السلام عليكم ورحمة الله وبركاته
أخواني الكرام
أول ما نزل راتبي سحبته كله لدي بعض الألتزمات ومعتمد على المنحه بتنزل
يعني ماكو مشكله لو سحبت الراتب كله حلو الكلام
طبعاً الرصيد صار صفر
اتصل علي واحد من الشباب وقالي المنحه نزلت
المهم اتصلت على البنك ولا برصيدي 998 د.ك
يعني البنك خذى دينارين
كلمت الموظفه وسألت عن سبب سحب الدينارين وان مالكم حق تسحبون ربع دينار
المهم قالت لي ان شهر 10 اللي طاف برصيدك كان اقل من 100 .. عذر اقبح من ذنب
قلتلها مالكم حق تسحبون حتى لو كنت مطلوب عندكم معني مو مطلوب
سجلت شكوى وناطر اتصالهم وما راح اسحب ولا فلس إلا إذا كتملت الفلوس
القضيه مو قضية دينارين ما تفرقت معاي والله لكن هاذي مكرمه من صاحب السمو الله يحفظه
وصلت فيهم الدنائه يسحبون من المكرمه
دينارين مني ودينارين من فلان وفلان ويطلعون مبالغ من ورى ضهورنا
حسبي الله عليهم إذا هاذي نيتهم
السلام عليكم ورحمة الله وبركاته
أخواني الكرام
أول ما نزل راتبي سحبته كله لدي بعض الألتزمات ومعتمد على المنحه بتنزل
يعني ماكو مشكله لو سحبت الراتب كله حلو الكلام
طبعاً الرصيد صار صفر
اتصل علي واحد من الشباب وقالي المنحه نزلت
المهم اتصلت على البنك ولا برصيدي 998 د.ك
يعني البنك خذى دينارين
كلمت الموظفه وسألت عن سبب سحب الدينارين وان مالكم حق تسحبون ربع دينار
المهم قالت لي ان شهر 10 اللي طاف برصيدك كان اقل من 100 .. عذر اقبح من ذنب
قلتلها مالكم حق تسحبون حتى لو كنت مطلوب عندكم معني مو مطلوب
سجلت شكوى وناطر اتصالهم وما راح اسحب ولا فلس إلا إذا كتملت الفلوس
القضيه مو قضية دينارين ما تفرقت معاي والله لكن هاذي مكرمه من صاحب السمو الله يحفظه
وصلت فيهم الدنائه يسحبون من المكرمه
دينارين مني ودينارين من فلان وفلان ويطلعون مبالغ من ورى ضهورنا
حسبي الله عليهم إذا هاذي نيتهم
انا حسابي بالوطني صفر من عدة شهووور هل ممكن يخصمون الدينارين بأثر رجعي؟
==
ياجماعه من صجكم للي انخصم من منحتهم لو دينار بيدكم تربحون 5001 دينار تعويض
انا اتمنى يخصمون من المنحه اي شي عشان ارفع قضيه عليهم موو شكوى واربح ال5001
اتمنى اللي انخصم منهم مايضيعوون هالفرصه منهم :باكي:
وانا افكر اغير بنك الوطني باين عليه جشع من تجاربكم
بس شتنصحوني فيه
انا اهم شي عندي خدمة الاونلاين ابي احسن بنك اونلاين وخدماته كثيره ومتنوعه
ارجووو الافاده :وردة:
انا في بيت التمويل
بالامس قبل نزول المنحه وقبل ان تاتيني
رساله على تلفوني بان المنحه قد اودعت في حسابك
اتتني رساله من البنك ولكن رساله لنزول الراتب وليس المنحه
كوني انا اعمل في القطاع الخاص وعلى دعم العماله
طبعا سحبو الاقساط الي علي
وبعدها بساعتين اتتني رساله بتلفوني بايداع الف دينار ( المنحه )
وصار بحسابي بعد خصم الاقساط طبعا من الراتب الي نزل قبل المنحه بساعتين
ومع المنحه ,, الف وكذا كذا,,
اليوم صارلي شي غريب
طبعا بيت التمويل عنده خدمة شراء بطاقات تعبئه ايزي واكسبرس.
دقيت وعبيت رصيدي واتتني رساله بانه تم خصم عشرة دنانير ( التعبئه )
ولكن الغريب ان رصيدي زاد عن امس ؟؟؟؟
عن الحلال والحرام دقيت على خدمة العملاء حبيت استفسر
فكلمت الموظف وقالي,
البنك رد لك جميع الاقساط الي انسحبت منك عشان ماينسحب شي من المنحه الاميريه
وعشان ماتصير فيه خربطه بالسحب وكذا
وعشان نتفادى هالموضوع قرر البنك ارجاع لحسابك جميع الاقساط الي عليك
وبعد ثلاث ايام نرد نسحبهم.
الحقيقه خطوه ايجابيه من بيت التمويل
زميلي العزيز
افضل بنك في الشرق الاوسط هو بيت التمويل الكويتي
وانا عميل في هذا البنك
خدمة الأون لاين اذا شفتها وتعاملت مع بيت التمويل الكويتي أون لاين
ثاني يوم راح اشوفك تكسر اقرب مكينة صرف للوطني
وقبل لا تقتنع بكلامي او تتهور على ابو بعير
شوف اي صديق لك عنده حساب على التمويل وخله يفتحلك موقعهم وخدماتهم وراح تقتنع
واهم شيء تعاملهم في الافرع ارقى وافضل تعامل التمويل بدون مبالغة
ابو بعير بس فالح يحطلك الشقرا والصفرا على الباب والثوب فوق الركبه
روح شوف الاحترام والرجوله في التمويل والأهم تعامل اســــــــــــــــلامي
وفوق كل هذا سمو الامير يتملك حصه مؤثرة في هالبنك
تحياتي وانتظر اخبار تحويلك للتمويل
انا مشتركه بخدمه اون لاين للتمويل بس من سنه تقريبا وتوني بغيت افعل خدمه المسجات وماقدرت اتصل عالبنك كان مشغول عششان المنحه
ونسيت النك نيم مو الباسوورد .. وحاولت اشترك من جديد بس مايصير اذا تعرف حل لمشكلتي اتمنى تفيدني لأني ناسيه النك نيم
المشكلة بسبب كثرة المستخدمين تكون مضطر ان تكتب اسم طويل نسبياً فيه أرقام ورموز
وهذا سبب يخليه صعب الحفظ
مافيه حل إلا خدمة العملاء