سؤال وجواب دكتور جراحة شاطر لوسمحتو

[ARMOUR ON]

السلام عليكم
كل عام وانتو بخير وسنة سعيدة عليكم وعلينا يارب

ياشباب عندي اخوي في شرخ او جرح بالشرج (المقعدة) نفس البواسير بس العن وراح لكم دكتور وعطوة كريمات وحبوب صارلة فترة عليها وللحين يعاني المسكين لدرجة بعض المرات لما يطلع من الحمام وانتو بكرامة مايقدر يمشي او يقعد عدل متأذي حييييييل
وسألني اذا اعرف دكتور جراحة شاطر وامين يبي يسوي عملية مانفعت المراهم وانا قلت اسالكم لاني ماعرف اخاف نطيح بدكتور غشيم وياكثرهم ويحوس الدنيا والمكان حساس

ومشكورين :وردة:

 

[ناصر المعروف]

شوف يا خوي

الشرخ أو ما يطلف عليه (anal fissure) أنواع ودرجات

لو كان الشرخ بسيط, فمن الممكن إنه يلتئم تلقائيا بمرور الوقت من غير اي حاجة لعمليات جراحية

قول حق أخوك إنه يحارب الإمساك (إن كان يعاني من هالشيء) ويكثر من تناول الأغذية اللي فيها ألياف, ويبنعد عن المأكولات اللي ممكن تخدش القولون او مجرى فتحة الشرج .. مثل المكسرات, الفلافل, الفلفل, الزعتر الخشن ... الخ الخ

إضافة لإستحدام التحاميل الشرجية اللي يوصفها له الطبيب المعالج, مرتين باليوم

العملية الجراحية المفروض تكون الخيار الأخير له, وفي الحالات اللي يكون فيها النزيف شديد, ليش؟

لأن بساعات كثيرة ممكن يرجع الشرخ مرة ثانية بعد العملية, هذا بفرضية إن العملية كانت ناجحة والطبيب الجراح شاطر ومتمكن.

سلامات ومايشوف شر.

 

[عطر الكويت]

الدكتور : هيثم الخياط بالاميري
ممتااااز
والله يشافي اخوك​

 

[ARMOUR ON]

هلا يا المعروف
جرب كل شي وياخذ stool softners لكن الحالة الي اسوا وهي من زمان عندة على قولتة chronic بس يقول كانت تروح وترد بس الحين يقول لا قامت تعور حتا المشي يتعبة وصايرة معاة نزف من وقت لوقت
انا اعرف دكاترة باطنية وقلت خلنا نسويلك منظار للاحتياط بس رفض ويقول الدكاترة كلهم يقولون انال فيشر
بس شكلة مزمن والحل الاخير طبعا هو الجراحة شفتلة الويكي عن فيشرز عالسريع لقيت عملية السكسس ريت مالها ممتاز وهي
Lateral internal sphincterotomy
بس ابي دكتور ثقة والشر ماييك يالغالي
:وردة:

 

[ARMOUR ON]

مشكورة ياعطر الكويت بس نبي دكتور خاص الحكومة روتين وملل وواسطات
:وردة:

 

[عطر الكويت]

عنده عيادة خاصة​

 

[فتووونة]

دكاترة مستشفى الصباح شطار بمثل هذة الحالة بس للاسف مااعرف دكتور معين ومايشوف شر اخوك​

 

[سنـين التّيــــهـ..]

تبي طب شعبي..يعني طب بدو..

وراح تدعي لي..

خالتي ماشالله تفهم..

وعالجت اخوي نفس اخوك بالضبط..

​

 

[سنـين التّيــــهـ..]

قول لاخوك يشرب مره..للامساك ممتازه

يعني يحط له في بطل ماي صحه وسط ويشرب منه طول اليوم:إستحسان:


معاك الدكتوره..

شتات الورد ​

 

[ســـــاحـــــر]

د سامي امان

 

[ريما القمر]

د سامي امان

:إستحسان:


روح له وإنت متطمن ..



.​

 

[الديفي]

انا صار لي شرخ شرجي عميق مع التهاب بفتحة الشرج قبل حوالي 3 سنين بسبب اني معتاد انظف حيل مكان الخروج مما سبب تشققات والتهابات حاده وكان فيه شق مؤلم كنت ابكي بسببه

ورحت لمستشفى السلام عند الدكتور طارق عبدالعزيز (مصري) .. سوالي العمليه بنج عام وكلفتني حوالي 350 دينار

الحين السلام رفعو اسعارهم على ما اعتقد .. وفي ناس يذمونهم وهم ماديين مع الاسف بس انصحك بدكتور ثاني

بن نصيحه الشرخ الشرجي حسب ما اعلم يصير لأن "الفتحه" صغيره نسبياً والخروج يكون كبير الحجم وجاف وصلب بسبب الإمساك وعدم شرب السوائل
والدكتور اثناء الجراحه العلاجيه يقوم بقطع جزء من طرف الفتحه لكي يقضي على الضيق الجزئي

ولكن من سلبيات مـا بعد عمليه الشرخ الشرجي هو خروج الريح بسرعه وتجد صعوبه بالسيطره عليه خاصتاً اثناء الصلاة
لكن الدكتور اللي عملت لديه العمليه عمل لي قطع صغير وما زلت اسيطر على خروج الغازات اثناء الصلاة بنسبه عاليه ولكن احذرك بعض الدكاتره يعملون قطع علاجي اكبر حجم وهنا تصبح السيطره على خروج الغازات صعبه جداً ومحرجه

سلامات وما يشوف شر اخوك..

 

[de novo]

مالك الا الاميري
اغلبهم جراحين ممتازين
بس ها ان كانت كرونيك ويحوشه عوار بطن وعنده تقلب بين الاسهال والامساك ضروري يسوي منضار عشان نستبعد اشياء اكبر
وان كان بس فيشر علاجها هين

سبب الانل فيشر حلقه كل واحد يزيد الثاني
امساك-تشنج او ضيق عضله الشرج-شرخ
كل واحد من هالثلاث يزيد الثاني
وعشان انحل المشكله لازم المريض ياخذ كورس علاجي من الملينات " fiber" او " stool softner"
وهم ياخذ مرهم مضاد لتشنج العضله nitroglycerin cream
وان استخدم هالادويه وماجابت نتيجه لازم يسوي عمليه lateral sphenctrotomy
وهذي عمليه مو ذيج الصعوبه ونسبه نجاحها عاليه لاكن المريض بيعاني جم يوم بعد العمليه وبعدها اموره طيبه انشالله
وهالعمليه يسوونها بشكل يومي بالاميري

وسلامات انشالله

 

[kwt.store]

في دكتور هندي كان في مستشفى الجهره ثم جائه عرض وسافر للإمارات

شاطر ما شاء الله عليه

اسأل عنه

 

[ARMOUR ON]

مشكورين كلكم غمرتوني بمحبتكم وتجاوبكم اللة يبعد عنكم كل مرض يارب

الحين لو اقول لاخوي لازم يفحصونك بعد للجراحة هههههههههه يوووووووووووووووة اللة يعينة مالومة
لكم :وردة: