العرزاله (مقتطفات شعرية )

[جواهر*]

..

كن الفضا في غيبتك ضاق مسعاه
وكني غريقٍ ينتظر له سفينه

شف دنيتي ياصاحبي عقب فرقاك
مثل الظلام اللي حصل بالمدينة

 

[جمـوح الخيل]

مالله خلق كفوفنا للطراره
ولا خلق رجليننا للطوابير

حسب معايير الرقي والحضاره
ممكن تكون امير لو مانتب امير​

​

 

[عجـرّش]

ورد علي الجم الصفا وش لك بتوريد الضحل 


صف النوايا صفها من عقب ما كدّرتها

وشلون تعزمني على العليا وانا راعي محل

غصّيت في لقمتك يا رجال يوم أكبرتها


​

 

[قندهار]

كذبة صباح الخير يا صبح الانوار
عذري ليا عدت ليالي ولا نمت

اسهر طوال الليل وضيوفي افكار
واقول لأصحابي: نعم توني قمت

 

[قندهار]

ايران ابادت سوريا ياسادھ
تفجير ، قناصين ، قتلى ، مرضى

لعن الله ابو العرب شعب / وقادھ
واللي يبي يزعل جعل مايرضى

 

[قندهار]

ها قد اتيتش .. خاضعاً  مترجياً
اعلنت لش عقب الغرام ولائي

فإن لم تجودي بما اتيت لـ اجله
فـ ياطر جيبي من سھوم عنائي 

 

[عجـرّش]

شعوري بحبك كذا جيّاش
ولاّ شعوري في قصيدي كذب
:
ودي لاشفتك أسرقك وأنحاش
أنا مع العذبين ماني عذب




​

 

[النوف]

]]عودة حميدة قندهاررر

وصح لسانك يوم قلتها بالعرب وقادتهم

بردت جبدي،،،...​

 

[ولد وايل]

ايران ابادت سوريا ياسادھ
تفجير ، قناصين ، قتلى ، مرضى

لعن الله ابو العرب شعب / وقادھ
واللي يبي يزعل جعل مايرضى

قوي جداً :إستحسان:

كالعاده رائع :وردة:

 

[abonasser]

مووضوع راقي ويستحق المشاركه

الحلا والاناقه والقبول
جابها الله على درب الصدف

فتنةٍ كن ملامحها تقول
اسحكوا يا ملاعين الجدف




​

 

[abonasser]

كم لذة ٍما تنتخلّى على ... جنب
ونجيزها .. لو حكمها ( غير جايز )

ياليت نفسي لابغت ترتكب ذنب
تذكر شعور ( مكفّنين الجنايز )

 

[عجـرّش]

ياصاحبي لا صرت مانيب لعقدتك حلآل
وش لزوم الصحبه كان اخرتها افا ؟
اما نشرب المر سوئ فنجال و دلال
ولا عطني قفاك و ابشر بالقفا



​

 

[ولد وايل]

هذه الأبيات .. كنت أبحث عنها منذ فترة من الزمن .. وقد سمعتها من الشاعر " ممدوح المحسن العنزي " عبر اذاعة FM وأعجبتني كثيراً ..

وبعد لقاء جمعني به .. أخبرته عن تلك القصيدة .. فأرشدني لها ..

شكراً لك يابوتركي هذا الاهداء ..

قصيدة جميلة ومعبرة .. وتلامس قلبي كثيراً ..

أممممممممم

يقول فيها الشاعر ...




من طبعي أرد الإساءة بالاحسان
وأساير ظروف الزمان اللعينه ..


وأطوف الغلطه من أفلان .. وفلان
يعني من أجل ( عين ) تكرم مدينـه ..


الكـامل الله والخطا طبع الانسان
والدرب يفرق عن يساره و يمينه ..


والصاحب اللي له معزه وله شان
ان جاني بـشينه .. تذكرت زينه ..


أتحـمل أخطاءه معي قدر الأمكان
من جانبي تبقى العلاقه متينه ..


واللي يغلطني وأنا ماني بغلطان
أصابعي أحطها وســــــط عينه ..


مادامني مســــلم وفي قلبي إيمان
عمر ( البحر ) ماشال هم السفينه ..


مرت علي أنواع .. وأشكال .. وألوان
بين ( العقول ) الناقصة .. والرزينه ..


عندي قناعة أن الإنسان شيطان
اذا يهينك مو ( لازم ) انك تهينـه ..


يعني اذا حاجتك ( بيدين عدوان )
يكفيك شر المهزلة .. والغبينه ..


من كثر ماجاني من الناس خذلان
تحرجني حتى كلمة .. الله يعينه


صحيح لي ( ربع .. وجماعه .. وخلان )
وأضيق لكن حاجة الناس .. شينه


الشخص دام انه بكل شي خـسران
تأكـــــــد انهآ من عمـــــايل يدينه ..


من مرحلة حب .. ومشاعر .. وحرمان
إن ما لعنت الحب تلعـــنه سنينه ..


أكتب شعر وأعزف من أشواقي الحــآن
وأسلي قلــــــوب الغــــــــــرام الحزينه ..


ولو الشعر مخلوق في هيئة انسان
والله لأقول له تسلم ... وأقبل جبينه ..



وسلامتكم .......

( عطالله فرحان ) :وردة: ​

 

[abonasser]

وشلون مالك خص .. في جرح مغليك ؟
وفي ميمنك خنجر .. وفي خافقي شق !

 

[عجـرّش]

الكلمة اللي قلتها بالظهر عيب

لا شفتني حزم ضلوعك وقلها


​

 

[كويتيه ماركه]

مـن غ ــبت صـرت آشرب الشـاي بلآ سكـر ..

آخاف أستطـعم الّسكـر وتطري على بالـي .. :وردة:​

 

[خيــال]

•• حسبي على تويتر لعب بالشريده مـاعـاد خـلانـا نـعـد الـقـصـايـد

كل يوم نكتب بيت نرجع نعـيـده وامدادنا وقّـف بـنـشر الجـرايـد

سعود الجوفان
​

 

[بو عزوز مساعد]

بلا منّه عطيت .. وما أبي مـن هـ العطـا ../ نظـره

أنا طبعي .. كـذا دايـم .. / كافـي شـرِّي وخيـري​

 

[شجون الكويت]

هو : يازارعين الهوى وشلون تسقونه ؟؟؟


هي : نسقيه بقرب المنازل ومقابل عيونه ... ​

 

[عجـرّش]

: سمّوا شبيه الريم عذرا وياليت
خلولها الاسمين ريمي وعذراي
:
طاب اللقا بأحلى الليالي وغنيت
( قمراي : في أرض وسما القلب قمراي )


​