سؤال وجواب يا اخوان عندي مشكله في طابور الصباح

[تشالنجر]

السلام عليكم


اخواني انا قبل دوامي قبل طابور الصباح حق المدارس وكنت انام عدل اما الحين دوامي الضهر و اكون نايم الصبح بس المشكله اذا جا حزت طابور المدارس يزعجوني ماقدر انام وانا على هذي الحاله يعني بيتي حوالينه مدارس ماقدر انام وانا نوعيتي اذا قعدت خلاص ماقدر انام

اخواني طالبكم ابي حل؟

 

[مسك الورد]

اشتر من الصيدلية سدادات الاذون يقولون تنفع تخفف الإزعاج
عاد مشكلة جذي أطير النومة الله يعينك

 

[salemuse1000]

ياخوك عليك بالشتر حق الدرايش وبعدها حط درايش دبل خاصه لعزل الصوت جذي راح تنام وانت مرتاح

 

[-aaa-]

وياليت مره وحده تشوفون لنا حل للنوم الخفيف
نبي شي يثقل النوم

 

[مواطن طبيعي]

في حلين


أما انك تبيع البيت وتشتري بيت بعيد عن المدارس


او انك ترجع لدوامك القديم

 

[ســـــاحـــــر]

شغل التكييف بس هواء بدون تبريد

 

[بن ذى يزن]

ركب شتر
ومانع غبار
والله يعينك

 

[مربي أجيال]

طابور الصباح بها البرد والله مجرمين

 

[إسبآنيول]

ركب عازل صوت لو يصير انفجار برا ما تدري عنه

​

 

[كارل ماركس]

ركب عازل صوت لو يصير انفجار برا ما تدري عنه

​

تقدر تفيدني وين الاقيه وسعره.. وشكرا

 

[rightword]

الله يعينك هذي شكوه منزعج وانت تحت الحافك
واللي قاطينها حصص اولي وملزومه توقف بالطابور
اتنبأ والعياذ بالله زهايمر مبكر 
نام نام وفكر بلي واقف بالطابور بيجيك نوم علي طول

 

[ناشد الود]

بخصوص قوانين قسم السؤال والجواب :

1) عدم السماح بالأسئلة التي لاتحمل مضموناً مفيداً