استفسار عن إندونيسيا

[الموالية للآل و الصحب]

السلام عليكم و رحمة الله و بركاته​

إخواني الكرام قررنا بإذن الله قضاء إجازة نص السنة بربوع إندونيسيا إن شاء الله تعالى​

آنه و زوجي و 4 عيال​

و عندي استفسار للي راح إندونيسيا ​

ولدي عمره 12 سنة و يحب أماكن مثل قلعة الرعب اللي بمنتزه الشعب ​

هل ألاقي سوالف رعب و وحوش و جذي بإندونيسيا ؟؟!!​

و شلون الجو بهالوقت بإندونيسيا ؟؟!!​

احنا حاجزين من 25 يناير إلى 10 فبراير ​

و عن الأماكن السياحية طبعا مخططين حق جاكرتا و بونشاك و باندونج و مالانج و سورابايا​

أما بالي شايلينها من مخططنا تماما لكثرة المنكرات اللي فيها نسأل الله السلامة و العفو و الغفران​

بس أبي تفصيل أكثر لهالأماكن خصوصا مالانج و سورابايا و باندونج لأن بونشاك و جاكرتا تقريبا عرفت الأماكن اللي فيها ​

نرجو الرد من خبراء إندونيسيا جزيتم خيرا​

 

[آزورى]

اختى جوها على طول السنة استوائى يعنى شهر يناير واغسطس نفس الشى​

لكن اختى اذا مارحتى ماليزيا ..الغى اندونيسيا وروحى لماليزيا ! ! ! لان ماليزيا انظف واجمل ومافى زحمة​

لان المشوار فى اندونيسيا مسافة 3 كيلو بالتكسى ياخذ وقت تقريبا 45 واربعين دقيقة والله بدون مبالغة​

وبعدين شوارعها مكرم السامع قذرة .... اول ما ركبت الطيارة وانا راد الكويت رميت على اندونيسيا ​

7 حصوات ..... للعلم انا سافرت الى ​

اندونيسيا / ماليزيا / فيتنام / جزر المالديف / سنغافورا / تايلاند / هونغ كونغ / الفلبين / سيؤول​

انا ذكرتلج الدول مو عشان استعرض لا عشان اعلمج انا خبرة بالدول هذه .. اختى لاتخسرون​

فلوسكم على اندونيسا روحى لاى دولة ثانية غير اندونيسا .... خوذى الكلام من خبير ​

وبالسلامة ​

 

[الموالية للآل و الصحب]

يزاك الله خير أخوي عالرد​

و بالنسبة لماليزيا آنه صج ما رحت لها بس سبحان الله ما كنت حابة هالديرة و تالي أكثر من شخص راح ماليزيا قاموا يذمونها من معاملة الشعب و غلاء التاكسي ​

و نفسهم راحوا إندونيسيا يمدحونها أكثر من ماليزيا ​

و إندونيسيا تراها سياحية بس يمكن احنا بالكويت ما اكتشفنا سياحتها ،، مثلا شوف الإخوة السعوديين خبرة بالسياحة الإندونيسية و حتى شهر عسل يسافرون لها ​

عموما الديرة أخوي سياحية و احنا ما اخترناها إلا بعد دراسة و سؤال و بحث في المنتديات ​

فلو تكرمت تحط لي الرد على تساؤلاتي الثانية بارك الله فيك أو ننتظر الرد من خبراء إندونيسيا جزيتم خيرا​

 

[خالد بن يـزيد]

زميلتي واختي الفاضله
بخصوص جاكرتا فيها مدينه ترفهيه كبيره جداً
ويوجد فيها كل شئ
اما بخصوص الجزر الأخرى ما عندى علم بها
فقد زرت جزيرة بالي ويمكن ما تصلح لكم
وذلك لكثرة السياح الأسترالين
مع انهم محترمين جداً ولكن على الشواطئ البحريه غير محترمين شويه
وذلك لطبيعتهم وعاداتهم
بصراحه جزيرة بالي اعجبتني جداَ وذلك لأخلاق الناس هناك
والفنادق راقيه جداً وخاصه اللي على البحر مباشره
واما عن الجو في الشهر المذكور اعلاه
رائع جداً ولكن الشمس تكون حاميه جداً في وقت الظهيره
وخاصه على البحر يكون الهواء لاهوب جداً
يلسع لسع من غير ما تحسون فيه
انصح بأستخدام حمايه الوجه والجسم بأستخدام الكريمات الدهنيه اللأزمه لتجنب
سواد الوجه
وبالسلامه وبالتوفيق .. ودمتم
​

 

[الموالية للآل و الصحب]

يزاك الله خير أخوي خالد بن يزيد عالرد ما قصرت​

 

[ابوتمره]

اختي انا سعودي ورحت اكثر من مره اندنوسيا

بالنسبه لجاكرتا فيه مدينه كبيره جدا اسمها دنيا فنتاسيا هذي فيها جميع الالعااب المرعبه والمسليه تنفع لولدك وتنفع للكبار ايضا وبالنسبه لبونتشاك فيه سفاري حديقة حيوان كبيره وفيها ايضا مدينة العاب كبيره وايضا فيها منتزهات كثيره السايق الي بتستاجرونه راح يقول لكم وين الاماكن بكل مدينه لانهم شعب طيب ونصوح وخدوم مو مثل العرب

 

[الموالية للآل و الصحب]

أخوي الفاضل أبو تمره ما قصرت عالرد يزاك الله خير ​

عيل بإذن الله راح يلقى ولدي طلبه في دنيا فانتازي اللي أتوقع إنها في أنشول إذا ما كنت غلطانة ​

و عموما الإخوة السعوديين وايد يسافرون إندونيسيا حسب ما لاحظته بالمنتديات و يمدحونها وايد و إن شاء الله تكون رحلة موفقة بإذن الله تبارك و تعالى​

شكرا لك أخوي ما قصرت​

 

[الموالية للآل و الصحب]

و ياليت تفيدني بعد عن الأماكن السياحية في مدينة باندونج ما عليك أمر
و إذا تعرف مدن ثانية غير اللي ذكرتهم تنفع عوايل و فيها سياحة للعيال يا ليت تذكرها عشان نستفيد بارك الله فيك​

 

[ابوتمره]

بالنسبه لباندوق فيه بس المويه الحاره اسمها والبركان وجوها مثل بونتشاك رائع وفيها فلل حلوه والمدن الثانيه اكذب عليك اذا قلت اعرف غيرها سورابايا جاكرتا مصغره وباندوندق مثل الجبل وجاكرتا حلوه حيل عموما بمكانك تسجلين بمنتدى هنا اندنوسياا يفعلون لك الخدمه بدقيقه وتسالين ويجاوبونك بالالاف اجابات شافيه وكافيه لاني اول مره سافرت استفدت منهم كثير كثير

 

[الموالية للآل و الصحب]

بالنسبه لباندوق فيه بس المويه الحاره اسمها والبركان وجوها مثل بونتشاك رائع وفيها فلل حلوه والمدن الثانيه اكذب عليك اذا قلت اعرف غيرها سورابايا جاكرتا مصغره وباندوندق مثل الجبل وجاكرتا حلوه حيل عموما بمكانك تسجلين بمنتدى هنا اندنوسياا يفعلون لك الخدمه بدقيقه وتسالين ويجاوبونك بالالاف اجابات شافيه وكافيه لاني اول مره سافرت استفدت منهم كثير كثير

الله يجزاك خير أخوي أبو تمره ما قصرت بارك الله فيك​

 

[حوللي]

أنا رحت أندونيسيا قبل سنتين وقبلها رحت الفلبين ورحت تايلند بصراحه أندونيسيا أحلى دوله بجنوب شرق آسيا مقارنة بالدول اللي رحتلها وبالفعل أنا الكويتي الوحيد اللي بالطيارة الباقي أغلبهم من السعوديه وقليل من دول الخليج الثانية، وماليزيا أنا مارحتلها لكن الكل يذم فيها وأعرف ناس راحوا ماليزيا وبعدها راحوا أندونيسيا يقولون أندونيسيا فرق السما عن الأرض عن ماليزيا، إذا ماحجزتي حاولي تحجزين في مكتب كاها بالمطار قبل بوابة الخروج، وأحسن مكان للسكن وقريب من منطقة أنشول اللي فيها دنيا فانتازي والأكواريوم ومطعم المأكولات البحرية بندر جاكرتا هي منطقة الأتريوم جنب مجمع الأتريوم منطقة تجمع العرب ولاتركبين تكاسي إلا التكاسي الزرقاء بلوبيرد bluebird يمشون عالعداد وماعندهم نصب لأن عليهم رقابة وخلي دايماً معاك عملات صرف وروبيات معدنيه حق الكسور في العداد وأنتبهي من التكاسي الألوان الثانيه ولايطوفك مطعم أبونواس بوسط جاكرتا ولايطوفك مول أوف أندونيسيا وسوق مانقادوا الصيني، والجبل بونشاك لاتنسين عرض الكاوبوي وعرض السياكل والتلفريك وحديقة الزواحف والشلال وحديقة الورود وسفاري الحيوانات.. وللسكن أحلى فلل موبيل فيلا فيها حمام سباحه خاص فيك وتطل على منظر طبيعي خرافي ولابسويسرا، ولاتنسين تروحين باندونج البركان والينابيع الحارة اللي تحت البركان وتشترين منها بيض وتغلينه بالينبوع وتاكلينه بس أنتبهي لاتنزلينها عن طريق الدرج بالغابه ترى خطر جداً عالأطفال إذا معاك أطفال،، وبعده روحي حمامات المياه الكبريتيه، وخصصي يوم زوري فيه بوقور فيها مجمع كبير مثل مارينا مول فيه مطاعم وجبات سريعه وصالة أكل أكلات أندونيسيه وغيرها، وأحسن شي تصرفين دولارات من الكويت ومن جاكرتا أو المدن الثانيه تصرفين روبيات.. وعلى فكرة بونشاك وباندونج وبوقور وسورابايا تعتبر كلها مدن السوندا والسوندا عرق يختلف عن الأندونيسيين الثانيين

 

[الموالية للآل و الصحب]

أنا رحت أندونيسيا قبل سنتين وقبلها رحت الفلبين ورحت تايلند بصراحه أندونيسيا أحلى دوله بجنوب شرق آسيا مقارنة بالدول اللي رحتلها وبالفعل أنا الكويتي الوحيد اللي بالطيارة الباقي أغلبهم من السعوديه وقليل من دول الخليج الثانية، وماليزيا أنا مارحتلها لكن الكل يذم فيها وأعرف ناس راحوا ماليزيا وبعدها راحوا أندونيسيا يقولون أندونيسيا فرق السما عن الأرض عن ماليزيا، إذا ماحجزتي حاولي تحجزين في مكتب كاها بالمطار قبل بوابة الخروج، وأحسن مكان للسكن وقريب من منطقة أنشول اللي فيها دنيا فانتازي والأكواريوم ومطعم المأكولات البحرية بندر جاكرتا هي منطقة الأتريوم جنب مجمع الأتريوم منطقة تجمع العرب ولاتركبين تكاسي إلا التكاسي الزرقاء بلوبيرد bluebird يمشون عالعداد وماعندهم نصب لأن عليهم رقابة وخلي دايماً معاك عملات صرف وروبيات معدنيه حق الكسور في العداد وأنتبهي من التكاسي الألوان الثانيه ولايطوفك مطعم أبونواس بوسط جاكرتا ولايطوفك مول أوف أندونيسيا وسوق مانقادوا الصيني، والجبل بونشاك لاتنسين عرض الكاوبوي وعرض السياكل والتلفريك وحديقة الزواحف والشلال وحديقة الورود وسفاري الحيوانات.. وللسكن أحلى فلل موبيل فيلا فيها حمام سباحه خاص فيك وتطل على منظر طبيعي خرافي ولابسويسرا، ولاتنسين تروحين باندونج البركان والينابيع الحارة اللي تحت البركان وتشترين منها بيض وتغلينه بالينبوع وتاكلينه بس أنتبهي لاتنزلينها عن طريق الدرج بالغابه ترى خطر جداً عالأطفال إذا معاك أطفال،، وبعده روحي حمامات المياه الكبريتيه، وخصصي يوم زوري فيه بوقور فيها مجمع كبير مثل مارينا مول فيه مطاعم وجبات سريعه وصالة أكل أكلات أندونيسيه وغيرها، وأحسن شي تصرفين دولارات من الكويت ومن جاكرتا أو المدن الثانيه تصرفين روبيات.. وعلى فكرة بونشاك وباندونج وبوقور وسورابايا تعتبر كلها مدن السوندا والسوندا عرق يختلف عن الأندونيسيين الثانيين

يزاك الله خير أخوي على هالرد المفصل و المفيد بارك الله فيك
بالكويت قليل يسافرون إندونيسيا سياحة ،، يبيلهم فترة على ما يكتشفونها مثل ما اكتشفوا سيريلانكا

و عن المقارنة بين ماليزيا و بين إندونيسيا آنه ما رحت ماليزيا بس كلمنا أكثر من شخص سافر للدولتين قام يمدحون إندونيسيا و يذمون ماليزيا !!

مادري هل شبعوا الماليزيين ولا شنو الله المستعان !!

عموما راح أبحث عن فيللا موبيل بالنت و باجي الأماكن مخططين لها

و بالنسبة للأطفال عيالي أعمارهم بين 9 سنوات و نص و 13 سنة و نص ،، يعني ما شاء الله شايلين عمرهم

بغيت أسأل أخوي متى أيام الويك إند عنهم ؟؟!!

و شنو أفضل شقق فندقية في جاكرتا لأن احنا عايلة عددنا 6 أشخاص ما ينفع ناخذ غرف بفندق

يبيلنا شقة مكونة من 3 غرف و حمامين أعزكم الله أهم شيء تكون نظيفة 100% و يفضل تكون قريبة من مولات أو قريبة من الأنشول ،، نبي خدمات قريبة منها لا تكون مقطوعة بارك الله فيك

و قلت حق ولدي اللعبة اللي تبيها احتمال تكون موجودة في دنيا فانتازي ​

 

[حوللي]

بالنسبة لأيام الويك أندز هناك يومين السبت والأحد، أنتبهي تروحين الجبل بونشاك أيام الجمعه أو السبت لأن سكان جاكرتا كلهم يقضون الويك أند هناك ماراح تحصلين ولا فيلا فاضيه هذا غير الطريق للجبل بياخذ فيك فوق 5 ساعات من الزحمه وإذا لقيتي فيلا فاضيه بأضعاف السعر، بالنسبه لفيلا موبيل تعتبر فيلا خاصه لها حارس ومعاه زوجته وبنته وزوجته أحسن طباخه مرت علي بالجبل، وفيه مجمع فلل ممتاز أسمه شكرو بس مافيه خصوصيه مثل موبيل فيلا، وسعر الفلل بالجبل 500 ألف روبيه باليوم، وأحسن شقق في منطقة أتريوم شقق ألسون alson ومقابلها بالضبط فندق أتريوم + مجمع أتريوم وبصراحه هذا المجمع فيه كل شي تحتاجينه وزيادة وسعر الليلة فيها كان بـ600 ألف روبية شقه من غرفتين فيهم غرفه ماستر مع صاله كبيرة ومطبخ بس السلبيه الوحيده فيهم فطورهم موهذاك الزود بس كموقع فوق الممتاز وبلوبيرد موجود 24 ساعه تحت.

 

[الموالية للآل و الصحب]

شكرا جزيلا أخوي حوللي على هالمعلومات و التنبيهات المهمة و المفيدة

و طبعا كل هالملاحظات و المعلومات راح أسجلها عندي

احنا كان مخططنا إن نرتاح يوم في جاكرتا ثم نروح بونشاك ​

بس الحين نبهتني على سالفة الويك إند لأن احنا وصولنا جاكرتا راح يكون إن شاء الله الخميس و على أساس الجمعة نروح بونشاك بس على جذي احتمال نغير خطتنا

و إذا عندك معلومات عن الاماكن السياحية في سورابايا و مالانج تناسبنا و تناسب العيال و شنو أفضل خطوط طيران من جاكرتا و لأي مدينة راح تكون الرحلة مالانج ولا سورابايا ؟؟!!

و إذا عندك مدن ثانية سياحية ليتك تذكرها بارك الله فيك

و آنه سجلت في منتدى هنا إندونيسيا و قاعدة أتابع هناك و هني

و يزاك الله خير على الفايدة اللي قدمتها لنا ما قصرت​

 

[سعود الظفيري]

في جاكرتــا ..
توجد من مخصصه فقط لفعاليات كما تحبيــن وتريدين ..
وتسمـــى ( انشـــول ) [ وهي الجزء الاهــم في جاكرتا ويجب يجب يجب زيارتها وإليكي فعلياتها منقوله من احد الاخوه وانا زرت بعضها شخصيا .. وتحتاج يومين لتغطيتها .. كلها وهي في مكان واحد تقدرين تقولين كبر منطقة كامله من مناطقنا بالكويت
وفي دنيا فنتازي .. كذلك سامدوريا وراح اضع صور وتقرير عن هالمكــان بموضوعي ..


1) التلفريك .
2) دنيا فنتازي (الملاهي) .
3) أيس وورلد (عالم الثلج) ICE WORLD
4) سي وورلد (عالم البحار ) SEA WORLD
5) الووتر بوم (القرية المائية) .
6) سامدوريا (SAMUDRA) وهي حديقة عروض الحيوانات مقابل عالم البحار تماماً ... فيه عروض لكلاب البحر والقرود والدلفين وسينما البعد الرابع .
7) مطاعم عالميه ومحليه ومن أهم المطاعم هناك "مطعم بندر جاكرتا" للمأكولات البحرية .
8) الشاطئ هناك مرتب بشكل جميل وهناك مرافق جميله ورائعة وهناك جسر من الخشب في وسط البحر يذهب بك إلى بعض المطاعم في الجهة الأخرى .


​

 

[سعود الظفيري]

عندي سؤال
وين العرض اللي حصلتوه مال التذاكر ؟ وبجم حصلتوا سعر التذكره ؟ على طيران الكويتيه ؟
لاني ناوي احجز لي وللاهل بنص السنة ان شالله ..
اذا سعر التذكره كان فعلا يسوى

 

[الموالية للآل و الصحب]

عندي سؤال
وين العرض اللي حصلتوه مال التذاكر ؟ وبجم حصلتوا سعر التذكره ؟ على طيران الكويتيه ؟
لاني ناوي احجز لي وللاهل بنص السنة ان شالله ..
اذا سعر التذكره كان فعلا يسوى

العرض مسويته الكويتية إذا شخص واحد تكون سعر تذكرته ذهاب و إياب بـ170 دينار

أما احنا عايلة فالكبار حسبوها لنا بـ180 دينار و 2 من عيالي تحت 12 سنة بـ 155 دينار

بس أعتقد العرض الآن خلص لأن احنا حجزنا بتاريخ 20 / 9
​

عالعموم اسأل أخوي و شوف يمكن للحين العرض ساري

سبحان الله بعد ما سعر التذكرة وصل 375 دينار بالصيف فهوننا و حولنا على تركيا ،، قدر الله و ما شاء فعل​

​

​

​

​

 

[ابوتمره]

اختي بصحح معلومه للاخ حولي عن شقق السون

ماانصحك فيها ابدا مضروبه حيل والاخ حولي قبل سنتين راح الان مضروبه انا توني جاي وبروح بعد شهرين بالظبط انصحك بدخول منتدى المسافرون العرب او هنا اندنوسيا يعطونك الشقق المفروشه

عموما بقولك عن شقق بتافيا حلوه حيل وفخمه فيها غرفتين وصاله ومطبخ وفيها ايضا ثلااث غرف وصاله كبيره ومطبخ والغرف كل اسرتها كبيره ومزدوجه طبعا بحمامين ااعزكم الله وانصحك ايضا باستون راسونا سعيد
شقق حلوه وقريب منها مولين وسوبر ماركت كبيره قريبه منه تروحون لهاا هي واالمولات مشي وفيها تحتها صيدليه وبقاله صغيره وعباره عن ثلاث غرف غرفه كبيره وغرفتين صغار وصاله صغيره ومطبخ بس مو افخم من بتافيا بس تتميز عن بتافيا ان قريب منها سوبر ماركت كبيره حيل ورخيصه حيل وياليت تروحين منتدى متخصص والله سافرت اندنوسيا ونا ماعرف شي بس استفسرت عن كل شي بمنتدى هنا ااندنوسياا عموما اتمنى لك التوفيق وسفره سعيده وتروحون وتردون بالسلامه وارجع احذرك قبل كل شي من شقق السون

 

[بو خليل]

نعم الاختيار اندونيسياا وتصلح حق عايله وبالاخص بونجاك
بس من ناحيتي اشوف احلى مكان بونجاك طبعا احجزولكم زياره يوم كامل يوديكم رحلات من الساعه 8اهو عند الفيلا لي الساعه ثمان ياخذ يمكن 700 الف روبيه بس مشاوير الرحلات ببونجاك يطول بس عادي تشوفون الطبيعه والخضار اللي تشرح الصدر

 

[الموالية للآل و الصحب]

اختي بصحح معلومه للاخ حولي عن شقق السون

ماانصحك فيها ابدا مضروبه حيل والاخ حولي قبل سنتين راح الان مضروبه انا توني جاي وبروح بعد شهرين بالظبط انصحك بدخول منتدى المسافرون العرب او هنا اندنوسيا يعطونك الشقق المفروشه

عموما بقولك عن شقق بتافيا حلوه حيل وفخمه فيها غرفتين وصاله ومطبخ وفيها ايضا ثلااث غرف وصاله كبيره ومطبخ والغرف كل اسرتها كبيره ومزدوجه طبعا بحمامين ااعزكم الله وانصحك ايضا باستون راسونا سعيد
شقق حلوه وقريب منها مولين وسوبر ماركت كبيره قريبه منه تروحون لهاا هي واالمولات مشي وفيها تحتها صيدليه وبقاله صغيره وعباره عن ثلاث غرف غرفه كبيره وغرفتين صغار وصاله صغيره ومطبخ بس مو افخم من بتافيا بس تتميز عن بتافيا ان قريب منها سوبر ماركت كبيره حيل ورخيصه حيل وياليت تروحين منتدى متخصص والله سافرت اندنوسيا ونا ماعرف شي بس استفسرت عن كل شي بمنتدى هنا ااندنوسياا عموما اتمنى لك التوفيق وسفره سعيده وتروحون وتردون بالسلامه وارجع احذرك قبل كل شي من شقق السون

يزاك الله خير على التنبيهات أخوي ما قصرت​