بــ يوسف ــو
مشرف سابق
///////////////////////////////////////////////////////////////////////////////
في بادئ الأمر ..
الي يشاهدها و يشوف انتشارها يقول :
(( شنو سبب انتشار اللوحة هذه !! .. مع انها ما بها زود عن باقي اللوحات ))
...
طبعاً الجزء الاكبر من انتشارها .. هو المبدع الرسام (( ليوناردو دافنشي ))
صاحب الرسمة .. الموناليزا
لكن هناك رسمات عديدة له ..
و الشيء الذي ميز اللوحة هذه عن باقي الرسمات ..
هي الغموض الي تمتلكها اللوحة و الاسئلة الي ما لها إجابة ..
و الناس طبعاً تحب السوالف هذه ..
..
و اكثر الاسباب الي ساعدت في انتشارها ..
1- قديماً كانوا يرسمون الرسمات من جنب واحد .. او طرف واحد ..
يعني 2D .. يعكس دافنشي الي رسم الموناليزا ثلاثية الابعاد 3D
فالشيء هذا سبب ثورة في عالم الرسم ..
مثال للرسمات ثنائية الابعاد ..
2- دافنشي استخدم طريقة جديدة .. في الرسم تسمى (Sfumato) تعني بالايطالية ( الدمج )
لاحظوا في الرسمة اجزاء الصور ... و الوانها مدموجه مع بعض .. و من الصعب الانتباه لحدود الآلوان ..
حتى الخمار الي على راسها .. تحس في فن .. و تقدر تشوف شعرها بشكل ضبابي ..
(( اتقان في الرسم )) :إستحسان:
3- ايامها كانوا يرسمون الخلفية .. بشكل واقعي ..
عكس الموناليزا الي انرسمت بخلفية افتراضية ( خيالية ) ما لها اي اساس ..
حتى من الممكن .. انكم تلاحظون .. ان الطرف الي على اليمين يختلف عن اليسار بالإرتفاعات و الابعاد ..
و الشيء هذا كسر فيه دافنشي قاعدة جديدة .. و حير فيها الناس ..
4- لو تلاحظون ان الخلفية مرسومة بشكل ضبابي .. و قبل كانوا معروفين برسم الرسمة بشكل او لون ثابت
و جعل المرأه مرسومة بدقة عالية .. و الشيء هذا .. سبب تباين في الصورة ..
مما جعل المرأه بارزة .. بشكل مو طبيعي في الصورة ..
5- اليد المرسومة و التفاصيل الموضوعه في الرسمة .. و الدقة العالية ..
اعطى منظر جمالي و عجيب فيها ..
6- الابتسامة المحيرة ..
يعني ممكن تفسرها انها ابتسامه عادية
و يمكن تفسر انها ابتاسمة حزينه ..
يعني الاختلاف هذا .. سبب ايضاً اشهار في الصورة ..
( الله العالم .. يمكن حركة مستقصدة من دافنشي ))
7- شكل الرسمة يحوي بشكل هرم او مثلث ..
يعني فيها من الهندسة ..
...
8- من الاشياء الغامضة في اللوحة .. انها مرسومة بدون حواجب ولا رموش ؟!!
و لا احد يعرف لماذا لم يضع دافنشي للرسمة حواجب و رموش
مع انه عالم كبير في تفاصيل الجسم ..
...
مع كل هذه الاسباب ..
الي منها الجديد .. التي ساعدت على كسر قوانين في عالم الرسم
و منها الغامض .. التي يضع الف علامة تعجب .. عليها !!
اعتبرت هذه الرسمة رمز للفن و الابداع .. :إستحسان:
..
معلومات عن اللوحة :.
1- اختلفوا كثير عن صاحب الشخصية في الرسمة ..
هناك من قال انها (Lisa di Antonio Maria Gherardini)
و هي زوجة تاجر حرير غني .. و مشهور في توسكانيا إيطاليا (( بأيامها طبعاً .. ))
و لكن الأدلة ضعيفة .. و الخيارات متعددة ..
هناك ايضاً من قال انها ام دافنشي .. و هناك من قال انه دافنشي بس نسخة انثوية ..
2- بدأ برسم اللوحة في سنة 1503 ..
و قعد عليها اربع سنين بعدها توقف و ما كملها .. الا قبل وفاته بمدة قصيرة في سنة 1519
و الشيء هذا كان معروف في دافنشي .. حتى في اعماله و اختراعاته ..
3- اسم اللوحة موناليزا .. و تعني (مونا MONNA ) بالإيطالية .. السيدة ..
يعني اسمها بالعربي ( السيدة ليزا )
4- سرقت اللوحة في عام 1911 من مجهول الهوية ..
و اكتشفوا بعد سنتين ان السارق من عمال المتحف اللوفر
و اصله ايطالي ..
حبسوه فيها 6 اشهر بعدها طلعوه ..
5- سنة 1956 .. قام واحد و صب عاللوحة حمض ..
و حاش الاطراف السفلية .. و ايضاً في نفس السنة ..
واحد خذف على الرسمة .. صخره
و خرب قليل من صبغتها ..
لكن بعدها عالجوها .. و حطوها تحت حماية مشددة
و حوطها بزجاج ضد الرصاص ..
//