طلال السعيد وهجومه على السعوديين على الهواء مباشره!!

الحالة
مغلق و غير مفتوح للمزيد من الردود.
ق

قبيلي وافتخر

عضو فعال
السلام عليكم ورحمة الله وبركاته

طبعا فالبدايه انا ماكنت حاب اكتب عن قناة سكوب ولا عن

عن طلال السعيد وبرنامجه التعيس واصلا ما اتابعه بالمره

ولكن الصدف وما ادراك ما الصدف المهم ماطول عليكم

انصدمت من ردة فعل ولد السعيد على سعودي داز مسج

يبي يكلمه تتوقعوون شنو رده؟؟

قال وبالحرف الواحد لادخلوونه معاي عالهوا السعوديين( ماتطلع

مراجلهم) الا على قنواتنا رووح عندك قنواتكم السعوديه دق عليها

وقوول اللي عندك ..

اقسم بالله وقاحه مابعدها وقاحه عيب عليك السعوديين تاج راسك

هذول اللي ماقصرووا معانا ولا ننسى وقفاتهم وطبعا الكلام قليل

في حقهم ماكان له داعي تقوول هالكلام تقدر تقوول مابي اي

اتصال من خارج الكويت وانتهت السالفه اما انك ترفض وتحدد

عالسعوديين وتقوول ماتطلع مراجلهم الا عندنا هذوول ياعديم

الاصل سيف مجرب ووقفتهم معانا دين برقابنا لي يوم القيامه

واتمنى بالنهايه محد يرد ويقول ليش اتابع القناه لاني مثل

ماقلت بالاول صدفه ..:(​
 
م

منر الكويت

عضو فعال
للأمانه وقاحه بس مالك شغل رجال المملكه اذا حسو انه داس لهم طرف بيعلمونه الشغل

وياليتك ماحطيت هالموضوع لأن هالنوع يستانس يكون مثار جدل خاصه في الشبكة الوطنيه

هجومه على الجمعيه بسبب ايقاف استيراد الفجل والجرجير الي يشتريه من الايرانيين تبع مزارع الجهراء ويبيعه لحسابه .

وهجومه على مستشفى الجهراء بسبب الصيدلي المصري الي مارضى يعطيه علاج من غير وصفه


وهجومه على امن الجهراء بسبب رفص محمد طنا توفير دوريات لتغطية شارع عبدالله بن جدعان امنيا بوقت زيارة احد الضيوف له اعتقد انه دبلوماسي .

ماكو شغل
 
ب

بدوي بنكهة رمث

عضو مميز
طلال مسكين هذا كله تأثير سقوطه بالانتخابات

وعدم التفات السلطه عليه قام يتخبط

يبي سفير محافظ وزير اي شي شوفوني انا ولدكم عندكم امدحكم​
 
ر

ركازي

عضو مخضرم
هناك كلام طلع ان الجويهل مطلوب لدى السعوديه وان الجويهل انحاش الى لندن

اخاف طلال صدق الخبر وحقد على الشعب السعودي عشان الجويهل
 
ب

بلاغة شف

عضو
أحمـــــــق

لعمــري كم تمنيت أن لا تلتفت السعوديه ولا الشعب السعوودي لما يحصل من حماقه ووقاحه وسذاجه مابعدها سذاجه لهذه القناة الهابطه والمترديه والسافله
أسألكم بالله...​

ماذا لو السعوديه قررت اغلاق الحدود الجنوبيه والجنوبيه الغربيه(السالمي والنويصيب)
جزاءآ لصمت الحكومه امام مايحصل من السذج من امثال طلال والورع والجاهل


طلال مره يتهجم عالسعوديه والجاهل يرمي بالجواز السعودي والورع قدح بالباطن وبالهمز واللمز
المملكه اللي فتحت قلبها قبل حدودها لشعبنا وحكومتنا
من منا لايذكر قرار الملك المغفور له حين قال: اما ان تعود الكويت او ان تذهب السعوديه
من منا لايذكر مساكن الإسكان بالمنطقه الشرقيه والرياض وجده اللي كانت مقرره ومجهزه للسعوديين ان يسكنوا بها حين اصدر الملك قرار ملكي بتوفيرها للكويتيين فقط
تضحيه مابعدها تضحيه من المغفور له طيب الله ثراه
اخشى ما أخشاه في الأيام المقبله أن نستجدي بالحكومه السعوديه لوقف المهازل الاعلاميه اللي ماقدرت حكومتنا توقفها


وبما أن طلال شاعر أهديه هذا البيت اللي لا اعلم لم استشعرت ان اللذي قالها كإنه يقصد بها طلال

لــــكل داء دواء يســـتطب بــــــــه""""" إلا الحمـــاقــه أعيــــت مــــن يـــــداويـــــــــها
 
ا

الحابوط

عضو ذهبي
المشكله انه الاعلام الفاسد كره فينا شعوب المنطقه العربيه
وخصيصا دول الخليج الشرهه مو عليهم على وزارة الاعلام
اللي تسمح لمثل هذه القنوات الفاشله بالبث​
 
ن

نمر

عضو مخضرم
إذا صح ماتفضّلت به فأبشر بالخير !!!

لقد دنى زوال هذا البوق الشيطاني وسوف يحين إخراسه إلى الأبد....

أو راح تشوف الإعتذارات والتمسكن والذل اللّي لها أول ولا لها تالي!!!!!!
 
ق

قبيلي وافتخر

عضو فعال
مشكووورين على الردود وفعلا هالقنوات كرهت الناس فينا

ودليل انه غبي كان ممكن من اتصال الاخ السعودي يبي

يثني على الكويت او يثني على الاقل على برنامجه

وانه من متابعينه على هالكلام هذا خلى الرجال يكرهه

ويكره قناته وفووق هذا كررره السعوديين فيها يعني الغبي

جت عكسيه عليه صج اعلام فااسد وغبي بنفس الوقت :)
 
ا

الوايـلي

عضو ذهبي
المكالمة الاخري
طلال السعيد : الو منو معانا
المتصل : انا هابس العنزي السلام عليكم شلونك ابو بندر
طلال السعيد : خل عنك ! خلصنا شعندك داق انت شتبي (باستهزاء ) !!!
طلال السعيد : من وين في السعودية
المتصل : من حفر الباطن
المتصل : ليش تضحك على عقول المشاهدين المشاكل اللي في الكويت موجودة في كل دول العالم
طلال السعيد : مو شغلك ليش ما تدق على قنواتك السعودية والا ما تقدر تقول رايك
المتصل : اقدر اقول رايي وانا ما اخاف من احد
طلال السعيد : انتم مو نافعين السعودية ولا نافعين الكويت انت وين مكانك في الحفر
المتصل : انا في حفر البطن في ....
طلال السعيد : من اي عنزة انت
المتصل : انا رويلي بس انت اهوازي
طلال السعيد : شنو فيهم الاهواز فيهم عرب ومن الجزيرة العربية
طلال السعيد : لا تزوجني !
المتصل : انا ما يشرفني اني ازوجك !
طلال السعيد : مالك شغل في دولة الكويت عندك قنواتكم !
المتصل : انت ما عندك اصل وتضحك على الناس مره تصير تميمي مره تصير ظفيري كل يوم لك اصل انت
اهوازي
طلال السعيد : ليش تتكلم عراقي تقول تصييير
طلال السعيد : عطني اسمك الكامل ووين ساكن !
المتصل : اسمي هابس ..... العنزي
بعدها قطعوا الخط وطلال السعيد ما ندري منين طلعلنا هباس هذا من وين اصلا !!!
الخلاصة : اسلوب طلال السعيد يفشل ولا يعرف ابجديات الحوار ودكتاتوري في برنامجه والرجل حاس ان كل الناس تكره ومجهز ردة فعلة لاي هجوم !!!
 
ك

كويتي وبس

عضو ذهبي
والله مادري شقول لأني ماشفت الحلقه أولا .. لكن الواضح أن في تطاول من السعودي والسعيد ماعتقد غلط على السعوديه .


احنا بس عندنا ناس تدور جنازه تلطم فيها.



شخصيا أختلف مع السعيد بأمور كثيره .. لكن بالنهايه كويتي مني وفيني وكلامه صحيح الرجل لما قال للأخ المتصل السعودي أنتو تدقون علينا لأن ماتقدرون تدقون على قنواتكم.


بس ماكان له داعي هالموضوع يصير على الهوى


هذا اللي داق اكيد كان بدون وتجنس سعودي وانا اجزم بذلك لأن السعودي السعودي موفاضي حق قناة سكوب وخرابيطها .
 
خ

خارج حدود التغطية

عضو فعال
افتكينا من سالفة زوج الست طلعلنا اخو الست

والديرة ماينفع فيها الا الستات والسبعات ماش

طلال خرب العلاقة مع قطر وبعد سبوعين قاط وجهة ورايح عرس لهم يبارك

هذا اصلا ماله اصل فلا تشره عليه وما من وراه منفعه دام اخته هي اللي مشيته ورازته مع الخمه مالتهم
 
ك

كويتي وبس

عضو ذهبي
خارج حدود التغطية قال:
افتكينا من سالفة زوج الست طلعلنا اخو الست

والديرة ماينفع فيها الا الستات والسبعات ماش

طلال خرب العلاقة مع قطر وبعد سبوعين قاط وجهة ورايح عرس لهم يبارك

هذا اصلا ماله اصل فلا تشره عليه وما من وراه منفعه دام اخته هي اللي مشيته ورازته مع الخمه مالتهم
أنقر للتوسيع...


لاعفوا .. السعيد معروفين وهم من أنساب الأسره الحاكمه ..


ونعم فيهم السعيد أمراء الجهراء


تبي تنتقد إنتقد .. لكن ماتطعن بأصل ناس أصيلين بالأساس ومن أهل الكويت
 
الحالة
مغلق و غير مفتوح للمزيد من الردود.
أعلى