موضوع رائع والاروع جنابك
وكم كنت اتمنى ان يؤخذ الموضوع بجديّه اكثر
من المشاركين
ولكن للأسف الشديد
ما كنت تتساءل عنه
نجده في اجابة غالبية الاخوات المشاركات وبعض الاخوة الداجين عن الموضوع
ويحاولوا الظهور في صف المرأه لا لسبب بل لمجرد المشاركه
...بس جذي...
عموماً
يالغالي السخف والسطحيّه
بسبب ثقافة اللاثقافة المنتشره وبكثره
والغالبيه (الا ما ندر) تنجرف وراء الموضه والاغاني الهابطه والموسيقى الدايخه ودقني دقني و يالتاكسي وماشابه ذلك
( هذا بعض من الثقافه)
....
كنت موظف في شركة البترول الوطنيه فيما مضى
وكانت مدرستنا امريكيه
طبعا كنا شباب وامريكيه تدرسنا يعني الامور لازم تكون Free بس اللي شفناه غير
المدرسه كانت صارمه جدا معانا
وكنا نلاحظ عليها انها ماتحط مكياج ولا حمره
عموما المرسه قدمت استقاله وحبينا نكافئها على تدريسها لنا وسوينا لها حفلة تقدير لمجهودها
وفي هذاك اليوم لاحظنا عليها انها حاطّه حمره
الـلـــــــــــــــــــــــــــــــــه jean marry scot حاطه حمره
قويـــــــــــــــّـه
سنه كامله ولا شفنا هذا الشي اشمعنا الحين
طبعا كان هذا سؤالنا لها
وكانت الاجابه :
اليوم مناسبه ولازم احط بعض المكياج(مكياجها بس حمره!!)
طيب وليش ماكنتي تحطين يوم تجين للدوام
قالت هذا عمل وانا جايّه ادرسكم ماني جايّه لعرض ازياء أو مسابقة ملكة جمال
والمكياج نستخدمه في اوقات المناسبات وفي حدود ضيّقه
وقالت انها لاحظت الحريم بالكويت يحطون مكياج بمناسبه وغير مناسبه
لكن ما خليناها لها وقلنالها انها غلطانه
الحريم بالكويت ايضا ما يحطون مكياج الا بالمناسبات
بس المشكله ان المناسبات على مدار السنه وطول اليوم وحتى اذا كانت في البيت
يعني مو مثل ماقلتي يالغاليه
طبعا المدرسه جميله وبيضاء ولا تحتاج اي مكياج
ولكن جوابها كان اجمل
( المدرسه كانت تبحث عن الجوهر ولم تكن تنظر للمظهر )
عموماً
نرجع الى اصل الموضوع
يالغالــــــــــــــــــــــــــــــــــي
العيب في الثقافه الفكريه للمرأه
وعقدة النقص الكامنه داخلها
لهذا يكون تفكيرها سطحي
شلون؟؟
اعطيك مثال :
عقدة النقص اللي موجوده في بعض
( اقول بعض الحريم)
كل ماتكلمت او ناقشتها اي وحده من اي جنسيه اخرى وماكان عندها جواب
للرد عليها
يأتيك الجواب السحري
والله كيفي كويتيــــــــــــــــه (كأنها مو مصدقه انها كويتيه)
ونظرتهم للجاليات نظره دونيه والعياذ بالله
كأنه بس حنا خلق الله والباقين لا
وهذا موجود عند غالب الرجال ايضا
الله المستعان
واعطيك مثال ثاني يالغالي
قبل كم يوم قاموا الشباب والشابات يعلقون على طلب
النائب الفاضل محمد هايف
بمقاطعة المنتجات الفرنسيه
لان الفرنسيين منعوا المسلمات من لبس الحجاب
تخيّل وحده من الاخوات تقول
ماله امل يعني اتخلّى عن عطري الشانيل واااااااااي مااقدر
امبييييييه شلون جذيييييييه
الأخت
اهتمت بالمظهر ولااهتمت بالجوهر
الا وهو نصرة دينها
لان هذا مستوى عقلها وتفكيره
واذا كان تفكير هذي الاخت( بالعطر)
ولم تهتم بأصل الموضوع ولا همها المقاطعه المطلوبه لأي سبب كان بس لا يحرمونها من عطرها
اقول اذا كان هذا همها
شنو نترجّى يالغالي
اكيد سخافه وتفكير سطحي اناني
زبدة الكلام
انا من المؤيدين لطرحك ولتساؤلاتك
ولو ان حريمنا وقت الصجّيه ما يقصرون
وكلهم خير وبركه
ولكن هذا الواقع اللي عايشينه ولا يقولون ليش ماتتكلمون عن حريم البلدان الثانيه
لأن الموضوع المطروح للنقاش عن حريم الكويت
وجوابي هذا عن الواقع الحالي اللي قاعد نعيشه ونشوفه
في الحياة
الى ان يثبت العكس
ولازم ما نتهرّب منه
اخي الفاضل
الله يسامحك مقدماً
لأن جنابك حطيت موضوع
والله يعينك على الردود
وشوف الهجوم اللي راح يجيني من وراك انت وموضوعك
و
في الختام
شكراً على سعة صدوركم جميعاً
تحياتي
وحفظك الله انت ومن يقرأ هذا الموضوع
ودمتم