هنا سجل تجربتك الشخصية مع المطاعم ( سفري و طاولة ) .. لنستفيد منها

[واقـعـي]

يا حب المطاوعه للأكل


خذ عندك ...

1- كباب البحرين- النقرة خلف مكتبة cnn :

كباب بحريني




2- ملك المشويات شارع الشهداء - مقابل مركز الإطفاء بجانب مجمع الراية:

المشويات و الشاي الشاي الشاي

 

[خالد جاسم الم]

يا حب المطاوعه للأكل

جزاك الله خير

ولا أعلم لماذا .... التخصيص

فحب الأكل ... عادة كويتية أصيلة موجودة منذ القدم ... و هواية مشتركة للكويتيين

و تشمل جميع الطوائف و المذاهب و الفئات المختلفة من أطياف المجتمع المتعددة

و جزاكم الله خيرا

 

[joreyaa]

والله ضحكتني يا أخ محارب ، والرجاجيل يشتكون الجريم مايدشون المطبخ !

المهم :

الكويت مليئة في المطاعم ويشهد لها بالأكل اللذيذ والمنوع ، أستعرض بعض الأماكن :

أولا : بوفيهات الفنادق عجيبة ( الماريوت / الصالحية ***** ) - سفير انترناشونال / البحر ***** ) وحق العائلات ممتاز ، وأسمع الشيراتون هم عجييب بس ما جربته .

ثانيا : مطاعم بجلسات :

- مطعم بافولوس / السالمية - أمريكي استيكات وسلطات وهمبورجر - أحبه صراحة ***** بس مكانه يبيله وصف!
_مطعم فدركرز *****/ أمريكي بعد / أحب فرع المهلب لأنه فرع البحر جوه ما يعجبني !
- أبل بيز وشيليز / ***** - طبعا أشجع الأمريكي آنا صج آكلة لحوم!
جربو وجبة الهمبورجر الصغير في أبلبيز... عجيييييييييييب
-مطعم لاكافا / سوق شرق فوق أو قعدة تحت / ***** - سندويشات واستيكات وسلطات .
- سوق المباركية / الكشري... عجييييب / أعطيه ****

ثالثا : طلبات

- مطعم بلاليط / أكل شعبي / مرة اطلبوا منه بالمدرسة حلو ****
- كباب الحجة / ياعيييييييييييييني على أحلى كباب بالعالم ( دعاية! ) *****
- دجاج نايف ( برغم كل الاشاعات والسوالف أحبه ! ) *****

هذا اللي فكرت فيه الحين.... اذا ذكرت شي أقوول ، بس ماني متينة والله

 

[السعيدي]

مطعم ليالي القمر بحولي عند نادي القادسيه غير طبيعي
وفي مطعم ورا قصر العدل بشارع فهد السالم عليه بوفه سندويشات غير طبيعي
وجاد ستيك مايحتاج شيل ومشي

 

[الحريه وطن]

جرب الهيثم بخيطان عند دوار المخفر

بعدها مر قهوه الميرلاند الدور الثاني فوق امطعم السويس

واخذ لك سلوم وكيل تصير خوش انسان

 

[الحريه وطن]

كذلك مظعم نور الهدي مشويات بخيطان ذباااح يم كنتاكي مقابل العميريه

 

[بو حمد]

موضوع جيد .. ياليت لو يتم نقله الي منتدى الحمله الشعبيه لمحاربة الجشع و يتم اضافة نافذة للمطاعم الجيده التي لم ترفع اسعارها...

بخصوص ما لذ وطاب من الاكل فاخوكم ليس بسيم لكن يعشق الطعام والله المستعان..


انصحكم بمطعم ناندوز عليه دجاج متبل عجييييييييييييييييييب او تطلبون chicken estepada عباره عن سيخ دجاج معلق يقطر منه الزيت عل صحن فيه اختيارك من الاطباق الجانبيه اكانت رز او بطاط مقلي

و تالي انصحكم بحلويات نور الاقصى بالفروانيه بجانب كنتاكي مو طبيعي ... عنده احلى كنافه نابلسيه في الكويت .. جربوها و بتشوفون..


ياجماعه جني يعت !!

 

[وليد المجني]

الله يغربل بليسكم انا قريت الموضوع كامل وتوني ماكل سناكس الحين حاس باليوع شي مو طبيعي : )

على كل حال عليكم بالعافيه وانا اشوف الشباب اغلبهم توجهاتهم شعبيه ومحتكره بين خيطان وحولي

وراح اضم صوتي لكم بس بغير شوي واقولكم عن مطعم اسمه ( بخاري ) يقع في منطقة خيطان عليه

عيش بخاري مع اختيارك المفضل من الدجاج او اللحم وعيييييش حياتك . " جني بروحله الحين Pp

 

[الفيصل]

وليد تروح له بروحك مو شي

حلاة الأكل معاك واحد <== يلمح :d إعزم بارك الله فيك

 

[احمدالسداح]

مطعم المرسى في فندق المريديان ....
اكل كويتي وخبز ايراني وقعده عجيبه
وماكولات بحريه فريش وريحة الاكل شي عجيب:إستحسان::إستحسان::إستحسان:

 

[تاجر]

اذا كان ماكدونالدز رائد الهمبرغر ...اعتقد ان مطعم فيرست شاورما رائد الشاورما في الكويت

جرب وادعيلي

بحولي مقابل المهلب بجانب البطريق وهابي برغر ومنتخب العصير

خاصة أنصحك بالشاورما بخلطة اللبناني والايطالي .. يسيح منها الصوص اللذيذ

 

[Edrak]

ملك الهمبرجر هو sliderstation الذي يقع امام مجلس الوزراء !
ملك الشاورما لا ادري
ملك الفلافل مطعم كحيان خلف مسافط البلدية
الفطائر - ماي البرمة
الستيك - فرايديز

 

[الموسوي]

كثيرا ما اتردد على المطاعم التالية :

مطعم شهريا قرب دوار شرق المخفر .. ستيك لحم ممتاز

مطعم ميس الغانم .. شوربة دجاج (( دياي )) مع ستيك لحم

مطعم كباب الحجة .. كباب ممتاز .. واللبن .. (( تشربه وتنام ))

مطعم جمعية شويخ .. كباب بالحمص ممتاز

مطعم الغدير .. شاورما لحم .. شاورما دجاج (( دياي )) بامتياز

مطعم بدر البدور وبرقان .. (( حق طلعة الشباب الفير بعد ما نرد من البحر جتات وسباحة ))

تحياتي للجميع

:وردة:

 

[المختصر المفيد]

الله يعينكم على المختصر المفيد ابو المطاعم


مطعم الطازج (فقيه) و أنصحكم بالمندي شي ممتاز

مطعم ساراي بجانب موفمبك البحر افضل مشويات لبنانية


مطعم تال اللي يمه احلى اكل هندي و كذلك مطعم بخارى في الشيراتون

الطعام الايراني عندكم شهريار الشيراتون و مطعم كراون بلازا الفروانية الايراني اقل منه بقليل

الساندويتشات صب واي واقطع

الستيكات مطعم بيج ال بالقرب من جوني كارينوز

بيتزا اكسبرس طعامه الايطالي ممتاز لا سيما جبنة الماعز المحمصة و اللازانيا

مطعم فريج صويلح عليه محمر مو طبيعي

سندويتشات شاي و نعنع منتشر بالكويت شي عالمي

المرسى بالمريديان قعدته و اكله و مسلسل درب الزلق شي عجيب

مطعم مراكش المغربي يطلع منه

مطعم في فندق المارينا اللي يطل على المسبح و الله ناسيه يا زين اكله و الله راح عن بالي اسمه القعدة و الاكل شي مميز

كباب الهدى في خيطان تشوف النظافة اللي على اصولها

الماريوت الصالحية بوفيه المشاوي شي مدمر

ابل بيز عندهم شوربة بروكلي خيالية بالاضافة الى طبق الستيك الجديد مع الروبيان تخيلوا يمكن اربع مرات ورى بعض اطلبه

فطاير على الطاير الفنطاس ممتاز

جوني روكتس ملك البيرغر الى حد ما


فطاير الشويخ زين

وسابي الياباني زين

و في المطعم الياباني التابع لقيصر في برج حمود الفحيحيل

مطعم قيصر الفروانية الايراني و التركي

شرمبي يمشي حاله

الدانة للاسماك

النوخذة التابع لكراون بلازا للاسماك

لينوتر

مطعم هندي في الافينيوز و المارينا نسيت اسمه عندهم عصير رمان وزنجبيل غازي


ناندوز انا وياه ربع من قبل لا يطب الكويت و صلصة البري بري

المطعم اللي بايكيا زين جدا

في مطعم سويدي على ظني شغله نظيف منه فرع في الافينيوز اسمه على ظني بان

حلويات الاقصى ممتاز بالكنافة لا سيما المبرومة

الطيباوي اللي بحولي قوي



اكمل و الا بس

و الله يا كثر المطاعم شقول شخلي شكرا لصاحب الموضوع

عاد اللي يسمع المطاعم يقول كلش ما يدش من الباب

 

[الموسوي]

المختصر المفيد .. شكلك ما تاكل بالبيت .. !!

بس معلومات جميلة .. وايد امر على هالمطاعم وما اجرّب .. طبيعي ما احب اجرّب اي شي

بنجرّب ونشوف .. اول ما يقطوني الانعاش زورني مو تخليني انازع الموت بدون خليل .. !!

تحياتي للجميع

:وردة:

 

[كويتي خالص]

للي يحب الهمبورغر على اصوله ....يجرب جوني روكتس ...وراح يدعيلي

واللي يحب مرقة هامور ...ماله الا فريج صويلح ...

واللي يحب السي فود عموما ...نقوله مالك الا النوخذه ...اللي بالمهبوله ...تبع هوليدي ان ...بس التشكيلة اكبر ....

 

[الحريه وطن]

ياجماعه شنو احسن مقهي سلوووووووووووووووووووم وكيل بالكويت

 

[السعيدي]

احسن شيشه سلوم وكيل كان سابقا مقهي الدكتور با الجهرا اما بعد ما سكر عندك درب الزلق سلوم ميه ميه وتقدر تتاكد من ها المعلومه بسؤال الاخ محمد العنزي

 

[بو مشيري]

فش ماركت وحشي ، و الغدير شقردي ، وفريج صويلح عيوشه ممتازة

عليكم بالعافية ، والله يديم النعمة علينا جميع :وردة:

 

[المختصر المفيد]

مطعم في فندق المارينا اللي يطل على المسبح و الله ناسيه يا زين اكله و الله راح عن بالي اسمه القعدة و الاكل شي مميز

اسم المطعم توني اتذكره بعد عناء


اتلانتس