سؤال وجواب ما بقى لي ألا الف وابي استثمرها

[تحت قدمـي الجنة.!]

السلام عليكم ورحمة الله وبركاته


الموضوع كان عندي مبلغ من المال وصرفته وزعته
وفسفسته المهم بس بقى الف ودي استثمرها بمشروع


فكرت اشتري سبائك ذهب بما ان الذهب مرتفع
لكن محد أيدني ؟؟؟


شووركم يا اهــل الخير

والله يبارك فيكم ​

 

[تحت قدمـي الجنة.!]

سوق الجمله بالمباركيه ونصييييييييحه جربيها صدقيني وبأذن الله راح يمشي شغلك خصوصاً ونحن علي ابواب الشتاء

لكن احذري من غش السوق اخذي معاج خبره

طيب معلش سوال
1000 كم تكفي كيلو ؟؟
يعني اعطيهم نقدي ويعطوني خيشه؟؟
ولا يوزعونها بتولات ويغلفونها لي ؟؟
اشتري عوود ولا معمول ؟؟

في الخبر عندهم سوووق جمله اشتري منه ؟؟



بارك الله فيكم

 

[مربي أجيال]

اختي اشتري تلفونات وبيعهم اقساط طبعا ضمن نطاق العائلة والزميلات

 

[أبوأحمد2010]

طيب معلش سوال
1000 كم تكفي كيلو ؟؟
يعني اعطيهم نقدي ويعطوني خيشه؟؟
ولا يوزعونها بتولات ويغلفونها لي ؟؟
اشتري عوود ولا معمول ؟؟

في الخبر عندهم سوووق جمله اشتري منه ؟؟



بارك الله فيكم

اسألي اي سؤال تبينه انا حاضر لأني مريت بالمرحله هذي قبل وكنت اتمني القي احد يجاوب علي اسألتي

اختي اول شي لازم تعرفين ان البخور فيه كيلو يسوي عشرة آلاف دينار وفيه كيلو بمية دينار

طبعاً انتي تختارين عود ولا معمول الي تشوفين انك تقدرين تمشينه طبعاً الحريم يبون شي رخيص وزين ونا انصحج بالعود وممكن تتفقين معاهم يسوونه لج تولات معلبه

بالنسبه لسوق الخبر ماعرف عنه شي وأعتقد ان سوق الكويت اطيب منه

 

[ريما القمر]

نصيحة ..

التجاره لها أهلها ومو كل واحد يتوفق فيها ..

عليج بالوديعة مثل ماذكر أحد الزملاء ويكفي إنها محفوظة لج " وبعيد عن ايدج وصرفج " ..

ولو إن الربح قليل لكن تكون لج حافز إنج كل ماجمعتي مبلغ حطيتيه وديعة ..

و1000 هو الحد الأدنى للايداع ..

والعائد الأفضل للودائع التي تبدأ من مبلغ 5000 دينار ..

وعسى الله يبارك لج ..


​

 

[تحت قدمـي الجنة.!]

نصيحة ..​

التجاره لها أهلها ومو كل واحد يتوفق فيها ..​

عليج بالوديعة مثل ماذكر أحد الزملاء ويكفي إنها محفوظة لج " وبعيد عن ايدج وصرفج " ..​

ولو إن الربح قليل لكن تكون لج حافز إنج كل ماجمعتي مبلغ حطيتيه وديعة ..​

و1000 هو الحد الأدنى للايداع ..​

والعائد الأفضل للودائع التي تبدأ من مبلغ 5000 دينار ..​

وعسى الله يبارك لج ..​

ان شاء الله نكون اهلاً لها
بعدين راس مالي صغير واذا خسرت
ربي رازق وكريم ...

بصراحه لودي امتهن التجاره
الى ان اجمع مبلغ محترم خلال 5 سنوات بإذن الله اقدر من خلاله
استخرج رخصه واكون ربة عمل واستلم دعم عماله بالحلال

 

[تحت قدمـي الجنة.!]

اسألي اي سؤال تبينه انا حاضر لأني مريت بالمرحله هذي قبل وكنت اتمني القي احد يجاوب علي اسألتي

اختي اول شي لازم تعرفين ان البخور فيه كيلو يسوي عشرة آلاف دينار وفيه كيلو بمية دينار

طبعاً انتي تختارين عود ولا معمول الي تشوفين انك تقدرين تمشينه طبعاً الحريم يبون شي رخيص وزين ونا انصحج بالعود وممكن تتفقين معاهم يسوونه لج تولات معلبه

بالنسبه لسوق الخبر ماعرف عنه شي وأعتقد ان سوق الكويت اطيب منه

افضل انواع العود ويكون سعره جيد ومناسب؟؟

 

[محارب من الصحراء]

قد روى الإمام أحمد و النسائي في الجهاد من سننه والحاكم وصححه عن معاوية بن جاهمة أن جاهمة جاء إلى النبي- صلى الله عليه وسلم- فقال: يا رسول الله أردت أن أغزو وقد جئت أستشيرك. فقال: هل لك من أم؟ قال: نعم. قال: فالزمها فإن الجنة عند رجلها.


وهناك قول مأثور : الجنة تحت أقدام الأمهات
لذلك أخترته معرفاً لشخصنا المتواضع ...

يا أختي الجنة ليست تحد قدمك، و إنما "جنتك أنت" و طريق الوصول لها هو عند قدم أمك أي في خدمتها و طاعتها، و "جنة أبنائك" عند قدمك، ولا يجوز أن تقولي أن "الجنة" تحت قدمي بارك الله فيك.

 

[بقيييط]

خليتووها قصة الاف اقووول اشتري فيها خرفان حق العيد وربطيهم عندش لي قبل العيد بيومين

 

[أبوأحمد2010]

افضل انواع العود ويكون سعره جيد ومناسب؟؟

الهندي سعره جيد وزوين

 

[ريما القمر]

ان شاء الله نكون اهلاً لها
بعدين راس مالي صغير واذا خسرت
ربي رازق وكريم ...

بصراحه لودي امتهن التجاره
الى ان اجمع مبلغ محترم خلال 5 سنوات بإذن الله اقدر من خلاله
استخرج رخصه واكون ربة عمل واستلم دعم عماله بالحلال

عسى الله يفتح فيها باب رزق بإذن الله ..

يمكن فكرة البخور اللي ذكرها الزميل معقولة خصوصاً إذا عندج ناس توزع لج بالمدارس والدوامات ..

الطموح حلو بس أنا أخاف من المغامرة ..



.​

 

[أبوأحمد2010]

يا أختي الجنة ليست تحد قدمك، و إنما "جنتك أنت" و طريق الوصول لها هو عند قدم أمك أي في خدمتها و طاعتها، و "جنة أبنائك" عند قدمك، ولا يجوز أن تقولي أن "الجنة" تحت قدمي بارك الله فيك.

عقلياً وليس فقهاً اري ان كلامك صحيح بارك الله فيك

 

[سنـين التّيــــهـ..]

صدقه افضل شي....

 

[Q8bdooon]

دخلي سوق الاوراق المالية (البورصة وكتتبي فيهم اكتتاب مو اسهم وانسيهم لدهر )

حطي بطاقتج وبطاقة القريبين لج الي مو مكتتبين

بس لاتشترين بطايق ترا حرام مايجوز الله يوفقج

 

[رُبـّـمــا]

شوفي يا الغالية وحدة تسولف تقول زوجي راح الصين


طبعا انتي ما تقدرين تروحين الصين بس بإمكانج الشراء منهم عبر شركات متخصصه تروح الصين بالكويت


او تعطين احد ثقة يروح يمول لج عطيه تذكرته واقامته لمدة اربع ايام او اسبوع


تقول صاحبتنا عن زوجها بالصين ترس سيارة كبيرة اسمها كاونتر من كل شي


العاب كماليات مادري شنو فقط بـ 400 دينار


وكل قطعة منهم اطلعت عليه بأقل من فلس كويتي ( واحد فلس )


تقول ويحجز بسطة بسوق اليمعة ويحط هندي : /


ويبيع كل قطعة بـ ربع دينار


تقول بالاسبوع الواحد زوجي ينزل كمية واتخلص على طول


وربح ألوفات مؤلفة ما شاء الله تبارك الله



وبس

وسلامة عمرج​

 

[تحت قدمـي الجنة.!]

شكراً على المساعده

 

[الديمقراطي]

اختى الكريمه
بديرتنا الكويت تقدرين طلعين من 1000 مبلغ كبير بس يبيله ذكاء وصبر
وأكبر دليل شوفي أخونا الوافدين محتكرين السوق من محلات ذهب وغيره
وأخونا من غير محددى الجنسيه محتكرين سوق الموبايلات
أنتى فكري هذول بدو بكم أنا أقولج بدو بنفس المبلغ الي عندج
والله رزقهم
وهذي المقدمه للي قاعد يستهين بالمبلغ ...

أما أنا انصحج نصيحه أخويه ومضمونه 100/100 وشرط بدال 1000 يصيرون 5000 او اكثر

روحى وأشترى أسهم شركة فيفا من سوق الجت والحين السهم ينباع 300 فلس

ولما تتدرج الشركه في البورصه راح ينزل السهم بسعر 700 فلس جذي طلعتى الدبل ولما تصبرين عليه سنه راح يوصل 1600 يعنى راح يكون طلعتى دبل 5 مرات

ودمتم
أخوكم /الديمقراطي