على الناس عصير وتمر .. ويردون البيت

لكن على حساب منو ؟ ما أدري صراحة ً

 

[غادة الكاميليا]

انا قبل امس زوج اختي رايح مع عياله الاثنين لسبب رئيسي وهو لمشاهدة مدفع الافطار علي الطبيعه اولا وثانيا للظهور علي التلفزيون وطبعا ما خلوا احد من العايله ما دقوا عليه عشان يشوفونهم اما الافطار فلا اعلم اساسا اذا كان هناك فطور او لا بس الي اعرفه انهم افطروا بالبيت مع اهلهم​

 

[ماذا قدمنا ، للكويت ؟]

إتوقـعّ . ان الكثيـر منـهم ذهـبٌ ليشاهـدٌ مـدفـع الافطـاْر علي الطبيـعـه . وياخذ الاطفـال ليتنزهو .. مع العائـله .
وليشاهـدو اهاليهـم .. على التلفـاز ..

وآلمكـان هو قصـر نـايـف . وحسـب علمـي ان القصـور يشـرف عليهـا الديـواْن الاميـريّ .

ثانـياً . قصـر نايـف هو محافظـة العاصمـه . فيـه مقـر المحافـظـه وفيـه مكتـب المحافـظ

الفطـور . اتوقـع يتكفـل فيـه . محافظ العاصمـه .. او الديـواْن الاميـريّ ..

 

[مسافر مع الأيام]

بغض النظر من هم وليش رايحين وهل فيه فطور ولا مافيه

اعتقد انها حركة مالها داعي من تلفزيون الكويت​

 

[والله المستعان]

ليش ماتقولون ان الوافدين يذهبون لكي يتمكن اهاليهم في دولهم من رؤيتهم

وخاصة ان البعض منهم يبتعد عن اهله ويتغرب لمدة طويله من أجل لقمة العيش

ولكن ياترى ماهو سبب ذهاب الكويتيين الى هناك؟؟؟​

 

[بو عصام]

ليش ماتقولون ان الوافدين يذهبون لكي يتمكن اهاليهم في دولهم من رؤيتهم​

وخاصة ان البعض منهم يبتعد عن اهله ويتغرب لمدة طويله من أجل لقمة العيش​

ولكن ياترى ماهو سبب ذهاب الكويتيين الى هناك؟؟؟​

بعضهم وناسة والبعض افطارهم متأخر شوي​

 

[0utsider]

ماسمعتو بشغله اسمها ضيقة خلق العصاري ،،،،،،،،،،،،

 

[الغلس]

يا زميلى معظمهم وافدين يتصل على اهله فى ديرته ويقولهم شوفونى (انا موجود)

هذا الكلام المضبوط
أنا كل سنة آخذ الشباب عيالي
إلى قصر نايف

نفس الكلام شوفوني
وكل واحد فيهم كاشخ ومكشخ إعياله معاه
( الله يجمع شملهم )

على فكرة :
ما في فطور
بس تمرة
ولبينه

:وردة:

 

[Modest]

هذا الكلام المضبوط
أنا كل سنة آخذ الشباب عيالي
إلى قصر نايف

نفس الكلام شوفوني
وكل واحد فيهم كاشخ ومكشخ إعياله معاه
( الله يجمع شملهم )

على فكرة :
ما في فطور
بس تمرة
ولبينه

:وردة:

صدنا واحد منهم

الحين عرفنا بس تمره ولبن ..

 

[الغلس]

صدنا واحد منهم

الحين عرفنا بس تمره ولبن ..

إسكت ولدي ( الغلس )
ماكل قلبي
يبا ودني ...يبا ودني
وأنت شايف وايد بارد
وهناك ...لازم تروح قبل الآذان بساعة
يعني بناكلها عدل هالسنة

إن شاء الله
الجمعة بوديهم قصر نايف

بس تصدق صوت المدفع موهين
يرج الراس رج

:وردة:

 

[شين الحلايا]

بغض النظر من هم وليش رايحين وهل فيه فطور ولا مافيه ​

اعتقد انها حركة مالها داعي من تلفزيون الكويت​

مدفع الافطار موجود في اكثر من دولة خليجية وعربية والكويت ليست الدولة الوحيدة التي يتم فيها نقل موعد مدفع الافطار . من الدول الخليجية التي فيها مدفع الافطار مباشر كل ايام رمضان في التلفزيون قطر ولكن بدون جمهور .

 

[Modest]

إسكت ولدي ( الغلس )
ماكل قلبي
يبا ودني ...يبا ودني
وأنت شايف وايد بارد
وهناك ...لازم تروح قبل الآذان بساعة
يعني بناكلها عدل هالسنة

إن شاء الله
الجمعة بوديهم قصر نايف

بس تصدق صوت المدفع موهين
يرج الراس رج

:وردة:

الله يعينك ودام بخاطر ولدك وده وخله يستانس ..

وننتظرك يوم الجمعة تبلغنا بالتفاصيل