ما هي الطريقة الأنسب لإخبار الزوجة الأولى بالزواج الثاني؟

[jody]

وآآآآآآآي ..

والله حلمت من جم يوم أنه ولد النآس متزوّج عليّ قعت مكتئبة حدّي , هذا وأهوا حلم ششت لو الصج شـ بيصير ..؟ لوول


...

فيه شغلة آنا مستغربة منها .. فيه ريآيييل " يمآل السلّآل ّ إن شآء الله .. مآخذ الزوآج لعبة ..

أعرف وآحد علبو أنه ملتزم .. متزوج ثلآثة ثآبتين .. والرآبعة كل فترة يطلق ويتزوّج ..

هذا شتقول عنه ..؟

الله يرضى بظلم بنآت النآس ..؟

الشغلة الثآنية .. همن فيه نوع يتزوّج الثآنية " نزوة " على قولتهم .. وعقب فترة إيحنّ حق الأولى ويطلق الثآنية .. شذنبها تطلقت بالله ..؟


وفيه نوع يتزوّج الثآنية وتقوم ينونه عـ الأولى .. نعم ..؟ ينيت ولا أنهبلت ..؟

بس جي .. مآكو شغل


...

اللي أصوآتهم أتشيل وتشدخ ومع الزوآج والتعدد .. أوكي تزوجوا عليكم بالعآفية ..

بس عآد بـ تعدلون ..؟

هذا اللي مستحييل إيصير .. عآد حزّتها ينطرك عقآب من ربك صج صج عقآب ..


...

آنا أقول قضبوا أرضكم وحمدوا ربكم على حريمكم .. ولآ تقعدون تفسرون الرجولة بـ معآني ثآنية ..


...

لآ تزوّج .. حلآته إيقول حق مرته من قبل لآ إيتزوّج .. جآنه نآوي على زوآج ثآني مُستمر يعني !


...

شكراً​

 

[افتخر فانت مطيري]

المشكلة الاكبر زميلي العزيز
انهم مع سفر الزوج للخارج للسياحة وفعل الحرام
ولا يتزوج عليها .......
الجماعة مع الحرام وضد الحلال
اهم شى يظل رأسها مرفوع ......جدام اهلها وربعها
منطق غريب وعجيب..

لاحول ولاقوة الابالله
واذا توفت هل سينفعها منطقها الاعوج بالقبر

 

[وطني الكويت لاعدمناك]

اولا عين خير وافتك من الحريم والله انهم دووخه

ثانيا اسمع هالسالفه وانا اختك

واحد قال لزوجته انا تزوجت عليج وطبعا انهارت وقامت تصيح وتعوي ومن هالحركات الفطريه كرده فعل

الوكاد وقفها عند بيت اهلهااا وقال لها والله ماتزوجت عليج بس ابوج توفى وانزلي لعزاه قالت اشوا الله يبشرك بالخير ؟؟؟


فاعرف ان الزواج مصيبه مابعدها مصيبه بالنسبه للحريم وتهون كل مصيبه عندهاا

الله يوفقك يارب

 

[أعرابي]

اولا عين خير وافتك من الحريم والله انهم دووخه

ثانيا اسمع هالسالفه وانا اختك

واحد قال لزوجته انا تزوجت عليج وطبعا انهارت وقامت تصيح وتعوي ومن هالحركات الفطريه كرده فعل

الوكاد وقفها عند بيت اهلهااا وقال لها والله ماتزوجت عليج بس ابوج توفى وانزلي لعزاه قالت اشوا الله يبشرك بالخير ؟؟؟


فاعرف ان الزواج مصيبه مابعدها مصيبه بالنسبه للحريم وتهون كل مصيبه عندهاا

الله يوفقك يارب

هههههههههههههههههه والله انكم يالحريم......؟​

 

[الجيكر]

يا شرير
فوق مو متزوج عليها هم تفضحها عند اهلك
وتطلعها بالشينه ​

انا قررت أعنس ..​

يابابا مو يفضحها عند اهله ولا يذكرها بالشينه ولا يعيب بأخلاقها

هذي مو تصرفات الرجال

المقصود هو التلميح فقط بالتعاسه وعدم الشعور بالراحه والرغبه بزواج آخر يحقق له الفرفشه

والسعاده المرجوّه

وان أصروا عليه يبون يعرفون الاسباب يقول لهم ام فلان مافيها العيب وكامله والكامل الله لكني

لازم اتزوج لأسباب خاصه

هني بيقولون صج انه رجال والنعم فيه والله انه كفووووو

اللي ماطلع عذروب واحد بأم عياله :إستحسان:

وبعدين تعالي شكو تعنسين

يبي يعرس عليج خليه يعرس بلعنـه

اهم شي انتي فبيتج وعندج عيالج

والحياه ماراح توقف على رجال اعرس على زوجته

هو اللي بيشتقي انتوا شيخصكم :باكي:

اي والله

حريم ماينعطون وجه

 

[بنتلي]

المشكلة الاكبر زميلي العزيز
انهم مع سفر الزوج للخارج للسياحة وفعل الحرام
ولا يتزوج عليها .......
الجماعة مع الحرام وضد الحلال
اهم شى يظل رأسها مرفوع ......جدام اهلها وربعها
منطق غريب وعجيب..

لا صارت المره بهالصوره
غبي اذا ماصكها بوحده
يعني تتمنى الحرام له
الصراحه مبدأ منحط

 

[طموح رجل]

والله انا عندي صديق تزوج على مرته برضاها قلتله شلون

قال عطيتها 5000 الاف دينار

يعني ادهن سيرها

 

[الجيكر]

الشغلة الثآنية .. همن فيه نوع يتزوّج الثآنية " نزوة " على قولتهم .. وعقب فترة إيحنّ حق الأولى ويطلق الثآنية .. شذنبها تطلقت بالله ..؟​

شوفي يازميلتنا ياجودي

انتي عطيتنا حلّ لكثيييييييييير من الزيجات اللي اصابها داء الملل

وضعف الحب بين الزوجين

وتفشت البطاله فيما بينهم

الزواج الثاني هو الحل لعمل فورمات وآب ديت وريستارت وكل شي

وبعدها بيشتعل الحب والحنين للزوجه الاولى من جديد وبيرجع لها امرؤ القيس :قلب:

ويجيب لها ساعه على شنطه على بو انهم ماركه وهم تقليد درجه اولى وبتنسى

الموضوع كلبوه

 

[dr_chart]

اعرف واحد عنده خير ....الله يرزقه.............. اشترى له شقه في لبنان وقال لزوجته الاولى........ الشقه لج ...وعطاها 6000 دينار نفس مهر الثانيه ............وقالها انا متزوج متزوج ..........رضيتي والا كيفج....

وستسلمت بنت الحلال للامر الواقع...............عاد انا اقول والله لو ماعنده خير وفلوس ...تخليه يتزوج عليها بهالسهوله ماعتقد.............

 

[كلام جرايد]

انا اعتقد ان على الزوج ان يختلق مشكلة مع الزوجة الأولى . . وبعد ذلك يبلغها انه قرر أو تزوج الثانية

 

[علمتني الحياة]

تدرون مشكله في المجتمع الي نعيش فيه
والي مجرم ومشوه الزواج الثاني او التعدد اطلاقه


الشرع حلل للرجل السوي انه يعدد شنو فيها
ليش المجتمع الي احنا فيه مجرمها ومكبرها
المرأه الزينه مايعيبها الزواج عليها يعني بس ليش العالم
راح يسولفون عنها شحقه ماخذ فوقها اكيد فيها وفيها
يعني هذي انانيه بعد من المرأه يعني تمنع شرع وحلال عن الرجل
على شان لحد يسولف فيها يعني خافت على روحها ولا حست بمشاعر
المسكين الزوج الذي يبحث في اشباع غريزته الرجوليه دامه مستطيع


انا اقول يجب انه نثقف الحرين ونخليهم اكثر وعي بانه التعدد هو اطمئنان لها ولاسرتها
ولاشباع غرائز الرجل وتبعده عن بنات الحرام


رساله لكل امراه
كونو يدا واحد مع الرجل عندما يريد ان يعدد بين الزوجات
فبالنهايه هو لصالح كل امراه عانس ولصالح كل مطلقه ولصالح كل عزباء ولصالح
اجيال من النساء فمجرد ان تصبح مؤهله تجد زوجا مبتسما يريد زواجها ​

 

[بنت المملكة]

اللي بيتزوج بتزوج
وطقاق يطق زوجته الأولى

 

[الاستاذ]

أفضل وسيلة لاخبار الزوجة الأولى أو إقناعها ، هي :
أهدها عقد مرصع بالجواهر الثمينة ثم ألحقها بالخبر المؤلم ،
ستتلقفه بصدر رحب ، و ترحيب منقطع النظير

 

[بنت شهيد بدون]

اذا مقصره واهيا على علم لا تسكت وتقبل الوضع احسن وتخليه زوجها يدور 2 بالحلال
اما الحرمه العاقله لي تزوج زوجها عليها واهيا مو مقصره معاه هذي اهيا المفروض تطلب الطلاق وتكسره بنفقه

 

[كويتي منتف]

الزميل / بنتلي

شكراً لمساهمتكم القيمة في ايجاد مخارج لأخواننا الشباب من خلال هذا الموضوع المفيد.
شخصياً فقد كنت أتمنى لو أن المرأة كانت مبرمجة لتموت أوتوماتيكياً بعد مرور 3 سنوات
على الزواج ..لكن وبما أن ذلك لايحدث فلابد من التعدد لتجديد الطاقة والحيوية للرجل
الذي يتحمل كثيراً من المشاق في حياته اليومية مابين هموم الأولاد وهموم
بصمة الدوام صباحاً وهموم الإزدحام المروروي ..بل ويكفي الرجل الكويتي
هماً أنه مواطن في دولة يرأس وزراءها ناصر المحمد.

أما بخصوص الإجابة على التساؤل الرئيسي بالموضوع فإخبار الزوجة الأولى
وبشكل مباشر هو الأصح كأن يقول لها وبكل ثقة ( آنا خذت وحده ثانيه لا كفرت ولا أشركت )

تلك هي أفضل طريقة

إحترامي

:وردة:
​

 

[الاستاذ]

الزميل / بنتلي

شكراً لمساهمتكم القيمة في ايجاد مخارج لأخواننا الشباب من خلال هذا الموضوع المفيد.
شخصياً فقد كنت أتمنى لو أن المرأة كانت مبرمجة لتموت أوتوماتيكياً بعد مرور 3 سنوات
على الزواج ..لكن وبما أن ذلك لايحدث فلابد من التعدد لتجديد الطاقة والحيوية للرجل
الذي يتحمل كثيراً من المشاق في حياته اليومية مابين هموم الأولاد وهموم
بصمة الدوام صباحاً وهموم الإزدحام المروروي ..بل ويكفي الرجل الكويتي
هماً أنه مواطن في دولة يرأس وزراءها ناصر المحمد.

أما بخصوص الإجابة على التساؤل الرئيسي بالموضوع فإخبار الزوجة الأولى
وبشكل مباشر هو الأصح كأن يقول لها وبكل ثقة ( آنا خذت وحده ثانيه لا كفرت ولا أشركت )

تلك هي أفضل طريقة

إحترامي

:وردة:
​

تحياتي بو أحمد ،
أظهر للشباب إحدى دراساتك المخبرية التي أجريت في الأيام الخوالي

 

[كويتي منتف]

تحياتي بو أحمد ،
أظهر للشباب إحدى دراساتك المخبرية التي أجريت في الأيام الخوالي

هلا والله بومحمد :وردة:
تتذكر تلك الدراسات الثنائية
الله وكيلك لو ذكرنا دراسه دراستين ستجد العضوات فوق سطح الشبكة
وهن يرددن ارحل ارحل .. ماراح نمشي هو يمشي


​

 

[الاستاذ]

هلا والله بومحمد :وردة:
تتذكر تلك الدراسات الثنائية
الله وكيلك لو ذكرنا دراسه دراستين ستجد العضوات فوق سطح الشبكة
وهن يرددن ارحل ارحل .. ماراح نمشي هو يمشي


​

بالطبع كانت دراسات موثقة بل و معتمدة من قبل جيل الشباب
و قد أفلح من تبناها ، و فاز باللذات من نشرها و أحياها

 

[ورد حلو]

الطريقة المثلى لأخبار الزوجة بالزواج من ثانية كالأتي :
1- يتفزز من النوم ويخلي زوجته ترتعب من فزته وتقوله : أشفيك ؟
يرد عليها : حبيبتي تحلمت أني تزوجت عليج ..وهالشئ ضايقني .

2-ثاني يوم تسوي نفس السالفة وتزيد عليها أنك شفتها (الزوجه الحالية ) لا بسه عقد جميل ذهب ومرصع بأحجار كريمة وجميلة .
( أكيد زوجتك راح تغمض عين وتفتح عين وأهي أطالعك...وتفهم السالفة )

3-اليوم الثالث وأهو الحاسم لك...تفزز من النوم بصورة عنيفة ..راح ترد عليك زوجتك بضربه على راسك بجنطتها . أعرف أن مخططك باء بالفشل وشوفلك خطة ثانية .

قال زواج ثاني قال ...أحنا بالأولى ودايخين تبي بعد علة ثانية .

 

[بنتلي]

تدرون مشكله في المجتمع الي نعيش فيه

والي مجرم ومشوه الزواج الثاني او التعدد اطلاقه​

الشرع حلل للرجل السوي انه يعدد شنو فيها
ليش المجتمع الي احنا فيه مجرمها ومكبرها
المرأه الزينه مايعيبها الزواج عليها يعني بس ليش العالم
راح يسولفون عنها شحقه ماخذ فوقها اكيد فيها وفيها
يعني هذي انانيه بعد من المرأه يعني تمنع شرع وحلال عن الرجل
على شان لحد يسولف فيها يعني خافت على روحها ولا حست بمشاعر
المسكين الزوج الذي يبحث في اشباع غريزته الرجوليه دامه مستطيع​

انا اقول يجب انه نثقف الحرين ونخليهم اكثر وعي بانه التعدد هو اطمئنان لها ولاسرتها
ولاشباع غرائز الرجل وتبعده عن بنات الحرام ​

رساله لكل امراه
كونو يدا واحد مع الرجل عندما يريد ان يعدد بين الزوجات
فبالنهايه هو لصالح كل امراه عانس ولصالح كل مطلقه ولصالح كل عزباء ولصالح

اجيال من النساء فمجرد ان تصبح مؤهله تجد زوجا مبتسما يريد زواجها ​

كلمات من ذهب