هل مساعدة الزوج لزوجته بالمطبخ عيب؟

[خالد بن يـزيد]

مو سوء نيه.......... لانه هو يدري وانت ماتدري اني اكره احد يدخل معاي المطبخ .

واكره احد يكلمني لاني اقحص بالمطبخ وسريعه ههههههه ..........ومن حلات غسيله عاد . يعني واهو يستعبط

واللي يبي يغثني يدش معاي المطبخ. والرجال ماينفعون بشغل كللللللللللللش انا عن نفسي مستغنيه عن الخدمات .
ان شاء الله وصلت اخوي البارون .تقبل مروري

أقول نور الجهرا فتحى عينج عدل .. اللى وياج هارون الرشيد مو البارون ........ هههههههههههههه

​

 

[خالد بن يـزيد]

اذا للضرورة ابداً مافيها شي ..
يعني زوجته طريحة الفراش ومافي احد يقوم بالمهمة ..





بس اذا كل يوم لا والله عيب وشي مخجل..


اتكلم عن نفسي كامرأة ..

- يضيق خلقي من الرجل اللي يقص بصل ويغسل مواعين -
دون حاجة ..



صعبة ..

صعبة اخوي الطيب هارون الرشيد ..​

​

لا مو معقوله .. والله كنت أفكر بالموضوع
و أقول يا ربــى شــقول .. وبعدين قررت
ويعلم الله إنــى ما أدرى بأن دهن العود ربــما
مشاركه .. يا سبحان الله .. أنتى تقرأيين أفكارى
ولكن للعلم بأن أم العيال ما فكرت لحظه بأنى
أساعدها حتى لو كانت مريضه .. على فكره
و الحمد لله ما فى بيتنا خدامه .. الكل قايم بدوره .
وأسفين علــى الأطاله :وردة: وتقبل مرورى
يا أبـــــــن الجهرا

​

 

[عــذوب]

أقول نور الجهرا فتحى عينج عدل .. اللى وياج هارون الرشيد مو البارون ........ هههههههههههههه​

​

الهارون والبارون كلهم اخواني مافي فرق......... والله تحاولت من النكات ....

اخوي العابرون انا مو قلت اي تصحيح اخطاء مو بالعام فشلتني ومو غباء انا سريعه بطبعي اقحص بكل مكان حتى بالنت :باكي:


اسفه اخوي هارون الرشيد

 

[المأمون]

عيب واكبر عيب

ترا الريال يطيح من عين مرته اذا دش المطبخ ............

 

[بالتوحيد تصفو حياتنا]

ياليت الوحده تفتك من شره وغثاه ماتبغى له شغل....خليه مرتاح ويربي كرشه اكشخ له

 

[بنت السعوديهـ]

الحياة الزوجيه مشاركه وهالشي لازم يعرفه الزوج والزوجه مافيها شي لاتشاركو فشغل البيت مافيها شي لاانضغط فشغله وهي ساعدته بانها توفر له الجو المناسب يرجع بيته مرتاح مروق مب طلبات ونكد ومشاكل تساعده بطريق غير مباشر لان مابيدها الا هالشي مافيها شي اذا انزنقو ماديا يتساعدون

بالنهايه هذي هي الحياة الزوجيه اللي يتحسف عالشي اللي يسويه او يقول انا منيب حرمه ادخل المطبخ وهي تقول انا فلوسي لوناستي وبس وهو مكلف فيني يدبر عمره ويجيب كل شي سواء ضروري او لا هذول مايعرفون من الزواج الا اسمه بالنهايه لاهو مجبور يساعدها ولاهي مجبوره تساعده لكن لو سوو هالشي وساعدو بعض بيكونون زادو من احترام بعضهم البعض وتقديرهم لبعض وبالتالي يكبر الحب بينهم اكثر عكس لما كل واحد يكبر راسه عالثاني ويحارش الثاني وتكبر الفجوه بينهم حتى لو كان هالشي بسيط تبدا المشكله بشغله بسيطه وتكبر تكبر لين يصعب حلها

اتمنى كل شخص قبل لايخطي مثل هالخطوه اللي تعتبر مفصل في حياته للبنت والرجل انه يثقف نفسه قد مايقدر ويراجع نفسه بالشغلات الغلط يصححها والصح ينميها عنده

ادري شطحت بس شي فبالي وقلته

مشكور عالموضوع

 

[سوزان 1]

انا زوجي بساعدني وقت العزايم واحيانا بعملي فطور او عشا مفاجأه من غير ماأعرف بالعكس مافيها شي بتزيد المحبه بين الزوجين

 

[بنت القبايل]

دائما" وأبدا" اللي يبي يعيش حياته براااااحه خل يخلي الرسول صلى الله عليه وسلم قدوته في الحياة
سئلت عائشة ما كان النبي صلى الله عليه وسلم يصنع في بيته؟ قالت: كان في مهنة أهله. رواه البخاري

الرسول صلى الله عليه وسلم قائد المسلمين وإمامهم ومعلمهم وصاحب الرساله يقوم بخدمة أهل بيته وهو نبي الله هل أنتم أفضل منه؟؟! لا والله لستم بأفضل منه

إذا إياكم أن يتكبــــــــر أحدكم ويقول لا يجوز

أشكرك أخي هارون الرشيد على مواضيعك المهمه

 

[عاقل ومجنون]

ممنوع منعا باتا مساعده الزوجه فى المطبخ

اذا تبينى اساعدها اتزوج عليها علشان يتقاسمون الشغل .

الله يعينا على لسان بعض الاخوات فى المنتدى .

 

[.. عصآمية *]

لوووووول الردود تضحك

،

لا عادي كمساعدة يعني مو ياخذ دورهاا ،

مساعدة مساعدة

و ما يمنع بعض الطبخات اذا كان يعرف

 

[هارون الرشيد]

الهارون والبارون كلهم اخواني مافي فرق......... والله تحاولت من النكات ....

اخوي العابرون انا مو قلت اي تصحيح اخطاء مو بالعام فشلتني ومو غباء انا سريعه بطبعي اقحص بكل مكان حتى بالنت :باكي:


اسفه اخوي هارون الرشيد

ما عليه مسامحك ....ولو بدقق على بدلياتك كان علوم​

 

[هارون الرشيد]

عيب واكبر عيب

ترا الريال يطيح من عين مرته اذا دش المطبخ ............

ايها الابن الصالح ...اذا كان الرجل يطيح من عين زوجته بسبب هذا الامر فتعليقي بكل

بساطه زوجته خبله ولا تستاهل انه يهتم فيها ....

تحياتي :وردة:​

 

[هارون الرشيد]

ياليت الوحده تفتك من شره وغثاه ماتبغى له شغل....خليه مرتاح ويربي كرشه اكشخ له

المشكله ان الكرش بشكل عام اصبح صفة لصيقه بالزوج الخليجي وهذا يجرنا الى

سؤال مهم المرأه الخليجيه الله يعافيها بشكل عام رشيقه؟....كلنا بالهوى سوى مفيش

حد احسن من حد لذا انصح بوقف إطلاق النار والتوقف على حدود الطبخ

تحياتي:وردة: ​

 

[خـالد]

يتعمد الاجابة على الشخص نفسه
هل ساعدت أمك بالمطبخ؟ ، اذا ايه عليهم بالعافية هالشخص سواء من ام والا زوجة ، مو مقصدي اني البس مريول واقصص معاهم بس ترى بعضنا يدش المطبخ فضول او بالصدفة..

اما اقوم اساعد زوجتي بالمطبخ وامي اللي 20 سنة تطبخلي ماساعدتها ولا حتى مديت ايدي اني اعطيها طماطة..خيييييييييييييير ان شاء الله..

 

[هارون الرشيد]

الحياة الزوجيه مشاركه وهالشي لازم يعرفه الزوج والزوجه مافيها شي لاتشاركو فشغل البيت مافيها شي لاانضغط فشغله وهي ساعدته بانها توفر له الجو المناسب يرجع بيته مرتاح مروق مب طلبات ونكد ومشاكل تساعده بطريق غير مباشر لان مابيدها الا هالشي مافيها شي اذا انزنقو ماديا يتساعدون

بالنهايه هذي هي الحياة الزوجيه اللي يتحسف عالشي اللي يسويه او يقول انا منيب حرمه ادخل المطبخ وهي تقول انا فلوسي لوناستي وبس وهو مكلف فيني يدبر عمره ويجيب كل شي سواء ضروري او لا هذول مايعرفون من الزواج الا اسمه بالنهايه لاهو مجبور يساعدها ولاهي مجبوره تساعده لكن لو سوو هالشي وساعدو بعض بيكونون زادو من احترام بعضهم البعض وتقديرهم لبعض وبالتالي يكبر الحب بينهم اكثر عكس لما كل واحد يكبر راسه عالثاني ويحارش الثاني وتكبر الفجوه بينهم حتى لو كان هالشي بسيط تبدا المشكله بشغله بسيطه وتكبر تكبر لين يصعب حلها

اتمنى كل شخص قبل لايخطي مثل هالخطوه اللي تعتبر مفصل في حياته للبنت والرجل انه يثقف نفسه قد مايقدر ويراجع نفسه بالشغلات الغلط يصححها والصح ينميها عنده

ادري شطحت بس شي فبالي وقلته

مشكور عالموضوع

اولا العفو على الشكر

ثانيا انت تحدثت عن عدة نقاط مهمه يجب ان اتطرق لها لاهميتها في تحقيق دوام

واستقرار الزواج وهي التسامح والتعاون بالاضافه الى البعد عن العناد كذلك التقدير

والشعور بالآخر وإعطائه قدره واهميته والتعبير له عن ذلك .....سيدتي الكريمه يعاني

البعض من قصور بالشخصيه يتمثل بضعفها لإعتقاده ان مساعدة الزوجه او التعبير لها

عن تقديره ومحبته سوف يجعل منه شخصا ضعيفا او انها ستستغل ذلك مما سيسبب

له المشاكل ....وهذا الرأي او الإحساس اجده غير دقيق بل هو مؤشر على وجود خلل

فى تلك الشراكه ....ولا يعني استمرار تلك الشراكه نجاح طريقته لان الاستمرار في

العلاقه من دون راحة بال او متعه ...اجد ان فضه افضل من استمراره

تحياتي وتقديري:وردة:​

 

[هارون الرشيد]

انا زوجي بساعدني وقت العزايم واحيانا بعملي فطور او عشا مفاجأه من غير ماأعرف بالعكس مافيها شي بتزيد المحبه بين الزوجين

ام ليان

الحياة ببساطتها وقلة عقدها ....فمن يكثر من الحواجز بداع او بغير داع سيجد نفسه

مثقلا بها ....هي شريكته وام عياله التي تسانده وتبني معه الا

تستحق تلك السيده التي قد قدمت واجتهدت في سبيل خدمة زوجها وابنائها اي تقدير ؟

فعلا المساعده تزيد من المحبه والتقدير الله يدومها عليك وعلينا ومن يقرأ

تحياتي :وردة:
​

 

[هارون الرشيد]

يتعمد الاجابة على الشخص نفسه
هل ساعدت أمك بالمطبخ؟ ، اذا ايه عليهم بالعافية هالشخص سواء من ام والا زوجة ، مو مقصدي اني البس مريول واقصص معاهم بس ترى بعضنا يدش المطبخ فضول او بالصدفة..

اما اقوم اساعد زوجتي بالمطبخ وامي اللي 20 سنة تطبخلي ماساعدتها ولا حتى مديت ايدي اني اعطيها طماطة..خيييييييييييييير ان شاء الله..

مشكور يا بو وليد

وجهة نظر تأخذ بعين الاعتبار

تحياتي:وردة:​

 

[جواهر*]

يا هلا بإختي فوضت امري لله ​

تدرين انك وضحتي لي شغله كانت غايبه عن بالي واللي هي رزة الوجه ...انا ​

اشوف المدام مرات اذا اسرفت في تقديم خدماتي بالمطبخ تتغير لهجتها اها ​

هالحين عرفت...... سيدتي الكريمه العلاقة الزوجيه من ارقى العلاقات الانسانيه ​

لمن يدرك ذلك لذا لا بد ان نتعامل معها وفق ذلك كوننا احد مكوناتها ​

شكرا لك:وردة: ​

عرفت الحين المدام ليش تتغير لهجتها عليك

ماشاء الله يعجبني تواضعك وهمتك وخدمتك لأام عيالك عسى الله يديم عليكم المحبة والتعاون

ولايهمك كلام العذال

 

[Aragon]

لا مو عيب..

الطباخ ماله علاقة بالرجولة أو الأنوثة أبدا !

بالعكس أشهر الطباخين بالعالم رجال..

إذا كان في رغبة من الرجل أو حاجة للمساعدة حلو إنه يساعد خاصة بأمور بسيطة يتشارك فيها مع زوجته

أنا شخصيا بعد هالموضوع قررت إني إذا بتزوج أول شي أسويه أطلب خدامة و طباخة و سايق

أولا: علشان أريح نفسي
ثانيا: علشان أضمن لنفسي مستوى من الرفاهية خالٍ من الطباخ المحترق و منة المطاعم السريعة

 

[ابو ياسر]

يتعمد الاجابة على الشخص نفسه
هل ساعدت أمك بالمطبخ؟ ، اذا ايه عليهم بالعافية هالشخص سواء من ام والا زوجة ، مو مقصدي اني البس مريول واقصص معاهم بس ترى بعضنا يدش المطبخ فضول او بالصدفة..

اما اقوم اساعد زوجتي بالمطبخ وامي اللي 20 سنة تطبخلي ماساعدتها ولا حتى مديت ايدي اني اعطيها طماطة..خيييييييييييييير ان شاء الله..

احلى تعليق قريته :وردة: