سؤال وجواب الجـــــــــــــــــن ؟؟؟

[BMW]

السلام عليكم


بسم الله الرحمن الرحيم


قال تعالى: (وما خلقت الجن والإنس إلاّ ليعبدون )

.

.


يا اخوان عندي مشكلة وابي اهل الخبرة يساعدوني بعد الله.

المشكلة بدا من كلام الخدامة "اندونيسية" كانت نايمة في الصالة لان غرفتها خربانه مكيفها
وتقول لزوجتي انها الساعة 3 الفجر صحت وشافت وحدة تشبه زوجتي بس فاله شعرها واقفه
على الدرج وراحت فوق وتقول الخدامة رحت الحقها بس مافي احد ؟؟

قلت انا هذي اكيد فيها شي لان اندونيسيا معروف عندهم السحر والبلاوي هذي

المهم مالكم بالطويلة ,, في يوم من الايام كنت نايم وكانت الغرفة مظلمة بس تشوف على الخفيف المهم وعيت الساعة 2.5 الليل والا اشوف وحدة واقفه عند التواليت قلت في نفسي
هذا زوجتي بس شكيت لانها قاعده تسوي شي غريب مادري شنو ؟؟ وفالظلمة ؟؟ اللتفت على زوجتي ولا نايمة وانا اقوم اولع النقال وانا اسمي المهم راحت بسرعه ودشت فالطوفة !!

وتكرر رؤيتي للجن فالبيت بعد هالسالفة.

ومن بعدها المسجل شغال سورة البقرة بس ماكو فايده

احس اني متضايق من الوضع والنفسية اكس واخاف على عيالي لو يصارخون او يحذفون شي ويأذونهم ؟؟

الحل يا اخوان ؟

 

[BMW]

اقرأ هذا الدعاء قبل تنام ​

(( اعوذ بكلمات الله التامات من شر ما خلق ))​

جزاك الله خير

 

[BMW]

اشوف كثير طرح عليك حلول

لكن لو تعبت من كثر الآراء

راسلني وإن شاء الله خير

والله يكافيك وأسرتك شر الأنس والجن

اذا عندك حل لاتبخل على اخوانك مو شرط انا يمكن غيري يبي الحل !!

 

[BMW]

الإحتمال الأكبر إنها تهيؤات من قبل الشغالة

وحتى لو إنت شخصيا صارت معاك, فهذا بسبب سماعك القصة من الشغالة

وعقلك الباطن أوحى لك بصحة حدوثها

لا طال عمرك ماهي تهيؤات .. شوف العين !!


على قولة المصريين: ما عفريت إلا بني آدم




إترك عنك خرابيط المشعوذين والدجالين لأنها كلها مصاريف عالفاضي

لاتفكر بالموضوع وإنشاء الله راح تنساه بمرور الايام

اي مشعوذين ؟؟ وانا ما افكر بالموضوع لهالدرحة بس ابي حل



وآنا صغير, كنت اتمنى يطلع لي جني علشان أطلب منه طلبات كثيرة

ياما تحرشت بقطاوة سود بالفريج ورشيت عليهم ماي بالليل

بس الظاهر الجني درة إني راح أهد حيله بالطلبات لأني ما انعطى وجه بالمرة

فقرر بينه وبين نفسه إنه ما يطلع لي خير شر

تحمد الله انك ماشفت هذي نعمة من ربك



الخلاصة:

إذا المسئلة اصبحت بالنسبة لك هاجس وما تقدر تتخلص منه

جرب تزور طبيب نفسي

الأشياء هذي موجودة فقط بمخك ... إنسى شغلة جنية أم شعر طويل (واصل لي تحت ظهرها وصابغته ميش ) وشمحوطة تطلع لك أو لغيرك

ان شاءلله ربي يبتليك بام شعر على قولتك لانك تضحك باخوك المسلم


فقط لا غير :وردة:

؟؟؟؟؟؟؟؟؟؟؟

 

[BMW]

سؤال جاء في بالي لماذا الخدامه اول من شافه ومن بعدها صرت تشوفه ممكن تكون هي الخدامه نفسه الجنيه المقصوده وتبيكم تعيشون الدور والدليل انه تشبه زوجتك لماذا اجل تلحقه الخدامه مدام ظنت انه زوجتك

ترا كلامي ممكن يكون غلط بس اجتهاد ونصيحه من اخ لاتشيل الهم وأخذ بالأسباب وخل سورة البقره شغاله علي صوت خفيف اذا كنت نايم واذا طلعتم طول علي الصوت ولاتعلم احد من اهل بيتك عشان مايشتغل عليهم الوسواس اي حركه تصير يقولون هذي الجنيه

وممكن تكون فعل جنيه وحسب علمي انه الجن يدور الخواف قوي قلبك وستعين بربك

اخوي انا مو خواف الله يهداك انا اشوفهم بالصدفة !!

 

[BMW]

الجن أجبن من أن يظهر بهذه الطريقه ​

إذاً الأختلاف عندها بالأعتقاد نفسه ​

90 % من الردود وضعت اللوم على الخادمه​

والبسوها الأتهام ومنهم من طالب أن تبعثر ملابسها الداخليه ​

لكي تبحث عن شعر أو خيط مربوط أو ما شابه ذلك ​

( السحر / والجن ) موجود لا خلاف على ذلك ! ​

لكن ليست بهذه الطريقه التي نراها ​

بأعتقادي أن خوف الخادمه وتهيؤاتها نقلتها إليك ​

وبتوترك وتفكيرك الدائم حيال تلك الجنيه جعلك تراها ​

مثل السراب للعطشى ​

أسترخي وأرح بالك وأستهدي بالله وسوف تنتهي الأمور إن شاء الله ​

ولا تنقل ما تحمله أفكارك إلى أفراد عائلتك ​

شكراً ​

مع احترامي للكثيرين انت :إستحسان:

 

[BMW]

موضوع مُخيف :باكي:​

وفي نفس الوقت أن يتمثّل الجن داخل البيت غير مُستغرب وهم متواجدين في كل شبر من​

الأرض ​

وإن كانوا مسلمين فالأغلب لا يؤذون أهل البيت ​

لكن لا يوجد شيء اسمه "شغّلت سورة البقرة ومافيه فائدة"​

يا أخي سورة البقرة تطرد الشياطين والمردة ...!!!!!!!!! فكيف تقول لا ينفع ​

استمر على سورة البقرة في بيتك 24 ساعة والأمر سينتهي بأمر الله ​

الله معك والله ييسر لك وحافظ على أذكار الصباح والمساء وليس لهم سلطان عليك ​

نعم الحمدلله انهم مسالمين وما يأذونا

 

[افتخر فانت مطيري]

خلك على سورة البقرة شغلها على مسجلات صغيره بغرفة العيال وبغرفتك
وأول ماتروحون دوامك أنت والاهل بطل الدرايش ونزل عيالك عند اهلك وشغل سورة البقرة بالسي دي لانك تقدر تخلي فيه ميزة التكرار أو حط على قناة القرآن .
وأحرص على أن تكون الدرايش مبطله وأذكار الصباح والمساء أقراها وخل عيالك يقرونها
وحط دهن عود قبل لاتنام وخل الشفع والوتر صلها ببيتك
"أعوذ بعزة الله وقدرته من شر ماأجد وأحاذر "
(( أعوذ بكلمات الله التامات من شر ما خلق )).
• (( أعوذ بكلمات الله التامة من كل شيطان وهامة ، ومن كل عين لامة )).

 

[BMW]

اسال الله العظيم رب العرش العظيم ان يفرج كربتك
عليك بالصلاة بوقتها والاذكار والمعوذات وكثرة الاستغفار وقرائه سورة البقره
وابحث واستفسر عن هذا الامر"ما أنزل الله داء إلا أنزل له شفاء"
استفسر من مشايخ ومن لهم خبره وقوم بزيارة الطبيب النفسي
اسال الله ان يستر عليك دنيا واخره

مشكور على المشاركة الجميلة بس ليش ازور الطب النفسي ؟؟

 

[BMW]

وين صاحب السؤال؟

لاتكون الجنية (أم شعر طويل واصل لي ركبها) سوت فيه شي

والا يمكن راح لواحد من المشعوذين وطاح فيه ترفس على بو يطلّع الجنية من جسمه

لاحول ولا قوة الا بالله :باكي:

اخوي هذا موضوع جد اذا تبي تلعب روح دور جهال ألعب معهم

 

[BMW]

لازلت انتظر الاجابة ....

 

[افتخر فانت مطيري]

خلك على سورة البقرة شغلها على مسجلات صغيره بغرفة العيال وبغرفتك
وأول ماتروحون دوامك أنت والاهل بطل الدرايش ونزل عيالك عند اهلك وشغل سورة البقرة بالسي دي لانك تقدر تخلي فيه ميزة التكرار أو حط على قناة القرآن .
وأحرص على أن تكون الدرايش مبطله وأذكار الصباح والمساء أقراها وخل عيالك يقرونها
وحط دهن عود قبل لاتنام وخل الشفع والوتر صلها ببيتك
"أعوذ بعزة الله وقدرته من شر ماأجد وأحاذر "
(( أعوذ بكلمات الله التامات من شر ما خلق )).
• (( أعوذ بكلمات الله التامة من كل شيطان وهامة ، ومن كل عين لامة )).

لازلت انتظر الاجابة ....

هذا جوابي :وردة:

 

[Meridian]

شوف.. في ثقافة الاندونيسين وخصوصا الخدم، أن كل وحده يجيها عقد عمل بالخارج تروح تتبارك عن الفقيه، والفقيه عندهم غير اللي عندنا، لأن اللي يسمونه فقيه ما هو إلا سحار، يربطلهم حجاب في طلاسم، ويقول لهم أن هذا العمل ليحفظكم وين ما تروحون، وعشان يحبب فيكم المعزب والمعزبه. نصيحتي، فتش في أغراضها وأسأل الخدامة إذا كانت راحت عند شخص في قريتها تتبارك عنده قبل لا تجيك، وأسألها إذا عندها أي شئ بين أغراضها، والله يعينك على ما تفهمها.

كان عندي خدامة أندونيسية، كنت قبل الفجر أسمعها تسولف وتتهاوش وتصرخ وتعفس الغرفة، وكنت محتار لأني ما أقدر أدخل عليها في هذا الوقت ولا اقدر أقعد زوجتي أو أحد من الأهل يدخل عليها، لأن راح اطقهم أم الركب ولا راح يستحملون الموقف لأنه جدا مرعب، وخصوصا أن أم العيال دايما تقول لي أنها تشوف عجوز لابسة أبيض وتتمشي بالليل حول السلم. لغاية ما قررت مرة أفتش بأغراضها، ولقيت عندها أشياء قذرة ملفوفة ومربوطة، وبكل هدوء وحتى لا أضطر أخرع أحد بالبيت، سحبتها للمكتب ورجعتها، ومن يومها الكل ما عاد يذكر السالفة.
​