سؤال وجواب عاجل لأهل الخبرة في البنيان والشركات

[AlBadel]

الأخوة أهل الخبرة في البنيان .. إذا ممكن مجموعة أسئلة وأرجو الأجابة
ومن سأل دخل في ذمتك
ــ أنا عندي أرض سكنية مو مبنيه وتواجهني بعض الإشكاليات وأتمني الإجابة الوافية لكل سؤال
1 ) هل تنصحوني أن أكون أنا مقاول نفسي وأباشر البنيان من الأول للأخير علما ماعندي خبره أبداا بالبنيان أو أسلمها لمقاول سوري أو مصري
2 ) هل تنصحوني أن أسلم الأرض لشركة والأستلام علي المفتاح
3 ) هل توجد شركة ثقة ولها خبرة في مجال بناء القسايم معروفة ومجربة وأسعارها مناسبة وتنصحوني فيها وعلي ذمة الناصح​

ـــــ أخواني أرجو الأجابة من أهل الخبرة من أهل القسايم ,, والأرض في القيروان
ــــــــــــــــــــــــــــــــــــــــــــــــــــــــــــ​

لاحـــــــشا
أنـــــت مو مــــــلك للعــــــوازم الأصـــــــيله .. أنــــــــت قــــــــبايل في قــــــــبيلة​

ـــــــــ
لا يـوجد توقيــــــــــــع مؤقـــــــــــت ولا متغــــــــــــير في الظـــروف الراهـــــــنة والبوكـــــسات والطـــراااقات شــغاله وشــــيل عـــضوكم عـن عــضونا
.....
فإيـران بـدأت اللعـب علـي السـاحة الكـويتية من خـلال سـياسة ( الأرض المحـروقة ) تـــحت أجـــندة شـــوارعية وعـبر أدوات معممة وشـــوارب مشــــبوهه بولائـــــها القــــــمي والحــــوزي

​

إن نـاصر صـباح الأحـمد هـو أحـد أوجـه الديموقرااطية المشـرقة للكويـت .. إذن فلا نستغرب أن تـكون الديموقراااطية حـاليا عـرجـــاء وملبــــدة بالشـــكوك وتختـــفي خلـف تـاريخ مليء بالشخابـيط​

 

[ولد وايل]

والله على حسب شخصيتك والتزاماتك .. هذا أولاً ..

وثانياً .. أنت تبي تسكنه والا تأجره .. على حسب ..

وثالثاً .. أنصحك بالمقاول .. وقبل كل هذا شوف شغله واسأل عنه اللي اشتغل عنده .. اذا هو زين أخذه واذا كان خلاف ذلك .. ابتعد عنه خله يولي ..

واخيراً .. الله يعينك على التعب .. ترى يبيله بااال طويل وأنا أخووك ..

والشركات ما انصحك فيها .. وهذا رأيي الخااص .. وشكراً

الوايلي يحييكم :وردة:​

 

[adilalroh]

1 ) هل تنصحوني أن أكون أنا مقاول نفسي وأباشر البنيان من الأول للأخير علما ماعندي خبره أبداا بالبنيان أو أسلمها لمقاول سوري أو مصري
2 ) هل تنصحوني أن أسلم الأرض لشركة والأستلام علي المفتاح
3 ) هل توجد شركة ثقة ولها خبرة في مجال بناء القسايم معروفة ومجربة وأسعارها مناسبة وتنصحوني فيها وعلي ذمة الناصح​

ـــــ أخواني أرجو الأجابة من أهل الخبرة من أهل القسايم ,, والأرض في القيروان
ــــــــــــــــــــــــــــــــــــــــــــــــــــــــــــ​

1-اذا تبي توفر فلوس وتتعب.. صير المقاول واذا تبي ترتاح وتدفع سلمها للمقاول اللى يكون عن طريق شركه معروفه ( مو اصحاب العقود المطبوعه) مقاولين الملاحق

في حال انك صرت المقاول
راح توفر من 8 الى 15 الف تقريبا ( حسب البناء)..بس الله يعينك علي التعب
علاوه ان ما عندك خبره.. والخبره مطلوبه..حتي ولو كان هناك مقاول لتناقشه وتعرف
كل التفاصيل في مخطط البناء,

2- اذا الفلوس مو مهمه انصحك وبقوه تسلمها لشركه..بشرط انك توقع عقد معها فيه كل الطلبات اللى تبيها..وتكون ذات مقايس عاليه
" وعلي قوله حسين عبد الرضا.. (حط افلوسك بالشمس وقعد بالاظلال)

3- نعم" العطاوي" اتصل عليهم وشوف القسايم اللى مسويها شيء ممتاز وعلي ذمتي:إستحسان:


4- واذا تبي نصحيتي ومصمم تكون المقاول اتبع التالي:-
خل البناء علي المقاول في البدايه اسود" عظم" والاهتمام بالقواعد والعمده والصبه وطابوق ...الخ
وبعدها خل البيت" يريح"سنه اذا مو مستعجل
وبعدها بلش التشطيب بمعرفتك

همسه:- الله يعينك تعب تعب تعب بشكل غير عادي ونفسيتك تتعب
وكل يوم متهاوش مع الصحي والمقاول..الخ والله يستر لا توصل للمخفر

 

[عزيز وغالي]

اخوي الكريم
اذا بتكون مقاول نفسك لابد انك تسأل عن كل كبيره وصغيره
حتي ما تخفي عليك كثير من الامور
وانصحك تطلع علي منتديات المهندس
فهو موقع متخصص بالبناء وبيعطيك الخطوات المناسبه

واذا لقيت مقاول ثقه او شركه محترمه
ترتاح وتريح نفسك
ولا تنسي ان كنت تبي تصير مقاول نفسك تنسي الراحه والنوم
ولاشك انك راح توفر كثير من المبالغ

وانا رايي عليك تعطي الاسود لمقاول بس تعطيه الفلوس بالقطاره
اما التشطيب فهذي شغلتك

 

[لا تعليق]

الأخوة أهل الخبرة في البنيان .. إذا ممكن مجموعة أسئلة وأرجو الأجابة

ومن سأل دخل في ذمتك
ان شاء الله اقدر افيدك بتجارب شخصيه


ــ أنا عندي أرض سكنية مو مبنيه وتواجهني بعض الإشكاليات وأتمني الإجابة الوافية لكل سؤال
بجاوب معاك حبه حبه عشان افيدك واعرف السؤال

1 ) هل تنصحوني أن أكون أنا مقاول نفسي وأباشر البنيان من الأول للأخير علما ماعندي خبره أبداا بالبنيان أو أسلمها لمقاول سوري أو مصري
اخوي العزيز انصحك بشي ما تعرفه مايصير اذا كنت عارف للمقاولين توكل على الله وصير مقاول نفسك انا عن نفسي ما احب التعامل مع مقاول لاني جربت
المقاول في زين وشين الاقلبيه ما يفيدون
واذا اخترت مقاول شوفه بالبلديه مسجل او لاء عشان تضمن حقك
ولا تعطيه فلوسك كاش بالقطاره افضل لك
وياه حبه حبه بكل شي ما يغيب عنك بشي والا الله يعينك اذا غفيت
بس شي ما تعرف له ما انصحك فيه

2 ) هل تنصحوني أن أسلم الأرض لشركة والأستلام علي المفتاح
انصحك لانه حالتك تبي منك هالشي بس فيها عيب تكون السعر غالي شوي
وفيها ميزات حلوه ان عقد بينك وبينها وحقك محفوظ ونايم بالعسل تنطر المفتاح

3 ) هل توجد شركة ثقة ولها خبرة في مجال بناء القسايم معروفة ومجربة وأسعارها مناسبة وتنصحوني فيها وعلي ذمة الناصح

جربت شركة الزامل كبنيان ممتاز تشطيب ديلوكس سعرها غالي شوي
وعندك شركة المدير الكويتي تبع بيت التمويل
لابد اسعار الشركات غاليه شوي بس هذي الشركتين ما عليهم كلام
تأكد ان في شرط جزائي على الشركة اذا ما خلصت البنيان على العقد اللي بينكم
​

ـــــ أخواني أرجو الأجابة من أهل الخبرة من أهل القسايم ,, والأرض في القيروان

عسى الله يبارك لك في بيتك يكون منزل مبارك
​

 

[kh2008]

يبه تبي نصيحتي اتفق مع مقاول مصنعيه على الاسود واشرط عليه خشب الصبه جديد مع المعاكس وانت شطب على راحتك ومقدرتك ولاتخاف لان المكتب الهندسي هو اللي يشرف على الخرسانه ولاتسلم على المفتاح

 

[المتفائل]

الشركه افضل من المقاول واذا انت تمسكه افضل

انت تقدر وتجيب الأعراض وتخليه تحت إشراف مكتب افضل ث
المقاول دايم يكون حرامي اله من رحم ربي وقليل هم

 

[سيف الدولة]

شوف اخوي الكريم اولا الله يعينك عالبنيان ثاني شي في فرق مابين الشركه ومقاول عادي وان انت تكون المقاول اكيد بالالاف مو دنانير
بس اذا ماعندك خبره ماكو فايده تري العفو من هالكلمه بنضحك عليك من العمال من امور تجهلها انت

بس لازم تنطر وتسال عن الاساسيات وتاخذ خبره لو بسيطه وتبدا انت تشتغل بنفسك

يعني انا جربت شغله لما بنيت ولاكنت افهم شي بالبناء وانا من النوع اللي مااسال بس مشيت بطريقه

ع سبيل المثال

اي شغله ابي اسويها مو مع اي واحد ولا من طرف معرفه يعني مال الالمنيوم ماعندي ولا معلوووومحه بخصوص الدرايش وسماكتها وطريقتها وسعرها اجيب اول واحد راعي المنيوم راح اكون غشيم معاه واقوله شنو اجود نوع المنيوم واي سماكه يبدأ هو يشرح الجيد بس حس اني غشيم وعطاني سعر خيالي اقوله خير بينا تلفون اجيب شخص ثاني واسرد عليه ماذكر اللي قبله احسسه اني انا فاهم بهالشغله ويفيدني اكثر والثالث واتلرابع الين مااحس اني تمكنت وفهمت ووصلت الي السعر المعقول اجيب الاخير واقوله ابي كذا وكذا وكذا والسعر تكون انت عارفه بحس انك مو سهل بيشتغل معاك صح بدون غش واهم شي العقد لاتستهين بالعقد كل شي اكتبه بالعقد لو في نظرك تافه اذكره واي معلومه انا موجود وان شاء الله اقدر افيدك هذي نبذه والخافي اعظم

 

[كل مواطن خفير]

أول شي بالمبارك الأرض والله يعينك على البناء ويهنيك :وردة:

أعطيك رؤوس أقلام أشوفها مهمة :

1 ) لا تعطي بالمواد أبدا ..... دير بالك حتى لو التكلفة تزيد

2 ) اذا الله موسع عليك ولا إنت فاضي عطها شركة كبيرة ( اذا قدرت ) وريح نفسك من متابعت العمالة

3 ) مهما كان المقاول أمين وشاطر يبقى هناك مجال للغش وسوء المصنعية لأن المقاول لا يمارس العمل كله

بنفسه ولكن معه عمال يتغيرون حسب فراغتهم والوقت الذي يحتاجهم المقاول فيه

4 ) لا تضغط على أي مقاول سواء أسود أو تشطيب لا تضغط بالسعر لأن بعضهم يبي الشغل بأي طريقة

ويكون في الغالب محدد معدل الفائدة في نفسه فإذا حشرته وضيقت عليه يضطر للتنازل عن جزء من المال

ويعوضه في التقليل من المواد والعمالة الماهرة

5 ) لا تحاول تكون مقاول في أمور لا تعرف خفاياها لأنك قد تدفع يوميات وأجور أكثر من المقاول .... من غير لا تشعر !!

6 ) إياك والبحث عن الرخيص من المواد خاصة الصحي والكهرباء .... إياك ثم إياك

لا توفر بالصحي الرخيص وتدفع أضعاف ما توفر في هدر المياه بسبب الخرير وتصليح الرشح في الديكور والصبغ

هذا اللي يحضرني الآن وعساه يكون نافع لك وبالتوفيق والله يعينك

الله يعينك

الله يعينك

يا هو التشطيب مزعج ​

 

[Org]

دام الشغله بنيان

سؤال يا أخوان

أرض مساحه 400 متر بطن وظهر

كم التكلفه مع الاسعار الحاليه لو كان عن طريق شركه ثقه او عن طريقك مع مقاول ثقه كم التكلفه

اذا كان 3 ادوار وسرداب والحاله وسط

او 3 ادوار بدون سرداب كم التكلفه .؟

سمعت انه كل شي ارتفع عشان خطة التنميه

 

[الوافى11]

يا الحبيب الله يسهل امورك

انت مقاول صعبه .. انا يا اخوك بانى كذا مره واعرف راح تتعب عطها مقاول اسود مصنعيه ...

وبعدين شطب الاسود على كيفك بس اتعب على الصحى والكهربائى

المقاول السورى ارخص من المصرى بالاسود

بس المقاول المصرى يوفر عليك بالتشطيب مثل المساح البيت ما يخذ اسمنت يعنى ما فى ثخانات (صباته صح) السورى اى شى بس ماشى حاله

واذا عندك خرده الشركه احسن على المفتاح

شوف فى منطقه المسيله الجديده على طريق الفحيحيل فى كذا شركه ماسكين جم بيت روح شوف الشغل وحكم بس ادفع

 

[ايمن علي ابوعلي]

سلام عليكم ورحمة الله وبركاته اخي الكريم اذا ماعندك خبره في البنيان خلك معا شركة اومقاول في مقاولين ابناء حلال وفي مقاولين يغشونك هذا رقم مقاول ابن حلال ويخاف الله وارخص من اسعار الشركات 55880170

 

[غيث]

سلام عليكم ورحمة الله وبركاته اخي الكريم اذا ماعندك خبره في البنيان خلك معا شركة اومقاول في مقاولين ابناء حلال وفي مقاولين يغشونك هذا رقم مقاول ابن حلال ويخاف الله وارخص من اسعار الشركات 55880170

ههههه ياعمي مو يمدي الرجال بنا وخلص يمديه دفع نص قرضه الاسكاني

 

[بحار بحار]

إنت تقدر تكون مقاول وتشرف على على البنيان بس يمكن تكون مره من المرات مشغول ماتدري شنو ظروفك إللي تجبرك إنك ماتشوفهم

مره من المرات واحده كاتبه تعليق تقول إن أمهم إللي أوقفت عند العمال لمن خلص البنيان

لو إنت بنيت وأشرفت على البنيان يطلع أرخص من المقاول إللي راح تسلمه الشغل

وطبعا إذا تبي مقاول لازم تسأل إللي جريه يمكن إتييب واحد وإتعبك وأذيك وكل شوي يطلب منك فلوس

شوف أحنا باني بيتنا مقاول كويتي ويانا من طرف شخص مادحه وفعلا ريحنا هالمقاول وقبل لاتنتهي المدة في العقد خلصنا من البنيان

 

[بن ذى يزن]

حلال تهمله ودعه قبل البناء دش دورات مجانية جمعية المهندسين وادخل يوتيوب
وفي كتاب اسمه مراحل البناء
وسلمه مهندس للاسود ووقت التشطيب انتبه من الصحي والكهرباء


لا تستخسر شي ببيتك