دعوة تكريم النائب فيصل المسلم

[المساهم]

محكورة علي عتبية و الا كل القبائل؟؟؟ علشان نبي نعرف ما ودنا نحضر و تاليها نتفشل؟؟؟ لان المسلم لة مكانة بقلوب كل الكويتيين...​

 

[علي73]

يستاهل التكريم ابو علي ويشرف كل كويتي ماهو بس عتيبه

 

[بو عبدالله 2]

محكورة علي عتبية و الا كل القبائل؟؟؟ علشان نبي نعرف ما ودنا نحضر و تاليها نتفشل؟؟؟ لان المسلم لة مكانة بقلوب كل الكويتيين...​

ان ما شالك المكان تشيلك عيون عتيبه يالغالي.... نقول الدعوه عامه

وما هي محصوره على العتبان , بل نتشرف بحظور كل شريف

 

[707]

يتشرف شباب عتيبه بدعوة الجميع لحضور حفل تكريم ممثلنا بالبرلمان

الكويتي النائب الفاضل / فيصل المسلم على مواقفه الوطنيه وتمسكه

بالدستور والمحافظه عليه , وذلك مساء يوم السبت القادم الموافق 25/12/2010

في قاعة المناسبات الواقعه في منطقة فهد الاحمد مقابل صالة الافراح

ويعقب ذلك عشاء على شرف الحظور ,

وهذه الدعوه عامه لكي يعرف الجميع من هو الممثل الحقيقي لقبيلة عتيبه

في البرلمان ودليل على دعمنا ومؤازرتنا له .

واللــــــــه ولي التوفيق والنجاح

ملاحظه هامه / هذا الحفل تكريم وليس ندوه

مبروك علي الفرعيه مقدما
انا افتكرت ابناء الدائره اثاري ابناء القبيله

 

[الكويتي أنفع]

إذا الدكتور فيصل المسلم لايكرّم... عيل منو اللي يستاهل التكريم؟؟؟

هذا أقل مايفعله شباب عتيبه للدكتور فيصل... لأنه مبيض وجوه عتيبه وأهل الكويت جميعاً

 

[أيضا ديموقراطي]

يستاهل التكريم بو علي

 

[علي73]

من جاب طاري الفرعيه يا 707 الناس يقولون لك تكريم النائب الحر فيصل المسلم اللي يستاهل التكريم من الشعب كله وانا ماني عتيبي وبحضر وابو علي والله لوينزل بالخامسه ما يتعداه الصوت ويستاهل بس ما قصروا عتيبه بيكرمونه وحنا يمثلنا كل شريف

 

[دائرة واحدة]

مبروك علي الفرعيه مقدما
انا افتكرت ابناء الدائره اثاري ابناء القبيله

لا حول ولا قوة الا بالله .. انت بس تتصيد بكل المواضيع ؟؟

المسلم مو من الدائرة وهو اساسا ما يدخل فرعي واللي عامل الدعوة مجموعة من شباب الدائرة الخامسة ولا نعرف اسمائهم والدعوة مثل ما بينوها انها عامة وليس خاصة ،، اي فرعية تتكلم عنها ؟؟

 

[بو محمد]

تم كشف هويتك فعرف سبب عدائك لفيصل ( كورا .... ار)

والله اذا بتعرف الهويات على الأمثال , تصلح يحطونك بلجنة الجنسية خلنا نشوف جم سعودي
عنده جنسية كويتية , ونشوف تقدر تسحب جناسيهم ولا ما تقدر ؟!

والله زمن صاروا الناس ينعرفون بالأمثال !!

بس ما ألوم بعض ناس فيهم عقد نقص , فبدال ما يعترف بالنقص اللي عنده يقوم
ويتهم غيره بهالنقص , علشان يبرئ نفسه !!



تحياتي ... وهم أقول كرموا كل غوغائي بالكويت , شمعنه بس فيصل المسلم ؟! :وردة:

 

[707]

لا حول ولا قوة الا بالله .. انت بس تتصيد بكل المواضيع ؟؟

المسلم مو من الدائرة وهو اساسا ما يدخل فرعي واللي عامل الدعوة مجموعة من شباب الدائرة الخامسة ولا نعرف اسمائهم والدعوة مثل ما بينوها انها عامة وليس خاصة ،، اي فرعية تتكلم عنها ؟؟

صج والله ما دخل فرعيه ؟

 

[الكرامة وطن]

يستاهل المسلم وكل نائب شريف

 

[(اسد الجزيره)]

تكريمك انشاء الله قريب وتستحق كل تقدير

فيصل رجل واجه جبال الفساد

يا دكتور انتظر الانتخابات الجايه و رد الشعب بتحيه افضل منها لانك احق من المتخاذلين ( رولا بيك والمتسلق

الحالي العمير و ناجي صاحب الحظ السعيد )

 

[الخبير السياسي]

يستاهل الطيب راعيه
هذي عوايدكم وانتم طيبين وهو يستاهل
لكن ودنا انكم تعزمون سعدون حماد ويتعاهدونه اذا هو مع الالستجواب تصوتون له واذا ضد الاستجواب تقولون له ما تشرفنا ولا تشرف عتيبه والقبايل كلها ترشيحك((ويا ليت يشيل لفظ العتيبي من اسمه))لان اسم عتيبه يكون علي الاحرار

 

[خبر عاجل]

يستاهل ابو علي

 

[707]

يستاهل النائب الشريف
حقا حقا نائب شريف

 

[سياسي بو طير]

نعم يستاهل الشريف فيصل المسلم هذا التكـريم
فهذا الرجل عليه حمل ثقيل فهو يوصل رسالته
وأمانته بكل شرف بينما الأعلام الفاسد
يقوم بالضرب فيه في كل وقت
كفو يا الهيلا​

 

[جمون]

يا بوعبدالله
الدعوه للعتبان والا للجميع؟؟

ترى حنا أبناء الدئره الثالثه نفخر بفيصل المسلم وحنا ترى نجحناه كثركم وأكثر

 

[بوفهد 2010]

الدعوة للقبيلة عتبية فقط .؟
​

 

[الحره]

تستاهل بابو على.............
وشوى عليه المفروض نزفه من خيطان لين فهد الاحمد والعكس
كففففففففففففوا الهيييييييييييييييلا

 

[جمون]

الدعوة للقبيلة عتبية فقط .؟​

الدعوة لكل الكويت لان المسلم الشريف لكل الكويتيين

سنحضر لانه يوم بغيناه لقيناه واليوم يوم احتاجنا يجب ان نحضر