سؤال عن تنفيذ الاحكام

الموضوع في 'شبكة سؤال وجواب' بواسطة zaz, بتاريخ ‏30 أكتوبر 2010.

  1. zaz
    Offline

    zaz عضو

    شباب عندي سؤال ولا عليكم امر

    السنة الي طافت سويت حادث ورحنا المخفر انا والطرف الثاني وكل واحد فينا محد يبي من الثاني شي وطلعنا ونسيت السالفه وراها

    اليوم كنت بشوف شنو علي مخالفات بموقع وزارة الداخليه طلع ماعلي مخالفات بس كاتبيلي راجع ادارة تنفيذ الاحكام

    ودشيت على موقع بوابة العدل الالكترونية

    ولقيت في قضيه مرفوعه ضدي مرتبطه بالحادث الي اقولكم عنه
    (يمكن الطرف الثاني عنده تأمين ولازم يرفع قضيه يوديها حق التأمين عشان التصليح ورفع قضيه وانا مادري عنها بس اذكر كان بالمخفر عطوه ورقة تصليح وعطوني ورقه مادري شنو فيها وكل واحد راح بحال سبيله)

    بالبحث الخاص بالظبط والاحضار مكتوبلي "لم يستدل على اوامر ظبط واحضار الخاصة بهذه البطاقه المدنيه" وهم مالقيت علي منع سفر

    بس لقيت بتفاصيل القضيه لقيت مكتوب حكم ابتدائي (غيابي) والمبلغ صفر والدائرة اوامر جزائية مرور

    يعني بهالحاله هل علي شي لو مثلا مريت على تفتيش او بجدد جوازي هل يقبضون علي ولا هالشغله عاديه
     
  2. كاسك يا وطن
    Offline

    كاسك يا وطن عضو بلاتيني


    لا عادي .. قبل سنه او سنه ونص تقريبا ً .. صارتلي نفس هالسالفه ..
    ورحت خدمة المواطن وبداخله كان في تنفيذ احكام ..

    واذكر اني دفعت 10 دنانير او 20 - ما اذكر - قيمة الحق العام للحادث ..
    لأن بالسيستم ما يبين اهو جم عليك .. او شنو الحكم الصادر ضدك ..


    واذكر اني يوم سآلت الموظف .. نفس سؤالك ( هل اذا لو ما دفعت ومريت على تفتيش .. راح يتم القاء قبض علي ؟ ) ..

    جان ايقولي .. لأ .. لأن القضيه قضية حادث بالنهايه ..

    عموما ً خطاك السو ، وما تشوف شر ..

     
  3. الأصمعي
    Offline

    الأصمعي عضو مخضرم

    لا ماعليك إلا العافية إن شاء الله و خطاك السو ..

    مرة صار لي حادث و رحت المخفر و تصالحنا كل واحد يصلح سيارته ..

    عطونه بس ورقة الحادث و عقب دقو علي قالولي لازم تدفع عشرين دينار لأني المخطئ لأنهم نسو ياخذون مني و ظل بالسيستم ..

    يسمونه "حق عام" شئ جذي و رحت للمخفر إللي سويت عنده الحادث و كان فيه موظفة خذت بطاقتي المدنية و عشرين دينار و بس ..

    روح خدمة المواطن إللي بمخفر الدعية ..

    هذا والله أعلم ..

    تحياتي .. :وردة:
     
  4. zaz
    Offline

    zaz عضو

    خطاك اللاش والشر مايجيك

    ومشكور عالتوضيح
     
  5. zaz
    Offline

    zaz عضو

    خطاك اللاش والله يعافيك

    لمن طلعت من المخفر ماذكر احد دق

    بس جزاك الله خير عالمعلومه

    ومشكور عالتوضيح
     
  6. Q8bdooon
    Offline

    Q8bdooon عضو فعال

    بس هذي لاتخاف وانا اخوك روح ادفع كل الي راح يطلع عليك وانا اخوك عشر ولا عشرين دينار بالكثير لاتشيل هم :)
     
  7. World on Wheelz
    Offline

    World on Wheelz عضو ذهبي

    حسب كلامك أنكم تراضيتوا وطلعتوا من المخفر بلا تسجيل قضيه وبلا أن يتم عرضكم على التحقيق . يعنى كأن الحادث لم يكن .

    هل خون فيك الطرف الثانى أو تحسف وقيد ضدك قضية أصطدام وهروب بدون علمك علشان تلبسك القضيه عدل ؟؟

    أنا خابر أذا تصالح الطرفين ولم يتم تسجيل قضيه فلا توجد أية تبعات قانونيه ولا ماليه ولا معنويه ولا جسديه ولا فسيولوجيه ولا هرمونيه على الطرفين !!!
     
  8. zaz
    Offline

    zaz عضو

    تسلم ان شاء الله سهاله
     
  9. zaz
    Offline

    zaz عضو

    مادري يا طويل العمر هذا الي صار عقب ماطلعنا من المخفر نسيت السالفه لنا تراضينا وكل واحد فينا عطوه نسخه من ورقة الحادث ورحنا بحال سبيلنا

    بس لمن جيكت لقيت في قضية ضدي والحكم غيابي وكاتبيلي الغرامه صفر

    بس ان شاء الله على كلام الشباب اتكون شغله عاديه ومافيها مشاكل لو صار جدامي تفتيش اكون متأكد ماكون معرض للحجز او لو في يوم راجعت احدى ادارات الحكومه عشان ماتعطل
     
  10. السلطاني
    Offline

    السلطاني عضو مخضرم

    ما حدث يا زميل .. .. أن المحقق وضع الحق عليك .. ..

    أو أن الحق كان مشتركا .. ..

    وحُوّلت القضية لمحكمة المرور .. ..

    وصدر الحكم .. ..والذي يمكنك الطعن به فيما لو كان لك خلق مراجعات .. ..

    الأمر بسيط جدا كما ذكر الزملاء .. ..




    إن كنت بخانة السائق الأول .. .. فالحق كان لك .. ..

    وإن كنت بالخانة الثانية .. .. فالحق كان عليك .. ..
     
  11. zaz
    Offline

    zaz عضو

    انا كنت بالخانة الثانيه وادري الي بالخانة الثانيه اهو الغلطان بس اذكر هالورقه خذيناها عشان كل واحد لو حب يصلح يكون عنده اذن للتصليح وراها كل واحد راح لحال سبيله لنا الدعمه ماكانت تسوا

    المراجعات مالي خلقها

    بس اهم شي الي بغيته اعرفه منك ان لو صار تفتيش هل يحجزوني بسبة هالسالفه ولا لا مع العلم ان ماعلي لا منع سفر ولا ظبط واحضار

    ومشكور على مشاركتك
     
  12. السلطاني
    Offline

    السلطاني عضو مخضرم

    * ورقة ( بلاغ الحادث ) ليست إذن للتصليح فقط .. .. بل هي أكثر من ذلك .. ..

    أولها ؛ مراجعة شركة التأمين لأخذ قيمة التصليح .. ..


    * كما ذكرت حضرتك أن الحادث ما كان يسوى .. .. لذلك فإن المحقق أو قاضي المرور لم يطلب ضبطك وإحضارك مع الحكم .. ..


    * في بعض قضايا المرور .. .. الخطيرة مثل قطع الإشارة الحمراء .. .. أو التسبب بمقتل قائد سيارة

    آخر لا سمح الله .. .. لاشك أن هناك ضبط وإحضار وإلقاء قبض .. ..



    * هذه الحوادث البسيطة تحدث يوميا وبالعشرات .. .. ولا تستدعي غالبيتها الضبط والإحضار .. ..

    فتطمّن .. ..
     

مشاركة هذه الصفحة