سؤال للي زار سويسرا

[ابو عبدالرحمن العازمي]

محد جاوب على سؤالي هل ٣٥٠ يورو تكفيني انا وزوجتي كمصروف يومي. خلاص قررت بسافر باريس ٨ ايام ان شاءالله واشكر اللي تفاعل معاي

 

[CR7]

صباح الخير بوعبدالرحمن

السنه اللي فاتت سافرت علي الأمارتيه الكويت باريس والعوده زيوريخ الكويت ومن باريس أخذت قطار الي جنيف استمتعت في مهرجان الصيف ( شوف متي تاريخه هالسنه ) ومن جنيف الي انترلاكن ومن انترلاكن الي زيوريخ


وأنصحك اذا رحلتك 10 تقعد 4 ايام في باريس و4 في جنيف و2 في انترلاكن وانت راد علي زيوريخ ليله العوده

اهم شي تحط احسابك الثلاث ايام في جنيف تكون آخر ليله بالمهرجان والتنقل اذا شايفه صعب بالسياره القطار رخيص وكويس وسهل جداً

بالتوفيق

 

[العمر فانى]

اتمنى انى ازورها وان شاء الله ازورها​

 

[بوراس]

هلا اخوي عبدالله مثل ما قلت انا ان شاءالله بقعد بباريس 8 ايام وطبعا بفتر بالمناطق المجاورة بس السؤال الاهم واللي محد جاوبني عليه هل 350 يورو. كمصروف يومي كافي ؟؟ طبعا غير السكن

اذا كنت تقصد 350 يورو مصروف يومي من غير الفندق فاعتقد كافي وزياده

 

[ابو عبدالرحمن العازمي]

مشكورين وما قصرتو وادري تعبتكم بكثر الاسئلة :وردة:

 

[عبدالله .]

350 يورو كمصرف يومي
كافية وزيادة
اصلاً 200 كافية فمبالك بـ 350

​

 

[BoYoOsF]

350 ايروا يوميا كافى وزياااده شنو بتشترى كل يوم خروف ههههههههههههه

 

[ابو عبدالرحمن العازمي]

لاني اول مرة ازور اوروبا عشان جذي لازم تكون حسبتي اكثر من الطبيعيه والحمدلله انا قلت لو اقسم الفلوس اللي معاي يطلع مصروفي يوميا ما يقارب 350 فلازم الواحد تكون فلوسه زايده لاسمح الله صار شي ولا شيات . الدنيا ما ينقال عليها

 

[rightword]

رحله سعيده
يابوعبدالرحمن
والله يوفقك​

 

[ابو عبدالرحمن العازمي]

الله يجزاج خير

 

[ريما القمر]

سويسرا أشوفها معادلة صعبة كثير ناس يروحون لها ماتعجبهم ..

تبي تستانس " لازم " تأجر لك سيارة وتتمشى فيها ..

وحلاتها بوقت الكرنفال لأن خسارة تنحسب عليك زيارة لهذي الديرة وما شفته

عن نفسي أفضل السكن في المدن القريبة من جينيف مثل ديفون أو لوزان أو مونترو ..

وعندك رحلات حلوة وبمسافات قصيرة لمدن قريبة ..

يعني تطلع الصبح وترد على المغرب ..

مثلاً ميلانو الايطالية أو ليون الفرنسية .. انترلاكن , زرمات ..

وإذا كنت تبي تكون رحلتك مضمونه المتعة فيها ..

وأكثر راحة لك ..

أنصحك بباريس 6 أيام ..

تسكن بفندق بالشانز والرحلات متوفرة كونسيرج الفندق يساعدك فيها ..

يعني يوم لمتحف اللوفر ويوم لقصر فرساي ..

ويوم تتسوق فيه بغاليري لافاييت ..

وبرج ايفل وقوس النصر و ... و....

أنا ترا أحب سويسرا أكثر من باريس ..

لكن أظن إن باريس بتعجبك أكثر ..

​

 

[ابو عبدالرحمن العازمي]

مشكورة اختي ريما انا بإذن الله قررت اني اروح باريس لانها مدينة كاملة وكل شئ فيها وبيني وبينج بس محد يسمع ( بخاطري اروح ديزني لاند ) وسويسرا شنو فيها غير الطبيعه صج انها حلوة بس خيرة ان شاءالله الجايات اكثر

 

[عبدالله .]

بوعبدالرحمن إذا بتروح لفرنسا
فيز من السفارة الفرنسية
مو علشان الفيزا شنغن تفيز من اي سفارة
في ناس مرو سهالات
وانا منهم
بس في ناس مادخلوهم وردوهم لديارهم

فدير بالك

​

 

[ارحل ياجاسم]

سويسرا

كافي اسمها وكافي كاكاوها

رحت منطقة اسمها زيمارت او زيرمات...فوووووق جبال الالب..منطقة صغيرة بس رائعة...بس انا رحت شهر 2 كله ثلج في ثلج...

بصراحة الشيء الوحيد اللي ماشفته بعيني بسويسرا هايدي...ماعدا ذلك كل شيء شفته

 

[ريما القمر]

مشكورة اختي ريما انا بإذن الله قررت اني اروح باريس لانها مدينة كاملة وكل شئ فيها وبيني وبينج بس محد يسمع ( بخاطري اروح ديزني لاند ) وسويسرا شنو فيها غير الطبيعه صج انها حلوة بس خيرة ان شاءالله الجايات اكثر

مؤيدة بشده ..

وبالأساس موشي تروح باريس وماتزور يورو ديزني ..

وراح تستانس وتستمتع فيها إن شا الله لأنها مو بس للصغار ..

وياسلام لو تسكن لك ليلتين هناك بعد ,,



.​

 

[وضاح العجمي]

ابوعبدالرحمن ياحبيبي

اتمنى لك انت وزوجتك الكريمه رحله سعيده

انا رحت باريس ...والله ياخوك كانك رايح القاهره
وراح تنصدم فيها ومطارهم يجيب الوهم وفوضي

مطار الكويت افضل منه الف مره

الجو حر وزحمه والزبايل مكوده وكلها اجانب واهلها

الفرنسيين طاقين منها وغالية جدا والفنادق الغرف

صغيره وغاليه والتكاسي تنطر بالدور مو اقل من نص ساعه

والشانزليزيه قلة حيا ومغازل ودوار الكونكورد حاطين فيه مسله

فرعونيه سارقينها من مصر ..يعني لصوص ومستانسين

واللوفر مشيت مشوار طويل عشان اشوف الموناليزا

وااخر شئ لوحه بعيده ومحد يجيها والكل يصور وماادري

على شنو ...والله ان لوحات الرسام الكويتي ايوب حسين

عندي اجمل واحلى منها .....وكل شئ هناك بالدور لدرجة الملل

والمترو خلك حريص لان اخوانا العرب يسرقون هناك !!!!!

الاكل فيها زين وطبعا التسوق مشهوره فيه باريس ..

وبكيفك ياخوك .....ثم ان رحلتك قصيره فالافضل تركز على ديره

وحده بدال ماتشل شناطك كل شوي .....انا اشوف سويسرا جميله

واهلها ارقى كثيرا من الفرنسيس واهدا من باريس المتاعيس

​

 

[ابو عبدالرحمن العازمي]

ابوعبدالرحمن ياحبيبي​

اتمنى لك انت وزوجتك الكريمه رحله سعيده ​

انا رحت باريس ...والله ياخوك كانك رايح القاهره
وراح تنصدم فيها ومطارهم يجيب الوهم وفوضي ​

مطار الكويت افضل منه الف مره​

الجو حر وزحمه والزبايل مكوده وكلها اجانب واهلها​

الفرنسيين طاقين منها وغالية جدا والفنادق الغرف ​

صغيره وغاليه والتكاسي تنطر بالدور مو اقل من نص ساعه​

والشانزليزيه قلة حيا ومغازل ودوار الكونكورد حاطين فيه مسله ​

فرعونيه سارقينها من مصر ..يعني لصوص ومستانسين ​

واللوفر مشيت مشوار طويل عشان اشوف الموناليزا ​

وااخر شئ لوحه بعيده ومحد يجيها والكل يصور وماادري​

على شنو ...والله ان لوحات الرسام الكويتي ايوب حسين​

عندي اجمل واحلى منها .....وكل شئ هناك بالدور لدرجة الملل​

والمترو خلك حريص لان اخوانا العرب يسرقون هناك !!!!!​

الاكل فيها زين وطبعا التسوق مشهوره فيه باريس ..​

وبكيفك ياخوك .....ثم ان رحلتك قصيره فالافضل تركز على ديره ​

وحده بدال ماتشل شناطك كل شوي .....انا اشوف سويسرا جميله​

واهلها ارقى كثيرا من الفرنسيس واهدا من باريس المتاعيس ​

حسيت انها الخرطوم مو باريس

مشكور على النصيحة وما قصرت .........

 

[sarey77]

يعطيكم العافيه شباب

ماتكلمتوا عن الشينغن للي بيروح سويسرا .. شلون يفيز ؟

لازم من سفارة سويسرا افضل ؟ وهل المكاتب يسوون الفيزا وكم قيمة الفيزا وكم يوم تطول على ماتطلع

وشكرا

 

[ريما القمر]

يعطيكم العافيه شباب

ماتكلمتوا عن الشينغن للي بيروح سويسرا .. شلون يفيز ؟

لازم من سفارة سويسرا افضل ؟ وهل المكاتب يسوون الفيزا وكم قيمة الفيزا وكم يوم تطول على ماتطلع

وشكرا

سويسرا مو من ضمن دول الاتحاد الاوروبي ..

بس إذا عندك شنغن تقدر تدخل ..

واليورو مايمشي حاله فيها ..

لازم الفرنك السويسري ..



.



.​

 

[العرضحالجي]

مرحبا أبو عبد الرحمن


أسف لم أشاهد موضوعك إلا هذه الساعه


ذبحتنا الساحه المحليه كله متواجدين فيها قال الغضوري قال عبد الصمد قال القلاف رد البراك وهكذا ههههههه


على العموم موضوعك سهل جداً


أخوك العرضحالجي سوف يسافر هذا الصيف إلى مدينة ((( ميلان ))) بتاعة إيطاليا والسبب أني أحب البتزا موت ياااهي لذيذه وبعدين سوف أذهب لسويسرا وبعدها إلى مدن فرنسا وممكن أخطف إلى لكسمبورغ وسوف نعدي كم يوم على النمسا وبعدها نعود لمضاربنا في ميلانو


راح أحرق السياره اللي سوف أستأجرها حرق يعني ( أحلل فلوسي ) اللي دفعتها ، بس لا تفكر أني راح أقحص واشفط لالالالالالالالالالا راح أقز فيها الطرقات قز :إستحسان:


متعة السفر أن تستأجر سياره ( قير عادي ) ممكن تمر على جبال ممكن تغرز ممكن تحتاج تردها نمره علشان تتجاوز كل الإحتمالات وارده


( والجارمن ) لابد من عدد أثنين لزوم الإحتياط


في السياره تشرب شاي ليبتون وتوقف في المحطات تتغرض من الجمعيات اللي تفتح النفس وممكن تجلس في المطعم تتفطر أو تشرب قهوه وتتشوف الداش والطالع خاصه إذا الدنيا مطر يااا سلام تحس أن روح ترفرف وانت تتفرج على الطبيعه تحلب حلب :إستحسان:


في السياره تقدر تدخل أي قريه تشوف انها تستاهل بالعربي تستكشف الدنيا (( يااا اخي غامر )) بس لا تنسى تكون معاك كاميرا ( سوني ولا كانون ) توثق فيها سفرتك لأني أنا أفضل اللقطات على كاميرا الفيديو


في السياره تملك نفسك ، الوقت اللي ودك تتحرك تقدر تتحرك والوقت اللي نفسك توقف تقدر توقف بلا باصات بلا قطارات بلا تقييد حريه


عندك العواصم أبعد عنها تراها كدر وزحمه ومخالفات مرور ومواقف صعبه كل شيء فيها يضيق الخلق ( باريس جنيف امستردام لندن فرانكفورت وعد من هذه العواصم ) ترى المدن التجاريه والمدن الريفيه والمدن السياحيه أحلى وأمتع واونس


أحجز على طيران الخليج ترى مازال رخيص ألحق قبل لا ترتفع التذاكر وتحصلها 300 دينار وأكثر


كويت منامه ــ منامه ميلانو :إستحسان:


شركة Auto Europe


الرابط http://www.autoeurope.com/car.cfm?pucode=DE&pucity=Frankfurt&action=2


سعرها مناسب وعداد الكيلو متر مفتوح


إذا بخاطرك أي أستفسار أسأل لا تستحي أبد


ترى أخوك العرضحالجي خاير أوروبا خور باقي بس القطب الشمالي مااا زرته والنيه راح أطب عليه في يوم مااا هههههه

.​