خل اقولك :
1. بلد جعل فيه كل كويتي ملك وعلى راسه ريشه.
2. من تتعدى حدود هالبلد تعرف اشكثر انت بخير ونعمه.
3. يمكن انت تقارن ببلد ثاني غني بالغاز يا اخي روح له وفكنا.
4. حريه نسبيا افضل بلد في المنطقه.
5. اعلام متطور تسمع فيه الراي والراي الاخر, وهالشي يمكن يضايقك لانك بس تبي تسمع رايك.
6. التعليم كل ماله يتطور الي الافضل لا تصدق اصحاب الاصطوانات المشروخه دش المدارس وشوف الصرف اللي بالهبل لتطوير العمليه التربويه.
7. مستشفيات قمه ورائعه بس ما يملي عيونكم شي واصلا الكثير من الاجانب يسعون لدخول البلد بفيزا فقط لاجل عمل عمليات عندكم, ولما تروحون بواسطه علاج بالخارج يودونكم مستشفيات اقل الف مره من مستشفياتكم المحليه.
منتخبكم حصل على كاس الخليج بس لانكم ما يعجبكم العجب ولانكم خلاص الله اخذ منكم نعمة التمتع بالنعم اصبحتم فاقدين لنعمة الاحساس بالنعمه.
ما ادري جنابك شنو قدم للكويت يعني يا اخي ما خفت من الله قبل لا تكتب هالكلمتين.
كل هذا ومو حاس بوطنك.
اشرايك نسحب جنسيتك وتجرب تعيش كبدون مثلا علشان تعرف نعم الله عليك.
1- الملك الله سبحانه ولا احد فوق رب العالمين مهما كبر
2- هذا الي نقوله بخير ونعمه و الفلوس واجد ولكن لا توجد إدارة تنهض بالبلد الى القمم
3- وانت تقصد قطر , وقطر قبل الغزو حتى شوارع ما فيها والحين روح شوفها ماتنقهر اذا دولة كانت متأخره عنك اتعداك بمليون سنه ضوئيه بالوقت الحالي وبالنسبه اني اروح لها ماكانت ديرتي ولا ديرة اجدادي عشان اروحلها
4- وهل الحريه عندك بشتم العالم و المساس بكراماتهم ؟
5- كيف راي و الراي الاخر ؟؟ ماشفت تلفزيون دولة الكويت ومؤتمر الداخلية شلون الكذب صاير ؟؟ ولا بس تشوف الي يجوز لك ؟؟ و وين كان الراي الاخر في هذا الموضوع في تلفزيون دولة الكويت ؟
6- التعليم نعم كل يوم يتطور في اغتصاب الاطفال و محاضرات تحث على زواج المتعه ياخي اي تعليم و الاباء كلهم يجيبون مدرسيين خصوصيين
7- والله العظيم ضحكتني مستشفيات قمة بالروعه ياعمي وين عايش انت ؟؟ يجاوبك على هالسؤال اقرب شخص لك
كاس الخليج حتى بالفيفا مو معترف فيه شنو الانجاز الي اتحفك فيه المنتخب الحالي
قدمت للكويت الي انت ماقدمت له ولكن كل اناء بما فيه ينضح
لو مو حاس في وطني ليش بالله محترقه كبدي على الانحدار الي اشوفه ؟
الجنسيه لا صرت انت معطيني اياها تعال و اخذها
شاكرلك مرورك
