سؤال وجواب ارخص دكتور تكميم المعدة ؟؟

[LoW_CaRB]

مساء الخير ..


ابي ارخص دكتور او مستشفى يسوي عملية تكميم المعدة ؟؟


مع ذكر الاسعار لمن لديه خلفية عن الموضوع , وايجابيات وسلبيات كل دكتور ؟؟


مع الشكر ..

 

[أنا رايق]

يا بابا لا تدور عن أرخص دور عن أجود دكتووور هاااذي الرووح لا تغامر
على العموم سمعنا إن الأجود وزير الصحة السابق والجراح الدكتور الجار الله وبالتوفيق

 

[سنـين التّيــــهـ..]

نصييييييحه لا تسوي...


اعرف لي بنات تبهذلوا من هالعمليه

الصحه غاليه


​

 

[عــذوب]

بنات تلعوزو من هالعمليه لاتستهينون ومعروفه سالفتهم بالكويت عن نفس الدكتور وبنفس الفتره السبب كان من دكتور التخدير دققو في اختيار دكتور التخدير واسألو عن كمية البنج والله ويوفقك ويقومك بالسلامه .

 

[بنت شهيد بدون]

رفيجتي سوت عند دكتور الله يسامحه قص لها شريان من المعده والبنت تعذبت وقف قلبها وقعدت جم شهرا علاج بالخارج والحين معدتها معدت طفل عمره سنه لاتخاطر نصيحه رجيم ورياضه وبس

 

[شمري كويتي]

الناس تقول

احسن دكتور

اشطر دكتور

اشهر دكتور

اكبر دكتور

اقدم دكتور

امهر دكتور

افضل دكتور

مو ارخص دكتور

وين قاعد اخوي

داش الفرضة الله يهديك

داش سوق الصفاة

تبي تشتري خروف

شسالفة يا الطيب

لهدرجة صحتك رخيصة عندك

لهدرجة حياتك ماتسوى شي

الفلوس مو كل شي

اهم شي الصحة والعافية

والفلوس ماتنفعك اذا راحت الصحة

عموما اذا تبي دكتور شاطر وخبرة

وعلى مستوى عالمي متقدم

عندك الدكتور محمد الجارالله

وزير الصحة السابق

مشهود له بالخبرة والمهارة

وقاعد يدرب اطباء دول العالم

واجابتي احسن اجابة

مو ارخص اجابة

لا افضل اجابة ولله الحمد​

 

[شمري كويتي]

ابعد عن بعض المستشفيات والعيادات في مصر

لان بعض العيادات والمستشفيات هناك تجارية

لانها ودت الناس بداهية

واعرف ناس بعضهم انشل وبعضهم

تعرض لمشاكل صحية خطيرة

مثل قص شرايين واخطاء طبية خطيرة

تحس انه جزار او قصاب مو دكتور​

 

[عبدالله العبدلي2]

ياخوي ياشمري يابعد حيي الرجال يقول ارخص دكتور من اجل المقارنه لا اكثر

 

[شمري كويتي]

ياخوي ياشمري يابعد حيي الرجال يقول ارخص دكتور من اجل المقارنه لا اكثر

شدراك من اجل المقارنة فقط

هو ما قال هذا الكلام

قال ابي ارخص دكتور وبس

ما ذكر اي تفاصيل

هل قريت افكاره

هذا طب وعلاج

مافي مجال للمقارنة بالفلوس

اذا هو حريص على مصلحته

المفروض السؤال يكون بالعكس

من هو اغلى دكتور

بعدين يقعد يقارن على كيفه

اذا هو كويتي وولدنا يهمنا امره​

 

[عزوز الاقرع]

تبي نصيحة اخ و ارخص من دكتور و من خرابيط المستشفيات:
سكر حلجك(بابرة و خيط) يعني امتنع عن الاكل الغير صحي فقط و راح تشوف شلون وزنك ينزل بدون عمليات .

:وردة:

 

[شجون الكويت]

عملية تحزيم المعده في بعض الحالات تسبب انتكاسة صحية لصحابها ..لا أقصد إخافة صاحب الموضوع والله شاهد على ما اقول لكن أعرف حالة ادت إلى وفاة صاحبتها بعد فترة بنت في عمر الزهور .. كانت مسويتها بالصين مو بالكويت ...لأنها أرخص بالصين ... فنصيحة قلبيه لا تحزيم ولا قص ولزق ولا تغيير مسارات ولا لعب بالمعده .. المعده بيت الداء يا اخواني ... وكل شي ضد الطبيعة لابد لابد له اثار جانبيه سيئة ..يعني حتى الريجيم يضر المعده .. توازن في تناول الأطعمه والإبتعاد عن أكل المطاعم والوجبات السريعة ... خط أحمر احذروا الوجبات السريعة .... شكرا لكم

 

[سعود الظفيري]

شدراك من اجل المقارنة فقط

هو ما قال هذا الكلام

قال ابي ارخص دكتور وبس

ما ذكر اي تفاصيل

هل قريت افكاره

هذا طب وعلاج

مافي مجال للمقارنة بالفلوس

اذا هو حريص على مصلحته

المفروض السؤال يكون بالعكس

من هو اغلى دكتور

بعدين يقعد يقارن على كيفه

اذا هو كويتي وولدنا يهمنا امره​

يعني اذا كان دكتور يسوي عملية التكميم بـ 10 الاف ؟ بيكون زين ؟
الرجال سأل عن الاسعار عشان ياخذ نظره عامه للموضوع ويعرف اسعار العمليه ومن ثم ينتقل للخطوه الثانيه واهي افضلهم
يعني لو بتشتري جهاز ماتعرف عنه شي ماراح تسأل وين ارخص مكان يبيعه ؟
وسع صدرك ولا تاخذ كل شي بتعصب
اخوي شمري انت ردودك دايما تهجميه اكثر من ماتكون مفيده وبتخلي الناس حتى تكش منك

فأنصحك تهدي اعصابك قبل الدخول لقسم سؤال وجواب ..
عموما مانبي نطلع من الموضوع

في دكتور ينقاله جارالله ومعروف في هذي العمليه وسعر العمليه اعتقد مابين 3000 و 3200

وكذلك في دكتور عنزي يسويهـا بـ 2000 احد الاصدقاء قالي عنه ولو تحب اتأكد لك واسألك عنه اكثر ابشر ..

وبالحكومه تاخذ موعد للعمليه بعد 8 اشهــر بالضبط بتكفلــه لاتتعــدى [ 900 دينــار ] وهي تكلفة الادوات المستخدمه لعمليتــك ... فأنصحك بالحكومــه افضــل واوفــر .. وسوهـا بمستشفى الفروانيه واسأل عنه للتأكيد ..



وانصحك لوجه الله لو وزنك كان فوق الـ 160 سوها واذا كان تحت هالرقم
في مجال بالرجيم العادي
لاني شفت ثنين من الناس اللي اعرفهم سووها والحين صايرين هياكل عظميه وواحد فيهم كل ما ياكل يرجع الاكل اذا اكل اكثر من القدر المتاح له ..
وانت وكيفك
والسموحـه​