ماتضيق الا ويفرجهـا الكريـم
لو تدور احداث وايـام وليـال
والعقل لو كان فالجسم السليـم
كان شفت أصداء لأحلام البغال
واليتيم اللي بلا عقلـن فهيـم
والحكيم اللي يميـز فا لرجـال
والرجال اشكـال والله العظيم
هورجـل ولامرجّلـه العقـال
والوفاء والطيب فالقلب الرحيم
والجفا والعيب ماهي راس ما ل
والزعامه ماتحـب الا الزعيـم
والرخامه في مطولـة الجـدال
والوسامه ميزة الرجل الوسيـم
لاتجمع فيه زينـات الخصـال
والغباء ان صاحبك خبلن غشيم
خوة الوافين مطلـب للكمـال
اه ياقلبي وربـي بـك عليـم
لانشف دمك ومال الوقت مـال
اذكر اللي وجهها الصبح السديم
طب روحي لودوا روحي محال
وشعرها يلبس من الليل البهيم
والقمر لو شافها نـادى تعـال
ياشبيه الصبح يالريم الحشيـم
مالنوري فالسما بعـدك مجـال
عشت بالدنيا تجارب والحكيـم
من يفرق فالحـرام وفا لحـلال
ماينوض من الجروح الا الأليم
والزمن ماضي بحلن وارتحـال
والرجال لها مقامن فوق غيـم
والهلامه مقعده تحت الظـلال
والله المعبود يابعض الحريـم
ان فيها عز قوم وطيـب فـال
( نايف الذويبي)