فضحتونا يالكويتيين ... خليتونا علج بحلوج الناس ... شوفوا طاش ما طاش شنو يتكلم عنا ؟

م

مبارك العنجري

عضو فعال
بسم الله الرحمن الرحيم​

والصلاة والسلام على اشرف المرسلين سيدنا محمد وعلى آله وصحبه اجمعين​

وين راح تودونا يالكويتيين بجهلكم ... وين راحوا تودونا بهمجيتكم ... وين راح تودونا بالشجع والطمع الي يشتهر فيها الكويتي ... اليوم المسلسل السعودي " طاش ما طاش " يتكلم عن امرأة انقهرت من زواج زوجها عليها فقامت بحرق الخيمة بالي فيها ... حلقة نقاش عن الكويتية الجهراوية الي حرقت الخيمة قبل سنة ... وقتلت 50 امرأة بريئة رايحه العرس تبي تستانس وبعده المقبرة وتيتيم ابناءها :باكي: او تعيش وسط عاهه مستديمه ... عمل يذكرني بقصف اسرائيلي على الابرياء الفلسطيين ... عمل يذكرني هجوم مسلح بالفلوجة ... حلقة اليوم خلتنا نصير علج بحلوج الناس ... صرنا اعجوبة بنظر الاخرين ... العالم قاعد يشوفنا كعالم غريب ... احنا الكويتيين مو مستوعبين الي وصلنا حقه ... احنا راضين عم نفسنا لما العالم يتكلم عنا ويضحك علينا ونصير مصخرة على ايدنا ؟ لا طبعا ... تدرون ليش ؟ ... لانه راح نواصل ندور الفلس ونحفر بالتراب وبالطقاق الاخلاق ... هل الشعب الكويتي شعب متخلف ... شعب ما يدري وين الله قاطه ... والله يا اخوان قاعد اطالع الحلقة وانا متفشل من نفسي ... شوفوا نتيجة الكويتي الي ما يشوف القانون الجامد والعين الحمرا الي بديرته ... ويمشي على كيفه بديرته ... احنا الكويتيين بعد ما كنا عبرة بالاخلاق والمبادئ صرنا الحين عبرة ومحل نقاش الهمجية وقتل الابرياء نتيجة الجهل والطمع ...​

بالاخير قبل لا اصك الموضوع حبيت اذكركم كويتي قتل على يد 2 من اصدقاءه الكويتيين بشقة بالفنطاس امس​

ملاحظة : انا ما اتكلم عن السعودية ولا عن طاش ما طاش ... انا شخص احب السعودية وراح اظل احب السعودية ... لانه مملكة الابطال ... انا اقصد بموضوعي عنا احنا الكويتيين فقط لاغير​
 
ص

صقران

عضو ذهبي

السبب الاعلام الفاسد المسيطر على كل الجنبات في الكويت والحكومة الميتة الموجودة الآن​
 
ك

كويتي قديم جداّ

عضو بلاتيني
هـــــذه ضــــــــريبة لابـــــــــد أن يدفــــــــــعـــها أي مجــــــــتـمع .. عنده حــــــــريــة زائــــدة إعـــــلامـــيـــاً (لينشر غسيله أمام العالم كله)

فطالبوا -إن شئتم- بمزيد من الحريات ... واتركوا عنكم (عيب) و(فشلة) !
 
م

مربي أجيال

عضو ذهبي
الله المستعان اخوي الله يرحم والديك شلون مفسر الموضوع على اي مقاس الله يهديك بس هذي قضية انسانية نسأل الله ان يرحم كل من مات فيها ومافي اي مشلكة من تطرق طاش ما طاش من باب التوعية والتحذير والقتل بكل مكان وبكل دولة الله يكافينا الشر ما في شي يفشل مثل ما قلت
 
ب

بوخالد الذهبي

عضو فعال



مسلسل طاش ما طاش

مسلسل خليجي

يناقش القضايا والاحداث الخليجية بقالب ساخر


ولا ضير ان يعملوا حلقة واحدة عن الكويت



من بين 17 موسم :)

كلها عن الشقيقة السعودية :قلب:



​
 
A

Alone

عضو بلاتيني
كويتي قديم جداّ قال:
هـــــذه ضــــــــريبة لابـــــــــد أن يدفــــــــــعـــها أي مجــــــــتـمع .. عنده حــــــــريــة زائــــدة إعـــــلامـــيـــاً (لينشر غسيله أمام العالم كله)

فطالبوا -إن شئتم- بمزيد من الحريات ... واتركوا عنكم (عيب) و(فشلة) !
أنقر للتوسيع...


يقول لك حرايق وقتل واخلاق رايحه فيها وتقولي حريه زايده في الاعلام شلون يعني؟
 
ح

حسين

عضو ذهبي
ما شفت الحلقة​

ولكن أنا متأكد أن أي إنتقاد من الأخوة في المملكة هو إنتقاد " محب " ..وليس شماته أو إستهزاء


وأما حادثة الجهراء فهي جريمة قد تحصل في أي مكان وفي أي زمان

وتقبل الله صيامكم وقيامك​
 
ع

عليا

عضو مخضرم
ووووبسسسس !!!!!

شفت العنوان فضحتوونا قلت الحين الكويتين مسووين

مصيبة ميعلم بيها الا ربنا 000


عشان كتبوا حلقة عن الى حرقت العرس وش فيها يعنى !!!

هذى مصيبة وماساءة لازم يعلمون الاخرين والنساء الى تمكن الغيرة بقلبها

وتذبح الاوادم 00شنو دور الاعلام مو يسلط الضوء على الاخطاء

وبعدين طوول عمر طاش ما طاش يكتب عن الاجواء السعودية ويتطرق

لقضاياهم من المحلل \ لقيادة المراءة للسيارة والتشدد وغيرة وغيرة

ما شفناهم فزعواا الاوادم 000

وكتبوا نفس هالعنوان
 
ع

عنفوان

عضو فعال
والله ياخوك بعد حلقتهم عن بطرس وأمامي اتضحت أن هالأثنين لايهمهم لادين ولاخلق ولا عادات همهم فقط الشهرة واللغط والمال فقط​
 
Ω

!...ωαнαм...!

عضو بلاتيني
والله اخوي تبي الصدق طاش ما طاش ما تركو احد الا تكلمو عنه


وانا اشوف انهم ما يصتقصدون الكويت كــ تشويه لانه انا اشوف انه مافيه قضيه ما يتكلمون عنها


وانا اشوف اقوا شي والغريب ما تكلمت حكومه سوريا عليهم وسمحت لهم بالتمثيل بسوريا لمن


كانو يتكلمون شقاعد يصير بالحد السوري من رشاوي ودهن سير لموضفين الجمارك بسوريا


وانا اشوف طاش يناقش قضايا اجتماعيه بس مرات يفصلون على الدين وانا ضد انه يكون


توجههم للدين كما شفنا حلقات تتكلم عن الاديان السماويه وسب المطاوعه والخافي اعضم




​
 
ا

الفراشة

عضو مخضرم
قرأت العنوان ... قلت عسى ماشر وشصاير ؟؟

بالله عليك هذه فضيحه !!

هذه مأساه وحدثت ... يتكلمون عنها طاش يتكلمون عنها في أمريكا عادي شي طبيعي ...

طاش خلوا أحد ماتكلموا فيه ...

بعدين في نفس وقت حريق الخيمة ... هناك سعودية أحرقت سياره طليقها في نجران ...

هي مأسي تحدث .. ولاتعتبر فضيحه ..

 
س

سلطان زماني

عضو مخضرم
والله يا اخوي ما ادري شلون تفكر..!!

هل تعلم ان حصل في السعوديه مثل هذه الحادثه قبل حريق الجهراء..!!!

وان لم تكن..فهذه حادثه شاذه واول مره تصير ليش تحسسنا انه عاده بالمجتمع الكويتي..!!!

ويا اخوي الكويت بلد منفتح اعلاميا وجميع من هم حولنا يعرفون الكثير الكثير عن الكويت من خلال الاعلام..

فلا تكن حساس وتريد الكويت معزوله مثل غيرها..

مع احترامي لك..لم توفق في هذا الموضوع..!!

ولو كنت موجه كلامك الى من فعلت هذا الحادث افضل من ان توجهه للشعب الكويتي..!!

تحياتي..​
 
ف

فاطمة حسين العلي

عضو بلاتيني
هل تذكر المرأة التي قتلت زوجها وقطعته ووضعته بأكياس ووزعته على محافظات مصر .
هذه الحادثة هزت المجتمع العربي ...
وحريق الجهراء بكل ملابساته وكل ألمه
فيه نساء رحن في ليلة كانت اكثر من مصير
لذلك
انا اقدر خوفك وتعبك وواضح انفعالك
وهذا من خوفك على الكويت ...
لكن هون الأمور هونها
الموضوع نقد عادي كاي نقد لأي مسلسل ساخر
في الغرب يسخرون من رؤساء دولهم
ويذهبون غلى بيوتهم ليناموا ثم يكملوا الليلة ا التي بعدها
اهدى شوي ...
والله يبارك فيك​
 
S

SAAD.SAAD

عضو ذهبي
والله انا ما اتابع طاش ماطاش لأنه حده سخيف :
وبعدين حريق الجهراء هذا بلوه المفروض والواحد يحمد ربه ولايتشمت في الناس , وبعدين من قامت في حريق الجهراء جنسيتها سعوديه واكثر المصابين في ذاك الحادث الأليم سعوديين لاكن طافت على الأثول نويصر والسدحان
 
ب

بنت المملكة

عضو مميز
SAAD.SAAD قال:
والله انا ما اتابع طاش ماطاش لأنه حده سخيف :
وبعدين حريق الجهراء هذا بلوه المفروض والواحد يحمد ربه ولايتشمت في الناس , وبعدين من قامت في حريق الجهراء جنسيتها سعوديه واكثر المصابين في ذاك الحادث الأليم سعوديين لاكن طافت على الأثول نويصر والسدحان
أنقر للتوسيع...
لا كويتيه مو سعودية
 
ل

ليلي مثل ليلك،،،

عضو جديد
والله انا قلت شي خطير الله يهداك شفنا الحلقة مافيها شي ناقشوا غيرة المرأة بقالب كوميدي الله يهداك ،،،
انا اللي قاهرني مسلسلاتنا اللي قاعد تهبط سنة عن سنة والسنة هذي الفنانة القديرة حياة الفهد اللي السنة اللي طافت ماتابت وجابت السنة هذي مصيبة اكبر ،،،
العام في مسلسل الداية بينت ان المجتمع الكويتي خربان وان الواحد يطالع بمرت اخوه ويغتصبها وغير السكر والمشروب ، والسنة هذي يغتصب الكويتي بنت جيرانهم ..
شوفوا مسلسل باب الحارة يعني السوريين صج عندهم خرابيط وكازينوهات وخمر بس مايطلعون السوالف هذي بمسلسلاتهم الرمضانية ومسلسل باب الحارة يعلم شغلات وايد مثل احترام الأهل والجيران والنخوة والشجاعة ..
ليش عندنا مايتكلمون ويمثلون الا عن هالخرابيط ندري كل مجتمع فيه بلاوي لكن ان بليتم فاستتروا ,,,
قال من امرك قال من نهاني ،،،،، والله يحفظج ياكويت
 
يجب تسجيل الدخول أو التسجيل كي تتمكن من الرد هنا.
أعلى