سؤال وجواب افضل دوشق طبي للنوم المريح الهانىء ؟

[م س ل م]

السلام عليكم ورحمة الله وبركاته

اخواني الاعزاء معروف ان الانسان يقضي تقريبا نص عمره في النوم .. فلازم يكون نومه مريح وهانىء

سؤالي

ما هو افضل مرتبة طبية للنوم (دوشق) ابيها تكون مقاس نفر ونص لاني عزوبي

ايهما افضل الجريوي ولا البغلي ؟؟

واذا في غير هالشركتين اتمنى تقولون لي النوع ووين احصله والسعر ؟؟؟؟؟

ومشكورين

 

[Q8bdooon]

دوشق = فراش النوم بالتوفيق

 

[بو عصام]

البغلي والجريوي مايبيعون طبي وانصحك وبدون تردد تشتري من

American mattress

 

[الحر_189]

انصحك بامريكان ماتريكس اللي بالمنطقه الحره اول ماتكسر الاشاره تحصله على يمينك

وعندهم انواع والسعر يعني 300 ويمكن اقل

وعسى نومتك اتظل هانئه واحلامك سعيده

 

[Alazraq]

مركز السرير .. مجمع الخليجيه بشرق ..

بتحصل عندهم شي يرضيك .
​

 

[م س ل م]

اوف اوف شدعوووووووووووووووه 300 دينار انام على الرصيف احسن لي

انا قلت يعني 30 دينار او 40 دينار

غالي حيل شكله الامريكان ماتريكس

 

[Alazraq]

اوف اوف شدعوووووووووووووووه 300 دينار انام على الرصيف احسن لي

انا قلت يعني 30 دينار او 40 دينار

غالي حيل شكله الامريكان ماتريكس

أخوي مافي شي زين ب٣٠ و ٤٠ دينار

أقل سعر ممكن تحصله و بالتنزيلات ٢٠٠ دينار (صناعه إماراتيه)

هذا إذا بغيت شي زين ..

و على فكره المراتب توصل لغاية ١٠٠٠ دينار و أكثر بالنسبه للصناعه الأمريكيه ..

المصانع الكويتيه أي كلام ما أنصح فيها بصراحه .
​

 

[ليله ويوم]

انصحك لا تشتري طبي


اشتر العادي بو 20 دينار والله افضل من الغالي​

 

[بقيييط]

دووااااشق الندافين الايرانيه شغل عربي بلا جريووي بلا غيره وانت عزووبي تبي ترقد بدوانيه في البر سهل يااخووووووك ياحياات العزوووبيه خساره​

 

[عزيز وغالي]

عليك بسوق عطي الله سوق الجمعه
وراح تلاقي دواشق علي كيف كيفك وباسعار عاديه
وعليك بالمكاسر السنع

 

[بومحمد33]

روح الجريوي

واخذ اسفنج مضغوط ملبس بكفر

جربه عندهم

اذا سريرك بو نفر راح يكلفك من 50 الى 60 دينار

اذا بو نفرين بكلفك 95 دينار

واحلى منه ماكو

اترك عنك اسفنجه بـ 300 دينار

 

[درع الجزيرة]

إذا ماتبي شي غالي عندك سليب هاي

طبية ورخيصة وصناعة سعودية

بتحصله بـ 30 - 35 دينار
​

 

[لا للتدخين و لا للمخدرات]

امريكان ماترس احلى شي صج غالي و لكن كد و مد و صحي للظهر

 

[الحر_189]

اللي يبي الدح ما يقول ااااااااح

تبي شي زين ورخيص ما تصير !

 

[ناصر المعروف]

مركز السرير بمجمع الخليجية

نوعية جيدة صناعة إماراتية, والسعر معقول ما يتعدى 200 دينار (أعتقد السرير المفرد حوالي 120 او 140 وهذا يشمل القاعدة والمرتبة والتاج)

وإذا حضرتك تستخسر تقط فلوس على شغلة فيها راحة لجسمك

فالحل الوحيد المتبقي لك هو:

إنك تشتري مرتبة حقيرة ورخيصة تنام عليها


وراح يحوشك ديسك وعوار بالظهر (البلاوي راح تطلع فيك بسن متقدمة)




على فكرة السرير حتى لو كان غالي (نوعا ما) لكنه مو شغلة إستهلاكية والعمر الإفتراضي له يدوم لسنوات كثيرة.


طبعا أفضل حل هو النوم على الأرض.


فقط لا غير :وردة:

 

[غادة الكاميليا]

اللي يبي الدح ما يقول ااااااااح

تبي شي زين ورخيص ما تصير !

كلامك ميه الميه صح والغالي سعره فيه يعني تبي تقنعني ان الماترس ام ال 300 دينار نفس امهات طقه ام 60 و 70؟؟؟
ياخوي ترا العمر واحد وأهم ما على البني آدم صحته والماترس الصحي عندي اهم مليون مره من كل شي تعتبره اساسي بالحياه!!
وعن تجربة شخصيه من 10 سنوات ما استخدم الا كاليفورنيا ماترس شغل صح:إستحسان:
وبالتوفيق​

 

[بقيييط]

كلامك ميه الميه صح والغالي سعره فيه يعني تبي تقنعني ان الماترس ام ال 300 دينار نفس امهات طقه ام 60 و 70؟؟؟

ياخوي ترا العمر واحد وأهم ما على البني آدم صحته والماترس الصحي عندي اهم مليون مره من كل شي تعتبره اساسي بالحياه!!
وعن تجربة شخصيه من 10 سنوات ما استخدم الا كاليفورنيا ماترس شغل صح:إستحسان:

وبالتوفيق​

الله يجزااج خير سلفي الرجال خليه يشتريله واحد

 

[غادة الكاميليا]

الله يجزااج خير سلفي الرجال خليه يشتريله واحد

اشرايك نسوي قطيه احسن وناخذ اجر بزميلنا بالشبكه والقطه عندك وماراح يقصرون الاخوان الكل بساعد​

 

[بقيييط]

اشرايك نسوي قطيه احسن وناخذ اجر بزميلنا بالشبكه والقطه عندك وماراح يقصرون الاخوان الكل بساعد​

اقط ويااكم جعله يرقد بلقااع شعلي انا

 

[Alazraq]

اقط ويااكم جعله يرقد بلقااع شعلي انا

أشهد إنك جعص

بو هباش من الجماعه ..؟!
​