كلمات حضرية غثيثة

[مقروده]

لاحظت من بعض اعضاء المنتدى استخدامهم بكثرة لكلمة " ليـــه"و كلمة " ايش" ..

استغرب من استخدام اخوانا البدو لها مع اني اعرف بدو خارج اطار المنتدى يقولون "ليش" و ليس " ليه" مادري هل هي مسايرة ومجاملة للحضر ولا شنو

وكلمة ايش هذي ما مرت علي بالحياة العامة عرفتها من اهني




تحياتي لكم

ايش وكثييير مفردات قامت تقولها حليمة بكثره لوعت جبدي اقول اشفيها قلبت حجيها سعودي للحين الاخت حلوومه ما رست على لهجة معينه


حتى اانا ما مر علي احد يقول ايش انا خابره اللي يقول ايش سعودي سواء حضري او بدوي حتى جدتي ما تقول ايششش

 

[مقروده]

تدرون متى اكره اللهجه الحضريه لا شفت عبد الرحمن العنجري يتحجى يا شيييين لوووي اللسان عالرجال

 

[JeNaN]

حتى اانا ما مر علي احد يقول ايش انا خابره اللي يقول ايش سعودي سواء حضري او بدوي حتى جدتي ما تقول ايششش

مقرودة


ان الله مد بإقامتج معانا بالمنتدى بتشوفينها من زملاءنا الكويتيين


:وردة:

 

[سمو ذاتي]

انتظرونا في مسلسل " زمن مريان" مريانوه

 

[Anonymous Farmer]

لدي ملاحظة ، كشخص حضري ، على هذا الموضوع وعلى الفرق بين اللهجات البدوية والحضرية من منطلق علم اللغات . فرغم كون اللهجة الحضرية عزيزة على قلبي لانتمائي لها ، إلا أن اللهجة البدوية الكويتية - والسعودية كذلك - أقرب لغويا إلى اللغة العربية من اللهجة الحضرية ، فكلمة "جاي" بمعنى جاء أقرب للعربية الفصحى من كلمة "ياي" ، وكلمة "زين" كذلك أقرب للفصحى من كلمة "انزين" ، وكلمة "هالشكل" أقرب من كلمة "جذيه" ... وغيرها من ألفاظ عديدة تعكس قرب اللهجات البدوية للغة العربية أكثر من غيرها من لهجات ، حضرية كانت ، أم مصرية ، لبنانية أم غيرها .


ولكن هذا لا يدل على صحة لهجة معينة وخطأ غيرها ، بل هذا التباين يعكس فقط مدى قرب اللهجات إلى اللغة الأم . ويتعمق علم اللغة كذلك فيما يخص الفرق اللغوي بين لهجات المواطنين الكويتيين الذين أتوا من العراق ، وبين هؤلاء الذين أتوا من بلاد فارس ومن أتى من السعودية ، حقائق مشوقة جدا وأمثلة كثيرة مسلية في الحقيقة لمن يرغب في التعمق في علم اللغات .


وأخيرا ، ولكن من منطلق الفخر بالهوية لا علم اللغات ، ماكو على اللهجة الحضرية اللي "ياية" عسل على قلبي

 

[الكويت تجمعنا]

شلى مخلينى ماادخل تجارة ,,غير الأسم ,, الله يديم النعمه

بكره يقولون وصل التاير وذهب التاير وأذا خسرت ,,بنشر التاير

فاقدينك يــ التاير الكبيــر ..
عمص ..

​

 

[Ahmed Matar]

..

عكس الجميع .. سرنـا أنا وربعـي ..!!

فقط نفعل مثل ما يفعل أهل الموضه ..

قلبنـا اليـاء جيم بالمفردات ..

مثلاً ..

طفايه ---> طفاجه

يمين ---> جمين

والأمر تشعب عندنا .. وأستكمل معانا بحيـاتنا ..


​

 

[Goethe]

* الهاجري = الهايري .. ماتترقع ​

 

[شين الحلايا]

اللهجات حلوه ولكن بشرط اتقانها وعدم التصنع فيها ..
الفنان عبدالحسين عبدالرضا والفنانة مريم الصالح كلامهم يحببك باللهجة الكويتية ..
اما الفنان احمد الصالح طريقة كلامة تخليك تلعن ابو اللهجة الكويتية .

 

[حسين]

اللهجات حلوه ولكن بشرط اتقانها وعدم التصنع فيها ..
الفنان عبدالحسين عبدالرضا والفنانة مريم الصالح كلامهم يحببك باللهجة الكويتية ..
اما الفنان احمد الصالح طريقة كلامة تخليك تلعن ابو اللهجة الكويتية .

هههههههههههههههههههههههههههههههههههههههههههههههههههههههههههههه

والله الموضوع فلللللللللللللللة


ولا يهون الفنان مرعوب القلاف هذاك كلامه يفشل


ههههههههههههههههههههههههههههههههه

 

[رسمتك حلم]

شفتوا شنو سوا الجويهل حتى اللهجه قمنا ما انتحملها وننتقدها كأنها شيئ جديد علينا ,,,

 

[عالمي وحدي]

اللي صج عبالي بدليه احد الرجال قال لي اقول للرياجيل


استغربت لاهي رجاجيل ولاهي رياييل

تسلمو انا ايضا من باب الغشمره ولاهنتو

تسلم اخوي عالموضوع فانيي

 

[عالمي وحدي]

اكره شي لي تحجى البدوي حضري

ياويليي عالبدليات

بتكلمون وبحذر لايغلطون انا احب كلام الحضر والبدو كله على قلبي حلوو بس اهم شي الواحد مايلبس ثوب الثاني يخلي نفسه عادي الحضر حلو كلامهم والبدو حلو كلامهم :وردة::وردة:

 

[SAAD.SAAD]

لا الحين بعض البدويات في بعض الوزارات أذا قامت تعوج حنكها وتكلم حضري يـــاويـــل أمــهــا ..

 

[SAAD.SAAD]

العجمان لهجتهم القح تضيع حتى البدو بعض الاحيان.

اذكر ان زميل معلم من قبيلة العجمان نقل لي موقف طريف حصل في مدرستهم وهو:
طالبين تهاوشوا الاول عجمي والثاني مادري من اي قبيلة, استدعاهم الناظر وهو حضري.. وسأل الطالبين عن اسباب الهوشه, قال العجمي: " يا استاد ..حنا واقفين بالدور وذا واقف وراي وقام وحط كرسوعه على علباي "
التفت الناظر على المعلم وقال " شيقول هذا..يسب؟
قال له المعلم : " لا طال عمرك, يقول حط (كرسوعه) يعني كوعه على (علباي) يعني رقبتي"
قال الناظر: شلون يعني...نطلب من الوزارة مترجمين مو ابرك

ههههههههههههههههههههههههههههههههههههههههههههههههههههههههههههههههه كرسوعه ياقدمها قدماه

 

[مقروده]

اليوم أسأل امي وخواتي منو فيكم يعرف شنو كرسوع اختبار يعني


امي تقول يعني طويل هههههه يحليلها امي طلعت من اهل السور ما تعرف بدوي

 

[قندهار]

هع هع ابك ويني عن هالماضوع

​

- عندنا البدو اذا يبي يوصف شي بيده يقول :​

قلت كذا ( طبعآ وهو يأشر بيده ) .. يعني سويت كذا وكذا​

طيب ليش نتكلم عن الفعل كأنه قول ؟؟​

<< موب كن السالفه صارت لغز ​

- واحد من الربع في الكويت يبي يلوي لحيه ويتكلم حضري مع زميلته بالدوام​

( لحيه يعني حنجه

)​

قال لها : شحال شيبانج هع ​

- هذي السالفة تخص ابي ( ابي يعني ابوي قولوا مانعرفها بعد )​

المهم كان عندنا عيال خالتي كويتين قال لهم ابي :​

بكره ان شاء الله بنطلع للبر بكشت فيكم الصباح و في الليل بنرجع للعزبه و ابقص عليكم لين ترقدون ..

الشباب فهموا السالفه غلط وكرهوا الرحله

​

......................................​

- ليش الحضر يقولون : علينه .. يعني علينا​

حضر القصيم ( القصمان ) يقولون زوالف يعني زلووف ..​

- ليش الحضر يقولون عن ابو الزوجه خالي والبدو يقولون عمي ؟​

لي عوده << جاز له الموضوع ​

 

[قندهار]

المستغرب أن حضر الكويت و بدوها يسمون المسجد مسيد

شياب المنطقة العاشرة أسمعهم يسمونه هكذا مع العلم أن منهم من تجد نمط حياته بدويا الله يرحمه يطري علي شايب من شياب العجمان في أبو حليفة لا يسميه إلا المسيد و أول مرة لفظها أمامي استغربت و عندما سألت ابنه قال لا يلفظها إلا هكذا مع أن جل كلامه يطابق كلام البادية​

ايه صدقت .. اغلب الشيبان عندنا في الديره ما يقولون الا مسيد

( علمآ ان الديره تبعد عن الكويت اكثر من 300 كيلو )


انا ماخذ ذي الكلمه ( مسيد ) من ابي ، وجدي الله يرحمه ..

جدي الله يرحمه يقول مسيد بدال مسجد

ويقول كرفايه بدال كرفاجه ..

وفيه كذا كلمه حضرية يقولوها ليه مدري ؟؟

القز = رجال شكبرة وشطولة وشعرضة يقول بروح اقز اليوم وع

القز << اتنطز على الربع اهل الكويت اذا قالوا ذي الكلمه ..

اقول لهم : امشي واتقز قز وفوق راسي قطعة قز << اتحداكم تقولونها 5 مرات بسرعه

تحذير: انتبه تغلط بالكلمه اللي باللون الاحمر



:
:
:


اسمحوا لي ع الاقبتاسات قعدت اقرا الموضوع من اول صفحه

<< وده يقتبس كل المشاركات و يرد عليها




​

 

[رُبـّـمــا]

يازين لهجة الحضر


ولهجة البدو ماعليها اخلاف​

 

[SAAD.SAAD]

كلمات عجميه ؟؟ ذلول احزام مردوفه معناها اقطع الحديث انت في خطر
اخلعتني معناها خوفتني
أشبح معناها أنظر